迷客夏 (利園山道)

營業中

休息中

我對迷客夏嘅印象唔錯，特別係招牌大甲芋頭鮮奶，試過幾間飲料店嘅芋頭奶，呢間最啱我口味。最初開門都曾經有人潮，而家淨係利園山道都有三間飲料店，變相選擇多左，我地都容易買左臨近聖誕，銅鑼灣店簡單用彩色聖誕波波佈置，好有氣氛，用黎做影相背景幾靚。餐牌供分茶、鮮奶、奶茶、芝士奶蓋、特調飲品，定價$16-36。試左呢款新品，當日先啱啱推出，所以有優惠價，抵飲。大甲芋頭綠茶拿鐵 $20 (原價$30)鮮奶茶用透明杯子，可以見到大甲芋頭份量唔算話好多，如果可以加錢加芋就好了。迷客夏嘅芋頭係飲過之中煮得最綿爛、軟腍嘅，完全無顆粒感，自身帶甜度鮮奶換上明治，沖泡時加入冰量唔多，飲落有明顯茶味，而且唔會過甜。淨係講芋頭奶綠，相對清玉，呢杯較優勝。冬瓜青茶+珍珠 $24/微糖/正常冰鐘意清爽野可以一試，點微糖飲落啱啱好，茶味出眾，後續先有少少冬瓜甜味。珍珠透明色，口感有彈性、噍頭。如果淨飲青茶可能我會覺得單調，配搭珍珠有加分

已是第三次幫襯！必定要飲大甲芋頭鮮奶 作為芋頭控的我覺得milksha 暫時是香港芋頭奶界Top 1芋頭為台灣大甲芋頭 調飲師會不吝嗇地抓兩大舀芋頭 加上meji 奶以攪拌機拌勻 充滿芋頭咬口而且 芋頭香綿甜滑 非常之match 關於排隊既時間 每次人流唔算太多 調飲師效率都高 好快會整好 另外要讚既係每次去質素唔會參差 都好穩定 仲記得未對迷客夏上癮前會去開另一間連鎖飲品店飲香芋奶綠 觀塘的質素一致比較好 但其他分店好參差 有一間葵芳的好似飲水咁淡有次夜晚黎 點知芋頭賣曬 特登收工由九龍搭黎港島既我白去一趟 大家要留意係會售罄的今次去飲 有另一杯新上癮的大甲芋頭綠茶拿鐵有優惠價 $20 又要試一試 比想像中好 一樣有芋頭咬口 但鮮奶會比較杰身 呢杯就稀d

今天中午和朋友吃完麻辣火鍋，想要買杯手搖。原本打算喝綠茶的，可是想想，吃了那麼油，那麼辣的東西，還是喝點奶養養胃，所以就點了拿鐵。珍珠茉香綠茶拿鐵（$28）點了熱的，兩分糖，喝起來清甜，喝完整杯都不會膩。拿在手裡熱熱的，冬天暖手必備。珍珠吃起來超軟糯，還有迷客夏珍珠特有的口感和味道。茉香綠茶喝起來很香，配合牛奶不會互搶，喝起來挺順喉的。PS 現在店裏有聖誕裝飾，牆上掛滿了聖誕球，打卡很漂亮欸～～～～

銅鑼灣有好多唔同的台灣過江龍飲品，而迷客夏吸引我的地方是這裡的芋頭鮮奶。都有一排冇飲啦，今日突然興起想飲，於是就同同事lunch時間去買。人龍已經沒有像剛剛開一樣，所以好快就可以買到！大甲芋頭鮮奶（$32），芋頭煲得軟綿綿像泥芋，但還可以食到一粒粒既芋頭，不會好甜！鮮奶很滑，兩者一齊飲很match，芋頭味能夠充斥住口腔內！中意飲就要幫襯多D，唔係一陣執左就無得飲架啦！因為我試過有一間好中意飲既過江龍飲品店執左！😭

這間位於「珍煮丹」旁邊的「迷客夏」亦是一間人氣台灣過江龍，不過，其鎮店之寶並非黑糖珍奶，而是享負盛名的「芋頭鮮奶」身為「芋頭控」的我當然要試試大甲芋頭鮮奶（$32）由下單至取飲品等了大概20分鐘，效率挺快的記得喝前先搖勻，不然會喝不到芋泥不得不說，真 的 很 好 喝奶味香滑濃郁，芋泥份量挺多的，而且帶有芋泥粒，口感十足鮮奶是沒有甜味的，芋泥則帶有一點甜味合併一起喝，鮮奶能中和芋泥的甜味即使喝完一整杯也不會覺得甜膩不過，以杯子的容量來說，價錢略嫌有點貴雖然價錢不太合理，但這杯芋頭鮮奶真的很好喝還未試過的朋友，一定要試試

近半年，全城都迷上黑糖珍珠奶茶，我都唔例外。不過珠奶真係好甜好滯，基本上飲完都唔係好食得落飯，所以見迷客夏Milksha除咗珠奶，仲有其他特別嘅台式飲品，就排隊試試。今次試咗大甲芋頭鮮奶同柳丁綠茶，兩杯都有驚喜。大甲芋頭鮮奶好足料，每淡都會飲到啲芋茸，口感綿綿，同牛奶好夾！可能因為真係好足料，所以飲完都有少少飽。柳丁綠茶就好清新，一路飲仲會飲到一絲絲嘅橙肉。真係估唔到微酸嘅橙汁同綠茶係咁夾！如果飲得多珠奶想轉下口味，可以試下呢兩款！

唔知大家記唔記得幾個post之前有同大家分享過呢間茶飲店呢？嗱，今次當然唔係再飲黑糖珍珠鮮奶啦，而係要試下之前有人留言都叫我地試下既大甲芋頭鮮奶。👦🏻身為芋頭fans，知道台中既大甲係盛產芋頭，人稱芋頭既故鄉，所以味道同品質都係最好既。呢杯飲品同之前既珍珠鮮奶一樣都係用白色杯裝住，一樣少左個種透明度，但係等飲品既期間都聽到唔少人都會叫大甲芋頭鮮奶，證明呢杯飲品都係舖頭既皇牌。講左咁耐講下杯飲品，因為飲品既甜度來自芋泥，所以落單時係無得揀甜度，第一啖入口依舊係好香好香既牛奶味，之後就係形狀不一既芋泥，👦🏻就覺得有少少缺憾既地方就係初頭飲到啲芋泥覺得好甜，雖然飲耐左無太大問題，但係唔愛甜既朋友仔就可能會唔太滿意啦，唯有一開始撈/搖勻啲芋頭同牛奶，中和番啲甜味啦🤤 「迷客夏」每次都會透過以下6大方面評分(滿分:30分)味道 : 3.5 / 5環境 : 3.5 / 5外觀 : 2 / 5價錢 : 3 / 5服務 : 3.25 / 5 回頭率 : 3.5 / 5總分 : 18.75 / 30性價比 : 終於有機會試下佢其他飲品，一如大家所講，大甲芋頭鮮奶係一杯好好飲既飲品，👦🏻👧🏻都覺得可以為左

而家好興珍珠奶茶店，呢間唔係特別出名，但係都唔錯喎之前飲過佢嘅黑糖珍珠鮮奶，奶味好濃，不過唔夠黑糖味。回頭率唔高，不過佢啲位置又開得幾好喎，好方便結果我今次都係返返轉頭買益力多茉莉花茶同柳丁綠茶。竟然有surprise 喎! 兩杯都好清新，下之可以再飲

身為芋頭控既我，一直都有聽人講過呢間嘅芋頭鮮奶好好飲，之後今日咁啱去完Apple整電腦，又比我誤打誤撞發現到呢間店嘅蹤影，之後梗係即刻試一試啦！！由排隊到拎到嘢飲大約只係20分鐘，本身叫呢杯芋頭鮮奶嘅時候諗住，健康啲令自己少啲罪惡感就叫少甜嘅，但原來職員同我講解話，杯鮮奶係冇另外落糖㗎。所以杯嘢飲都係好天然，佢嘅甜味係來自於芋頭，不過我相信入面嘅芋頭係有用少量糖黎攪拌嘅，鮮奶嘅奶味濃郁再加上甜嘅芋頭真係好好味，令我好快就飲完一杯啦，而且除咗芋頭蓉之外呢，入面仲有一粒粒嘅芋頭㗎，所以真係好正，推介大家試吓阿👍🏻👍🏻👍🏻

ⓜⓘⓛⓚⓢⓗⓐ @ CWB◽呢間迷客夏想試好耐…因為本身好鍾意芋頭…同埋有個芋頭人強烈推介話好好飲…咁啱經過又唔多人…出名既大甲芋頭鮮奶仲有貨(啱啱開時又排長龍又聽講成日賣哂)…買杯原味試下。◽如果你鍾意芋頭…你真係要試下。芋泥幾香…開頭驚飲哂成杯野都未必啜得哂D芋泥…原來芋泥好好啜…😍😍😍…係原味太甜…我估少甜會啱我D...其實飲完好想返轉頭買多杯😂😂😂◽盛惠$32...唔係成日飲都可以既😗

Not a big fan of the Taiwanese drinks, so many new shops nowadays doing all sorts of fruit tea, cream cheese foamed milk tea... with crazy long queues which I tend to avoid loolWas in the area for dinner with a friend and he love the taro milk here so much he already decide we both getting that🤣🤣 with little sugar and ice. It’s ready in 5minsI like taro but never really had taro milk, this is delicious. There are mashed taro bites in it, generous portion and matches really well with the milk. S

一直都好想試迷客夏既芋頭奶因為有聽人講過話係唔錯埋單$32 呢杯飲品同平時既台式飲品鋪一樣係咁細杯好快就飲晒..雖然迷客夏呢個名係幾靚但佢杯身既包裝真係低調左D..而佢係用透明杯裝芋頭奶既所以係出面我已經可以見到芋頭既份量可見其實份量都比較少..好似成杯既1/4都冇呢點係有D失望而佢既芋頭都比較碎身食唔到一粒粒既芋頭就唔洗點咬 少左D口感店員話係冇落糖水所以冇得調較甜度 只能調較冰量但佢整體都偏甜唔算係唔好飲 但不算係出色既芋頭奶飲品

珍珠高峰烏龍拿鐵我鍾意佢珍珠係白色個種相對唔會太甜 近排咩都係黑糖  係好味但飲得多都會厭同行仲試左芋頭但覺得太甜仍個芋頭味好重飲落仲會飲到芋頭蓉 唔係平時得個糖漿味我對芋頭就麻麻 但如果係鍾意芋頭嘅朋友應該會好鍾意佢

依間台式飲品舖都係頗有名氣，前幾天黎到銅鑼灣，都到此一遊。大家都推介大甲芋頭鮮奶，但我本身麻麻地芋頭，所以都係試下佢嘅黑糖珍珠奶茶😋😋😋依間鋪頭嘅飲品可以調較自己鍾意嘅甜度同埋冰度👍🏻👍🏻 本身自己飲開半糖，店員話本身飲品已經半糖，所以最後揀3分糖。第一啖飲落口，茶味都幾出，幾好！但係我覺得3分糖丟偏甜，下次再飲可以試叫2分甜。黑糖珍珠都彈牙，但嘴嚼落去，就唔係好夠黑糖味。整體黎講，佢嘅黑糖珍珠奶茶都ok ge👍🏻

迷客夏開左兩日，我同事都拉我去試。上網看左迷客夏知道大甲芋頭奶，黑糖珍珠鮮奶和抹茶比較出名。做足功課如果唔係應該要諗好耐先知道叫咩飲好。因爲開左無幾耐，所以去朝聖的人都多多地，大概排左15分鐘就到我地啦。店員講普通話，應該係台灣的妹妹。我地叫左大甲芋頭奶和抹茶白玉，大甲芋頭奶係用新鮮芋頭打成泥然後加奶搞勻，啖啖都有芋泥好足料，個人覺得係比天仁的香芋奶好飲好多，因爲好重芋頭味。抹茶白玉好有星巴克的感覺，不過比星巴克更有抹茶味，加上彈牙的白玉珍珠都不錯，不個人認爲白玉珍珠比較甜，下次可以成杯飲品半甜。