醉胡爐 (已搬遷) 新店位置

朋友聚會想搵間好啲嘅餐廳等傾計坐得舒服D.同事推介依間餐廳話環境同食物都一流!果然無介紹錯! 餐廳環境設計時尚高雅.位與位之間有屏風,營造出半私人空間,火鍋湯底款式新穎滋補!!濃湯佛跳牆雞翅鍋 ($398)湯料豐富:鮑魚x2, 花膠, 海參, 螺片, 魚翅, 素翅, 金華火腿, 雞, 冬瓜一來就飲2碗湯先,湯汁堅係一流,無味精,好足料,好有膠質黏性!!!超級滋潤美顏!!之後加水再打邊爐點醬汁,醬汁有成8款!!!任你調教.手切頂級安格斯肥牛 ( 小 $228)肉絞路相當吸睛,份量都有成20幾件而且小厚切.肉質嫩滑,亦有好香牛味.老友鬼鬼 ($78)油炸鬼鑲墨魚滑,外面脆卜卜.黃金炸魚皮 ($88)邪惡推介!!一上到檯面已經好香咸蛋黃香味!!一片片沾滿黃金汁食落咸香一流!!作為餐前小食非常合適!酥炸火腿午餐肉 ($68)午餐肉炸到外脆內軟,又唔會好油膩.手打蝦滑 ($98)墨魚滑加上蟹子增加口感.口感彈牙中又可食到小量墨魚件.黃金墨魚丸 (半份 $52)份量有4粒,自家制墨丸鑲食咸蛋黃,食落彈牙帶咸香!黑松露蟹肉餃 (半份 $68)份量有4件,蟹味唔算特出,黑松露較為特出.厚切萵芛片 ($

之前去過厚福街嘅胡爐覺得好好味，今次去集團其下另一間位於柯士甸路嘅醉胡爐試下~兩間出品同樣精彩不過醉胡爐比較大裝修更加靚啲👍，上次試咗濃湯佛跳牆雞翅鍋真係回味無窮，今次就試冬瓜花膠雞翅鍋，鍋底到後店員會好有禮貌地叫我們先飲湯再加清湯打邊爐冬瓜花膠雞翅鍋~大大件花膠,好多翅,半隻嫩滑嘅雞再加上冬瓜墊底非常清甜好味😋手切頂級安格斯肥牛~口感鬆軟入口即溶😋香菇韮黃帶子餃~香濃韮黃配上鮮甜帶子豬肉😋最後加個濃湯稻庭烏冬~爽滑彈牙

今日有朋友生日專登出左黎尖沙咀食飯，主角就話想打邊爐我當然奉陪啦，一路上網睇，見到openrice呢間火鍋店既都幾多好評，所以就決定黎呢間啦，我地無book位但好彩我地早黎到，所以walk in都仲有位入到黎既感覺好舒服，可能因為餐廳樓底高既關係啦，我地2個人安排左坐4人檯，好貼心可以多d位擺食物首先緊係揀個湯底先啦，見到meun入面幾個湯底都好似幾堅咁，我地就問下待應意見啦，最後就推介左我地試鮮椰青雞鍋，呢到真係無花無假，待應會係我地面前即場炒雞再加椰青水煮個湯底，好精彩而個湯底更加係無得頂啦，好清甜，一定要飲返幾碗先開始打邊爐食材方面選擇都好多，好欣賞呢到有唔同級數既肉類仲有海鮮，全部都好吸引好難揀總括，真係無揀錯地方，呢到既火鍋配料非人新鮮，食得出丸類同埋餃類都係自家製，好正。。另外除左火鍋料之外，仲會有d即食小食揀，我地就試左黃金魚皮，即叫即整熱辣辣，好好味

醉胡爐尖沙咀柯士甸路20號保發商業大廈地舖今日約左兩個朋友出黎尖沙咀食飯，原本大家都無咩頭緒唔知食咩好，但我見呢排開始涼涼地就提議不如打邊爐啦，朋友即刻極力推介要帶我地黎試<醉胡爐>佢本身黎食過就話呢到無論個鍋底同火鍋配料都係一流，講到咁吸引當然要黎試一試啦離遠已經見到餐廳大大個招牌，入到黎見到好高既樓底，配合埋特別既波燈，感覺好有格調而座位方面都好寬敞，檯與檯之間既距離好闊，唔會覺得好迫夾知道呢間餐廳既賣點就係足料既湯底，個個食完都讚不絕口，而我地今日就想清清地，所以就揀左鮮椰青雞鍋。。餐廳待應全程係我地面前處理個鍋，先係用牛油炒熱d雞件，然後加入d燒酒更加惹味，最後再倒埋原個既椰青水同濃湯，咁就大功告成啦感覺好新鮮，等個鍋煲滾左之後，已經聞到濃郁既椰香味，再加埋嫩滑嘅雞件，真係好正火鍋既配料入面，我最鐘意就係呢個本地封門柳，非常有牛肉味唔似其他既雪藏牛，放落湯底淥一淥已經熟，非常嫩口呢到既丸類同埋餃類都好出色，食得出全部都係餐牌自家製既，口感同出面食到既完全唔一樣，今次試左比較特別既就係黑松露蟹子餃，西餐食黑松露就試得多，估唔到連餃子都可以，熟左之後味道依然濃郁，值

見到有優惠一蚊就可以換到金翅瓜蟲草花花膠雞鍋，好平好低一於食盡佢。一入到去就見到火鍋點菜紙鍋低平時要300多元呢，今次真係覺得好抵呀。第一次食有紫菜嘅響鈴卷火鍋店，真係不得不讚。認為呢個係必點之一。下鍋5秒左右拎起食落去有淡淡的紫菜味，吸收左響鈴嘅油味同紫菜互相平衡十分之配合。本地新鮮封門柳牛肉，牛肉新鮮不再說，牛肉食落有質感，不會太油太多脂肪，下鍋至10秒左右就食得，食落不會太老，食到有新鮮牛肉嘅鮮甜味比美國牛還要好。朋友一致話正無叫錯又是必點推介。黃金炸魚皮炸得非常之香口，用咗鹹蛋黃炒過。每一片都均勻有鹹蛋黃味，而且好大片好脆身，食落超脆。因為覺得熱氣我哋仲點一啲湯，將炸魚皮浸淋一點吃。覺得味到不錯。

今晚同朋友響尖沙咀睇戲，我哋又想打邊爐，所以搵左附近既醉胡爐食飯😊🌟 卜卜蜆鮮蟹魚湯鍋（$298）卜卜蜆無沙，蟹新鮮，再加酒落去炒，好香😊😊即叫即整，店員幫手炒，炒香後再加魚湯落去煲，店員服務態度唔錯😊😊🌟 頂級霜降牛柳粒（$168）牛柳粒新鮮，牛味唔錯，唔會雪到好硬，雪花同牛肉既比例適中😊😊🌟 紐西蘭草飼羊肉片（$138）羊肉味重，厚肉，羶味唔重😊😊🌟 西洋菜墨魚丸 x 牛骨牛汁丸($58 & $48)新鮮嘅西洋菜加埋墨魚🦑肉，第一次見，但味道好夾，好特別，出面餐廳未見過😊牛骨牛汁丸，好重牛味，好juicy，必點菜式之一😊🌟 菊花蜜（$68）菊花蜜唔會太甜，又可以降火，菊花味香，打邊爐唔錯既選擇😊

食物質素非常好，唔會比次貨你，牛肉質素非常好，入口即溶，湯底一蚊做優惠，真係非常吸引，已經多次幫襯，佢唔會將貨就價，個花膠湯真係好濃啊好好飲，環境乾淨舒服，私隱度極高，適合朋友談天，嗰日去有個員工小新，服務貼心，好滿意，識識吓原來仲有一層喺上一樓，上面原來都有幾間房，多人食飯係首選，good

又到咗結婚紀念日，搵好嘢食是常識吧，太座去漆咸道一間老店買衫，買完行上去三角公廁，俾呢個大招牌吸引住，今晚就滾一滾啦!入面裝修幾雅觀，天花嘅燈飾好吸睛，每枱都幾夠獨立空間，職員好有禮貌有耐性，讚!“濃湯佛跳牆雞翅窩”賣相已經精美，材料有花膠、魚翅、鮑魚、海參、雞件等等，飲啖湯感覺好黏口，貪靚嘅太座連飲三碗，好飲到要唱sam歌名曲“肥佬黎倒眼輝 潺仔威軟腳龜 嚟擦喇喂”哈哈!飲完頭啖湯就開始打邊爐，“本地肉眼邊爪”好重肉味有D咬口嘅牛肉，食得肥牛多可以試吓另種味道；“黑松露蟹肉餃”“手工乾貝帶子餃”“皇帝柱貝墨魚丸”好新鮮嘅配搭，但出奇地好味，三款外面都冇見過，可以推介必食；“桂花蚌”“新鮮鵝腸”食得出好新鮮，冇一陣雪藏味；最後強推佢地嘅飲品“酸梅金桔蜜”，酸甜剛剛好又開胃，又冰凍非常解渴，我地encore多一渣先得!

今次同朋友嚟到尖沙咀覓食，見到餐廳名稱幾得意就入去試吓...入到去都明點解係「醉」胡爐，好多酒排哂出嚟呀！啱哂酒鬼去暢飲一番🍻除咗酒類之外，餐廳主打特色湯底：有佛跳牆雞翅鍋🐔、🔥火焰龍蝦🦞海鮮鍋、花膠乳鴿湯等等，湯底真係好特別，我地就揀咗卜卜蜆鮮蟹魚湯底。**********卜卜蜆鮮蟹魚湯（$298）🐟🦀湯底鮮甜，卜卜蜆大大粒，原隻鮮蟹侍應會係你面前加酒點火🔥，輕輕炒一炒蜆同蟹，酒精揮發哂之後又再炒炒，炒咗陣再加酒點火，之後先加入鮮魚湯，將d海鮮鮮味逼哂出嚟。侍應提醒一煲滾就飲得啦😆第一輪嘅湯會比較鮮甜有蟹味😋我真係係咁飲啲湯🤤**********安格斯手切肥牛（小）（$228）🌟推介🌟厚度切到剛剛好，肥瘦均勻，食起嚟有嚼口，而且牛肉味濃**********秘製蝴蝶腩（$128）口感同牛腩差不多，但係蝴蝶腩比牛腩更加軟腍，呢個可以encore🤪**********🍄黑松露芝士牛丸（半份）（$58）牛丸彈牙，咬到入面黑松露芝士慢慢滲出嚟，但又唔會蓋過本身嘅牛味，味道非常balance**********皇帝柱貝墨魚丸（半份）（$58）墨魚丸好明顯係咁撻過😆好彈牙呀，好特別咁混合埋西芹，彈

鍾意打邊爐嘅我 基本上都會周圍去 邊度好食我都會留低腳毛 今次就去到尖沙咀 醉胡爐 專程試下佢嘅 濃湯佛跳牆雞鍋翅， 聽個名已經夠曬勁😆， 果然冇令我失望 果然稱得上係濃湯 香濃美味嘅雞湯 再配上 鮑魚 海參 花膠 翅 雞 各種唔同嘅材料 淨係飲個湯 都有少少飽🤣🤣🤣, 再試埋佢嘅 本地肉眼邊爪 呢一個係餐廳限定 當然唔好錯過啦 好有口感煙煙韌韌唔似平時食開嘅肥牛，口感豐富好多👍🏻， 我哋再叫埋鴨血 唔知係咪因為唔係麻辣湯底覺得味道一般 🤭皇帝柱貝墨魚丸 呢個我幾鍾意幾彈牙 貴妃蚌 夠新鮮夠爽口👍🏻 鵝腸 唔係咁肥我鍾意🤭🤭 最重要一題就係佢個嘢飲 酸梅柑桔蜜 呢個真係好好飲 甜甜酸酸嘅感覺 我自己飲咗成渣🤣🤣🤣

由於前幾日食咗間日式任食火鍋質素麻麻，所以想搵一間高質火鍋，去開尖沙咀就book左呢間醉胡爐。裝修好靚，播住抒情歌，第一次去啲咁優雅嘅地方打邊爐。醬料都有好多選擇俾你自己舀，我樣樣都舀啲每樣試晒，其中有一隻食到有啲花椒味好香。湯底叫咗一個卜卜蜆鮮蟹魚湯鍋。大大隻肉蟹，仲會係你面前加酒，着火嗰下好amazing。個湯底因為有芫荽，打邊爐都覺得好清熱😂 啱晒鍾意飲芫荽湯嘅我。由於一嚟就決定一定要食高質食物，嗱嗱聲叫左一個飛驒和牛肉眼A5，廣島蠔，黑松露芝心手打牛丸，再加一個黑松露蟹肉餃。奢華就係咁簡單😎今晚我唔食平嘢。叫完嘢食個湯就滾，即刻食蟹😏隻蟹一早扑左殼，好易剝肉，蟹肉鮮甜，啲蜆冇沙👍🏻嚟咗黑松露芝心牛丸，一咬落去有流心，牛丸彈牙，唔係一般喺街買嘅牛丸。正所謂和牛滾一滾，神仙都企唔穩。冇得去日本就食和牛回憶起去神戶嘅日子。🥺廣島蠔新鮮，但最驚喜係黑松露蟹肉餃！食到一梳梳嘅蟹肉，我諗係我成世人食過最好味嘅餃子，而家諗起都有啲流口水，如果佢有得外賣我諗我會買50隻放喺屋企😝高質嘅一晚👍🏻

今日朋友帶我去打邊爐，呢間之前未聽過。我朋友原本打算食卜卜蜆蟹鍋，但呢排皮膚唔好，怕再敏感所以改食佛跳牆鍋。個鍋一上枱，就見到有4塊花膠，d雞湯好濃，再用湯匙攪一攪，發現入面仲有幾塊翅見湯滾起，我地即刻飲一淡湯，哇一聲，d湯真係好濃好甜，d個乾燥天氣飲好滋陰！我地order左兩種牛，一碟係手切安格斯肥牛，一碟係手切牛柳，個牛柳入口即融，特別推介！仲有個個黑松露墨魚丸，食落去原來入邊仲有芝士流出黎，好好味。另外，黃金炸魚皮都值得試，出面好少有，個魚皮炸得好脆，蛋黃味重，好香

「醉胡爐」地方大座位分隔合理，多卡位隱私度高，適合約會聚會。**以下丸/餃類皆為半份卜卜蜆蟹鍋($298)••••••話說小人無蜆不歡😎一見到有呢個鍋底就即時決定左🤪。🔥🤣店員先細心煮海鮮，之後重頭戲就嚟啦‼️落酒❗️點火❗️嘩😍 上映左場火焰show，勁興奮😂啲火都好猛，好正啊好有噱頭😎果然無嗌錯，落湯煲滾，湯底夾雜海鮮精華自然好香甜🙂先食鍋內蟹肉+全部開殼嘅蜆肉，再落料烚吓烚吓。安格斯手切肥牛(小)($228)••••••安格斯肥牛牛味香濃😋油脂比例適當，最重要！係手切牛厚道控制得好，肉厚口感特別好☺️。秘製蝴蝶腩($128)••••••食落質感似牛腩，幾軟腍，幾好仲帶少少筋，同湯底好match😍。竹庶茅根水($68)••••••材料天然又唔會好甜，飲到尾好出味，清清地好過飲汽水。黑松露芝士牛丸($58)••••••唔係普通街市凍肉舖賣嘅現成丸🙂 生牛肉丸淥熟後鎖肉汁，咬開雖然見到點點黑色，但黑松露唔算強烈，芝士存在感較弱，非想像中拉絲內餡。皇帝柱貝墨魚丸($58)••••••好香濃西芹味🤩目測都見到墨丸佈滿芹碎，食落彈牙。XO鮑魚蝦餃皇($58)••••••故名思義，真係蝦餃餡+雲吞皮😆

#醉胡爐 這間星級火鍋店終於有機會一試啦！最期待既佛跳牆湯底火鍋🤓 賣相已經好金碧輝煌，鍋料夠晒睇頭，有鮑魚、勁多花膠、翅、半隻雞、金華火腿、 響螺片等等。這麼多材料，可想而知湯底一定夠晒濃郁，我們幾個人各飲左兩大碗，大家都超級讚不絕口👍👍 其他火鍋料又係勁有水準😉🔹佛跳牆雞湯翅 $398 真心推薦❤️🔹黃金炸魚皮 $88 必點！好食到停唔到口。。。竟然可以將魚皮炸到直直的，一片片好特別，好鬆脆又夠咸蛋黃味😋😋😋😋🔹手切頂級安格斯肥牛 $338(大) 濃牛味，肉質鬆軟，而且好大碟😉😉😉🔹紫菜炸響鈴 $88 網友大力推薦，又堅大件，鮮炸先叫好味，配埋紫菜直接食都正😚😚😚🔹黑松露蟹肉餃 $68 (半份) 這個我幾喜歡，菇菌味好濃，但大家唔可以煮太耐，個皮易爛，會溶晒d黑松露係湯到🤓🤓總括來講，係非常高質的火鍋店☑️☑️醉胡爐尖沙咀柯士甸路20號保發商業大廈地舖港鐵佐敦站 D 出口, 步行約6分鐘電話: 26062106

今晚到尖沙咀食飯，來到醉胡爐食火鍋，餐廳間隔很別緻清雅，來到見到裏面已經差不多坐滿座。金翅花膠乳鴿鍋見到這個金翅花膠乳鴿鍋很是吸引，所以要了這個鍋底，湯底裏面有乳鴿、花膠、 群翅、南瓜及百合…等，湯底內很多花膠，湯滾后可以先揀一些腍的花膠食。乳鴿煲約15分鐘，與湯及花膠一齊食，感覺湯底非常清甜又滋補。南瓜都很大件，吸收了湯底，軟綿味咸中帶甜，很好味呢。廣島蠔廣島蠔帶有廣島蠔特別的甘甜味道，鮮甜軟滑。封門柳封門柳切得不是很大件，過切得稍厚，要比一般的肥牛滾的時間要久一些，稍為有少少咬口，味道比一般的肥牛會濃一些 。稻庭烏冬食火鍋一般都會揀個稻庭烏冬 ，因為稻庭烏冬吸收了湯底的精華，煙煙韌韌，好味。