醉胡爐 (已搬遷) 新店位置

上星期打完邊度都意猶未盡，友人又約打邊爐。今次黎尖沙咀醉胡爐，餐廳位置靜中帶旺，環境開揚高檔。落單自行掃QR Code, 電子餐牌已將食物分類、好容易根據湯底、肉類、海鮮、蔬菜、刺身等等作出選擇，點咗啲咩一目了然，即時計晒價錢，感覺清晰。呢個卜卜蜆鮮蟹魚鍋，有蟹又有蜆食。湯底係以鮮魚淆制，再加上原隻蟹，蜆，芹菜等食材，好鮮甜，忍唔住未淥其他食物前，飲左幾碗湯。食材點左A5 飛驒和牛，每片和牛都好似藝術品咁，見油脂分佈好細密均勻，顏色鮮嫩，厚薄適中，入口有即溶感覺，高質好味！唔需要額外點醬料已經好正！另外點左個蔬菜拼盤，唔同菜都有D，新鮮爽口。飲品點左樽菊花蜜，真材實料，配打邊爐又下火。今晚有飛驒牛、有蟹、又蜆，坐得舒服、食物又高質，真係好滿足。

醉胡爐，位於柯士甸路，距離尖沙咀或佐敦地鐵站都有段路程，雖則如此，餐廳人流極多，閒日晚上都座無虛席。餐廳湯底選擇極多，而且可以說是款款皆精，是夜就嘗試火焰龍蝦海鮮鍋，服務員會先略炒一下整隻斬件龍蝦，之後再加清酒後點火，酒香四溢，最後再加入極濃龍蝦湯底，鮮甜濃味龍蝦湯完成。餐廳除湯底精彩外，食物方面都旗鼓相當，黑松露蟹肉餃，皮薄材料豐富。紫菜炸響鈴，即叫即炸，熱辣辣上枱。牛肉當然選擇手切安格斯肥牛，油花分明，有入口即溶感覺。

門口真係好吸引，咁吸，咗入去😅😅原來佢個湯底有好多選擇，好特別！最緊要，最緊要就係佢個海鮮拼盤🦑🦪，同埋海鮮湯底🦞🦀🦐，完全符合本人嘅要求，食物新鮮👍👍

打邊爐除左之外，湯底都一樣咁重要，呢度出名湯底高質得黎又有特色。今晚想試下d海鮮湯底，就試下呢個卜卜蜆蟹魚湯先。湯底由銅制嘅鍋裝住，侍應會即場炒下啲食材，贊酒、點火，再加入秘魚湯，未食都覺得真材實料。一如所料，湯底鮮味。其他食物嗌左廣島蠔，蠔味香濃、滑身又大大隻。今次試左象拔蚌刺身，有唔同部位，幾有咬口，又爽又鮮甜。A5和牛亦係必點之選，牛本身好高質，油花好靚，入口滿滿牛味，夾雜好香嘅油香。環境好chill, 樓底高，坐位間隔亦疏，食得開心又安心。

朋友帶搵食，介紹吃這火鍋店!一進門侍應已很有禮貌招呼，點的火鍋湯底也很快送到!侍應介紹吃金湯鴿翅花膠鍋，那當然試試啦!結果，真的沒介紹錯，一大件南瓜，一隻原隻嫩滑的乳鴿，還有很多花膠，湯頭很濃郁，喝起來很舒服!還點了一些火鍋必點的食物，雜菌拼盤，魚皮餃，雲吞，烏冬等……而當中最特別的就是雲吞!雲吞內的肉，都拌了超多蝦籽呢，吃起來每啖也有很豐富的蝦籽味!而服務方面，侍應會不停的加湯，一看到沒有就幫忙加，完全不需要我叫再加湯，就連碗碟方面，吃到中途也會主動為我們更換新，不錯!

呢段時間，成日都會有好多人聚會，原因當然係有人移民。想有一個舒適嘅地方坐得好少少同埋可以打邊爐，選咗好多地方，喺銅鑼灣同尖沙咀之間揀咗尖沙咀。本來想試吓台灣鼎王麻辣鍋，但由於朋友移民，當然要揀一啲香港式火鍋。最後都係選擇呢間叫做醉胡爐，聽唔明以為係飲食，原來都係走精品路線嘅火鍋。本來我想叫胡椒豬肚鍋，但講明想吃一啲特別東西，就選了金翅花膠乳鴿湯。完全冇諗過呢個配搭係咁好，金翅同花膠煲到好得，剩係個湯都夠料好味。叫咗唔同嘅牛肉，有牛頸脊，有本地肥牛，有牛舌，全部價錢唔算貴又幾大份。呢度嘅雲吞，同埋唔同嘅牛丸蝦丸嘅質素都唔錯，唔會太大粒，好似我哋呢啲胃口唔大嘅人就最適合，同埋佢哋啲鴨血都好好，有台灣風味。最重要係可以雙拼，適合朋友多，三心兩意的人。當然其他菜類同炸魚皮，響鈴等等都質素高而又好食。個湯咁正一定要叫埋嗰烏冬。吃完咁多香港味道嘅火鍋就當然係好滿足，可惜要送別朋友，希望將來有機會可以再一齊再聚。

今日去尖沙咀行街，行到佐敦附近見到醉胡爐，就心郁郁入去試吓，因為之前試過尖沙咀胡爐，都ok，心諗應該有保證😋入到去環境幾好，有少少日式風味。我哋試咗個有特色啲嘅金湯鴿翅花膠湯（$328），估唔到有驚喜！👍🏻隻乳鴿肉質鮮嫩，咬落去肉汁不停流出！🥰而湯底亦好多花膠同翅，湯底濃郁鮮味，正！打邊爐配料，就叫咗爽脆牛胸爽，香菇韮黃帶子餃同黑松露芝心手打牛丸。特別要講下牛胸爽肉質彈牙，好香牛味。牛丸雖然細細粒，但亦包住好多芝士黑松露，味道同牛丸好夾😋最欣賞嘅係仲有串燒提供，我哋叫咗黑豚肋肉（伊比利亞產）同鹿兒島黑豚腩肉，特別要推介黑豚肋肉，肉質鮮嫩多汁，油脂分布平均😉一流！總括嚟講食物質素高，其實淨係食個湯底都已經飽咗一大半，所以湯底唔算貴。餐廳環境亦舒適適合放工同朋友黎傾下偈，happy 下☺️

🔥食落一點也不覺得熱氣的邊爐你試過未？不特止還有點養生的感覺😛金翅花膠乳鴿湯底一飲就覺得好濃郁，花膠鷄湯搭配魚翅同乳鴿，豪華又開胃，仲配埋大大件日本南瓜。胡爐牛拼盤（$388）有齊牛胸爽、牛頸脊、肥牛，更加有牛舌心，全部都好重牛味，淥一下就食得。紫菜響鈴（$88）大大件又脆又香，同一般嘅響鈴與別不同。蔬菜拼盤吸盡湯汁精華☺️各種蔬菜全部都清甜又新鮮。另外叫咗海鮮盒，有各式各樣嘅肥美海鮮，最鍾意大大隻嘅鮑魚😍

今日去咗醉胡爐打邊爐，真係幾高級。無論環境、服務，還是食物質素，都冇令我失望。湯底方面我想試吓佢個新湯底，所以就叫咗個今次花膠乳鴿湯。佢個湯底非常足料，首先飲咗個湯先，味道好濃，完全有滋潤嘅感覺。而且佢個乳鴿係一隻上，好有肉感，唔錯。另外佢就係有好多花膠，好好食。我哋叫咗兩個串燒，一個係鰻魚，一個係雞軟骨冇乜太特別，但足夠醫肚。火鍋料方面，我哋叫咗個胡爐牛拼盤最欣賞佢個牛頸脊，因為肉味好香而且又好有咬感另外就係佢哋有本地新鮮牛脊肉，雪花好均勻，一睇就知道係靚野隨時另外就係佢個紫菜響鈴，好好食唔會話好油，而且仲卜卜脆另外一讚就係佢哋個自家製韭菜餃，皮唔會好厚，餡料都足!

其實每次經過呢間野，我都好想入去試，因為鍾意食火鍋，今日終於一賞所願！首先要第一站就係佢個環境，感覺佢都幾用心去裝修方便，尤其是係等食飯見，用咗好多大有華麗嘅燈，感覺即刻成個高級左而且佢有一個好似海鮮吧嘅野喺樓面，可以見到佢哋嘅員工切材料醬料方便，都有好多款選擇，我就乜都試左啲，但就唔落佢哋嘅辣椒醬，因為味道比較特別，唔似一般嘅辣椒醬油，冇乜辣味，反而有少少奇怪。不過佢本身個湯底都好夠味，所以大部份時間其實我都冇掂到醬汁湯底方面叫左花膠乳鴿湯。好有自家湯嘅味道，因為佢好足料，有好多花膠，而且係原隻乳鴿上正式食火鍋配料之前，員工會先叫我哋飲咗湯先，佢都會返我哋將個乳鴿切件，方便我哋食好像都唔係叫咗好多火鍋料，因為就咁一個湯底都已經有飽飽地嘅感覺我見好多人推薦食唔胡爐牛拼盤，所以我哋都叫咗一個試吓。佢份量其實都幾多，我覺得如果兩個女仔食嘅話真係足夠晒。佢有幾款牛，而我最鍾意嘅就係佢嗰個牛頸脊，肉味香而且口感唔錯另外我哋仲叫咗個海鮮拼盤，建議鮑魚真係唔好煮咁耐，我哋就係唔記得咗睇火，食起上嚟嘅時候真係好硬呀

今日黎到尖沙咀醉胡爐打邊爐，湯底有好多撰擇，今次就撰咗金湯鴿翅花膠鍋。湯底好足料，有一隻乳鴿同埋花膠分量都幾多，重用咗日本南瓜，湯底金黃色非常濃郁，而且無落味精好清甜，自己都飲咗兩碗湯先開始打邊爐🤣小食叫咗酒泡鴨舌同老友鬼鬼，鴨舌份量都幾多，老友鬼鬼口感非常得意，係油炸鬼上邊釀上蝦膠，跟住拎去炸，食落好香脆但又好彈牙咁🤣芝心墨魚丸🦑、香菇韮黃帶子餃、手打牛丸，都幾好食😋，紫菜炸響玲，即叫即炸本地肥鵝腸，淥一陣好快就食得，食落去爽口彈牙幾好食！

一入門口俾🔮💡水晶吊燈吸引住😍仲有左邊👈🏻既酒樽牆🍾🍾🍾超靚🤩~•~•~•~•~•~•~•~•~•~•~•~•~•~•~•~•~•~•~• 一開始店員會拎調味架🧂俾你，用完佢會收番，等你ᎡᎬᎪᎠY好，之後先上鍋🥘.▪ 黑白胡椒卜卜蜆鰻魚鍋 ($348) 🖤🤍🐚🐍🥘一上枱，鍋入面有勁多蜆🐚，面頭中間鋪左6️⃣舊鰻魚🐍店員會先將鍋料炒香，再加米酒🍾，點火🔥爆炒幾下🥣之後就係食呀😋食呀😋！鰻魚🐍都幾厚身🤌🏻，肉質彈彈地牙🤓卜卜蜆數量超多呀😙蜆肉冇沙，鮮甜😝隻隻都有蜆肉，唔係得個殼👏🏻蜆底仲有好多索晒胡椒汁🖤🤍既芽菜🌱黑白胡椒汁🖤🤍既味好香濃，少少辣🤏🏻🌶好惹味🤪.食完蜆煲，店員會幫你加湯，煮滾就可以打邊爐啦🍲.▪胡爐豚拼盤 ($268) 🐷(💁🏻‍♀️秘製蝴蝶腩 • 豬頸肉 • 伊比利亞黑毛豬豚肉)▫️秘製蝴蝶腩🦋：痴住豬肺既🤏🏻一少塊肉(豬既橫隔膜🐽)唔係牛肉🙅🏻‍♀️🐃，係豬肉🐖，好濃既豬味🐽▫️豬頸肉 🐷： 少少彈牙🤏🏻好爽口，唔會好肥💃🏻▫️伊比利亞黑毛豬豚肉 🐖： 高質🏅豚肉，脂肪出名係完美分佈，肉質鮮嫩，唔會韌🤗.▪ 手工雲吞🥟 • 半份4️⃣粒 ($48)雲吞餡料好足，脹卜卜😳入面係鮮蝦🦐同豬肉

同朋友食飯見咁多好評以為無死，點知仲差！一開始叫左卜卜蜆鮮蟹魚鍋同椰青雞鍋，$300一個鍋黎到打開份量極少，卜卜蜆鍋芫茜仲多過主食。然後到椰青雞鍋個staff倒椰青水落去既時候仲成個保鮮紙跌埋落個鍋到，倒完就係個鍋到執返上黎就算，完全無諗住換過新既比我地，真係咩胃口都無哂。本來都諗住味道應該唔差掛，點知雞又鞋又無味同煲湯雞無分別。卜卜蜆同”鮮”蟹無一忽肉係無沙，蜆有啲係死既唔開口，蟹又係死既啲肉痴哂殼又梅梅地。連帶之後既打火邊爐配料同肉都溝哂沙。個鍋劣食都算連$300幾數一碟得幾塊既牛同豬都係又鞋又無味，唔知憑乜賣咁貴。依間野唔單止野食劣質，連$78一扎既椰青水同竹蓆茅根水都係溝過水，唔講以為佢賣緊$20一扎。順帶一提啲staff 勁無禮貌，成日失驚無神就係人面前攝隻手過黎拎野擺野。仲有啲餐具同杯都好污糟，係肉眼一望就望到有積同塵，都唔知有無洗過。

三十五度的炎夏，最佳活動莫過於是打邊邊，對嗎?去年邊爐家族一事，大家把吃火鍋視為高危活動，搞到唔少火鍋店頂唔住結業，認真冤枉。我常說，打邊爐從來無分季節。那管是大熱天時，開恆冷氣，大大啖啤酒汽水，仍然可以很爽皮。忽然一天，混醬成為了去滾的指定動作，呢度都唔例外，生蒜熟蒜，辣椒蔥花，芝麻醬辣醬，悉隨尊便。遲了點到，朋友已柯打了湯底，係金湯雞翅花膠鍋。筆者早已不吃翅，但唔通見到個湯底就起身走咩?魚翅素翅以外，仲有雞同花膠，甚至鮑魚，非常豐盛。留下魚翅給朋友品嚐就好。等湯底滾起需要時間，先來份小食，黃金炸魚皮，邊吃邊等。平時食既魚皮都係捲曲起來的，直筆甩既出品，倒是首次見識，但以邪惡的咸蛋黃包括著，總是可口。是夜，係食肉獸既天下。豬、羊、牛，同埋牛丸俱備，關鍵是，四人當中，三個唔食牛，一人不吃羊的。唔理咁多了，盡情地吃罷！看豚肉的油花大概可知其水準，牛肉是拼盤，有齊不同部位。牛舌芯薄切，仍不失爽脆口感；牛胸爽也是預期中的爽口；手切牛與牛頸脊之間，個人會較愛後者。兩碟羊肉均是充滿個性，如果你是羊迷，大概會愛不釋手。明明全枱得我一人吃牛，丸類卻不是四寶丸或者其他丸子，而是芝心牛丸。既然放到上桌，

今次同啲同事黎到醉胡爐打邊爐，人多就可以試多啲野。呢間店嘅環境有格調，啲燈好靚，有些少日系感覺。用手機點餐嘅時候發現火焰龍蝦海鮮鍋好特別，未係其他地方食過，所以就揀佢啦。呢個鍋到左之後就將佢加熱，店員再淋上酒同點火，燒到咁上下再加以攪拌，再將龍蝦湯倒落去，就會飲到超濃郁嘅龍蝦湯同食到帶有酒味嘅海鮮。老實講呢個湯係我飲過最好飲嘅龍蝦湯，至少我都飲左兩碗，同埋唔好拎麥當勞個啲出黎比，因為完全唔係個回事，哈哈。手切頂級安格斯肥牛份量好多，片得好靚，係鍋內掃兩掃，就可以食到入口即融嘅感覺。黑松露蟹肉餃同韮菜餃各有特色，皮薄餡靚，食得出佢地係好比心機去整呢啲餃子。牛骨牛汁丸就好勁牛味，好有肉汁，唔講以為自己食緊瀨尿牛丸呀。芝心墨魚丸真材實料，夠哂彈牙，又食到濃厚嘅芝心餡，無得輸。呢間店仲有勁多食材比大家過黎慢慢發掘，絕對有下次，食過返尋味。