醉胡爐 (已搬遷) 新店位置

位於尖沙咀金巴利道嘅醉胡爐係一間新派嘅火鍋店，裝修頗有格調，適合三五知己傾計聚餐，而食品除咗火鍋之外，仲有串燒同埋小食，選擇好多，水準亦高我地今次點咗幾款串燒同埋小食，包括蟹子沙律，雞軟骨，白鱔串，鱈魚絲配蟹膏同埋三文魚皮。雞軟骨上面灑上炸蒜粒，非常香口惹味，食唔停口，送酒一流。三文魚皮亦笑得非常香脆配上些少七味粉，一碟有八塊，瞬間被清光。鱈魚絲配蟹膏有特色，蟹膏味非常濃郁，用鱈魚絲點下食下，好上癮。白鱔串燒夠肥厚，又無骨，啖啖肉，全無腥味，外皮又夠脆，贊講返主菜嘅火鍋，我哋揀咗做推廣嘅一蚊龍蝦湯底，用上新鮮龍蝦蕃茄同埋蜆，店員會係你面前炒熱個鍋底後再加入濃湯，味道有非常濃烈嘅龍蝦味，大約有肉至五碗份量，飲完湯再食龍蝦，新鮮劏制嘅龍蝦，肉質非常爽口彈牙，少量嘅蟹膏亦很鮮味，食埋啖啖肉嘅蟹鉗，非常滿足。至於蜆都有成十幾隻，鮮甜無沙，不俗食到呢度已經有啲飽，所以配料都唔係點左好多，點咗蟹子蝦丸，西洋菜帶子餃。蟹子蝦丸細細粒，一口食，新鮮好味。帶子九有明顯嘅帶子肉，配合埋西洋菜，比一般菜肉餃更清甜，又無咁膩，不錯選。今次兩個人食得非常飽，食物質素高，服務亦週到，非常好嘅用餐體驗

又打邊爐啦！襯今日凍返少少即刻黎個打邊爐朋友想食高質打邊爐但又細食又唔食牛所以就揀左間湯底已經好正既打邊爐。.我地揀左呢個冬瓜魚翅雞湯湯底！嘩 一打開真係不得了好彩我地無另外叫雞肉咋因為入面有好多雞肉！仲有大大片冬瓜 魚翅同金華火腿吊一吊味。.真係食曬成個鍋底都會飽另外叫左黑毛豬 蔬菜拼盤同烏冬烏冬本身分左2邊 2人食就岩曬了黑毛豬雖然188係有啲貴但朋友都話肉質好好 都幾多片蔬菜拼盤都係好多細食人士留意啊.呢間餐廳係近佐敦多啲相對比較靜 旺中帶靜食完慢慢行下好舒服！

呢間火鍋店好評甚多，今日跟埋朋友來試下，餐廳位於保發商業大廈，門面幾大，位置都幾多，晚飯時間客人都唔少，我地被安排到近吧枱嘅二人枱，夠闊落，又有提供籃俾客人放置個人物品。坐低之後，睇過menu，除左火鍋，其實佢地仲有串燒、刺身等，幾多元化。醬料、茶位我地點左個火焰龍蝦海鮮鍋368，如果訂左呢款鍋底仲有優惠，抵食好多！首先店員幫我地將原隻波士頓龍蝦炒起，入面仲有大量沙白，見到都覺得抵食，然後會加少少酒，再點火，幾有gimmick。跟住會加入龍蝦、蕃茄湯底，足料。滾起真係飲得過，唔會好鹹，但有好重龍蝦味龍蝦係勁新鮮，上枱郁緊，肉質爽彈。此外仲有差唔多一份大沙白，飽滿鮮甜。但由於我真係好鐘意食蜆，追加多一份98，份量都唔少，而且都好大粒。配料方面點左鱈場蟹棒68，好鮮味，冇粉感。西洋菜帶子餃58半份，餡料紮實，入面有粒帶子，皮夠薄。蟹籽蝦丸52半份，口感都係實淨果種，唔係彈牙，蝦肉明顯，新鮮呢。皇帝菜48朋友點左少量沙律同串燒類，估唔到質素都唔錯，現場即燒，新鮮熱辣。蟹籽沙律68椒鹽雞脆骨58，份量多，香脆略鹹，送酒一流燒三文魚皮38香脆，有陣魚油香，沾少少沙律醬，正。菊花蜜

香港實在太多唔同類型,角色各樣火鍋店， 要搵到一間食完之後再回頭食嘅餐廳都真係唔容易。今次已經第三次先食醉胡爐啦。 每次都試左咗啲新嘅配料要同大家分享下! 今次依然係食最愛嘅 火焰海鮮龍蝦湯底! 半隻新鮮劏嘅龍蝦同埋買新鮮嘅蜆類做湯底，配合法式蕃茄龍蝦湯， 完全唔使點醬汁都可以非常之入味。 龍蝦湯底經過店員即場烹調之後,每人一定一定要最少飲返一碗。同埋食埋嗰龍蝦肉就啱啱好warm up左個胃~ 喜歡重口味嘅朋友可以先混合自己中意嘅醬料。特別推介醉胡爐嘅沙茶醬 ，唔會咸，冇苦澀味，沙山茶味香濃, 同埋炸蒜係一個好好嘅配搭呀。 今次首試叫咗黑栢葉同埋竹生。 黑栢葉係未經漂白過嘅牛柏葉，比較天然。呢碟黑柏葉較薄身，建議大家滾30秒要食啦， 口較會比感好。 竹生烹調時間可以隨個人喜好，我比較中意滾耐少少入晒啲湯底味! 呢碟老友鬼鬼都係第一次食， 係香脆嘅油炸鬼包住一啲蝦滑, 超級新鮮脆口! 原來質感味道都好夾喎。 我每次都係必點呢碟飛驒和牛同埋西班牙黑毛豬! 和牛肥美脂肪分佈平均， 牛味香濃。 西班牙黑毛豬較厚身，口感豐富一啲，咬落好有滿足感，冇豬騷味。 最後加埋個烏冬同埋一個細嘅蔬菜拼盤就非

醉胡爐一直處於高人氣餐廳之一，其實不無原因。醉胡爐位於佐敦，地鐵站行去大概5-10分鐘就到，揸車都有好多位泊，所以非常方便。餐廳環境舒適，企理乾淨，食得安心又舒服。食物方面，今晚叫左火焰龍蝦海鮮鍋，呢個真係要重點推介。先講隻龍蝦，大大隻勁新鮮，上枱果仲郁下郁下，其他海鮮例如蜆都勁多，好足料。經侍應一番烹調後，佢先提議飲左個龍蝦湯先加湯底再打邊爐，個湯真係勁鮮甜呀！濃郁既龍蝦味完全飲到停唔到，加上今晚好凍，飲完之後成個人暖哂！火鍋配料方面，首先一定要講既就係呢碟飛驒和牛肉眼A5，完全係入口即溶！油脂同香濃既牛味兼備，配合埋個龍蝦湯底真係一絕，建議輕輕灼下已經可以食用。跟住係西班牙黑毛豬豚肉，首先份量十足，而且西班牙黑毛豬有別於其他豬肉，因為佢食落係特別香甜既，而且唔洗擔心豬瘟問題，可以放心食用。另一個重點推薦就係紫菜炸響鈴，真係即叫即炸，一上枱果時仲係熱辣辣，又係輕輕一灼響鈴已經盡收龍蝦湯底既精華，令人回味無窮。另外仲叫左黑栢葉，黑松露蟹籽餃同蔬菜拼盤。3樣都好新鮮，黑栢葉勁爽口，蔬菜拼盤份量勁多，黑松露蟹籽餃好特別，用料勁豐富，黑松露多到滿瀉，香甜好味。

上個星期已經同朋友一早約左黎食醉胡爐，而且仲預早係OpenRice 訂座，因為每人食夠$200蚊就會free左火焰龍蝦海鮮火鍋。先講下佢個環境，環境乾淨企理，而且每張枱都非常之大，仲夠哂擺埋d食物喺枱面，我地6點半去到，唔算多人，去到7點半果陣，已經座無虛席，不過職員仍然維持應有既服務水準，佢地好勤力幫手換碟同收野，呢一方面值得欣賞。肉類方面，我地叫左飛驒和牛肉眼A5同西班牙黑毛豬豚肉。唔係講笑，牛有牛味，豬有豬味，飛驒和牛油脂分怖平均，食落又唔會覺得肥膩。黑毛豬豚肉有驚喜，肉質嫰滑，又唔會韌，十分好味。之後叫左個黑松露蟹肉餃一份，一份有8件，職員教我地要將隻餃放入個喱入面，大概40秒左右就食得。不過我覺得煮多一陣會好d。餃子十分足料，黑松露味香，不過蟹肉味就比黑松露味覆蓋左。再叫埋手打芝心牛丸，一客有8粒，牛丸新鮮爽口彈牙，一咬芝士就流哂出黎，芝士味濃郁。不過唔好太熱食，因為d芝士熱辣辣，會辣親條脷。最後叫左新鮮黑牛柏葉，$78蚊，大大份，食極都好似仲有咁。黑柏葉非常新鮮，用14下定律黎食，爽滑程度岩岩好。最好既係餐廳無限時，中意坐幾耐都得、所以食得唔駛咁急，可以慢慢chii下。

天氣咁凍，最岩就係打邊爐。難得今日可以同老公抖下，所以同老公後左醉胡爐打邊爐。好耐之前已經食過醉胡爐一次，食完之後真係一試難忘。今次個湯底叫咗火焰龍蝦湯。佢龍蝦湯真材實料，而且名副其實。職員即席係你面前將半隻龍蝦又生煮成熟，龍蝦配上酒，已經覺得好，煮完之後加埋龍蝦湯，味道濃郁。識食一定係湯飲先。一邊飲湯、一邊食龍蝦，十分惹味。龍蝦肉爽口，而且十分新鮮。雖然只係得兩個人食，但係都係想貪心咁食，滿足下自己打邊爐嘅慾望。先叫左個飛驒和牛肉眼A5 $468就咁睇碟牛，到望就知油脂分布非常平均，由於牛唔算厚切，所以都唔使滾太耐，我大概十秒左右就放入口，牛味香濃，肉質嫰滑。作為牛魔皇既我，食完其實都唔太滿足，不過都要忍口唔食其他牛，試下其他新菜式。自家制韮菜餃 $88一客有8件。唔係講笑，真心讚👍🏾👍🏾👍🏾。餃子非常足料，咬落第一啖已經好香韮菜味，唔係自己包既根本無可能做得到。如果係韮菜控既一定停唔到口。紫菜炸嚮鈴 $88一客有6件。而且係新鮮炸起，每一條都係非常之大條。 嚮鈴中間夾住紫菜。雖然嚮鈴本身無乜味，但中間既紫菜味非常特出，味道非常夾。用一秒定律黎食嚮鈴，當浸左龍蝦湯之後，嚮鈴索哂所有既

放工想打邊爐，係Openrice 訂座好方便，訂左7:30，早左半個鐘到都有位👍🏻環境新同埋靚，員工服務都好親切好快手👍🏻換碟加湯從來都唔洗叫👍🏻👍🏻👍🏻因為食物黎得好快，所以可以先叫左湯低先，好似我同男朋友今次叫既🦞湯，就要先抄再滾湯，再等你飲下d湯先正式打邊爐，所以唔洗甘快叫哂d野食。醬料最重要既有哂💓推介：🔥火焰龍蝦海鮮鍋🦞（$368）好足料，大大隻龍蝦，仲有勁多蜆，而配菜有蕃茄，紫洋蔥，西芹等。1.先用牛油抄香2.加酒點火 3.加湯等所有野滾起🥘就可以飲佢既湯先同食下d龍蝦同蜆，湯算濃味亦有龍蝦既小小鮮味，唔錯。👍🏻👍🏻👍🏻之後，員工好快手會幫你換碟+加蕃茄湯，加既湯都係好濃既，一個鍋有兩種口味🥳兩個人食唔到太多，因為佢好多都一份一份叫，所以只係叫左3樣野食！全部都好食👍🏻推介：🤟🏻手切頂級安格斯肥牛🐂🐮（大$338）肉質軟熟，厚薄適中，牛味濃郁👍🏻可以試下：☘️紫菜炸響鈴🔔，好大件！好脆！包住一大塊紫菜，5秒岩岩好💓🌿🌱唐山菜（$48）打邊爐必點👍🏻加多兩杯麒麟生啤🍻🍺加埋一埋單要$1100🦞🍻🐂☘️

自從天氣漸冷，一外出食飯便去打邊爐，今晚去的是柯士甸醉胡爐，點了個海鮮鍋，海鮮鍋的好味之處在於既可以吃到海鮮的鮮味，而鮮味更可留在鍋內，煮其他的食物，吸收海鮮的精華。第一轉吃完海鮮後，點了雪花牛肉、肥牛、墨魚丸、響鈴卷等，不得不提的是雪花牛肉，肥瘦脂肪的分佈非常平均，煮兩下便可以食，它的牛味相當濃郁，油香味突出，是必選的配料。至於服務方便，侍應的服務亦算殷勤，會主動加湯，上菜的速度又快，最美中不足的是價錢比較貴。

行開婚紗街，見到𠲖間舖頭裝修好靚，忍吾住去望望，覺得環境同嘢食都好正！於是拉埋屋企人入去食！決定大戰醉火鍋！邊個話火爐淨係滾滾下，呢間舖頭話比我知火鍋都可以有噱頭。我哋叫左卜卜蜆鮮蟹鍋，侍應會即場煮蜆同蟹，香氣十足，然後倒啲酒，令到嗰鍋火焰十足，我同屋企人都嘩一聲，非常有噱頭。而且侍應仲好好人，會提醒我哋幾時食得！服務態度令人滿意！呢間舖頭出名食牛，安格斯手切肥牛真心好食！肉質嫩滑，脂肪適中，又有濃濃牛香味！胡爐牛拼盤仲正，滿足晒所有人嘅願望，無論牛脷定雪花和牛，都非常好食！夠晒滑口！一試難忘！手打芝心牛丸，完全係出乎我意料，係鮮牛肉打成，口感彈牙，而且有牛肉餘香，更特別係咬落去，芝士立即係口腔四濺，令到牛丸味道更加突出！紫菜炸響鈴好正！原來夾埋紫菜，味道層次更豐富，聽舖頭講係即叫即炸，所以先keep住脆口，仲要係炸幾次，吾怪得甘好食啦！蔬菜拼盤仲好新鮮，仲有埋西洋菜！手工水餃餡料新鮮，食落肉質滑口，好味！基圍蝦好新鮮，肉質仲彈牙！魚麵索晒湯底，好味！

打邊爐一向都係我的最愛，加上有酒的元素更加係不能抗拒。臨近年尾，約咗班好朋友見面，聚舊之餘都想一齊食返餐好的，就揀咗醉胡爐落腳。鍋底我地點咗卜卜蜆鮮蟹魚湯鍋，火鍋配料就有：安格斯肥牛、胡爐牛拼盆、手打芝心牛丸、黑松露鮮蝦雲吞、紫菜炸響鈴、手唧鮮魚蓉麵、蔬菜拼盤同蝦。先講個鍋，上枱時見啲蜆同蟹已經喺個煲裡面，之後樓面哥哥會過嚟加洒，點火，即場炒熟啲海鮮，然後加雞湯，焗幾分鐘後就完成了。建議先飲啖湯再打邊爐，湯很鮮很濃，亦有少許洒香，特別係有蟹羔溶咗落啲湯，非常甘香配料方面，牛整體來說非常出色，安格斯肥牛脂肪分布很平均，很有牛香，記住唔好淥太耐！牛丸完全係新鮮手打，咬下去熱熱的芝士爆出來，邪惡永遠都冇得輸老闆更親自過嚟同我地介紹餐廳自己研發的産品：紫菜炸響鈴，響鈴一共炸咗3次，做到紫菜同響鈴同樣鬆化，非常推介蔬菜我地最後先食，因為湯已經累積了之前食物的精華，蔬菜能吸收湯的味道，為晚晚餐作個總結食醉飲飽，又同老友一齊吹下水呻下回顧下今年發生的事，實在是很美好的一個晚上。希望下次再嚟都可以咁開心啦

冬天出街食飯都係食火鍋打邊爐同朋友都係揀尖沙咀中間點呢間店天花頂有幾盞大吊燈 華麗優雅位與位之間有platform隔開 私穩度高個人覺得個龍蝦海鮮鍋鮮味十足龍蝦肉質彈牙惹味！配料方面黑松露蟹肉餃皮薄餡料多盡是松露味道！海鮮聖子鮑魚爽口鮮甜推介！火焰龍蝦海鮮鍋 $368海鮮鍋內有龍蝦、蜆及蕃茄龍蝦大大隻 不是淡而無味 死實的口感咬落去肉質鮮甜juicy美味蜆肉鮮甜美味 味道不錯！極上本地手切牛 小(下) $238不是一般雪藏牛的質素硬而死實的感覺咬落去重牛味軟嫩的感覺黑松露蟹肉餃(半份) $68黑松露份量較蟹肉多口裡盡是松露的味道岩哂鐘意黑松露嘅朋友黑松露墨魚丸(半份) $52蘇格蘭特大聖子 $48/隻灼一陣已可配以醬汁進食肥美新鮮 口感豐富！原隻大蓮活鮑魚 $48/隻鮑魚厚身 裙邊整齊完整彈牙爽口 口感非常好味道一流！紫菜炸響鈴 $88一般店舖都是寫上響鈴呢間店嘅響鈴同紫菜包埋一齊新穎配搭！味道冇特別豆苗 $58

今日同屋企人來打邊爐，依家D天氣真係好適合呀，哩間舖係佐敦地鐵D出口出來行幾分鐘就到啦，位置好好搵。我地點左個卜卜蜆蟹鍋，侍應先幫手炒香D蟹蜆仲有芫茜西芹跟住加酒落去，然後嘩一聲，點著左個火，最後加埋個濃雞湯底！煮熟梗係一人飲番碗湯底先啦！鮮味十足呀！而且D蟹肉好好味，肉質鮮嫩，好甜！而且配料都任君選擇，好正呀！霖住打邊爐熱氣，我地就點左個竹蔗茅根，好清甜，好好飲！個紫菜響鈴聽講仲係自己鋪頭現點現炸噶，炸三次先做到出來，重點係我覺得好好味，真係無點錯！D牛肉牛味好重，油脂分佈均勻，非常美味，手打芝士牛丸都真係好香，好味，D蝦又夠曬鮮甜，肉質彈牙！蔬菜拼盤都非常新鮮，索曬D湯底，好正！餃子入邊仲有蝦添，都好彈牙！鮮魚麵都幾特別，自己擠入去，好玩！總體來講都好滿意，服務態度都好好！唔錯

小妹素來鍾意食海鮮，見到醉胡爐有火焰龍蝦海鮮鍋即刻衝去食！揀好湯底過一陣，店員哥哥就拎咗一大鍋海鮮上嚟，有成隻龍蝦同超多蜆！點火炒咗一陣就加咗龍蝦湯煮，即時香味四溢！原隻鮮鮑魚，超級鮮甜爽口，啖啖肉！蟶子好大隻，淥一陣就食得，好彈牙好鮮甜🤤極上本地手切牛，同機切紙咁薄嘅肥牛好唔同，有肉味同肉汁，但要注意淥太耐會韌。松露蟹肉餃同松露墨魚丸，水餅皮超薄，墨魚丸彈牙！松露味好香濃，美中不足係蓋過咗蟹肉味同墨肉味，但松露迷一定會好鍾意！每次打邊爐必食響鈴，但呢度有特別版紫菜響鈴！！口感豐富咗，紫菜味都好香！好食😋😋整體水準好唔錯，海鮮足料又新鮮，可以再戰！

首次來店。入座落單後等待15分鐘仍未有職員提供水及醬料。本想向職員詢問，職員多次未有理會。最終要自己去櫃檯取熱水及後向經理反映後才有豉油及醬料。本次叫了一個火焰龍蝦海鮮鍋，頭一轉龍蝦湯味道尚可，加入蕃茄湯底後未有太大味道。前後點了兩輪食物，直至結賬一刻，第一輪食物仍然未齊。食物份量偏小，眾多食物中未見有特別突出，普通肥牛沒有牛味，豬肉拼盤尚可。服務方面差，正如上面所述，職員多次忽略本人的詢問及未有提供服務。亦多次出現漏單及出錯單情況，亦有出現職員黑面情況。環境尚可，未算太擠迫。店面衛生。食物價格偏貴，份量小及味道一般，性格比較低。總括而言，本人不太推薦及不會再來這間餐廳。