辨面館 (已結業)

今日放工後約左都係中環返工既大學朋友食飯佢帶左我黎呢間中菜館，係佢平時午餐既飯堂黎🤣原來晚餐麵好抵食喎！🛎 $92 招牌蝦米辣油蝦球拌麵麵條選用嘅係粗身嘅麵條，口感煙韌彈牙🍜配上濃郁嘅蝦米辣油，味道非常惹味！辣度適中，唔會太辣😋蝦球鮮甜彈牙，而且大大粒如果鍾意食辣嘅朋友，呢碗麵絕對唔可以錯過～🛎 $88 小牛蕃茄麵小牛蕃茄麵係溫泉蛋肥牛配上蕃茄濃湯～溫泉蛋係呢道菜嘅靈魂😏蛋黃嘅香氣同濃郁嘅蛋黃味道，令到整道菜嘅味道更加豐富😝肥牛嘅肉質鮮嫩，經過蕃茄濃湯嘅燜煮，亦都好入味。蕃茄濃湯嘅味道香濃，酸甜適中👍🏻👍🏻👍🏻食得出係用新鮮蕃茄，唔係用茄膏🤣係有誠意既一道主食！🛎 +$15 龍抄手（兩粒）超大粒紅油抄手，餡料豐富🤤皮薄肉多，咬落啖啖肉汁。辣油非常香，又唔會太辣，啱晒嗜辣嘅我🌶️🛎 +$35 口水雞絲沙律雞絲沙律配上口水汁～酸甜開胃😚仲有爽口彈牙既青瓜絲，食落清新解膩🛎 +$30 香脆辣子單骨雞翼（四條）雞翼炸得好香脆，外皮金黃色，裏面保持到肉質嫩滑💯辣子醬香辣惹味，同雞翼嘅味道好夾。但得一讚既係伴碟墊係下面既炸牛蒡絲都好脆！我地清曬落肚🥳🛎 +$40 一口鮮蝦炸雲吞（四粒）炸雲吞外皮酥脆

難得有假期好想去中環行下，石板街有好多懷念舊日的足跡，睇返啲舊舖，分外有親切感，當然唔少得梗係打卡啦，朋友介紹有間隱世辨面館，今日就去試下先。😍位置真係有啲隱世，不過其實都好易搵到，天氣熱入到去冷氣勁舒服，辦館不算大，坐落又好舒服，牆壁掛滿好多變面譜裝飾，好特別，有心思，梗有一款啱你喜歡，我哋回憶這兒地方傾下計，享受人生下半場摸下杯底。😂😂八珍甜醋雞絲沙律~呢個好特別，沙律菜用八珍甜醋配製，酸酸甜甜好開胃，而且雞絲都好多，沙律菜有羽衣甘藍青瓜蕃茄仔等等好新鮮，食過不停。讚👍(推介)龍抄手~入口啖啖肉以為唔係辣，食落有少少辣，又可以接受到，因為我唔係好食得麻辣㗎，開胃。👍香脆單骨辣子雞翼~望落去炸得好香脆，原來都係有小小微辣。辣中帶點麻香，入口即化。紅燒鮑魚燴麵~脹卜卜兩隻鮑魚，好睇頭，鮑魚好淋，鮑汁味恰當配粗麵一齊食好好味，粗麵軟硬適中。爽口👍豆沙鍋餅~甜品我就最鍾意食，紅豆沙也是我至愛， 不太甜好脆口。自家製檸檬薏米水和雪花臉譜啤~食完啲辣嘢飲返枝自家製檸檬薏米水，即刻爽曬。雪花面譜啤酒老公就啱飲啦，兩支重有優惠價添。👍👍

由米芝蓮一星川菜大廚開嘅 位於石板街主打新派川菜 配合翻本地人嘅口味喺ig被佢哋啲大大碗麵吸引! 決定lunch去試🤍招牌蝦米辣油蝦球拌麵($92) | Rating: 7.5/10寫到招牌 都真係見幾多人嗌有三隻超大玻璃蝦球 肉質新鮮爽彈!超彈牙嘅粗麵 撈埋魚乾仔 青瓜絲等用蝦米辣油去調味 一撈就香氣撲鼻 入口微辣整體不錯 蝦油係真係好香 但略嫌味首淡咗啲有少少只靠油去吊味嘅感覺 可以再鹹啲🤍川牛麵($95) | Rating: 8.5/10我哋都鍾意呢個多啲!! 湯底比較惹味做到水煮湯嘅嗰種香 但又唔會過油過麵條冇撈嗰款咁彈 但口感都理想 掛湯用咗安格斯牛 肉質軟腍 夠重牛味! 温泉蛋生熟程度啱啱好 整體高質🥹🤍口水雞絲沙律(+$35) | Rating: 6.9/10有少少失望🥹以為雞絲係真係手撕嗰種但佢似係雞胸切咗條 口感就差好遠味道上都未到好”口水汁” 可以再濃啲🤍香脆辣子單骨雞翼(+$30) | Rating: 8/10 連唔鍾意食炸嘢嘅男朋友都話好食!外皮香脆 Keep到入面juicy 炸皮上有調味粉 真係有辣子雞嘅味道😄Feel到係每碗都好用心製作嘅麵啊 有創新 食材用

辨面館 (中環)中環威靈頓街51地下A號舖超級有人情味，喺街中一隅，位置唔起眼嘅麵館，但係極其好食，好多人嚟食，雖然位置唔顯眼，但咁多人嚟食總有原因，用料足，好味，就係留得住喺中環嘅原因。川牛麵以其獨特的風味和豐富的口感而聞名。嫩滑多汁的牛肉片作為主要配料，搭配彈牙的手工拉麵，完美地展現了川菜的獨特魅力。牛肉片經過精心慢煮，肉質鮮嫩，充滿了牛肉的原汁原味，每一口都散發出濃郁的牛肉香氣。配以麵條的彈性和口感，讓人愛不釋手。湯頭則以川菜特有的辣椒和香料調配而成，辣中帶麻，令人回味無窮。慢煮吉列豬扒擔擔麵絕對是一道讓人難以忘懷的美食體驗。首先，吉列豬扒經過長時間的慢煮，使得豬肉的質地更加細嫩，口感更加豐富。豬扒上的炭燒紋路帶來了獨特的燒烤風味，令人垂涎欲滴。擔擔麵則是選用傳統手工製作的麵條，煮熟後保持了彈性和口感，與豬扒完美結合。擔擔麵的湯汁濃郁醇厚，香氣四溢，帶有微辣的風味，讓人胃口大開。香脆辣子單骨雞翼絕對是雞翼控的不二之選。每一塊雞翼都經過炸至金黃酥脆，外皮酥脆而內裡多汁。辣子的調味使得這道菜更加具有風味，帶來了一種辣中帶香的口感。每一口都能感受到辣椒的香氣和麻感，令人食指大動。雞翼的

大學同學住在中環附近，見到這間價錢不貴而且就腳的川菜店就進去試一試。店舖雖然小，約有15個座位，牆上的裝飾卻很有心思，用了面譜作裝飾。【椒鹽魷魚花】少量的花椒鹽灑在魷魚花面頭作調味，魷魚每舊都有均勻的正方形花紋，外表炸得香脆，中間的魷魚都夠彈牙。【酸菜海鱸魚】海鱸魚魚片份量很多，嫩滑得很，質地鮮嫩，酸菜湯底酸味濃郁，味道開胃，配菜還有萵筍木耳等。【招牌蝦米辣油蝦球拌麵】蝦米辣由味道香口，聞落去已經有大陣的蝦米香味，麵條是粗麵，有點像上海麵比較易索汁，加了面底份量夠兩個人食。【花臉啤酒】$30有兩支十分抵，都幾解渴，不錯的手工啤。

離開職埸後已鮮到中環，今天约了友人在蘭桂芳酒會，正好在SoHo一帶溜逛一下，亦趁機在豪飲前找地方先填肚皮，在石板街斜路見到這間小小的川式食館👏牆壁上掛滿各式戲劇面譜，正是店名來源👌天氣炎熱，先上了涼快的自家製檸檬薏米水，甘香清甜，好重檸檬味 😉伴以冷盤蒜泥白肉卷作前菜，薄片青瓜捲上白切肉頂放大量生蒜泥，入口蒜香滿溢，爽脆又有咬感😋主食選了:小牛蕃茄麵;紅燒鮑魚燴麵蕃茄麵醬汁用蕃茄肉打成，濃郁甘香，配上薄切肥牛片，十分合襯😋;紅燒鮑魚麵，鮑汁味恰當;麵條富嚼勁😋跟主食追加了:蒜蓉小青瓜;雞湯西蘭花一涼一熱，各有長處，兩款菜蔬伴濃味川式麵食，好合適😋中環偶遇的小店👏

跟住開飯地圖走，揾唔到間店，仲以為摸門釘，原來在轉角斜路上，餐廳店子細細座位唔多，但持續有客人光顧，就知係好野。 點選麵食可以優惠價追加小食及飲品，價錢$5至$40不等，我地追加左好多款。 八珍甜醋雞絲沙律 $35擺盤好西式，感覺食緊西餐，沙律菜新鮮，雞絲肉嫩，配埋八珍甜醋拌住食果然係份外香~一口鮮蝦炸雲吞（4粒） $40雲吞皮好薄好脆口，蝦膠餡料蝦味濃且彈牙，沾上甜酸汁美味，精巧的炸雲吞非常出色，甚有驚喜。龍抄手 （2粒）$15雲吞皮薄滑嘟嘟，雖然底部滿佈紅油同辣椒，但食落唔算好辣，容易入口，$15有兩粒又幾抵喎。 香脆辣子單骨雞翼（4條）$30唔好睇少呢個雞翼，新鮮熱辣炸起，初時食落唔覺辣，但愈食愈麻，好刺激。 慢煮吉列豬扒擔擔麵 $98吉列豬扒香酥脆卜卜，但肉質唔會炸到乾身，擔擔麵湯底杰身濃郁，麵條Q彈，連埋中間隻流心蛋，美味到好似食緊日本沾麵甘。 自家製檸檬薏米水 $10好多薏米夠足料，味道清清地唔甜好解渴。 豆沙鍋餅 $68上碟熱辣辣，豆沙餡軟糯飽滿，正呀!只係稍為外皮硬左少少。

雖然係中式餐館，店舖雖小但有種家、人情味嘅感覺～餐廳仲播住懷舊輕鬆外國音樂，一邊聽歌一邊食辣野😂｜蒜泥白玉卷｜ $68青瓜片同腩肉片夾埋一齊，中和油膩感，大小係剛好一口，可以一口食到蒜泥、白肉、青瓜，食落好清爽，高質好食！｜慢煮吉列豬扒擔擔面｜ $98湯汁超香濃，有濃濃花生香氣，拉麵掛汁一流，煮得軟硬度剛好有咬勁唔會過腍一咬就散。慢煮豬扒肉質軟腍保留到肉汁，外皮炸得香脆，蘸啲擔擔麵湯汁食最正～流心蛋好嫩滑，伴菜仲有沙律，對得住呢個價錢👍🏻｜水煮牛｜ $210材料有肥牛、萵筍、菇片，夠香夠麻夠辣，好惹味～食到停唔到口～加碗飯一齊食一流～

位於中環呢間小巷小店深藏不露，主打出色嘅川菜美食🤩一入到餐廳，已經留意到店內的外國客人食得津津有味‼️餐廳主打麵食，其中招牌菜「蝦米辣油蝦球拌麵」絕對係必點之一。麵條比日本拉麵更加有彈性，而且佈滿蝦米辣油非常惹味。蝦球相當大隻，每一口都能感受到肉質嘅爽彈口感😍另外，慢煮溫泉雞湯麵都係非常值得推薦的，雞湯勁濃郁，味道清甜鮮美，夠哂真材實料，足以令我成碗湯飲哂😋慢煮雞肉肉質非常嫩滑❤️蒜泥白肉卷面頭嘅蒜泥非常豐富，如果就咁食，就淨係食到蒜泥嘅辣，所以必須將蒜泥mix落辣油 咁先至有層次感食落甜甜酸酸辣辣，味道一啲都唔怪完全係味覺享受呢間小店非常用心烹煮，每一款麵都有其獨特嘅風味特色🤩

放工在中環覓食，近來喜愛川菜，Search了一下就選了辨面館!店子小小的，隱藏與斜坡上，須有心人才能找到。菜單選擇不算很多，多數是新派的菜式。裝修簡約，以四川臉譜精簡地點綴。先點了自家製檸檬薏米消暑去濕，味道清新微甜不會酸，清淡健康的感覺。蒜蓉小黃瓜(晚市追加$18)手拍青瓜，混入大量蒜蓉，嗆勁十足，雖無辣椒卻帶蒜的辛辣！三文魚籽擔擔凍豆腐 $65豆腐滑溜冰凍，擔擔面醬的花生香與黃豆香很配合，以三文魚籽點啜，清新不膩。招牌蝦米辣油拌蝦球麵 $92天氣炎熱不想喝湯，點了一個拌麵。蝦球爽口彈牙，拌麵比我想像中清淡。麵仔爽滑，蝦米辣油吃得出沒有味精，味道只是BB辣！小牛蕃茄麵$88同行友人吃不了辣，點了蕃茄麵，上桌時恍如點了一份蕃茄濃湯。蕃茄湯濃得不見底，味道酸甜可口，夏天必選！最後來了一份豆沙窩餅，紅豆蓉甜度適中，表皮金黃香脆！值得一試！

這一晚同老公去左中環行街 四出搵下野食🔍諗起早前有朋友介紹有一間川菜小店🌶決定試下 係這家 辨麵館📍-小店入面位置不算多，但也算整齊💡食物以新派川菜為主 麵會較多選擇呢🥢老公先揀左小食 八珍甜醋雞絲沙律🥗幾精緻酸酸地幾開胃! 餐前食幾好😋-主食方面，我揀左小牛蕃茄麵🍅係好杰身creamy 的蕃茄麵🥢牛肉好多，感覺好FUSHION 有中西合體🤎不過我個人認為太杰身‼️我鍾意比較湯既感覺但蕃茄味好濃的!-老公揀左慢煮吉列豬扒擔擔麵🧡我反而鍾意辣辣地好開胃🌶吉列豬扒係另上的 夠晒脆口兩樣野一齊食都幾夾 幾惹味✅-我們再點了雞湯西蘭花🥦絕對係健康之選! 飲品我們就點了最基本的檸檬茶同檸檬水!🍋-價錢幾抵食既晚餐 以中環來講CP值高 有新鮮感🤭不過地點真係唔易 絕對要花時搵🔎同埋環境就普通及簡單一點⚠️

小店隱藏在石板街旁，在威靈頓街附近。店子小小而簡樸，牆壁掛滿不同臉譜。先來麵食追加的小食。‖ 口水雞絲沙律 (+$35) ‖賣相吸引精美☺️，有層層疊感覺😂。材料豐富，有羽衣甘藍、青瓜、雞絲、花生、小蘿蔔、蕃茄等。味道頗辣，但不太吃到辣的朋友可跟店員說，師傅會為客人調整辣度。味道麻麻辣辣，惹味辣得過癮。最喜歡當中的花生😋，香辣脆口，不停一粒一粒放進口。‖ 招牌蝦米辣油蝦球拌麵 ($92) ‖麵條好粗身，口感軟彈而軟硬適中。沾上蝦米辣油，吃到香濃蝦鮮味，不太辣也不過咸。蝦球十分大隻，爽彈新鮮。‖ 慢煮吉列豬扒擔擔麵 ($98) ‖吉列豬扒大大塊，好厚身。外表炸得好完美，酥脆香口。裡面肉質緊緻實淨，沒甚脂肪，稍微有點乾嚡，不過味道不錯。擔擔麵湯汁好濃花生香，甜甜地辣辣地，惹味可口。麵質同樣粗身，口感軟彈。‖ 椒鹽魷魚花 ($60) ‖另外叫多款小食。魷魚花共六塊，炸得十分鬆脆，椒鹽份量剛好，魷魚甘鮮爽彈，好味😋。‖ 日本大麥茶(300ml) ($5/支) ‖飲品要返支大麥茶，因為食辣，最好飲茶配搭，清一清。清涼解膩，好喝😊。總結，看得出廚師對食物有心思，擺盤和味道也有一定水準，小店值得大家一

#中環地膽 今次去中環石板街嘅隱世川菜辨麵館 -  BMG辨面館；店內以中國面譜為裝飾，小店細細由一星川菜師傅主理，餐牌主打特色前菜、小菜及拉麵等。🍜🍖慢煮吉列豬扒擔擔麵 $98金黃酥脆嘅厚切吉列豬扒，即叫即炸香酥肉嫩，擔擔麵湯頭濃厚，花生惹味、辣度均勻，香濃而唔會過咸！麵條掛湯，口感彈牙！🍜🍗慢煮溫泉雞湯麵 $85 慢煮雞肉口感軟嫩易人口，奶白色嘅雞湯湯頭清香而不膩，配菜有溫泉蛋、芽菜、木耳等，口感豐富有層次。🥒蒜蓉小青瓜 $18：作為開胃菜嘅小青瓜，新鮮清涼又爽口！唔錯！🍤虎蝦窩粑丸＄80：外層炸至香口惹味卜卜脆嘅窩巴，裡面滿滿鮮甜虎蝦肉，蝦肉扎實，自家製醬汁開胃，推介！🍻飲品點了雪花面譜啤酒，冰涼又解膩！BMG辨面館地址📍：中環威靈頓街51地下A號舖

過咗海周圍逛逛，同朋友去中環辦館睇酒購物，位於威靈頓街附近石板街樓梯旁的《辨面館》有驚喜。黃昏時段早一點嚟到唔使同人逼，隱世小店，推門一進便見到好多四川面譜，大家有興趣都可以打下卡。看看餐牌有唔少特色小食，點完菜便聽到廚房刀切聲音，即叫即做，師傅用心製作。冷盤-蒜泥白肉卷~買上真係好吸引，新鮮刨起青瓜片，捲住片片豬白肉，鋪上大量蒜蓉，配合油醋，成為一個又好睇又好食得嘅前菜。小食-龍抄手~上菜時已經聞到好香嘅辣椒紅油香味，呢個雲吞皮薄餡靚，師傅把蔥絲切得幼細， 食嘅時候記得沾多一些紅油，加多少少葱絲。招牌菜-水煮牛~ 食緊前菜嘅時候聞到廚房傳來陣陣油爆辣椒的味道，勁香濃，湯汁也十分濃郁，牛肉份量都好夠，配菜種類豐富，有牙菜、萵筍、雲耳及菌類等等，整體上水煮牛都做好好。雪花面譜啤酒~好配合食店主題，買一送一抵飲。自家製檸檬薏米水~用料及製作一啲都唔馬虎，加入少少檸檬汁，既解渴又有益。