醉胡爐 (已搬遷) 新店位置

鍾意打邊爐嘅我 基本上都會周圍去 邊度好食我都會留低腳毛 今次就去到尖沙咀 醉胡爐 專程試下佢嘅 濃湯佛跳牆雞鍋翅， 聽個名已經夠曬勁😆， 果然冇令我失望 果然稱得上係濃湯 香濃美味嘅雞湯 再配上 鮑魚 海參 花膠 翅 雞 各種唔同嘅材料 淨係飲個湯 都有少少飽🤣🤣🤣, 再試埋佢嘅 本地肉眼邊爪 呢一個係餐廳限定 當然唔好錯過啦 好有口感煙煙韌韌唔似平時食開嘅肥牛，口感豐富好多👍🏻， 我哋再叫埋鴨血 唔知係咪因為唔係麻辣湯底覺得味道一般 🤭皇帝柱貝墨魚丸 呢個我幾鍾意幾彈牙 貴妃蚌 夠新鮮夠爽口👍🏻 鵝腸 唔係咁肥我鍾意🤭🤭 最重要一題就係佢個嘢飲 酸梅柑桔蜜 呢個真係好好飲 甜甜酸酸嘅感覺 我自己飲咗成渣🤣🤣🤣