迷客夏 (利園山道)

營業中

休息中

咁今晚呢就去咗打邊爐，打完邊爐就有啲口渴所以就想搵杯嘢呀 。喺銅鑼灣嘅飲品店，我自己比較鍾意迷客夏， 尤其是它的芋頭牛奶，十分足料。不過見到佢新推出綠豆牛奶，咁就抱著試新嘢嘅心態就嗌叫左一杯試下。咁佢呢個綠豆牛奶就冇得改甜度，等咗大概八分鐘就有得攞 。飲落去唔會好甜， 綠豆份量多又好清熱。 唯一覺得美中不足的地方就係迷客夏轉用咗香港牛奶，過往都係用台灣的牛奶，奶味會比較重。雖然係咁，但我都會繼續支持迷客夏。

一人整一杯迷客夏嘆下一如以往嗌咗大甲芋頭鮮奶，超級無敵勁爆好飲 勁奶味 芋頭又甜又「蓉」間唔中仲食嗰啲芋頭粒粒添柳丁綠茶🍵，唔錯唔錯好清新好Fresh另外仲有綠豆冰沙，之前喺台灣飲過一次超級好飲！諗住再回味下，但係就冇台灣咁好飲嘞～

迷客夏亦係台灣過江龍。佢最特別之處係佢d珍珠係白色既！今次嗌左店舖人氣既大甲芋頭鮮奶。芋頭好綿好蓉，但仍然可以食到一粒粒既芋頭。店員落芋泥落得好大方，芋奶同鮮奶既比例幾乎係1:1。/迷客夏標榜唔用奶精，用真鮮奶！雖然奶味唔算超香濃厚實，但飲得出佢既奶脂味。因為天氣熱，冰溶得好快，所以建議飲得慢既人嗌少冰，少免愈溝愈稀。/佢珍珠都幾好咬，但有d偏甜，佢某d飲品可以自選甜度，但大甲芋頭鮮奶既甜度就固定左。佢有個細心位就係杯蓋有個相對薄既透明膠，比客人可以輕易插入飲管。其餘邊位就較厚，咁就唔會漏奶。/雖然人龍唔長，但等候時間頗長，都等左起碼10分鐘。/

夏日炎炎，行多兩步，真係頂唔順，要買返杯野黎消暑，而銅鑼灣利園山道呢條街已經有3間飲料🥤店；真誇張... 我求其揀左「迷宮夏」，係貪個Outlook 。好似好 fresh (店鋪青綠x 白做主色）；一睇價錢唔算係太貴（雖然對我呢d窮L黎講... 都係唔係甘值），但間中都要 dry dry ge 冬瓜檸檬🍋 $25；配合埋呢個天氣真係爽YY 起碼呢個配搭係便利商店🏪唔會買到，甘就化算一點... P.s 臨走先知，原來呢間店係台灣引入黎；又得過獎，唔掛之得價錢上都可平民化一點啦

之前去台灣旅行既時候都飲過一次迷客夏，估唔到留黎香港又撞番佢。迷客夏既鮮奶係台灣係出名，之前係台灣都見當地人通常叫鮮奶類產品。今次等我又叫下係香港大熱既黑糖鮮奶珍珠先。等左五分鐘之後，杯野就拎到上手了。依杯黑糖鮮奶珍珠真係勁好飲，D黑糖同鮮奶撈得好雲，每淡都有晒糖同奶既味，同有D台式飲品店，黑糖同奶分開晒真係兩回事!另外佢最特別既係D珍珠係白色，幾得意。總結，迷客夏既鮮奶系列好值得大家去試!!!!!

曾經喺迷客夏開張既時候排左勁耐去試佢既野飲，結果50%糖都太甜，今次唔死心，見無人再試多次佢其他野飲，到底佢既表現係點呢？今次試既係柳丁綠茶，如果要用一個字去形容呢杯野飲，我會話Refreshing! 首先佢呢杯柳丁綠茶真係有果肉喺入面，有小小咬口，呢個值得一讚！另外，佢個綠茶茶味好濃，仲要回甘既！飲入口，好香既橙汁味之餘仲有綠茶果種甘香同回甘，真係好特別！至於甜度方面，叫左2成糖，又真係無咁甜喎，岩岩好👌！

夏天難以抗拒凍飲，雖然知道飲太多唔好🙈。台式飲品係香港真係有好多好多選擇，差不多好似藥房咁，行一陣就有一間，今次講既係◤ 迷客夏 (銅鑼灣)◥，呢間店旁邊已經另外兩間台式飲料店，行多幾步就係喜x，天仁xx，競爭大到呢 😅😅！香柚綠茶+珍珠 ᴴᴷ$30 （一分糖 去冰）味道有d似平時飲既水果茶，不過有多少少柚子既苦澀同香味，男友覺得唔夠甜，我就唔鍾意太甜既飲品，呢個甜度ok，整體味道普通；反而我地都覺得白色珍珠有咬勁但唔會太硬，同埋鍾意拒唔太甜 🥰，本身真係好唔鍾意有d台式飲料入面好甜又軟既珍珠😣。ᴴᴷ$30黎講呢個都幾細杯，性價比唔算太高 😂😂。

我是第一次來這家台式手搖飲品店。來的時候，門口站了一個大姐。大姐手拿托盤，上面全都是一小杯一小杯的綠茶，讓我們試喝。她說是新出品的柚子綠茶。一喝下去，好清新，以前我果斷進店買了一杯柚子綠茶。柚子味很濃，很自然，不會讓人感到有化學的味道。 整體來說，喝下去感覺是很舒服的，而且有泌涼的感覺。不過我覺得有點兒太甜了，所以我在點飲料之前跟大姊說要半糖。大概大姐是忘記了吧，給了我全糖。不過沒有關係，飲料依然很好喝。台灣大姐笑容很親切，很熱情。我會再來的。

終於比我買到！！！🍼大甲芋頭鮮奶芋頭好綿滑 大概是1:1吧 好香啊是沒有芋頭塊 純芋泥蓉狀態.我個人覺得要揀少冰 唔會令芋泥味變淡奶味重 唔似奶溝水 真材實料而且唔會太甜/太淡 比例很好.大概等左10分鐘 都唔算太耐不過價錢有啲貴 唔會成日飲

成日見台灣YouTuber推薦迷客夏，我都忍唔住想買杯試下，點知就中伏…今次叫左杯珍珠紅茶伯爵拿鐵(二分糖 走冰)$29，其實都唔平，重要唔算好大杯。甜度方面一開始都擔心二分糖會唔會唔夠甜，但一飲第一啖討發現我既擔心係多餘既，因為二分糖都甜到爆，好似平時既正常甜度咁。我個fd重笑話呢間真係好地道台灣甜度…而茶味同奶味方甚至係珍珠都係好普通，普通過葵廣十幾蚊一杯嗰啲…之前已經感嘆過啲過江龍一過完江就會水準大降，呢間應該係最令我失望既一間！我之前係台灣都有飲過，都唔係咁差既，起碼係我間唔中會想買黎飲既質素，不過香港呢間真係無下次！見佢一開始咁多人排隊，到依家幾乎唔洗點等就買到就知明氣幾高都無用，唔好飲遲早做唔住。

食完飯，覺得有d 頸渴，叫左2杯飲品。珍珠伯爵紅茶拿鐵 - 珍珠好多，好有咬口，珍珠係白珍珠，有別於平時的黑珍珠，但都好好味，茶味夠高峰烏龍綠 - 茶味好濃，叫左無甜，點知有點苦，下次都係叫微甜。

迷夏客新開張嘅時候已經有試飲過，初頭真係幾好飲，好濃嘅芋頭同鮮奶。可惜，近呢幾個月質素下降咗，冇咁香濃，而且飲落去水咗，好似溝稀咗咁。唔知係咪因爲太多人飲啦，有點失望☹️

#milkshahk @milkshahk 迷客夏在台灣一直是人氣高企的手搖茶店，因為用上天然無添加原材料，非常安心😉 香港店亦都一樣，鮮奶就是主打，不會用上奶精。草綠色招牌，感覺非常健康，活力，文青風格💁💁店員很有禮貌，耐心介紹飲品，給他一個讚👍我決定要試鮮奶和綠茶類，作個小比併😅⭐🔹大甲芋頭鮮奶 $33 大力推薦🔀一口啜上就是芋頭顆粒，超有口感，真心正啊😍 芋頭煮得綿滑及有甜香味道，配上香滑鮮奶，perfect!! 怪不得一直是招牌啦 ，不建議吃飽飽後飲，因為有點飽肚感😊😊😊🔹香柚綠茶 $26 另一推介，只要試一口就會愛上，因為好甘香清新，好舒服的感覺，當然點少甜比較好啦！ 茉莉茶本身已經很清香，加上香柚，還有柚子果肉，就成了一杯 fresh tea 代表👍👍👍👍#迷客夏 地址：銅鑼灣利園山道17號營業時間：11:30am-10:30pm

呢間迷客夏想試好耐 終於試到了🤤眾多飲品之中簡咗最出名既芋頭奶🤩果然無失望！。大甲芋頭鮮奶 第一啖已經飲到滿滿的芋頭蓉🤤芋頭香氣濃郁 口感綿滑 但又會食到少少芋頭粒牛奶順滑 配埋芋頭真係好夾😆雖然固定甜度 但呢個甜度絕對接受到😋冰量建議大家簡微冰🧚🏻‍♀️連唔係特別鍾意芋頭奶既我都勁快飲曬因為真係好好飲呀٩(˃̶͈̀௰˂̶͈́)و🤤💓下次我要加埋蜂蜜珍珠先😍❤️。

繼續集郵，原本計劃係飲珍煮丹，但這家等候人數比較少，就俾機會呢間先。店員態度不錯，我點了珍珠伯爵紅茶拿鐵，飲品好一般，好稀好淡，好似加了好多水咁，茶味欠奉，應該叫奶水比較合適。其實佢主打大甲竽頭鮮奶，不過我唔鍾意竽頭，無下次了。值得一讚的是封蓋的膠片有預留一個薄薄的透明位置，飲管可以輕鬆插入，其他位置厚厚的，以保障飲料不會溢出，設計頗為貼心。但可惜大部分客人都忽視了這個小設計，只聽到不少人埋怨膠片太厚，很難讓飲管插入。看到其他人分享的照片，吸管插中間的都是錯位置了，聽到看到實在覺得很無言...（笑）