金潮小廚

營業中

休息中

噚晚打算去友人推介的金潮小廚晚飯, 訂了七點半, 但等到八點鐘還未安排入座, 店員還把原先安排給我們的座位給了另一group 食客, 推說會再安排一張位於二樓, 較闊較舒適的大枱給我們。我們於是走上二樓看個究竟, 發現二樓的"大枱" 根本容不下九個人, 店員於是安排我們等候另一張剛剛上菜的大枱 (保守估計要等一個小時), 店員還佯裝以為我們訂了八點鐘, 相當離譜!!! 最後, 當然是拉大隊走人。

前晚去過呢度食, 的確係正!!! 避風塘炒蟹只係$88, 仲有兩隻! 正! 德國咸豬手煲, 隻豬手肥o左少少, 不過都好正! 南乳炸雞件! 正! 椒絲腐乳通菜, 普通啦, 冇乜特別... $10 三枝汽水, 叫o左六枝埋單$21x, 抵!!!

舊同事生日，幾個老友請佢食飯慶祝，祝佢生日快樂，青春常註。揀金潮既原因主要係就近主角屋企，而金潮的確又係幾好食。七點鐘已經人齊，其實亦只係四個人。由其中一位發板專家去負責點菜。她今次點了蒸扇貝、炒蟶子、啫啫雞煲和椒鹽白飯魚，仲有白飯和啤酒，我今次都破例啤一啤佢。衝頭的是蒸扇貝，有些少粉絲蒲面，賣相幾得。食落亦好鮮甜，我幾鐘意。接住上既係炒蟶子，佢唔夠小菜王和增輝般肥美，但味道都好好，個汁送飯唔錯。一陣間，我們就已經食晒ｄ扇貝同蟶子。椒鹽白飯魚夠晒脆口，好食得來又好重牛油味，送啤酒勁正！不過就"漏" 左d。守尾既啫啫雞煲就較削，只得好少雞，同埋骨多過肉，幸好炆得幾入味，用醬汁撈飯都可以。是晚我都破例飲了很多啤酒，飲到面紅耳熱，不過就認真開心。

星期六晚同五個壯男一齊去食, 六個人叫左南乳炸雞x2, 黑胡椒煮蜆x2, 淨豬腰潤, 避風塘炒蟹, 鹹魚蓉炒芥蘭, 黃金蝦, 砵酒焗魚雲, 蝦醬骨, 魚皮. 啤酒估計約15-20支南乳炸雞: 鹹鹹香香, 又夠脆口, 送酒一流黑胡椒煮蜆: 我覺得好味過油鹽水煮蜆, 因為辣辣地, 個湯應該加左奶去煮, 連個湯都可以飲埋淨豬腰潤: 豬潤夠沙又爽, 豬腰就只係ok砵酒焗魚雲: 魚雲炸過先炆, 食落仲有少少脆口, 但鹹左少少, 但好好送飯鹹魚蓉炒芥蘭: 好多鹹魚蓉, 食落覺得好鹹避風塘炒蟹: 足有兩隻蟹, 不過蟹無膏, 但炸到好脆, 肉算係甜, 以$88呢個價錢我覺得抵食蝦醬骨: 我因為太飽無食到, 朋友話好夠味, 但可惜有幾舊炸得唔夠熟黃金蝦: 今次蝦炸得無咁乾身, 食到蝦味今次我地七點九去到, 都要等到八點半先有位, 地方實在太細, 但六個人食咁多送加埋咁多啤酒, 埋單都係七百幾蚊, 我地個個都覺得抵食.

本身係潮人，亦因此店相當近屋企。所以食過兩次，價錢係唔貴，但唔明點解晚晚咁多人排隊，好多一家大細黎呢度，門口企到行唔倒人咁滯。其實味道係麻麻，亦唔係完全潮式菜，可能附近無咩類似選擇啦。

琴日兩個人約九點去到, 都唔洗點等位, 但要搭台, 坐樓上, 地方還算乾淨. 兩個人叫左魚皮, 黃金蝦, 油鹽水蜆同埋金銀蛋覓菜.魚皮: 算爽脆, 但略為硬身左丁丁黃金蝦: 真係好香口, 炸到好脆, 連縠都可以食埋, 但唔係好食到蝦味, 同埋肉都炸到有少少乾身左油鹽水蜆: 幾香胡椒味, 蜆無乜沙, 唔錯架金銀蛋覓菜: 無乜特別埋單都係百六蚊到, 我見好多人叫個砵酒焗魚雲, 同埋見到個避風塘炒蟹都好似好正咁我已經約左朋友星期六晚再食過, 希望試埋其他野其實呢到唔算話非常好味, 但呢個價錢, 我覺得價囉

男朋友話呢間食過好多次有水準, 今次帶我來。叫左沙爹粉絲牛肉保, 好有鑊氣, 不過牛肉太多梳打用左之故, 林得來冇味! 粉絲又碎濕濕咁...不過味道好濃。仲有豉椒炒聖子, 賣相幾好, 因為大大隻同埋份量多, 聖子幾滑但係味道有d腥, 最慘係一d都食唔出有豉椒味, 唔辣又唔香口。最好味係果兩個"靚仔", 唔係一般的"一pat pat"飯, 有咬口兼粒粒分明!會再去! 因為見到隔離的"炸雞件", 黃金蝦"都似係好好味! 另外服務好, 又乾淨, 價錢好超值!!

地點很容易找, 門口有點不起眼, 不過總算乾乾淨淨, 四處貼著大大小小的雜誌報導, 我們左看右挑, 好不容易才點了招牌菜\"炸黃金蝦\"，\"南乳炸雞件\" 和\"o者o者時菜豬頸肉\"...\"南乳炸雞件\", 雞件大大塊, 炸得很香很脆, 熱呼呼的, 再配上南乳很好吃!!!\"o者o者時菜豬頸肉\", 別看它好像平平無奇的, 味道出奇的好~ \"炸黃金蝦\", 連平常不吃蝦的我也吃個不停!!! 去頭的鮮蝦連殼一起炸熟, 入口香脆得不得了, 我連蝦殼都吃了!!!!!! 有芝士的味道, 也有蒜頭的味道, 還有很多香料!!!!!!!!!! 最愛這個了!!!!!!!!!走的時候看到每一桌客人都會點\"炸黃金蝦\"和\"南乳炸雞\", 真的很受歡迎呢!!!!! 每道菜也不過是$40-$50, 價錢也很相宜, 有興趣的朋友可以去試試看~

星期五唔知去邊食好, 但想起友人介紹過這間小炒好食, 所以冒名而來。可能我哋一行四人七点前去所以無咩人呀, 可以好舒服咁食餐\靚飯。(但走時已經人山人海了!)1. 魚片莞茜皮蛋湯: 奶白色湯底, 湯甜,有豆腐, 好滑。2. 豉汁炒聖子: 聖子好滑好新鮮, 但略嫌味道不夠濃, 但其他朋友仔就話都好呀清d食到聖子的甜味同鮮味, 咁我又同意。3. 秘製沙拉骨: 好好味呀, 肉質鮮脆呀, 因為鮮炸後加入千島醬, 酸酸甜甜, 好開胃。4. 啫啫雞煲: 朋友介紹我要叫這味菜, 我本先會覺得普通嘢啫, 未必一定叫, 因為在点菜其間, 見到菜牌的黃金蝦、薑蔥蠔、酥炸田雞腿等,己經好吸引, 接著見到現成整好的椒鹽鮮尤, 炸得好似好靚及香味樸鼻, 令我對叫啫啫雞煲的信念有所動搖。其後其他朋友仔堅決理念, 叫咗啫啫雞煲, 食完之後我無後悔呀! 我從來都無食過咁滑的雞煲,好野味, 有豬潤同洋蔥陪襯, 雞好食, 但身為綠葉的豬潤同洋蔥亦不得不讚頂瓜爪, 点解咁熱的煲, 豬潤不但不會乾, 而是好滑同嫩口, 我確定豬潤係全熟的。但平時自己買回來無論焯或煮, 要煮得熟一平乾同\"孩\"口。當然有其他餐\廳可以

以前冇咁多人幫趁，食過佢D煲仔粥，都係一般，味道略鹹，食完仲好口喝。自從登過雜誌後，每晚都座無虛席，排隊等位的人不斷。眼見晚晚都咁多人，莫非d水準好o左，還是傳媒效應？星期六打風個晚就決定再去試下，因為太多人的關係，要同人搭台。我o地兩個人又唔肚餓，只叫了咕嚕肉同咸魚茸炒白菜仔，兩款小菜完全冇鑊氣可言。咕嚕肉真係好難食，不單止唔脆，仲係諗，而且D肉仲有陣油”益”味，我竟然食淨。碟白菜都叫做ok，傳媒效應真係犀利。如果我揀我會去番隔離個間燒味舖，個D小菜炒得仲好食，仲夠鑊氣。

每次到此店前，必先訂位。第一次的經驗實在太難忘，足足等了45分鐘。太太都黑起面來。幸好食物水準可以補鑊。最欣賞和必食之選是黑椒蜆煲, 灼魚皮和黃金蝦。第一蜆煲夠辣，湯又甜。黃金蝦夠惹味，炒得很香脆，結果連殼吞。魚皮是太太至愛，清甜又脆。可惜，地方太太太太太太細。還要撘枱。有點麻煩，因為枱太細，餸菜都放不下。

好奈之前睇過飲食男女講e間. 今日試左-黃金蝦: 無殼會好食好多, 炸得幾好, 唔油. 但係d蝦唔算好新鮮-花膠雞粥: 好正, 好綿. d花膠較爽, 唔算靚貨. d雞真係好滑-豉椒蜆: 無沙, 好入味同好有風味.-炒菜: 好食, 連我朋友唔鍾意食菜都掃哂.服務好好, 始終自己生意.唔算貴, d位迫d 不過都ok. 會再去

一個人食晏游下游下黎左葵芳，就試下呢間想試左好耐既小館。叫左個腰膶粥，粥底算綿但無米香，而且亦較淡，不過黃沙膶夠脆口同香，豬腰只係平平無奇。食完後收到電話朋友要多一個鐘先到，咁不如order多個南乳炸雞件黎送啤酒啦。雞件炸得夠香口，而且相當惹味，一啖雞一啖啤酒，寫意極。

4 個人, 分別叫了:魚腩煲--好好味呀, 我食了許多, 真係啖啖魚肉, 連我家姐阿媽都話下次要再食過沙爹粉絲牛肉煲--細佬話d牛肉爽, 粉絲比較碎, 同出面比較, 都係一般有胡椒的硯煲--個湯底原來飲得的, 有黑椒的味道, 幾好味(雖然係有小小小小腥, 份量亦唔少, 但講真呢味唔可以用來飽肚)蝦醬炒通菜--一致認為不是太好, 冇蝦醬味, 又"鞋", 剩餘大半碟楊州炒飯--幾好, 都係咁lor另加$10三枝汽水, total 埋單$178, 冇收加一下次再去的話, 會試炒蟹, 黃金蝦, 南乳雞件值得一提係服務方面幾好, 伙記笑容滿面, 做事勤快同埋那裏幾旺, 我們大約7點到達, ?籌等了約15分鐘, 食完仲有好多人等

1. 黃金蝦: 味道其實都OK，但蝦肉不是勁爽，有些"淋"，但又不至於不新鮮。另外，正如另一位食家所講，剝殼方面真的幾麻煩，如果用再大一些的蝦，可能會易些。「稻香」的黃金蝦就沒有這方面的問題，蝦殼很易剝（而且更好味!）。2. 沙爹粉絲牛肉煲: 味道相當濃郁，但牛肉很"淋"，可能是"哪"過。3. 花膠蠓豉煲仔粥: 上檯時粥仍然是滾的，粥的棉度適中，味道不錯，不太咸。而花膠則已"淋"透。此店平日晚上都有很多人等位，另見有不少熟客。座位方面，幾迫。由於是family business，店員(即老闆及其家人)都很落力，不錯。