34
20
9
港鐵銅鑼灣站 F1 出口, 步行約2分鐘 繼續閱讀
電話號碼
23618328
營業時間
今日營業
11:30 - 22:00
星期一至日
11:30 - 22:00
付款方式
現金 八達通
食評 (88)
大甲芋頭鮮奶 焦點食評
等級4 2018-07-11
391 瀏覽
要追飲品店就無謂,根本追唔切。避開最初嘅人龍,到而家先試到呢間喺台灣好紅(?)嘅迷客夏,可能有太多新店湧現加上已開一段時間,週日雖然有小人龍,但下單到取飲料都係十分鐘內嘅事,可以接受。餐牌分茶、鮮奶、奶茶、芝士奶蓋、特調飲品,定價$16-36,杯子容量唔大。大部份飲料可自選糖度、冰度,關於甜度設定,半糖係等如正常糖。配料可加珍珠、紅豆,一律$4。聽好多朋友講話芋頭鮮奶好人氣,不時會賣光;當日係星期日下午茶時間都仲有,好彩掛,買左兩款相信係比較人氣嘅產品。相對而言,還是覺得芋頭奶比較突出,可是價錢有點小貴。大甲芋頭鮮奶 $32/微冰過往只係飲過茶湯會嘅芋頭類飲料,此芋頭鮮奶幾啱我口味。見店員以雪糕勺份量嘅芋頭蓉加奶製成,紙杯裝。芋蓉份量不少,唔會打到好細碎,口感腍身,相信製作時已加糖份,芋頭帶一定甜度。一向唔係芋頭控,太raw太淡嘅芋頭我就麻麻地,呢個甜度剛好,飲完有飽腹感。台灣迷客夏用自家牧場生產嘅奶,確係賣點;可惜香港店用綠田源,頓時少個特色。不過講真我唔係奶專家,未飲過台灣店出品,唔係見到盒奶分到咩,哈哈。奶滑但味唔會太濃,同帶甜嘅芋頭總算配合,屬於我會回購嘅芋頭飲品珍珠手炒黑糖鮮奶 $28/微冰按店員建議點微冰,冇透明杯打唔到卡,視覺影響唔到味道。飲品到手時黑糖、鮮奶已融合,直接飲用。冇黑糖漿入口嘅高甜度,反而有陣近乎嘅焦香味,持績到尾都冇奶水感覺,同好多之前試過嘅黑糖奶唔同。飲過老虎堂、鹿角巷之類,未必喜歡啊。我係螞蟻人,比較喜歡嗰種衝入口嘅黑糖漿味。珍珠自家製,冇加焦糖色素,呈透明狀,口感煙韌,食落冇黑糖味,只係甜甜地,聽講話係蜂蜜 繼續閱讀
(以上食評乃用戶個人意見 , 並不代表OpenRice之觀點。)
作為台灣大學生票選第一,加上開業買一送一,最後好有毅力咁排左個半鐘再等左個幾鐘先有得飲,下晝已經無哂黑糖芋頭同奶蓋。一去到只係兜左個圈,但係都排得幾慢下,唔知係咪大家都停一停諗一諗要叫咩,呢度都排左個幾鐘先叫到野飲。新開業既幾日只要留言同埋Like佢地既IG或FB,就會有買一送一同埋五蚊優惠卷可以用,不過呢個優惠已經完左喇。入面有一啲關於台灣既畫可以見到,野飲店黎講唔算細不過太多人大家都迫埋哂係入邊,真係人山人海咁勁。店員密密沖密密沖,不過見到有一啲係沖俾自己識既人飲就打左尖,如果唔係既可以更加快,見到店員整好多珍珠落去杯度。叫左兩杯《出雲抹茶鮮奶加珍珠》($36),白珍珠用左冷熱交替同蜂蜜浸泡煙韌又甜蜜,抹茶用左出雲抹茶夠清香,不過無用透明杯睇唔到靚爆漸層。《柳丁綠茶》($26)台灣一出真係超瘋狂,用上嘉義橙汁加綠茶,綠茶甘香橙汁多香仲有啲果肉好新鮮,消暑一流。店名:迷客夏地址:銅鑼灣利園山道17號餐牌: 繼續閱讀
(以上食評乃用戶個人意見 , 並不代表OpenRice之觀點。)
等級3 2018-07-20
3 瀏覽
平時經過都好多人排隊,最少有30幾個人😅 今日見人少又早,試下佢最出名既大甲芋頭鮮奶😎Order既時候話冇得揀甜度,話冇加extra糖,咁好la,我揀左少冰😆 不得不說佢芋頭味好出眾👍🏻啖啖肉,有啲似芋泥。雖然我依然覺得系偏甜少少,但個甜味來自啲鮮奶😂😂 但一夾埋一齊飲就唔錯👍🏻買完已經1300,都系得6個客等,我同朋友可以系店內hea下吹下冷氣,唔洗好似以前買完系條街等,企都冇得企😅😅 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-19
23 瀏覽
聞說銅鑼灣📍有一家台南來的手搖飲品專門店🏝,以奶味濃郁而著名🍼,更是台灣大學生票選的第一名👑,人妻🐷當然要來朝勝一下🤩!已經是過了晚飯時間🌛,門外已有多人在等候😲,看來大家都是想要一杯飯後茶喔🍵。珍珠伯爵紅茶拿鐵🥤:等了大約20分鐘,終於到手了😍!份量比坊間的茶店看來是比較少的🤔,店內吹捧使用澳洲🇦🇺有機的全脂鮮奶🐄,而白珍珠都是自家生產🙌🏻,說是無添加焦糖色素或防腐劑等❌。可惜入口人妻🐷馬上就失望了😢..完全感受不到伯爵紅茶🍵獨有的茶香😩;奶味不算是真的很濃郁🍼,味道有點像是加了水的奶水😭;珍珠方面亦沒有應有的煙靭口感👎🏻。總結:到底是來了香港後🇭🇰味道變了質嗎?到底它是憑甚麼成為票選第一名呀😡?! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-07-19
13 瀏覽
食完午餐,口渴了,走到利園山道的迷客夏,只有數人排隊,所以就去排杯野飲。一路排睇openrice, 見D食家係推介香竽鮮奶,但因為個人唔鍾意香竽,所以都係揀左珍珠手炒黑糖鮮奶 (微冰)。等左一陣就有飲品了。飲品係用紙杯放,沒有透明膠杯,所以欣賞唔到內在。第一啖飲落去,覺得咸咸地,無奶味,可以因為我無搖勻。之後一路飲都唔太覺有黑糖味,珍珠都較難咬,有一兩粒是硬的,應該未炒熟。飲到中間,終於都飲到奶味。雖然平$2,但真係唔夠老虎堂咁香咁滑同好飲~ 所以如果有時間排,都係老虎堂好飲D~ 繼續閱讀
(以上食評乃用戶個人意見 , 並不代表OpenRice之觀點。)