辨面館 (已結業)

雖然係中式餐館，店舖雖小但有種家、人情味嘅感覺～餐廳仲播住懷舊輕鬆外國音樂，一邊聽歌一邊食辣野😂｜蒜泥白玉卷｜ $68青瓜片同腩肉片夾埋一齊，中和油膩感，大小係剛好一口，可以一口食到蒜泥、白肉、青瓜，食落好清爽，高質好食！｜慢煮吉列豬扒擔擔面｜ $98湯汁超香濃，有濃濃花生香氣，拉麵掛汁一流，煮得軟硬度剛好有咬勁唔會過腍一咬就散。慢煮豬扒肉質軟腍保留到肉汁，外皮炸得香脆，蘸啲擔擔麵湯汁食最正～流心蛋好嫩滑，伴菜仲有沙律，對得住呢個價錢👍🏻｜水煮牛｜ $210材料有肥牛、萵筍、菇片，夠香夠麻夠辣，好惹味～食到停唔到口～加碗飯一齊食一流～