醉胡爐 (已搬遷) 新店位置

終於到了新年，也要讓身邊的閨蜜團年一番。於是便約了一起放工到尖沙咀的醉胡爐享用晚餐。聽聞火焰龍蝦火鍋湯底最為有名，而閨蜜們更是無海鮮不歡。所以，一早己經在心底決定好了湯底。地理位置也相當方便，在佐敦與柯士甸之間，行幾分鐘就到。店員安排了私隱度很高的坐位給我們，適合我倆高談闊論。幾位女生食量不多，點了安格斯手切肥牛（小），值得一讚的是，份量都有大小選擇，彈性很大，可以試不同的食物。肥牛份量比我想像中多，厚薄適中，很有牛味之餘，雪花分佈平均，入口即溶。大推。火鍋也必點墨魚丸（半份），4粒，每人一粒剛剛好。閨蜜食了第一口時，表情變了，還以為是食了壞的墨丸，原來是想表達很彈牙。點了娃娃菜、金菇菜、粟米等火鍋必食。娃娃菜出奇地與湯底很夾，很甜。金菇與龍蝦湯底融為了一體，我的至愛金菇菜，我自己食哂一碟金菇菜。哈哈。實在忍不到口。湯底愈滾愈濃蕃茄和龍蝦味，變得很鮮甜，基本上我也很少點醬油，因為湯底己很夠味。最特別的是，火鍋店還有做熱食，最後點了鯖魚一試。和日本餐廳做的味道差不多。建議可以在openrice 訂座，有優惠。

一班朋友打算去打邊爐,見醉胡爐既評價都不錯,就決定試下幾鍾意依度既環境,每檯都有屏風隔住,傾偈都傾得暢快D 佢依度既湯底同火鍋料既質素都好好,先講湯底,佢個冬瓜花膠雞翅鍋真係好出色入面有鮮雞,花膠,瑤柱,金華火腿,素翅等等食材,唔叫火鍋料,只食湯料同飲埋湯都飽左一半雞有鮮味,食得出唔係冰鮮貨,花膠都夠厚肉, 認真推薦煲到咁上下侍應就會幫你將冬瓜切件, 冬瓜吸哂湯既味道好好食 而火鍋料,作為牛魔王既我,最鍾意就係胡爐牛拼盤, 入面有牛舌,兩款手切肥牛,牛胸爽同埋霜降牛粒手切牛既油花分佈均勻, 色澤同埋肉質味道都非常好,牛肉味又濃,唔會過肥過靭,好食! 依度既丸類同餃類都係自家製,有唔少款式都幾特別,絕對唔係買返黎既現盛貨講比較普通既手工雲吞先,雖然係周圍都有既雲吞,但佢地既真係特別足料,勁多蝦肉,係新鮮彈牙既 另外我地仲叫左半份黑松露墨魚丸同黃金墨魚丸,就比較特別,分別加左黑松露同鹹蛋黃,味道都不錯,仲有個黑松露蟹肉餃,一樣十分足料,好香黑松露味，不過蟹肉味就顯得無咁明顯啦 雖然依度價錢唔平,但係食物質素絕對有保證,值得再訪!

三五知己香港地食飯真係十餐不離八餐都係打邊爐而家嘅火鍋店越開越出色唔再係以前酒樓sell平嘅任食火鍋反而更多係追求湯底同埋格調呢間都係食到我咀刁嘅一間火鍋店黎！舖頭走嘅風格好似bar 或者居酒屋crossover 火鍋店咁位與位之間好有privacy我覺得兩個人拍拖黎食飯都好適合雖然身邊大部分人都食緊龍蝦湯底（成餐飯都聞到隔離煲香）但因為同行友人唔食蝦我地就揀左個冬瓜花膠雞翅鍋水滾之後緊係每人飲返碗湯先淥野啦個湯好甜而且唔油！成隻雞喺入面咁滯所以我地都唔洗叫太多送平時煲湯通常只係飲頭浸今次應該煲到尾聲我地都仲飲緊順帶一提呢個湯底配烏冬真係超正特別推介呢個紫菜響鈴卷係每日舖頭新鮮即炸架比平時食開嘅響鈴卷更脆！佢嘅飲品都值得一讚我地嗌左酸梅柑桔蜜配火鍋感覺即刻滋潤左

我們同行四友人一開始抱住期待心情入去進餐！在店外裝潢感覺挺不錯！但進去的時後惡夢開始發生！食物不是高質不在話下，店員的態度更是像去了茶餐廳等的三流服務質素！由開始步入店門被那種像「睇場」的感覺，店員所帶出的負能量和粗俗態度帶到最後，店內座位只有三分一的客人，不是繁忙時間，不知道他們為什麼心情那麼差！連最後買單的時候，店員收錯錢，都係冇笑容同我講唔好意思令到我們一同四人帶著壞心情一直吃只想盡快離開！所以這間絕對不會有下次！

和一眾朋友選擇了醉胡爐作為聚餐地點，步入餐廳便被環境吸引住，十分欣賞它的裝修，每張檯都有屏風作為間隔,讓客人有自己的私人空間，可以和朋友安靜地邊吃邊聊天，少了平時火鍋店的嘈雜感。而且屏風可以隨時收起，客人人數眾多的話也可以拼桌，蠻有彈性。醉胡爐並不是任吃火鍋，價錢也不便宜，但吃完後大家都一致認同是物超所值的。先說湯底，我們點了冬瓜花膠雞翅鍋($368)，非常濃郁的雞湯，淥火鍋料前每人先喝了兩碗。我們一行共四個人，每人也吃了兩至三件花膠，大大件算是不錯。雞件亦非雪藏貨，吃得出雞的鮮味。冬瓜中間橫切後作墊底，煲了一段時間後開始變稔，便可以叫店員幫你分件。這裡的火鍋料都十分新鮮，而我認為必點的一定是胡爐牛拼盤(小$388)，拼盤有牛舌芯、安格斯手切牛、極上手切肥牛、牛胸爽和霜降牛粒。所有牛肉都很新鮮很重牛味，並非雪到死哂的雪藏牛肉，雪花也很均勻，食到個個點哂頭。特別介紹一下牛胸爽，它並非到處見到的火鍋料，是胸腔肋骨中間的軟骨部位，並不是脂肪(很多人看見白色一片以為是脂肪不敢吃)。質素差的牛胸爽會很難咬，但這處的只吃到爽口的質感，牛味十分濃郁，很特別。醉胡爐的丸類和餃類也十分出色，我們點了黑松

胡爐食過幾次，今次就黎試下同一集團既醉胡爐，店舖好大而且有好多卡位，坐得好舒服台面既用品都同胡爐一樣今次我地就試卜卜蜆鮮蟹鍋，鍋底材料非常新鮮，落酒煮更加帶出鮮味極上手切牛，小份，淨係見賣相都吸引，牛既肉質嫩滑芝士牛丸拼黃金墨丸，手打丸好彈牙，牛丸裏面都係芝士。好好味，黃金墨丸就係鹹蛋黃餡，邪惡度爆燈好好味豬潤，切得啱啱好，唔會太厚或太薄，又香又爽口白鱔片，每次邊爐見到必點，因為真係太好味牛骨髓，份量都唔少，滑嘟嘟咁紫菜響鈴卷，加入紫菜既響鈴浸湯后更加入味，紫菜味更加豐富味蕾豆苗大大碟夠新鮮食得豐富又滿足

由佐敦地鐵站出口D，一出地鐵站一直行落黎便見到都算方便易搵，門牌大大的，遙遠都見到BOOK左1830，同行4位最初入黎冇乜人，四周格局似酒吧，環境尚算寬敞，私人空間也有屏風格住一來到就有醬料格遞上，侍應親切有善同行朋友不食蝦的，於是選了冬瓜花膠雞翅鍋湯底冬瓜花膠雞翅鍋原隻雞上，第一時間先飲湯湯很LIM口，很滋潤，雞件很滑有一大圈冬瓜，可以叫侍應幫助切開花膠同翅既份量不少，每人都分到三、四舊手切安格斯肥牛，入口嫰滑西班牙黑毛豬豚肉爽口，仲有紫菜響鈴、烏冬、蝦丸、油麥菜、鴨血等等飲品方面: 嗌左兩札酸梅金桔(熱)，都幾好飲，幾開胃

雖然呢到嘅湯底全部都好吸引😍但呢日我地有明確目標💪🏻專誠嚟試佢嘅火焰龍蝦海鮮鍋🥘見到openrice佢地做緊優惠，2個人起，每位食夠HKD$200，就免費送個價值HKD$368嘅火焰龍蝦海鮮鍋😳我地兩個人，則係食夠HKD$400已經送HKD$368😍😍😍😍😍超抵！先嚟調好醬料先，佢個辣椒油好香🤤之後就上今晚主角，火焰龍蝦海鮮鍋🥘店員會喺你面前即席炒香啲鍋料，鍋入面有半隻龍蝦，蕃茄，洋葱，西芹同蜆。炒嘅時候好香，已經開始流口水喇🤤加咗白酒之後點火，嚟個火焰效果🔥一邊燒一邊聞到酒香，視覺上亦都好精彩😍最後加返店家特別熬製嘅龍蝦湯，滾起就飲得。龍蝦湯鮮味濃郁，好正👍🏻👍🏻一人飲咗最少兩碗。飲夠就可以加返蕃茄湯打邊爐🙆🏻蕃茄湯底鮮甜，足料重蕃茄味，其本上唔洗再點醬料已經好夠味。⭐️自家製炸魚皮 HKD$68香脆實在，全部大大塊唔碎。⭐️黃金墨魚丸(半份) HKD$524粒手打墨魚丸，裡面釀咗鹹蛋黃，除返開一粒都唔平，但好食嘅嘢貴精不貴多啦。⭐️黑松露蟹肉餃(半份) HKD$684隻手工餃，黑松露味好特出，皮薄餡靚。好好用嘅打邊爐神器，向右側就可以隔走啲湯，好方便👍🏻⭐️胡爐牛拼盤(大) HKD$488

今日又行過尖沙咀，搵食搵食凍凍地，就緊係食返餐打邊爐，見到佢出面個banner 就吸引左，入去想想佢講到$1嘅火焰龍蝦海鮮湯底！入到去，同幾個朋友仔點左都唔少野，但一開始緊係睇左佢個火焰有幾火！佢一黎個感覺都算幾新鮮，海鮮鍋中有龍蝦、蛽等之後店嘛員就加啲酒，炒炒佢個龍蝦！個畫面都幾唔錯架！再加埋龍蝦湯，就成個湯底搞店哂！最後仲叫左唔同野食，當中有個幾特別嘅紫菜響鈴，大大舊，食落味道十味，加埋啲湯味，更加味濃香口！

女朋友知我鐘意食龍蝦，呢日帶咗我嚟尖沙咀醉胡爐食呢個招牌火焰龍蝦海鮮鍋，話說佢地最近做緊優惠，二人同行，每位食滿200蚊就free咗個龍蝦鍋嘅價錢，價值HKD368㗎！最初以為餐廳喺柯士甸路會好遠好隔涉，其實原來只係距離佐敦港鐵站D出口7-10分鐘腳程，都算方便易行。🔥火焰龍蝦海鮮鍋(原價HKD368) HKD0一坐低我地就order咗個火焰龍蝦鍋，呢個鍋包括半隻龍蝦，蜆，大量洋蔥蕃茄西芹。店員會先用牛油喺你面前爆香各新鮮食材，之後再加白酒點火，做成火焰效果，再加自家熬製嘅龍蝦湯，煲滾之後先飲湯，之後再加蕃茄湯底打邊爐。個湯底香濃鮮甜，真係冇得彈，整個過程說得上係色香味俱全🤤配料其實都唔洗點用，因為湯底真係香濃夠味。🔥🔥🔥🔥🔥🔥🔥🔥🔥🔥🔥🔥🔥🔥🔥🔥除咗個湯底，我地仲加咗以下食物，每樣都好好味！🔥黑松露蟹肉餃(半份)HKD68🔥自家製炸魚皮 HKD68🔥黃金墨魚丸(半份) HKD52🔥胡爐牛拼盤(大) HKD488環境舒舒

昨晚入去，樓面只有3個，唔會招呼客人，唔叫無服務，回應超冷漠。問係米經openrice訂枱，有免費鍋，好似不知道甘。食：手切肥牛還可以，安格c牛及牛肉粒，稻x好食過佢，好假。選擇少。

最近又凍番即刻約朋友打邊爐，呢間之前都食過味道不錯，今次再嚟咁啱做緊龍蝦湯底$1優惠，馬上叫嚟食竹庶茅根水好清潤啊，微甜夠凍又夠竹庶味湯底到來由侍應加入酒再點火炒，炒到香噴噴就倒入龍蝦湯先飲頭湯，味道濃郁好重龍蝦味，好似平時食西餐啲龍蝦湯咁，之後會再加番茄湯打邊爐朋友唔食牛肉就叫打了西班牙黑毛豬豚肉，豚肉都幾塊又厚切，食落無雪味都幾重豬味魚皮餃外皮煙un，餡料好足好飽滿黑松露墨魚丸幾彈牙，松露味好香不錯萵荀好新鮮爽脆最後個稻庭烏冬都好好食，吸哂啲湯精華，烏冬好煙un彈牙日式番茄沙律好大個切好片，番茄好清甜，個汁酸酸地好開胃，仲有一點麻辣味

同一個好耐冇見既朋友久別重逢，約食飯打邊爐就至岩，恰下恰下咁一路食一路傾計，之前食過胡爐覺得唔錯，今次就黎另一間分店醉胡爐～打邊爐前嘅混醬時間，右下角既麻辣醬幾好食！潮汕沙嗲喎，湯底非常濃郁湯，附上大量豬皮，吸晒湯底嘅精華西班牙黑毛豬豚肉-肉味非常之香，肥瘦適中，超有驚喜！胡爐牛拼盤-有牛舌心、安格斯手切牛、整上手切肥牛、牛胸爽及霜降牛柳粒。肉類十分高質，肥瘦分佈非常均勻，食落口十分嫩滑手打蝦滑十分新鮮彈牙（左）麻辣牛肉餃及（右）黑松露墨魚丸，喺出邊比較少食到，兩款都好味有驚喜！粉絲用嚟吸湯底精華一流！蔬菜拼盤，蔬菜乾淨新鮮

昨日凍返少少 就決定同個friend去打邊爐啦我哋係坐地鐵去嘅 佐敦行過去8分鐘左右遠遠已經望到了 有大大個招牌之前已經食過佢嘅龍蝦湯 好好味今次就試咗好滋補嘅冬瓜花膠魚翅雞湯雖然淨係個湯都唔平 但真係好足料呀！冬瓜再煮淋啲嘅時候店員都主動表示可以將冬瓜切細 方便食用！：) 成個湯女士就最啱飲 有好多魚翅 雞肉 仲有金華火腿湯係主要帶甜嘅 因為有冬瓜所以唔會太濃。但真心正！配菜我哋點咗蘿蔔 墨魚丸半份 同黑毛豬份量對2個女仔嚟講就啱啱好了。朋友都大讚黑毛豬肉質好好 肥瘦均勻。我哋都食得好滿足🤤

依間醉胡爐，我係中午十二點幾打幾次無人接，之後電話可留言，打番電話比我果位唔知係咪腦細，態度極不禮貌，好怪我打左好多次話我嘈住佢瞓唔到教...（喂，依位哥仔，我係12pm 營業時間打無人聽,打多幾次有乜問題？話我唔好係3pm 前打比佢喎，咁又唔寫明？你地唔高興咁列出個電話號碼比人資詢做乜呢？）咁我有唔明白有野想問清楚佢呢，嘩，鬼死咁負氣，咁唔尊重客人，我唔敢打搞你地，取消 booking 啦，好地地想黎幫襯，我都費事再比你串! 字面宣傳再好都無用啦！