醉胡爐 (已搬遷) 新店位置

今日放工同朋友happy hour，黎到尖沙咀打個靚邊爐，打邊爐湯底都好緊要，我地就嗌左個雞翅鍋，好足料，裡面仲有個魚翅瓜添呀。啲雞有事前斬左件，水滾後整散佢煮多陣就食得。店員仲好細心幫手剪開啲魚翅瓜，食落一梳一梳嘅肉好正。呢個係牛骨牛汁丸，呢隻啲肉汁多到，好似潮州牛丸咁，有牛味。黑松露墨魚丸爽口彈牙，黑松露味濃，不錯不錯。呢個豬拼盤幾得意，特別介意返蝴蝶腩，食落爽爽地，有咬口，肉味濃。紫菜炸響鈴真係無得輸，就咁食定係浸湯食都係一絕，重點係上菜時係熱辣辣架。

星期一晚約左幾個好耐冇見既中學同學去左呢間餐廳 見到好多人都推薦所以去試一試佢一入去就見到比較復古既裝修 有宮廷既感覺 都幾有格調 咁我地勁肚餓就拿拿臨劃左d野食同埋揀左個椰子雞湯底湯底一黎果時 原來係會有位侍應即場係我地面前炒熟d雞 再即場開個椰青倒d椰青水落去 真係童叟無欺野食方面 整體黎講水平都唔錯 必試食物我推薦黑松露芝心牛丸 勁濃既黑松露味搭埋好creamy既芝士真係好正 另外佢個酥炸午餐肉真係有驚喜 好香脆 配埋泰式辣醬 個味好夾大家如果約埋三五知己 呢度都不失為一個好地方

作為一個鍾意打邊爐嘅香港人，趁住而家疫情緩和，當然要把握機會約返啲老友去過下條邊爐癮。今日約咗個舊同事去尖沙咀、佐敦呢邊，以前成日喺呢一個區域搵食，呢一次終於有機會試下呢間醉胡爐。有時經過呢間舖會俾佢裝修嚇一嚇，因為佢同一般火鍋店有啲出入，樓底相當高，天花版仲掛咗超大型燈飾，平時無乜食好嘢，真係好少機會喺呢個環境之下打邊爐。湯底方面有好多選擇，我哋諗完又諗，最後揀咗個金翅花膠乳鴿湯底。自己屋企好少用到乳鴿煲湯，咁大個仔好似都係第一次試。一上枱見到金翅舖喺乳鴿上面，夠晒氣勢。花膠數量唔少，每人都分到幾舊，煲底仲有啲金華火腿。成個湯底最大驚喜我覺得反而係隻南瓜，講得上最大驚喜，事關佢唔同平時街市買到嘅級數，煲到一半我哋夾啲南瓜肉嚟食，口感好綿，朋友都話唔怪得個湯底咁甜啦，對女士嚟講應該好養顏！黃金炸魚皮($88)小食叫咗份黃金炸魚皮，炸魚皮表面鋪滿咸蛋黃，仲要食得出係熱辣辣啱啱炸起，口感非常香脆，就咁食或者浸湯食都好過癮啊！手工雲吞($48)、手打墨魚丸($48)、手打牛丸($48)講得出係手工同手打，令我哋對呢3樣配料期望都幾高。雲吞超級足料，墨丸同牛丸好爽口彈牙，對得住呢間餐廳嘅質素。

知道喱間湯底好味，同朋友去試吓1）招牌鮮椰子青雞鍋首先店員落了些酒，然後加火整場煮，仲開原隻椰青落去，加湯煮，雞湯裡面好多料，好鮮甜，雞好滑，我飲左4碗湯😆😆2）黑松露芝心手打牛丸真好小心食，因為裡面好多汁架😆芝士再加黑松露，好特別，肉質好彈3）自家制韮菜餃皮薄，肉多，多汁4）海鮮拼盆有一隻鮑魚，蝦，象拔蚌，卡蜆，大蜆一次過滿足你想每樣海鮮都試下嘅滋味，海鮮好新鮮，冇沙，鮑魚都好爽口5）自家製響鈴好大一卷，一點都唔似出面的自家制卷得一兩下，大大啖好正5）手切頂級安格斯肥牛好嘢留返最後講睇相都見到牛肉肥瘦分明，放落去10秒食得，好嫩滑，厚薄適中，一定要再嚟食😍😍😍想講店員好禮貌，好招呼！讚👍🏻

金翅花膠乳鴿湯底打邊爐成件事係幾咁奢侈😂個湯好味到不得了！ 一開個鍋蓋 大家都忍唔住： 哇～ ～ 好精緻 ！ 無得輸😂黃金炸魚皮👍🏻上台時仲係熱辣辣嫁！應該係即炸的！打邊爐一定唔小得既胡爐牛拼盤！牛胸爽，牛舌，牛柳粒.見佢色澤咁好就知係好野！牛胸爽係平時比較小食到～ 個口感係彈牙～ 幾好食牛柳粒同平時果啲唔同嫁！ 係入口會溶既！ 正 ！牛舌就一定要試 ！ 爽口！ 叫咗一個熟食： 老友鬼鬼都幾有特色嫁！係等啲野熟時食住先！ 一流 😌

醉胡爐原來英文係Bar and Restaurant😂 有酒飲又有野食，雖然今次無飲到酒，但火鍋部分都有夠高質。.湯底方面是乳鴿花膠金翅湯，本身湯底就是金黃色，又靚又有鮮味，原隻乳鴿煲過了湯，十分入味，花膠和魚翅份量都偏多，爽滑彈牙，還有半個日本南瓜，煲熟後直接連皮吃。.牛肉直接叫了一個小拼盤，包括爽口的牛舌芯，充滿骨膠原的牛胸爽，軟滑的安格斯手切肥牛，脂肪少肉味濃的極上手切牛肩脊，和油分剛好入口即化的霜降牛粒。.自家製響鈴一定一定要食，鮮炸出來的響鈴特別香，浸過兩秒湯仍然可以保持香脆的口感。.珊瑚蚌一煮就會捲起來，捲捲入面就是火鍋的湯，爽脆帶點海水味。.牛骨髓本身沒有味道，吸收了湯汁後就充滿鮮味，多汁又軟滑。.黑松露墨魚丸非常彈牙，整粒都是手打墨魚肉，帶點松露香。.小蔬菜拼盤份量比想像中多，有差不多4-5款菜，兩人食剛剛好。.竹䉀茅根水一札都幾多，清甜降火，而且解渴。

醉胡爐既湯底一向出晒名🤤夠足料個湯一上枱 煮滾後 一定要即刻整返碗先～今次叫左金翅花膠乳鴿湯 #女士必備 💁🏻‍♀️花膠好養顏 仲要食極都仲有 煮腍左更正大半個南瓜🎃上面就係乳鴿 店員好細心咁幫手剪乳鴿 方便食❤️服務加晒分我身為南瓜控真係大愛呢個湯底👍🏻啲南瓜好甜.豚肉紋理幾靚 屬厚切 但煮耐左都唔韌😍正牛丸有爆汁感 爽口彈牙 牛味香濃 半份就覺得係叫少左 唔夠喉😋最抵食莫過於烏冬😂打孖上 有驚喜 真係飽少少都食唔落。.下次一定會再黎食其他高汁湯底🍲

又出動打邊爐方便快捷用手機QR code落單等嘢食就係溝醬嘅時候湯底：金翅花膠乳鴿湯 $328好足料 花膠瑤柱金華火腿乜都齊仲有成隻乳鴿原本以為好濃郁 但飲落都幾淡重口味嘅我哋最後直接倒咗啲豉油落去😂胡爐牛拼盤 (大) $498(牛舌芯、安格斯手切肥牛、極上手切牛頸脊、牛胸爽、霜降牛粒)整體啲牛都幾高質特別係牛胸爽食落好爽口 幾正手打蝦滑 $98蝦滑配蟹籽 大路嘢無出事黃金炸魚皮 $88好大塊😂😂😂咸蛋黃味都算幾重老友鬼鬼 $78油炸鬼包住啲墨魚膠可以配泰式辣醬就咁食 但少少偏硬所以我同朋友都係鐘意淥一淥先食蔬菜拼盤 (大) $88 咩都有啲 正常啦紅薯粉 $48最後食一碗紅薯粉口感煙煙韌韌 撈埋湯底同啲醬料飽晒🦦黑松露餃 $68一咬落去 黑松露味就爆晒出嚟荔枝梳打 $78唔太甜 淡淡荔枝香打住邊爐飲 幾好幾好

朋友大大推薦嘅餐廳，話無論食物質素同環境都好正，一定要黎試吓喎！喜歡這裏的裝潢，深色牆身、bar 枱配上木製屏風，感覺好舒服。餐廳樓底好高，天花掛着大型的圓形燈飾，好似盛開嘅煙花咁，好靚！鍋底點了金湯鴿翅花鍋，上枱時被鍋面大份量金翅吸引，金金橙橙的。鍋入面有成隻乳鴿，我地餚左好耐先食，肉質依然嫩滑。花膠有成四、五舊大大舊，厚肉又養顏。居然鮑魚都有隻，煙韌鮮甜。大南瓜令到湯底好香甜，南瓜肉入口好綿又甜，淨係食鍋入邊嘅配料都飽咗半肚。桂花蚌呢個必食！好大隻！又鮮又爽口又彈牙！店員溫馨提示我地烚10秒左右。廣島蠔肥嘟嘟脹卜卜，入口鮮味肥美！飲品就叫咗竹蔗茅根，唔太甜又可以下火清熱，真係打邊爐嘅好選擇。養生滋補嘅火鍋，值得番黎再encore!

呢幾日天氣轉冷，凍凍地最好梗係打邊爐，今日就揀呢間醉胡蘆。地點係尖沙咀同佐敦中間，位置都好方便。一入到去三盞吊燈，裝修都好特別。燈光暗暗地打邊爐都可以好有情調。今晚就叫咗個椰子燉雞湯底，份量都足，有成半隻雞兼且成個椰子倒落去，加湯錢再點埋過火夠晒有噱頭。食物今日就叫咗一份海鮮，海鮮都好新鮮。其他就嗌咗個蔬菜盤墨魚滑，鮮蝦丸，豬肉丸，炸魚片頭。蝦丸裏面有半隻蝦，足料。墨魚滑都好弹牙。但價錢就係高一点。

雖然依幾日天氣又變返涼涼地，所以又去打邊爐。今次黎到依間火鍋店，佢嘅環境設計好新穎，位與位之間有屏風，係疫情期間係好重要，非常窩心。佢有唔同嘅湯底可以揀，每個都非常豐富，最後揀左招牌鮮椰青雞鍋，因為好鍾意椰子雞味嘅湯底，果然冇令人失望。店員會炒一炒雞件，再贊酒, 將椰青汁倒落去，慢慢滾起個湯，店員仲提醒可以試下個湯底，值得一飲。滾起嘅時候就聞到好濃嘅椰子味同雞味, 湯底非常鮮甜，真係雞湯味，結果飲左幾碗。本身唔期待D雞，平時打邊爐點親嘅雞最後都會變成好鞋，雞肉唔好味，但今次嘅雞肉軟腍腍，仲非常滑，令人食左好多舊。香菇韮黃帶子餃係依間店嘅限定食物，平時唔同餡都食過，但香菇韮黃帶子餡就好少食到。佢地嘅餃子皮似係用雲吞皮整，內裡餡都好足料，有小小地嘅帶子，帶子食落都幾鮮甜，有濃濃嘅韭黃味。對於有芝士嘅食物係冇抵抗力，一見到有芝心墨魚丸揀，就第一時間點左，用啖啖爽口墨魚包住芝士，而芝士係流出黎，非常幸福嘅味道。鴨血係近期嘅潮流，平時都係同麻辣湯一齊，但今次配上雞湯，味道都唔差。佢切到都幾厚身，煙韌度十足，值得一食。

覺得打邊爐一定又鹹又多味精？咁就要試下嚟醉胡爐喇！湯底除咗用嚟打邊爐，仲可以直接當湯水飲，係一個幾有驚喜嘅體驗。而且有別於一般火鍋店，醉胡爐喺裝修方面落足心機，燈飾靚之餘，座位同座位之間嘅空位都好足夠，坐得非常之舒服呢。👆🏼招牌鮮椰青雞鍋呢個鍋除咗賣相夠哂勁，食之前仲可以睇侍應姐姐表演。侍應姐姐會先將雞同配料 (椰青、紅蘿蔔) 炒香，之後點火，嘩嘩嘩好精彩之際。。。嘻！加返椰青水同湯底落鍋，登登登登！鮮椰青雞鍋就出世喇。打邊爐之前可以直接飲2碗湯先，鮮甜嘅椰青味加上濃郁嘅雞味，香而不膩，真係未打邊爐先興奮。👆🏼胡爐牛拼盤(小)(牛舌芯、安格斯手切肥牛、極上手切牛頸脊、牛胸爽、霸降牛粒)好似我咁心大心細嘅朋友仔可以叫呢個牛拼盤，一碟可以試哂5款牛肉。個人食落覺得牛頸脊牛味最濃。👆🏼頂級霜降牛柳粒 牛柳粒可以話係必嗌嘅食材，一睇相就知佢脂肪分佈平均。咬落去油香四射，香味會喺口入面徘徊好耐。👆🏼(左)黑松露芝心手打牛丸 (半份 - 4粒)👆🏼(右)XO鮑魚蝦餃王 (半份 - 4粒)蝦餃王足料，隻隻都脹卜卜。食落蝦肉好爽口，係新鮮嘅證明。又一次好好嘅用餐體驗。醉胡爐環境舒服，係一個同朋友放慢生

打邊爐成日會選擇去任食邊， 好耐冇試過高質嘅打邊爐。 醉胡爐 - 一入門口已經feel到個氣派， 但出奇嘅個價錢都算合比理。三個人點到個椰子雞鍋底， 侍應姐姐會喺我哋面前煮個湯底， 個湯底亦會加入新鮮椰青， 建議未開始放配料打邊爐前飲返幾碗湯先。 個湯有好濃郁嘅椰香味， 好清甜！ 配料點咗細嘅胡爐牛拼盤、 霜降牛柳粒、 XO鮑魚蝦餃皇、 黑松露芝心手打牛丸、唐生菜、 等等。牛拼盤裡面每一款肉都好重牛味， 絕對唔係平價貨。 其中較為特別嘅牛胸爽， 好似肥膏嘅物體但食落口一啲都唔肥膩，誠意推介！牛柳粒亦都係好重牛香味， 入口有少少化開嘅感覺， 而價錢亦唔算貴。 而其他丸類同埋蝦餃王亦都好特別， 材料全部都好新鮮，包括唐山菜都係。呢個價錢食到咁嘅質素嘅火鍋絕對係超值，店員服務亦十分之好，招呼周到！餐廳環境亦十分之讚，絕對推薦比大家！P.S. 食飽臨出門口嘅時候見到隔離枱個湯底係龍蝦湯底，好似好吸引，味道亦都好香，絕對會安排下一次自己同朋友喺度再食！

今日一行4人，又同同事Farewell. 同事鍾意打邊爐，咁就揾間好d架啦， 因為任食果d不是我杯茶。餐廳位於柯士甸路，唔好去錯柯士甸道，一頭一尾架。由於食左散水餅，4個都唔係好餓，6:30 就入座，都唔打算食好多野，所以叫個簡單沙爹窩就算數。 但其實重有好多特式湯底，下次一定再試過。火煱食材分別有: 牛脊肉，鵝腸，雲吞，墨魚滑，蠔筒，珊瑚蚌，雞子, 蝦滑，等等。牛脊肉薄薄一塊，但牛味濃，輕輕滾一滾就食得。鵝腸大大條，又夠肥，爽滑彈牙蠔筒同雞子夠哂大隻，真係男人之寶珊瑚蚌夠新鮮，大隻，爽甜食物叫左好似唔算多，但4個人飽到上心口，下次一定要人多d, 食多d其他特式野。 一定返轉頭。

好難得先約到好姐妹一齊食飯，仲要4個人都食到超飽。用Openrice訂位更加有超筍優惠，$1佛跳牆湯底，非常足料！！坐低冇耐就有staff推介抵食嘅聖子，買一送一優惠。食落一般，$55隻，唔知點解，好幾隻啲殼都係碎。後來叫咗油麥菜、唐生菜、嚮鈴、手打墨魚滑、雲吞、水餃、烏冬、手切肥牛。菜就比較新鮮，牛肉都好食。Again唔知點解啲牛肉切得好碎。飲品方面就普通啦，主要係得sake，我哋又唔太好，所以叫咗菊花蜜，個人覺得甜左少少🤏。餐廳環境係裝修得幾好，但廁所較為污糟。