醉胡爐 (已搬遷) 新店位置

一早book左位，但之後發現原來呢間餐廳做緊團購，開頭都有d擔心，因為做團購好多都伏。對比過團購餐同正價餐差唔多，2人餐價錢係$688 同$588既分別！咁當然食團購餐啦！去到店員都好有禮貌招呼我地，感覺都幾fine dining。餐廳環境一流，靜靜地，又有feel!坐低原來$688既2人餐已加價至$888 （8月頭見openrice 食客post仲係$688），好彩用團購餐！食物開頭都上得好快。前菜1人1set -帶子裙邊同芥辣八爪魚刺身。新鮮好味慢煮半熟吞拿魚-味道幾特別，入面有切粒蕃茄。一般般。八爪魚刺身沙律-沙律菜非常新鮮櫻花生蠔-味道清甜唔腥雜錦刺身-款式好多，又係好新鮮，肥美好味黑豚腩肉串燒-好似煙肉味，肥肥地但又唔漏，燒得幾香！水治豬架串燒-有少少老，但味道ok黑松露湯-好飲！好重黑松露味，我鍾意和牛-叫左5成，好juicy肥美配菜薯蓉都絕不馬虎，抵讚！雜錦刺身飯-細奶碗但好足料！又係新鮮取勝甜品我地揀左水信玄餅-好好味！一定要試！最後有綠菜消消濟-有少少麥味既綠茶！餐廳食物有水準，環境都好好！團購價堅抵食！不過食物要追幾次先有，餐廳人手不足，店員雖然好有禮貌，但無咩fo

柯士甸道呢一帶除咗韓國菜有名之外，都不乏高質嘅日本fusion菜，呢間裝修行暗黑型格嘅醉胡爐，都係值得品嚐。首先有刺身拼盤，赤魚色嘅吞拿魚本身都已經鮮味十足，旁邊嘅極上吞拿魚油油脂更盛，香味更濃，可謂吞拿魚之中嘅皇者。而赤貝爽甜，活蝦刺身又比平常嘅甜蝦為大、加上彈牙潔白嘅魷魚刺身，係非常滿足嘅刺身拼盤。接著有少少東南亞風味嘅馬刀貝，加上香草、適量辣椒去烹調，味道非常過癮。加上隻隻馬刀貝無雜質，而且又夠飽滿，都好抵食。呢個火焰宮崎A5和牛夠晒邪惡，先係特製牛油點上火，將牛油香味平均鋪滿和牛上，增加香味。而和牛選材嫩口無比，絕對有入口即溶之感，5成熟嘅煮法啱啱好，啱晒大家嘅胃口。而整版海膽意大利飯亦令大家非常期待，意大利飯本身都吸收左精華，加上香茹等烹調，已經係入味飽滿。喺呢個之上仲加左成板嘅海膽，鮮味超級濃郁，平均混在海膽之中，實在最佳享受。

同朋友食咗好食嘅嘢，癮起要打翻食評。留意到門面已經覺得地方應該都幾大幾舒服，入到去都覺得地方好寬敞，樓底高，絕對係放低朝早忙到爆嘅心情Menu嘅嘢食主要有呢啲刺身每款都有兩塊(2人份)，每樣嘢都相當有鮮味，我對蝦要求都少少高，一定要食到肥美同鮮甜感覺，佢係俾到我另外覺得難忘嘅係Otoro，食到油脂連同魚鮮味，係好大嘅享受，質地都好Soft串燒燒嘅程度捉得好好，無論鱔定豚肉，一食已經食到佢本身有嘅鮮味，尤其黑豚肋肉，肉汁同本身嘅油脂濃郁到唔想即時食其他野住嚟到主食，我估唔到佢Menu嘅火焰A5和牛真係會有得視覺上都享受到，即場點火燒牛油，再幫我地平均搽係和牛上，第一時間食和牛，又係鮮味十足，肉質鮮嫩，佢配上嘅醬汁都非常恰到好處，唔會過龍蓋過牛肉味；配菜、薯蓉絕對唔馬虎，排得好靚，薯蓉好香同好creamy我最期待嘅海膽意大利飯，意大利飯最緊要唔可以太過冧/生/唔入味，佢做得好好，我第一次將佢成版撈埋食，口感絕對有三重感受又有海膽又有意大利飯仲有香菇嘅味道。個人覺得最緊要唔好撈得太多下，令自己每食一啖飯都有一淡淡的海膽感覺到馬刀貝用清酒煮，馬刀貝勁有鮮味再配搭買清酒其實已經好好味，佢加左一啲

聽到同事介紹，HKTV MALL 有售這間餐廳的四人套餐，說很抵食，而且味道又好剛好又有位朋友生日，可以有借口約埋四個一齊去"刷"返餐可能是星期一，所以餐廳唔Full, 昨日訂今日都有位。餐廳位於柯士甸道近POLYU 一段，雞公咁大個招牌，一眼就睇到。我們選了HKTV MALL 這個套餐，真係好抵食，4人餐連加一大約HK$1200仲有生蠔同和牛前菜有這個"芥辣八爪魚"、"蟹子粒粒"我覺得個蟹子粒粒好好味這個都係前菜"吞拿魚沙沙"就一般啦這個"日本櫻花蠔都"好鮮甜、juicy"黑松露野菌沙律" 都好味呀季節刺身盛合(這是二人的份量)都尚算新鮮"燒島兒島黑豚助肉"好好味呀，好Juicy"喜馬拉亞山鹽燒黑豚煙肉"都好味，不過肥佐D主角"A5和牛"，好味，有少少唔夠喉side dish 的薯蓉都好味，好滑，好香牛油味到佐"日本活人竹手一水治黑豚"好味唔鞋，夠Juicy，但已經好飽啦！！最後仲有碗迷李"魚生飯"飯的醋味很夠，但我覺得魚生有點"胜"甜品是Tiramisu味道唔太甜，很香很滑，為這餐來個完美總結

甫踏入 醉胡爐，便會留意到頭頂上巨形的白色波波燈，在昏暗的餐廳內亮亮地點著，給人優雅的感覺。餐廳設計簡單盡顯現代美，以小屏風相隔每枱，私穩度高，適合朋友或工作上的傾談。先以幾串串燒作為前菜小食，分別叫了白鱔、牛舌心和黑豚腩肉～全部都燒得恰到好處，其中牛舌的味道令我驚喜，吃落軟得有入口即融的感覺，惟黑豚腩肉較多肥肉。三文魚他他的味道完全不腥！混入了不同調味如黑椒胡椒等味道剛好不會太鹹，送一口玄米餅更是清清的，盡顯三文魚的滋味～這個酥皮卷外表精緻，以玫瑰花的造型示人，內裡是較少見的組合 — 蟹肉和黑松露，味道出奇地夾，淡香的松露味充斥在蟹肉中。乳豬的肥肉不算很厚，燒得金黄色的，皮脆且內裡的肉質鬆軟，但就有點油膩。整體的份量不算很大，但能吃到這般精緻的菜式，也就吃得很滿足～

在尖沙咀工作的朋友有興趣試新餐廳，二話不說就應約了星期五關係所有桌已FULL，只剩下吧枱，幸好早訂位當然沒有問題，枱與枱相隔著頗有空間感這裡點餐店員會為你按食物為你排序而上(後加單除外)，所以不會像有些餐廳一次過就全部放上枱或熟食行先溫泉蛋沙律帶頭出場刺身點了赤貝，油金魚，牡丹蝦，非常鮮味，尤其赤具一吃便知質素串燒就點了餐廳推介的牛舌心和A5飛驒牛，和牛味係有但以我吃和牛經驗是否A5就有保留三文魚皮燒很不錯，燒得夠脆口而且油膩感也燒走清酒煮馬刀貝(這裡有段小插曲，不知為何打包上給我，後來我說不是外賣)但可能已經轉轉接接上碟，食物溫度已降，但味道仍然鮮甜美味這個海膽Risotto 是朋友欽點，因為我對加拿大海膽情有獨鍾，這個就不作評論了。但比紫海膽味濃，一試無防另外開瓶費100，可接受，有冰桶有酒杯提供，所以當日有自備酒到場

周五夜，朋友介紹嘗試。裝潢有風格，重點是食物方面，有超水準，又不時帶來驚喜，服務員方面，有禮貌。消費亦不算太高，人均都是大約$300。尖沙咀區算是合理價錢。只是位置有小小吊鬼。但可以接受。😄掛住食，部分菜色都忘記左「相機食先」

天氣炎熱，吃日本菜冰冰冷冷的感覺，最舒服。今日來食呢間中日fusion的餐廳！先點個大拖羅一客三片，吃落完全無筋，好滑口，入口即溶化。拖羅獨特嘅氣味，係我最愛！蒜鴨肝外皮煎得好脆，內面充滿肉汁，嫩滑非常。油份雖然高，但間中吃吃也無妨！燒牛舌牛舌都幾大粒，而且很厚切，用料大方！咬落好爽口，而且好彈牙，灑上檸檬汁，能減去油利感。海膽意大利飯用上成板海膽，海膽味道不差，雖未算是很鮮甜，但沒有腥也沒有臭，和飯伴在一起吃，是不錯的吃法！意大利飯加上整板海膽，味道更上一層樓。飯後點了菠蘿解油利感，菠蘿好甜，多汁，好美味。

上次誤打誤撞地來了這間店後, 印象不俗. 今次再與友人F前來, 重溫令人回味的海膽燴意大利飯 , 以及試點新食物.今次食客明顯比上次多, 不過由於餐廳座位不太擠迫, 也不會覺得吵. A5飛彈和牛粒 98和牛粒燒得外脆，牛肉味不俗，油花也多，可惜帶有筋位，吃起來較花牙力燒白鱔 48皮燒得香脆，鱔肉嫩滑，但味道較鹹黑松露野菌沙律 78柚子醋味酸很開胃，野菌加入黑松露醬，味道也頗協調原板海膽燴意大利飯 188意大利飯夠熱，味道很creamy, 飯粒也煮至全熟; 海膽帶海水鹹味， 但沒有腥味，入口即溶。 兩者混在一起，既黏身又creamy又有鹹香味，很匹配。磯煮鮑魚飯釀鵪鶉 188等了很久，可能是漏了單。鮑魚飯味道較濃; 鮑魚切成薄片，但數量較少; 鵪鶉味道反而偏淡, 味道不及海膽燴意大利飯般吸引,  明顯是手工菜。整體服務不俗，冷氣也沒有上次那麼凍，枱之間有足夠空間。不過上菜速度偏慢，尚有改善空間.

有位很要好的中學同學最近找到一份合適的工作, 人工跳升兩倍, 於是就找我這個仍然跟她有聯繫的中學舊同學出來慶祝一下。 飯聚多地點就在這間醉胡爐。這間餐廳的裝修也實在很美, 很有情調八爪魚柚子沙律沙律菜很新鮮, 八爪魚有六件切得大大粒, 食落去很鮮味又容易咬, 加上柚子汁, 整個配搭十分:清新解悶。伊勢海老濃湯伊勢海老也就是龍蝦, 龍蝦湯通常都是法式的, 但這裏是日式的煮法, 法式的煮法和日式的煮法有什麼不同之處, 我就不懂了, 不過這個湯真的十分濃郁, 龍蝦味道好突出, 而且真的是吃得到有龍蝦肉。慢煮半熟吞拿魚好顯然是一個日本菜色, 吞拿魚是煮得半生半熟, 魚肉非常鮮嫩, 配上一些黑芝麻, 味道層次豐富。原板海膽燴意大利飯西日fusion, 意大利飯是用cream煮的, 飯夠煙韌夠咬口, 海膽是火炙過的, 撈起來吃好好味。水信玄餅水信玄晶瑩剔透, 中間有朵花的, 賣相很美, 吃入口中滑不溜口, 好好味。這間餐廳的名 醉胡爐, 起初聽落有點怪怪的, 但吃過之後就覺得十分好吃, 食物很有水準, 真的有點喜出望外, 有點出乎意料之外的感覺。

好似👩為食Chloe貪心得一次想食盡中意法日菜👉👉醉胡爐能滿足你😍👍每個座位都用獨立屏風隔著私隱度極高🗣講秘密都無人知！💝前菜💝我最愛 黑松露炸薯角 同 A5飛驒和牛粒 作美麗的序幕💝主菜🎉💝 磯煮鮑魚飯釀鵪鶉😍肉質滑嫩多汁粒粒珍珠米龍蝦兩食 刺身 vs 上湯烏冬和風蟹肉松露酥皮卷 ，外脆內滑，內裹啖啖蟹肉，細細粒吃到一口滿足👍💝甜品💝水信玄餅～晶瑩剔透的裹面有朵小櫻花配上綠豆粉糖漿出奇地好食！焦糖鳳梨燉蛋 ～用原隻鳳梨做，燉蛋夾著菠蘿香，必點

主打FUSION菜的餐廳很多, 但做得出色的卻少之又少, 這家新開張幾個月的FUSION串燒店可有些驚喜啊餐廳內有一棵棵樹的裝潢, 非常有環保FEEL每個位都有些間隔在中間, 私隱度很好地照顧到了晚餐前先來一杯白酒, 入口鮮甜清醇幼細, 清清口腔迎來第一道菜前菜日本非常甜美! 口感亦好軟稔, 份量不多平日的培根夾大蔥比較油膩, 但這裡卻夾著有豐富水份而且清甜的荔枝, 口感味道均出色雞翼微辣肉質JUICY, 加上少少檸檬汁解膩, 又是送酒良菜!水信玄餅是日本傳統小食, 吃之前加入黑糖漿跟黃豆粉, 非常新穎又易入口的一道日式甜品!

經過不知道多少遍的換妝，終於輪到《醉胡爐》， 這一間集多國，互相融合而烹調所衍生而來的的餐廳， 從店內別緻的裝修，檯上的美食，酒牆上的酒，亦讓我們沉醉在一刻的夜裏。中間由兩位廚師負責的部份，應該是製作刺身、壽司及串燒的產地。佈滿清酒的酒牆溫室南瓜湯配松葉蟹肉 $ 68 先來一碗黃澄澄的西式忌廉湯，溫室南瓜的味道是清新鮮甜，與松葉蟹肉是兩種固然不同的甜味道，松葉蟹肉會帶有海味的，把兩種甜味併攏，忌廉湯粉滑，湯味雋永。 芝士酒盜拼盤三款 $ 98 三款在日本料理中最有特色的下酒小菜，各款味道獨特，略帶鹹鮮：螢光魷魚醬油漬、芝士酒盜、海膽黃金魷魚。法國油封鴨肉辣炒扁意粉 $ 138 辣炒扁意粉是彈牙亦香辣不嗆，有羅勒葉帶出的香氣，份外惹味；乾身的吃法但有橄欖油輕輕的滲透，好讓在吃意粉時的口感不會乾涸；法國油封鴨肉的肉質軟嫩，沒有油脂味，好入口。時尚的燈飾分子蕃薯糖水 $ 68 碟上的蕃薯糖水，配雲呢嗱雪糕來吃，把紫蕃薯、黃蕃薯切成小立方體，加糖炙燒而令蕃薯的每一面都有焦糖的脆口感，另外把薑糖水的分子改變，造成一粒粒的薑糖水果凍，最後把所有小立方體拼湊成一個大長方體便成。味道 4環境 4服務

陳柏宇有靚歌叫告別之前，有句說話叫買醉之前，係買醉之前，應該做咩？當然就係食嘢啦，不過其實唔係好太飲酒的我，買唔買醉，之前都係食嘢嘅。嚟到呢度食西日料理。大玩crossover . 酒吧餐廳嘅格局，配上精美嘅美食，係我對呢間餐廳嘅評語。先來係一個近來飲過最好飲嘅龍蝦湯，濃郁嘅龍蝦湯唔好夾硬加干邑的味道，存在嘅係龍蝦嘅鮮甜，配上豐富嘅蝦肉，溫度亦都剛好，香味撲鼻。一碗兩個人分都夠飲。酒煮大蜆同樣精彩，附近有間cafe 我之前推介過，呢度嘅大蜆同我之前推薦嘅都相同有水準，係必食之選，煮得剛好唔會太熟，味道清新不會被走蓋過了蜆嘅鮮味，特意用上金不換調味。大蜆新鮮爽脆，呢個小食絕對不少。主菜點左和牛，製作需要大概15分鐘，肉質很嫩，肉味非常而且juicy ，炭火燒烤味道很好，咁好食嘅主菜，我對面果一位望住，太生食唔到。唔~ 無法啦！媽媽你只食熟食，我一時口快落咗半生熟。唔緊要同佢地講一聲。伴碟精美，所有嘅配菜都比我極速食晒，值得一讚嘅係佢哋嘅薯蓉滑到不得了。不用添加任何醬汁已經10分美味。立即將另外半份煮到全熟，媽媽即刻笑返晒，仲大贊牛肉熟咗都好淋好好味，夠肉味，果然真材實料。甜品點左我其中

記得有朋友黎過「醉胡爐」話唔錯•心郁郁帶埋老公試下先•白鱔•爽口彈牙•$48 有小小貴•不過又真係好好味•🔥熊本A5和牛•8OZ和牛肉嫩多汁•無overcook•牛油滲入每囗牛肉•好味到lam lam （理）配菜有青瓜•粟米芯•黃椒•🍄•紅蘿白•薯蓉•份量都幾多•兩個女仔開心share就最好不過•醉愛老婆芝士餅•個名好攪鬼•查實係芝士餅•頂頂係老婆餅碎•口感都幾特別•唔太甜•食多兩啖絕對無問題•焦糖鳯梨燉蛋•第一次食燉蛋係用鳯梨上•鳳梨酸•燉蛋甜•酸酸甜甜鬼咁夾•