迷客夏 (利園山道)

營業中

休息中

迷客夏開左兩日，我同事都拉我去試。上網看左迷客夏知道大甲芋頭奶，黑糖珍珠鮮奶和抹茶比較出名。做足功課如果唔係應該要諗好耐先知道叫咩飲好。因爲開左無幾耐，所以去朝聖的人都多多地，大概排左15分鐘就到我地啦。店員講普通話，應該係台灣的妹妹。我地叫左大甲芋頭奶和抹茶白玉，大甲芋頭奶係用新鮮芋頭打成泥然後加奶搞勻，啖啖都有芋泥好足料，個人覺得係比天仁的香芋奶好飲好多，因爲好重芋頭味。抹茶白玉好有星巴克的感覺，不過比星巴克更有抹茶味，加上彈牙的白玉珍珠都不錯，不個人認爲白玉珍珠比較甜，下次可以成杯飲品半甜。

迷客夏在2018年4月登陸香港，開始是每日都大排場龍，其中招牌鮮奶芋頭飲品更是限量發售。開業半年後，也由於附近有許多同類飲品點開張，大排長龍情況大為改善，但是即使在平日，芋頭飲品到晚上還是會售罄。今日終於能試到大甲芋頭鮮奶，點餐時服務員又體貼地問要不要少甜少冰。我點了少甜少冰，芋頭味道很重，但因為芋頭本身有甜味，飲品還是稍甜，但是整體來說，是好喝的。

十月已經過咗幾日喇,天氣開始清涼,但懶嘅人又未曾轉季,仍然衣衫單薄,行咗幾個鐘頭冷氣商場覺得好凍,又未夠鐘食飯,於是乎就拉阿肥嚟呢間<迷客夏>買杯熱飲暖暖胃。((話說銅鑼灣區嘅台式飲品店,本小姐只係淨番呢間人氣較高嘅未嘗試過)) 去到呢個moment,竟然呢間店舖嘅人龍仲長過隔離舖嘅欣子丹(?!)因為陣間仲要食飯,唔想因為飲完杯嘢已經飽咗,心裡面已經好肯定唔會叫珍珠奶茶嘅類別,所以都企咗喺度糾結咗一陣先決定到自己要一杯"出雲抹茶鮮奶",而阿肥就叫咗杯"柳丁綠茶"~個名果然係好台式叫法~ 收銀員妹妹都幾好禮貌,好親切咁介紹我唔好要正常嘅味道,因為都會幾偏甜下,所以我就要「一分糖」就算喇,阿肥亦都嗌咗微糖微冰。 買完單大約幾分鐘就出嘢飲,我嗰杯的確好熱,拎住都要小心啲靠邊拎比較穏陣,飲落味道真係啱啱好,幾有奶香不過唔算濃厚,抹茶都幾滑不覺苦澀,熱飲嘅份量都不失大杯,我都幾鍾意。阿肥話佢杯柳丁綠茶都唔錯,唔係用果gel而係鮮榨橙汁,冇乜冰嘅情況下所以味道唔會溝淡,茶味清香。

平時都有飲開 milksha ，今日見到買3杯以上，就會送精美的杯套一個😍😍，但我一個人飲不到三杯😅😅🤣。最後都係買咗一杯，今日飲冬瓜清茶加珍珠，原來珍珠係白色嘅，好煙韌好彈👍🏿👍🏿。

繼上次既黑糖之爭 - 壹。今次就同大家比較下另一條街既兩間黑糖珍珠鮮奶熱店。「迷客夏」舖頭都好大間，裝修都幾靚，有張雲石檯可以影相呃like。可惜呢間舖係視覺上比其他台式飲品舖頭更唔吸引更無透明度。暫時飲過唯一一間白色杯既，完全睇唔到入面既黑糖花紋同珍珠，係外觀上比較輸蝕。呢間「黑糖珍珠鮮奶」比較特別，因為佢既珍珠係白色所以就無乜黑糖味，黑糖味應該來自牛奶，但飲落個感覺係珍珠比較甜完全搶左牛奶既風頭，而且唔知點解飲飲下會自然出現一陣茶味，都幾有趣。其實我見舖頭有大甲芋頭鮮奶，有機會既都想去試下飲🤤「迷客夏」每次都會透過以下6大方面評分(滿分:30分)味道 : 2.25 / 5環境 : 3.5 / 5外觀 : 2 / 5價錢 : 3 / 5服務 : 2.5 / 5 回頭率 : 2.5 / 5總分 : 15.75 / 30性價比 : 呢間舖頭暫時最特別既係佢既裝修同白色珍珠，但係味道同外觀同其他黑糖珍珠鮮奶比較為遜色，不過佢都有啲比較少見既特色飲品，希望有機會試完可以再分享下俾大家知。

口渴想飲野，買左杯出雲抺茶鮮奶。 因為唔肚餓，所以無要珍珠。 鮮奶... 原來係明治鮮奶，自己去惠康都可以買到一大盒... 抺茶味okay，但無特別香濃，亦飲到幾少少抺茶粉。加左冰，於是質感幾稀削，完全無3.6鮮奶果種濃厚嘅質感，但係都算滑，而且好夠凍，凍到入心。結論係無特別，普普通通，可飲可唔飲 🤷🏻‍♀️ 絕對唔係鮮奶傳奇。可能大甲芋頭鮮奶好飲啲卦...如果買三杯，會送呢個抽杯袋。買三杯先送一個，都唔知用嚟抽邊杯 😝 ...

今天是中秋翌日假期，銅鑼灣超級多人，每一家的手搖都一樣超級多人，迷客夏也不例外，比平時多等了一會兒。珍珠伯爵拿鐵（$28）迷客夏的珍珠跟銅鑼灣其他手搖店有點不一樣，不用黑色的珍珠，而是白色的。不過，迷客夏用的都是這款白色紙杯，所以看不太出來。他們家的珍珠口感比較特別Q中帶點結實，而且已有甜味，不過我很是喜歡。伯爵的味道濃郁，奶味不濃不淡，喝完一整杯都不會膩，不喜歡喝甜的還有一分/二分/去糖的選擇。

今天是中秋節翌日公眾假期，早上去和朋友吃了早餐，回家補眠到下午就沒事幹了，實在有點無聊，所以就出去銅鑼灣逛逛啦。到銅鑼灣有件必做的事就是喝手搖，因為這裡的手搖店實在是太多了。珍珠茉香綠茶拿鐵（$28）迷客夏的珍珠都是白色的，而且口感很好，很Q但不軟，跟黑色的珍珠還是有點區別的。因為有喝了紅茶睡不著的臭毛病，所以近來都換喝奶綠了。迷客夏的奶綠茉香味濃，奶味適中，不會過膩。不過因為迷客夏跟的是台灣的甜度，七分糖就已經是香港的全糖了，所以這次就點了微糖（香港的七分糖）。迷客夏的珍珠本來就有甜味，所以不喜喝甜的朋友可以點一分或者二分糖。

今日同友人行完銅鑼灣希慎之後，行行下覺得有d 口渴，所以就去左隔離街晚迷客夏買番杯野飲先，去到門口都有人排晒隊等買野飲，前面大約5-6個左右就到我啦，佢都幾方便，可以用WhatsApp 叫定order,到時黎到比$就可以慳番好多排隊既時間啦！👍👍今次我同友人試左佢地招牌既大甲芋頭鮮奶$32 同珍珠伯爵紅茶拿鐵$28，2杯都叫左微糖同正常冰塊，我地等左10分鐘左右就有得拎啦，個芋頭鮮奶啖啖芋頭肉，超正！另外珍珠佢係用透明個款好有咬口，同early grey 茶個味好match!😍😋

今天跟朋友約了在銅鑼灣吃飯，吃之前想喝一杯手搖。銅鑼灣的老虎堂、幸福堂、珍煮丹和天仁等等都喝過了，就差迷客夏。朋友之前喝過它家的珍珠拿鐵，説是很不錯，所以今天我也來試試看。珍珠茉香綠茶拿鐵（半糖去冰$28）現在有點名氣的手搖基本上都要30塊錢一杯，但是質素實在是太參差了，迷客夏這杯茉香綠茶拿鐵實在是有驚喜。首先我點的是半糖，但是甜度還是有的，所以建議大家點微糖就好。雖然有甜度，但是它的茉莉花香很清香，奶味比較淡一點，所以不會越喝越膩。另外，迷客夏的珍珠是白色的，口感結實但是Q彈，很好吃。

平時好多人排隊，不過可能銅鑼灣相繼開左好多新既台灣飲品店，所以呢度排隊已經無之前咁誇張啦，叫左杯大甲芋頭鮮奶飲味道還好，我自己就唔係話十分喜歡，但同行朋友就好喜愛，我始終覺得佢咸咸，唔會我個人喜歡既味道~~試過就好~~

大甲芋頭鮮奶 $32.我終於飲到哩個招牌飲品lu 😎 由佢開幕到宜家已經飲左4次 次次去都係為左飲芋頭奶 可惜每次都失敗 不過今次終於成功了.其實飲落都ok 芋頭好香甜 細細粒咁 又啜到又唔會太蓉咁搞到食唔到 可惜奶味唔夠濃 有得揀甜度 建議少甜會好d .哩杯野飮完已經飽左 冇咩特別驚喜 但都叫一杯中上既貴價芋頭奶.終於完成任務 有其他推薦嘛？

迷客夏喺銅鑼灣初開業時，無論Lunch time定放工都超級多人排隊，難得今日食完lunch行過竟然無人排隊，即刻去買黎試下。我揀左珍珠高峰烏龍拿鐵去冰半糖，買完等左2分鐘就有得拎，超快。因為用紙杯嘅關係無得即靚相，係咁二影兩張相，搖渾就急不及待試下。飲落奶味同茶味都係偏淡，但愈飲茶味愈出，仲飲到烏龍嘅甘香，好得意。珍珠有別於其他店舖，係自家整無添加無防腐劑嘅白珍珠，珍珠煮得剛好，咬口唔錯好QQ，而且仲有陣陣甜味。雖然呢杯係拿鐵，但比到人清新嘅感覺，怕奶味嘅朋友都可以一試。下次無咁飽嘅時候要試埋推介嘅芋頭奶!

由開店到宜家都一直咁多人流既迷客夏，趁食完晚飯，人唔算太多，終於可以試試！黎到接近10點，臨近關門時間，都有d人係度排隊等候。鋪頭最出名既係竽頭鮮奶，但可惜接近關門時候，竽頭早就賣曬😕唯有下次先試啦店員好親切咁用普通話向客人問好🤗咁今次就叫左佢地既手抄黑糖珍珠鮮奶，微冰等左大概10多分鐘就有飲落去有好重既黑糖味，比平時飲既更加濃，甜度適當！珍珠有別於平時既黑色，係白色透明，煙煙韌韌，十分有咬口下次會再黎試其他飲品！

當日要去銅鑼灣工作，所以留係嗰區飲飲食食，食飽午飯後四圍行下🏃‍♂️見到門口好多人聚集🚶‍♂️🚶‍♀️🚶‍♂️🚶‍♀️🚶‍♂️🚶‍♀️，原來有2間飲品店孖住一齊開，目測加埋超過60人😱。我選了milksha , 這是因為比較上少人排隊。😁😍😍