醉胡爐 (已搬遷) 新店位置

今次同啲同事黎到醉胡爐打邊爐，人多就可以試多啲野。呢間店嘅環境有格調，啲燈好靚，有些少日系感覺。用手機點餐嘅時候發現火焰龍蝦海鮮鍋好特別，未係其他地方食過，所以就揀佢啦。呢個鍋到左之後就將佢加熱，店員再淋上酒同點火，燒到咁上下再加以攪拌，再將龍蝦湯倒落去，就會飲到超濃郁嘅龍蝦湯同食到帶有酒味嘅海鮮。老實講呢個湯係我飲過最好飲嘅龍蝦湯，至少我都飲左兩碗，同埋唔好拎麥當勞個啲出黎比，因為完全唔係個回事，哈哈。手切頂級安格斯肥牛份量好多，片得好靚，係鍋內掃兩掃，就可以食到入口即融嘅感覺。黑松露蟹肉餃同韮菜餃各有特色，皮薄餡靚，食得出佢地係好比心機去整呢啲餃子。牛骨牛汁丸就好勁牛味，好有肉汁，唔講以為自己食緊瀨尿牛丸呀。芝心墨魚丸真材實料，夠哂彈牙，又食到濃厚嘅芝心餡，無得輸。呢間店仲有勁多食材比大家過黎慢慢發掘，絕對有下次，食過返尋味。

下雨天, 天氣涼咗啲, 又想打邊爐啦！♨️ 卜卜蜆鮮蟹魚湯 店員首先會加酒, 起火, 焗一焗蜆及蟹！之後就會加入魚湯！蜆及蟹肉都好飽滿, 吸入咗酒嘅清香甜味！魚湯好鮮, 一啲都唔腥, 朋友唔食魚嘅都讚個湯底正！打邊爐當然要啤啤佢！♨️ 韭菜餃應該係新鮮包製, 餡料豐富！ ♨️ 蝴蝶腩上枱時已經煮到熟咗, 建議放入個煲度再煲到軟淋狀態, 第一次打邊爐食蝴蝶腩！♨️ 牛筋牛丸口感彈牙, 食到牛筋位嘅時候會特別juicy！♨️ 蟶子鮑魚拼盤 - 朋友唔食海鮮所以我哋淨係叫咗一份, 蟶子同鮑魚都幾大隻, 新鮮！ 💬 餐廳樓底好高, 裝潢走高雅路線～ 火鍋材料貴精不貴多, 不過仲有好多款串燒同佐酒小食叫！

之前幫襯過醉胡爐，對佢地體貼嘅服務念念不忘。今日咁啱有朋友想打邊爐，即刻介紹佢地嚟試下。👆🏼金翅花膠乳鴿湯打邊爐之前可以先飲湯，湯底香濃得嚟唔會太油膩。侍應姐姐仲幫我地剪開乳鴿同瓜殼，乳鴿可以即食，非常嫩口，瓜殼可以打邊爐打到中途先食，索哂湯底冇得頂！👆🏼手切頂級安格斯肥牛好香牛味！脂肪位夠多，入口即溶。提議唔好淥太耐同點太多醬料，韌咗同食唔到牛味就好浪費架喇！👆🏼頂級霜降牛柳粒一啖一粒好過癮，雖然有少少筋但唔太影響口感。👆🏼伊比利亞黑毛豬豚肉因為本人係牛魔王，所以好少打邊爐食豚肉。點知咁有驚喜，原來黑毛豬係咁香嘅，未試過嘅朋友不妨俾個機會佢。👆🏼黑松露芝心手打牛丸呢個之前食過一次，因為太好味所以要encore。芝士同黑松露比例啱啱好，2種香味都食到。加埋手打牛肉，一次過滿足哂3個願望。👆🏼芝心墨魚丸好少食到墨魚丸咁濃墨魚味，好味到其實一個人可以食一碟。不過佢比手打牛丸薄身少少，一咬啲芝士就會爆出嚟，食嗰陣要小心焫口呀。食物水準保持得好好，一啲都冇失望。店員亦好積極介紹唔同食材嘅特色，保証你可以揀到心水嘢食。如果有咀刁嘅朋友約我食飯，我會帶佢嚟醉胡爐試下呢！

金湯鴿翅花膠湯～湯頭超濃郁，乳鴿肉很嫩滑，侍應還會幫忙剪細份比我地食，很貼心～而花膠數量也不少，厚身的～自家製響鈴～這個打邊爐少不了，浸一浸湯，外軟內脆～蔬菜拼盤～蔬菜都索了花膠湯的湯汁，盡吸精華，勁正，必吃～脆皮芝士腸～就是快吃系列，亦是朋友最佳爭奪的食物🤣但數量都多的，有足足16條～黑松露蝦多士～很香黑松露味，蝦膠亦很彈牙，多士夠曬脆～老友鬼鬼～蝦膠釀酒炸鬼是也，快速浸一浸湯即食，外熱內脆又彈牙～本地新鮮騸牯牛脊肉～ 牛肉味濃郁，較有質感，牛魔界少不了～

慶祝拎到消費炸劵自然要使吓錢， 雖而今餐冇得用！😂😂同朋友三人去打邊爐， 再嚟尖沙咀醉胡盧！ 湯底 - 金湯鴿翅花膠鍋 - 好足料，原隻乳鴿加大量花膠（貴價貨）、南瓜和魚翅。湯好鮮甜，花膠大大隻，數量極多， BB乳鴿好嫩滑。 淨係飲過湯同埋食花膠、南瓜都已經飽咗一半。 啲花膠好大嚿，數量好多，食得出比平時任食嘅質素好10,000倍。三個人點左兩碟牛，一碟豬，兩款丸類 加粉絲。安格斯肥牛 - 脂肪含量適中，用個湯60秒擺入口，牛味濃郁，質素高！牛柳粒 - 細細粒一夠，脂肪比例偏瘦，但食落口就覺得啱啱好，唔會太油膩。 仲有重重嘅牛味添！黑毛豬 - 比起牛失色小小， 但味道還可！ 黑松露芝心手打牛丸 - 平時好怕食黑松露，覺得浸味好怪，但呢個牛丸牛肉味掩蓋到少少黑松露嘅味道，黑松露味道唔算濃烈， 正！芝心墨魚丸 - 推介必吃， 墨魚丸肉質彈牙，中間配上爆漿嘅芝士，味道十分之夾！ 必食！餐廳走高級火鍋路線，但價錢收費合理，服務態度一流！

今日慶祝生日飯，睇食評覺得醉胡盧好評吾錯，睇過食物圖片又覺得靚仔，book左枱後，職員來電確認人數，講出特別優惠第一：$88一隻聖子加一隻鮑魚每人一份第二：$268牛頸脊一份，佢話原價$368聽完覺得價錢都非常吸引所以每樣我都要左一份準時黎到貴店，地方就企理正常既，但問題呢就枱與枱之間太迫，同埋座位唔夠寬躺，一坐低已經覺得啲冷氣非常吾夠，大熱天時打邊爐唔夠冷氣真係嚴重扣分食物方面，呢個$188西班牙黑豚肉非常普通😩之後仲有預訂嘅$268牛頸脊，實在是普通貨色，並沒有店員所講的甘吸引，自家製餃子🥟食左兩款名我都唔記得啦，因為真係麻麻地其他食物都不值一提，串燒同湯底大家睇圖就知😅整體來講食物質素普通，但係價錢就相對太貴，兩個人食物圖已齊，總共食左$1780蚊，好老實講，呢個價錢有好多好選擇😢😢

近來又心思思想打邊爐！上次跟好友吃胡爐時提過想試埋姊妹店醉胡爐，那便不加思索訂了醉胡爐來解決Blue Monday。甫坐下先混個靚醬！有齊芫荽、香蔥、生、熟蒜、辣椒、麻醬、沙茶醬和辣醬，喜歡吃什麼口味就自揸主意啦。 先來一份黃金炸魚皮＄88吃著等湯滾，這個炸魚皮身型畢挺比平了鬈的版本口感來得更香脆，加上滿滿甘香的鹹蛋黃味道當然更加吸引。我們這夜的湯底豪氣地選上這個濃湯佛跳牆雞鍋雞翅鍋＄398，鍋底甫上檯揭開蓋後真的令我有驚喜啊！內裡材料非常吸引包括有鮑魚、海參、鮑片、花膠、魚翅、素翅和鮮雞，這麼重料那口湯渴下又怎會不鮮甜呢！  喜歡牛羊的朋友點了黑松露芝心手打牛丸＄98、紐西蘭草飼羊肉片＄138、胡爐牛肉拼盆＄388/細，我沒法品嚐就不能為大家評了！  放心我也有伊比利亞黑毛豬豚肉＄208吃喔！份量挺豐的黑毛豬豚肉肥瘦均稱下湯輕灼後便可品嚐，吃下肉地夠咬口肉味亦好我吃了不少呢！ 再點上兩份鮑魚蟶子拼盤＄88/份，鮑魚口感煙韌蟶子鮮甜可口吃得過啊！喜歡吃餃子的我特別喜歡這個黑松露蟹肉餃＄128，一客有8隻之多恰巧我們四人可以分得勻，服務員叮囑下湯灼45秒便可享用果然準繩，灼好的黑松露蟹肉

最近的熱門話題當然是Mirror、Error，同埋奧運啦！就在男子花劍奪金的晚上，跟朋友倆出來聚聚，見到醉胡爐有濃湯佛跳牆雞翅鍋，就去滾下見下面。濃湯佛跳牆雞翅鍋HK$398，有鮑魚、翅、雞肉、海參、鮑片等，相當豐富，未放配料前，當然要呷一口湯頭啦!  比想像中清淡，但也很鮮甜。預計我們都會吃清湯料，所以只點了2款肉類、餃及蔬菜。火鍋前先來個香口小食黃金炸魚皮HK$88，平張炸魚皮我都是第一次嘗到，好脆口， 那鹹蛋黃氣味也極之吸引，讓人吃個不停。伊比利亞黑毛豬豚肉HK$208，肉味濃郁，口感鮮嫩，跟湯底好搭配呢~紐西蘭草飼羊肉片HK$138，肉質細嫩，熟透後的羶味頗濃郁，如果非常愛吃羊的，應該會好喜歡這味道。黑松露蟹肉餃HK$128，這個有驚喜，菇粒與黑松露是主角，蟹肉只是小角色，黑松露味道恰好，記住烚48秒就可以了啊﹗最後，來個蔬菜拼盤(小) HK$58，可以吸滿湯頭，爽脆又鮮甜。

打邊爐黎講都好少可可以難食，肉質極唔新鮮，送上黎仲未解凍好哂。呢個價錢嚟講份量亦好少，所有野鋪勁厚椰菜墊底，實質得個幾片。。。。湯底有沙。。餐具、杯都好多漬。冇下次。

本身都好少打食評，但今次真係忍唔住要比下意見。朋友生日想6人一枱打邊爐，搵到呢間逐樣叫既火鍋店。6人一齊坐一定要安心出行都理解嘅，但門口個女店員態度極不滿又黑面咁check每人手機有冇掃到，驚死人無掃扮掃左咁。然後坐低左 有兩邊爐所以叫左2款鍋，一個四格鍋一個花膠雞鍋。其中一個爐等左半個鐘都未滾，中間已同店員反映過個爐唔熱 佢話開得太大會唔識熱？！ok, 咁本身較左最大 之後較細左兩格再等，都.係.唔.滾！再叫店員黎，試過隔離張吉枱個爐一開就滾。咁好明顯我地張枱個爐有問題啦。有個男店員就話轉個gas爐比我地，然後另一個阿姐堅持話個爐無問題話唔駛轉🙄🙄我地等到都燥燥地，再叫店員黎直接換個gas爐比我哋，唔好晒大家時間。由8點坐低 等到差唔多9點都未有野落到肚。雖則佢唔係限時果啲邊爐，但係都唔係咁樣等呀？換左gas爐之後終於可以食喇，本身訂枱果陣話留定蟶子鮑魚同高級牛同象拔蚌，要三催四請先至上到枱。食物係唔差嘅，但服務真係唔好抱太大期望。同埋價錢真係唔平。首先個湯底$250-350一個，丸類餃類半份得4粒要$4x😐最後，我地買咗蛋糕黎，打完邊爐叫佢上蛋糕都等左勁耐。我地6個人食左$4000

已經係第2次黎呢度打邊爐，呢度真係我食過最性價比高最高質既邊爐！一入到去都差不多滿座啦，好受歡迎！如果想食真係book定位好啲！我地叫左個麻辣湯底，真係好夠味，好香又夠麻，☺️仲有好多鴨血配埋一齊，鴨血係一啲都唔水，勁入味，好鬼正，鍾意食麻辣既一定要試下，仲要平，下次一定要再叫！呢度既胡爐牛拼盤真係無得輸，牛肉粒同肥牛係我最愛👍🏻👍🏻仲值得一讚，丸全部都食得出係手打、好新鮮，響鈴都係即炸個種，感覺樣樣食材都足料，食完好滿足！

我幾驚喜的一次打邊爐經驗，就係個湯底金翅花膠乳鴿湯。好耐之前我已經去過胡爐系列，尖沙咀上樓嘅任食邊爐價錢相宜有好食，我吃得高興，當時店員推介佢哋嘅姊妹店醉胡爐，佢話質素更上一層樓。個湯底有大量花膠同翅，乳鴿都好大隻，個湯又濃，飲三碗都唔夠。就係因為呢個店員咁樣嘅推介，今晚就同屋企人嚟到打邊爐。估唔到上樓有一個唔錯嘅私人房間，而且呢度嘅裝修係傳統嘅火鍋店，空間感幾好。先點了極上本地牛頸脊，做得唔錯，吃得精彩的芝心蝦丸，好好食之餘，又唔係好大粒，芝心得令人心花怒放。黃金炸魚皮，我覺得係炸得好好，黃金令人不會覺得油膩。紫菜炸響鈴應該都係自家整，當食烏冬同麵類。台灣鴨血就相對普通，而且好簡單，一定唔會好似有台灣嗰啲咁好食，但係頂住檔先。手工雲吞自家得來質素不錯。本地新鮮封門柳，比牛頸脊嘅味道濃得多。雙併餃類了另外一個係香菇韮黃帶子餃，同雲吞一樣冇令人失望。菜類點了厚切萵笋片、皇帝菜和鮮淮山，送下牛肉，又襯翅湯。訂咗下星期又再食，值得大推。

打邊爐食得多，食完之後...同朋友一致覺得呢間環境．食物同服務都好，下次Gathering可以再嚟見到枱上推介呢款湯底「金翅花膠乳鴿湯 」店員好貼心，乳鴿熟咗之後，幫忙分件上碟，裡面嘅魚翅花膠，絕對唔係粉絲同花膠碎，先飲湯再加配料打邊爐，鮮甜。「胡爐牛拼盆 」5款牛肉嘅肉質口感上都不同，雪花均勻，烚完唔會靭。「手打墨魚丸」粒粒都爽口，口感比一般的更好食「手打墨魚滑 」球形般嘅墨魚滑，加上蟹籽點綴，大家都覺得一定要食串燒方面好多款式都好吸引「雞腎 」「雞心 」加上燒汁好惹味「椰青水」冰涼鮮甜，同原個新鮮椰青嘅味道分別不大，打邊爐最啱

揀咗尖沙咀呢間火鍋店，同朋友慶祝一年一度生日飯。當然要揀間坐得舒適又好食嘅餐廳。火鍋湯底好多選擇，款款都好吸引。金翅花膠乳鴿湯 $328湯底好味，原隻乳鴿+魚翅花膠，好足料，單係湯底都已經覺得好正。胡爐牛拼盆 $388牛舌芯、安格斯手切肥牛、極上手切牛頸脊、牛胸爽、霜降牛粒自家製韮菜餃 $48大大粒好飽滿，韮菜烚完依然新鮮嫩綠手工雲吞 $48大大粒鮮蝦好爽口手打墨魚丸 $88好爽口，彈彈彈手打墨魚滑 $98用匙羹一粒粒咁放在鍋，原來份量都幾多，比起平日食到嘅墨魚滑，更加足料新鮮。雞腎 $28雞心 $28難得搵到食材質數高嘅火鍋，下次必定再嚟

不得了啦不得了，今次嘅食材實在太好食，搞到我去唔番平時飲食嘅質素，大家可以望吓啲相就知道啲食物幾咁新鮮。我叫左金翅花膠乳鴿湯底，佢嗰個湯底，真係名副其實，入邊勁多魚翅同埋花膠，基本上每啖湯都可以飲都好濃郁嘅花膠味。配合埋佢超級新鮮嘅食材，返去直頭係好似自己喺街市，揀上成嘅材料放落自己炮製左兩日嘅湯底一樣。仲有以下四樣餸脆鯇腩白膳片皇帝菜本地肥鵝腸雖然價錢都相當唔平，但係物有所值。要喺街市買到咁靚嘅食材，其實價錢唔會差好遠。同埋佢個湯底雖然要三百幾蚊，但係入邊真係比足料，每次都食到魚翅同花膠，份量好多，仲有一隻乳鴿喺入邊，咁樣加埋自己買材料其實2~$300都走唔甩。食材超新鮮其實都好好食，加埋佢湯底咁滋味，真係令我食過返尋味。如果大事大節，大家經費充足，真係可以黎盡興一番！