金潮小廚

營業中

休息中

女友身體不適，新都會的店舖大多沒有粥提供，於是便想到這裏來到有好幾枱人等緊，搭枱可以即入，唔搭枱就要等四十五分鐘，那只好搭枱啦，上到樓上見到係一張大檯坐左3組人，我地兩個只能坐到最角落個位，檯同檯之間好窄，出入都好唔方便，但o黎得呢啲小菜館都預左架啦點左招牌黃金蝦、一個薑葱魚腩煲、一個花膠雞肉粥。黃金蝦空口食的話也幾咸，如果送飯就啱啱好，味道也幾好，但未至於話好好味。魚腩煲一上枱時熱到出晒煙，香氣四溢，而且幾多魚腩，好似成條魚上咁食極都唔完，而這個最入味也最好吃。水友的粥只試左少少，粥身都多米唔算好稀，但d雞就老左d肉身好硬，花膠就無食到，但見到都有四、五舊大大舊的，$40算是合理。食物方面我倆也很滿意，唯環境方面真係幾嘈下，當晚有一枱人慶祝生日，成個上層都係佢地把聲，唔單只我同女友想傾句計都難，仲嘈到己經唔舒服的女友頭都痛埋。如果一大把人的話，我會覺得這裏便、靚、正，但如果想靜靜地傾計食飯的話，這裏不會是個好地方。

金潮剛剛開業時，通常不用排隊都會有位，服務亦不錯。而食物方面”夠鑊氣”，有酒樓級的水準。不過自從幫襯的人越來越多，7-8點時要等成粒鐘才有位。怕怕．．．就沒有再去幫襯。今天放工夜咗，男友亦特地等我一起食晚飯，就試下去金潮睇睇有無位，幸好我們不用等就有位啦！一坐下，阿姐照常問飲咩茶，亦照常地唔記得我哋飲咩茶，結果要追2-3次才送到。我們很快叫了兩個餸、一支Cream Soda及一碗白飯。豉椒炒蟶子：好鹹、好油、好重味精；完全遮蓋蟶子應有的鮮味。食完，會好口渴。乾蔥豆豉滑雞煲：好鹹、好油、好重味精；雞不算太滑，食完D雞，餘下的乾蔥比油浸住；延變成另一味餸：油浸乾蔥。食完，仲口渴。老實講，地方真係超屈質；樓上的大圓桌下有很多貨物，令腳仔要屈住不能伸展，男友仲見到有兩大包片糖沒有包妥，搭響紙箱上面。總括來講：食物的質素及服務的態度下降咗，食物的份量亦少咗。

昨晚跟4個朋友來了這裏食飯,很久也沒有來過,因有個朋友好想食黃金蝦,所以我們再來這裏.訂了7點,還不算很多人,坐了一回後,越來越多人,朋友說因這裏越來越多人等位,所以只可以食個半鐘左右.我們叫了黃金蝦,胡椒蛽湯,生抄排骨,生抄聖子,沙拉骨,魚皮,蒜蓉抄西蘭花,四個白飯.黃金蝦真的很好味,一d都唔油,好似食極都唔夠咁,胡椒蛽湯都有好多蛽及很多黑椒,真材實料,魚皮,我本身是唔食的,但朋友說很好味,好爽好似牛栢葉咁,所以試下,魚皮加辣椒鼓油食,真的很爽,唔係我想像中好淋那樣.生抄聖子就不是很有味道,沙拉骨太大件及很油,只可食一至兩件.整體來說水準是很好的.

基本上，我係一個街坊，好耐之前都有幫襯過佢一排，但只係因為服務同埋食物越來越差，所以我家人已經blacklist左佢地。服務差：1. 街坊都係咁話，次次去親食食0下都會叫我地搬位，一兩次就話姐，次次都係咁，街坊都冇面俾啦﹗我地都有俾錢，我地都係客人lor﹗PS：地方超屈質，經常搭檯。2. 插隊：明明有一次排到我地，見到一班同佢地d職員(家人)熟既朋友，就可以插隊入座，然後就迫我地四個人搭一張勁細勁窄檯，我唔肯坐，最後又要再等﹗熟人都唔係咁明目張膽插隊lor，公平d好﹗3. 埋單冇反應：張單放在cashier面前，都可以冇反應，繼續傾計，佢既態度俾人既感覺就係擺明「賺夠」咁，真係好過份﹗食物質素差：以前我同我男友黎食都真係ok，在葵芳都算你數一數二，但係近來去食，例如牛仔煲，d牛肉係「UN」lor，唉~~~~完全冇誠意~~~~

日期：2008年1月18日Tigger帶Pooh去一間食店，神神秘秘，又話好多明星黎食過，飲食男友有介紹過．大約7點鐘去到，等一陣就有位，同人塔枱，地方有ｄ迫，變得好焗咁．雖然係咁，亦都有好多人黎食架，有兩層．１．黃金蝦$35：唔係太多鹹蛋係面，變相就無咁漏，好味哩．２．花膠蠔豉粥$58：未食已經嗅到香味，果然色香味俱全．３．蒜茸油麥菜$32：清清地，幾好．４．5隻豉汁蒸帶子$50：好鮮甜．（原本想叫兩隻，但係最低消費係五隻）

雜誌總愛玩玩花臣大字Bold賞gimmick新事物，早排潮興「分子美食學」，熱潮冷卻後，人龍店也是個可塑性幾高的元素，起碼一些「天然條件」下產生的街坊小炒，總有些吸引處。拉隊來了這裡，痞街邊吃著冷風開了個極速地痞會議，等了大半小時終於有位，被安排留上的大檯，跟著龍尾的還有幾檯10人以上的街坊客。海鮮小炒、煲仔菜、砂鍋粥、臘味飯要乜有乜，全天候小炒格局，阿姐未埋位已吩咐成員自選一味，黃金蝦、蝦米雜菜煲、油鹽水煮蜆、沙拉骨，當然唔少得魚膘，詢眾要求下要了魚膘．蜆粥，報告完畢。幾位靚姐服務慇勤亦無唔憂做的心態，叫了她們轉檯，擾攘一番後終換到獨立4人檯，算係咁。幾味小炒近乎即叫即上，效率奇高，不修篇幅的沙拉骨，大件得要用刀叉切開，翻炸過的下了酸甜又帶芥末味的醬汁，色水奇假，落在醃得夠味的肋肉上出奇的開胃，肉亦夠自然彈性，送飯一流。聞著隔離煲香（o者o者雞煲），後悔無叫，再來黃金蝦，雪蝦霉腍的，勝在鹹蛋黃推得夠薄夠鹹香，不太油亦不會雲雲吞吞，熱辣辣的吃著，超額完成了3件。油鹽水煮蜆也出奇的好，只收$40，濃海鮮湯底下了些麻油，一大盤蜆加粉絲，價廉物味之作。至於雜菜煲，菜芯、白菜、芥蘭煮得軟腍，濃

本來都開開心心~~話說上星期阿媽生日,所以去左食金潮,之前都知道會好多人,所以阿爸等佢一開門就去book位點知......book左之後都仲要等整半個幾鐘....呢就叫reserve呀......未食已經興興地..點知佢俾左張6人我地,我地8 個人喎...坐到好迫......張仲要差不多係門口.....我地要求換....但係佢地就俾佢之後人.....佢地walk in咋喎...係咪應該俾我地先呢??好似幾重味精,食完之後好口渴....無下次..

　　嚟呢度食咗五、六次，今次終於唔要食開的黃金蝦，轉咗豉油皇干煎蝦，肉質水準一如以往夠新鮮及鮮甜，個豉油皇芡其實可以再收得乾身D，但味道唔錯有層次，所以都收貨．當然吃呢味菜係要連殼食先夠滋味，相比起黃金蝦可能個咸蛋芡過濕，蝦又泡油泡得唔夠乾身，通常都係較"摻"口，是晚對家兩批人也見拆咗唔少蝦殼出嚟．　　胡椒大蜆煲係近呢兩次有點之菜式，上次食過番尋味，但今次是略為失色，沒有中芹踪影，雖湯底仍有夠香之黑胡椒味(頗重手夠辣)，但味相對較寡，整體上次由蜆以至湯頭都十分出色，今次是有些失望．　　另點了西蘭花班片，魚肉沒有散開之閉病，沒有大問題．　　菠蘿咕嚕肉，小菜館來說以是可接受的程度，絕不能與港大校友會之質素相比．　　整體來說是間有誠意之小菜館．

金潮年多前係葵芳開業，覺得好奇怪點解日日都爆晒棚，門口仲大排長龍，見到店內貼滿同明星嘅合照，於是走去試，果然所有小菜款式都好夠鑊氣，往後都有繼續幫襯，佢地生意俞來俞好，枱與枱就俞來俞貼，迫到坐得唔舒服。自從附近開咗開新大眾之後，就無再幫襯金潮，因為新大眾嘅小菜同樣咁夠鑊氣，但係唔會坐到迫迫夾。

豉椒炒蟶子必試! 煮熟得來保留鮮味而且份量好多唔會一大堆殼無肉好鮮好有咬勁回味無窮ar! 咕嚕肉都估唔到咁正好有鑊氣!

在加拿大的婆婆的病愈來愈嚴重了，媽媽要趕過去看她。今晚特地約同未來老公，和媽媽及弟弟吃一頓飯。媽媽選了一直想試的金潮小館，也吃得開心的。不過那朕濃烈的味精味道，教我口臭了一晚也不散。我們吃了﹕1. 爽脆鯇魚皮(5分) - 這是我一向也很喜歡的一味小食，真的是金潮主打!!魚皮大塊、爽、鮮! 醮辣豉油、加上蔥花同吃，沒話說。不過又加價了，要$30大洋一碟。2. 薑蔥焗美國桶蠔(4分) - 很大隻的蠔!! 一個飯碗只可盛一隻!! 一鍋有六大隻，薑蔥永遠是絕配..... yummy!! ($108)3. 蝦醬薑絲炒通菜(3分) - 很惹味、味道很濃，其實應該是好吃的。但我嫌菜蔬應清淡一點，有些菜的鮮味較合適，所以...3分。($30)4. 乾蔥豆豉滑雞煲(3分) - 另一惹味小菜，雞也很滑嫩(金潮就有本事做什麼雞也滑!)，不過.... 很油很油很油，汁又不夠，所以乾蔥就不好吃了。5. 蒜椒蒸魚雲(4分) - 魚雲是真的一碟也是魚雲，不是那些騙人菜館只一味蒸骨。整晚味道算最淡的一道菜了(蒜蓉+ 辣椒.... 竟然是最淡口了!!!)，送飯吃，好味!!媽媽很滿意，不過吃完就很口渴，也知道味精是很重的

平日佢好早已排滿人龍! O個日襯打八號風球, 同老公見冇人排, 咁佢就話不如試O下, 睇O下平日點解咁多人幫襯! 見牆上貼了些報紙之類的單張, 於是叫了:-魚皮- OK ! 脆+唔腥( 有麻油味! )豬肝蠔士粥- 我唔太喜歡D豬肝, 唔係黃沙個隻!呀姐介紹話有新鮮生蠔($128.- 唔平, 得五隻, 都叫大隻!) 我地話用砵酒煮( 新鮮用黎炸好似浪費咗 ! )點知極失望! 佢用咗D粉漿去炸完再用薑葱同砵酒煮! 淋"PAT PAT " 又唔香! : ( 叫做試過呢到! .....

今次係第二次黎食,特登早d黎,寧願食完先行街,唔駛o係門口排餐死~六點兩個字到,兩位,要坐樓上,好彩未有人,有兩張二人枱~六點半左右就好多人喇,一張大枱三家人坐,我仲俾後面人地張椅撞左下添~我地叫左:黃金蝦--好薄嘅鹹蛋黃包住d蝦,乾身,唔油,不過我地就覺得比較淡~ (上次o係九龍塘又一城o個間xx花食就好夠味,但比較油)京都骨--好大件,略肥,d汁唔夠味西蘭花斑球-- 西蘭花爽口,斑球少少鯹特登叫個白飯黎送餸,點知d餸唔係好鹹,我諗佢地都係為大家健康著想呀~本來想叫炒蜆,不過貝殼類都係少食為妙~下次會試下個黃金雞塊,睇下係咪真係好味道d~p.s. 唔知點解佢地無用枱布架? 而張2人枱枱面係'木',我嘅意思係佢張枱無面個塊膠板,咁d污漕野咪食哂落張'木'枱面,而好多時我地隻手係會"掂倒"張'木'枱面,咁咪......

間鋪頭又屈質，又迫夾，坐得又唔舒服。但係點解都未夠六點三就已經要等位？因為ｄ野食大件夾抵食：個牛仔骨煲，件件都成隻手掌咁大塊；因為ｄ野食落足料：個蒜蓉粉絲蒸象拔蚌，剩係ｄ蒜蓉粉絲都夠送飯；因為款式夠多：剩係倉魚都有四、五種食法；最主要都係因為好食。

逛完葵涌廣場和新都會, 特地來這試一試這知名的街坊小店. 店其實也不小, 足有兩層樓高. 因是臨時訂枱, 其間也足等了一小時(當然這段時間是回去逛商場...)人不多, 點了魚皮和蝦醬豬頸肉. 魚皮, 平常吃的大部份是炸的, 這裏的, 是煮的. 口感非常好, 異常爽口. 5分.豬頸肉嘛, 則比較差. 吃下去像肥豬肉. 2分. 喜歡吃豬頸肉的朋友, 可以試試金不換, 試過銅鑼灣那家, 非常不錯.店的地板非常滑, 老人家務必注意.