金潮小廚

營業中

休息中

1. 黃金蝦: 味道其實都OK，但蝦肉不是勁爽，有些"淋"，但又不至於不新鮮。另外，正如另一位食家所講，剝殼方面真的幾麻煩，如果用再大一些的蝦，可能會易些。「稻香」的黃金蝦就沒有這方面的問題，蝦殼很易剝（而且更好味!）。2. 沙爹粉絲牛肉煲: 味道相當濃郁，但牛肉很"淋"，可能是"哪"過。3. 花膠蠓豉煲仔粥: 上檯時粥仍然是滾的，粥的棉度適中，味道不錯，不太咸。而花膠則已"淋"透。此店平日晚上都有很多人等位，另見有不少熟客。座位方面，幾迫。由於是family business，店員(即老闆及其家人)都很落力，不錯。

叫左一個黃金蝦D蝦好細隻，似普通炸蝦咁，無咩咸蛋香但價錢50元都OK既另一個蜆煲D蜆夠大隻又多唔錯個沙拉骨好好味D 肉帶肥幾好再加個蟹粥埋單都是140元十分超值

成日覺得跟飲食男女去試食都係失望而回, 今次可算相反, 去之前就知釣腳唔近地鐵... 入到去都還好, 招乎很熱情, 2個人都唔知點咩好, 就聽伙記介紹了炸蝦和浸蜆, 花gau蠔士粥, 本來個伙記極力推介鮮魚皮, 但我真係無呢個勇氣去試...價錢唔貴, 碟頭都算大, 我們2人都覺得這3味加支啤酒已吃得很飽了, 個浸蜆我覺得最美味, 夠辣口, 連湯都飲埋=P , bf 就話個粥好吃, 下次有機會順路再黎試其他粥, 因為真係唔多就腳....

2月26日這個星期六沒有舞林大會,於是乎連街也不上,無聊地呆在家中,晚上就和母親到葵芳晚膳,呢間小菜館在記憶中是開了也有一段日子,但每次也是過門而不入,今次我就提議試試,娘親道:橫豎也想不到吃什麼,一試無妨!約八時來到,遲一主步也沒有位,因為地方細,所以都幾迫下,不過無所謂啦,都迫慣架啦!嘻!要了三道菜,牛仔骨:炸過的牛仔骨,僅僅熟,沒有過火的跡象,因此很易咬開,好嫩滑,亦都好入味,正!黃金蝦:蘸滿鹹蛋黃的蝦,鹹香非常,以致淨係處理外層都夠忙碌喇,惜選用的蝦過度細隻,如果選用較大的蝦,我不介意份量少一點,價格貴一點的,如能改善此點,呢味出品絕對是佐飯佳品!最後來的是豬頸肉煲,本來呢款豬頸肉好滑,而芥蘭都好爽口,水準不錯的,不過最大弊病係過鹹,鹹到差點不能入口,有飯有茶來送,也不能令鹹味輕一點,食到一半,頂唔順,無再食喇!我認為這裡出品都唔錯,不過是晚菜式,整體來說是過鹹,呢方面一定要改善呢!笑面係比牛仔骨既!