走肉‧朋友 (已結業)

今日黎到大角咀既<走肉・朋友>食素食buffet！我係九月頭既時候黎食，果陣做緊〈東南亞主題〉，宜家好似又換左theme喇。價錢: WeekdayLunch Buffet$68/60min$68就有得任飲任食，真心抵到爛！平時出街食一餐飯都差唔多價錢啦。餐廳採取自付費後入座既模式，12點黎到唔算爆滿，可輕易入座，環境別緻又舒適。依度既野食幾新派，款式唔算好多，剛好足夠，但有d網上介紹有既野食（e.g. 芋頭魚、pizza）都唔覺眼有，或者夜晚會有多d野食掛？另外依度野食既refill速度幾快，抵讚。炸饅頭最impressed係個炸饅頭，係我成世人食過最酥脆好食😻因為太多野食，咬左啖之後擺耐左一陣再食，都仲勁酥脆😳真係有驚喜！菠菜脆脆卷係走肉・朋友既gimmick黎，黎之前最想食係依個！佢係菠菜墨西哥餅皮包住蘿蔔、紫椰菜、同椰菜，因為本身無醬，食落幾淡口，記得去醬料區自己加d沙律醬配黎食呀。素肉骨茶係用魚糕般既物體扮排骨中間條骨，外型好搞笑😂（check返原來係蒟蒻）但個湯零藥材/胡椒味，只係冬菇水味，我就覺得一般啦。素咕嚕肉係麵筋黎，酸酸甜甜幾好食。皮蛋豆腐豆腐超嫩口，

今晚約左朋友一齊食飯，朋友係素食者，自然選擇光顧素食餐廳。依間餐廳以素食自助餐做招徠，每位唔駛$200。啲食物種類都幾多元化，壽司，炸饅頭，串燒，蔬菜，生果，糖水，凍豆腐，連pizza都有，真係應有盡有，值得大家一試。

朋友知道我鍾意食齋，所以一早book 咗呢間係大角咀呢間叫「走肉.朋友」嘅餐廳，聽個名都覺得好特別，所以非常期待，雖然我哋已經book咗位，但都要喺門外面度等安排，等左大約10至15分鐘先可以入座，入座前先付款,由於我係平日去所dinner buffet 只係$118。店內地方都幾迫，有張長長嘅buffet枱，上面放有沙律、粥粉麵、中式、西式、糖水連pizza 都有，種類尚算多，味道有點偏濃，店裏面嘅碗碟食完之後需要自己將佢放去收集區。整體來講可以再encore。

成日食肉有無覺得好悶？間唔中都要平衡下減低啲卡路里帶嚟嘅內疚感！「走肉●朋友」聽到個名都知係食D咩？係呀，即係無肉素食呀，仲要係自助餐形式，菜式會跟住果期嘅主題轉，今期個主題係「京川滬」，真係幾有創意。唔知百幾蚊算唔算貴，但幾過癮等我介紹下佢地有啲咩食🤤雖然簡單啲講其實呢度好多菜式都以腐竹、豆類、蔬菜等素食材料整出嚟，不過款式都真係幾多，同埋外形味道都做得幾似！◎ 冰梅貴妃雞 - 個樣幾可亂真，由腐皮一層一層疊出嚟，冰梅嘅味道幾突出！◎ 東坡肉 - 用東坡肉嘅烹調方法燘冬瓜，睇落真係幾似五花肉果層肥膏。◎ 孜然串燒 - 呢個無論係羊肉串定係魚蛋，都真係唔錯，竟然整得出似羊肉嘅小小羶味同魚蛋嘅彈牙口感！😱◎ 担担Pizza - 中西合壁咁以四川担担麵嘅配料如蒜粒、辣椒、花椒、香葱....加上芝麻醬放喺薄脆Pizza上，少少辣但幾惹味。😛其他野食都一樣幾唔錯！另外我覺得呢間餐廳都幾有愛心，每個月會捐120張飯票比公公婆婆同弱勢社群，客人都可以比錢贈捐，而餐廳會base on每個客人贈送飯票嘅數量再送多一個double，值得讚👍

這是我的第一次，到素食自助餐進膳呢 ! 終於能夠到走肉朋友一嚐了 !中午十二時到，不用等位就能夠入座，店內的素食種類多多，味道不過不失！由中式﹑西式﹑日式甚至東南亞的菜式也有，最有馬拉炒米﹑炒飯﹑皮蛋豆腐﹑口水素雞﹑Brownie(心心眼)﹑素菜卷﹑酸甜咕嚕﹑老少平安﹑腸粉﹑粟米﹑海帶綠豆糖水﹑青紅蘿蔔粟米湯(十分鮮甜)及自助沙津、拍青瓜及麻醬豆腐等等。值得一提的是，店內的餐具執拾是由自己身體力行的，但店家也有清晰的指示 晚餐價錢為逢星期一至四$118，星期五﹑六﹑日﹑公眾假期﹑初一十五為$148，而午餐為星期一至五$68，星期六﹑日及公眾假期為$88，價錢可謂十分相宜，所以見到不少OL 及學生哥於午膳時也來呢 !! 值得一讚的是，店家預備了單人排排坐對街位，普通方桌及圓形桌，適合不同形式的人數的聚會。另外還可加$6 有芋頭﹑豆腐﹑番石榴及荔枝味的雪糕，當然了不了店家著名的紫薯球喇 !

中國人傳統思想慶祝重要節日，例如中秋和新年一定要大魚大肉，但隨社會改變，最近不少人都提倡素食，我們家庭不太看重傳統，而平日都嚐得清淡，近來從不同媒體得悉這間素食自助餐評價不錯，最近又推出「京川滬」主題，便決定來一試。雖然位於大角嘴，但其實奧運站步行約10分鐘即抵達，幾方便。餐廳環境比其他素食自助餐廳闊落，花了心思裝修，有點文青味。食物款式選擇多，溫度適中，而且因爲新主題，所有有一些菜色有意想不到驚喜！東坡肉以冬瓜配上秘製醬汁製作，入口即溶的冬瓜仿效了東坡肉的脂肪口感，但明顯地這是絕對健康，也是最令我意想不到的。冬瓜炆製得晶瑩，由於重脂肪的透亮。炸大腸同樣是內臟的名稱，過往的生活一概不吃，但這個素炸大腸，用了麵筋和豆製品取替，口感煙韌，豆味濃郁，還用竹籤吋成一串串扮街頭小吃，相當抵死！糖醋排骨味道絕對騙得上人，和真的糖醋排骨味道一模一樣，酸酸甜甜，其實他是油炸鬼切成小塊，沾上醬汁烹煮，但卻不油膩，香脆可口！.京川滬主題自助餐當然不只這麼少的推介，其他例如上海菜飯、麻婆豆腐、紅燒獅子頭、冰鎮貴妃雞等等都值得一試。菜色方面，創意得來味道極佳！老闆娘亦會細心介紹，服務一流！自助餐桌上的食物沒有

一向有食素的我，最近發現這間“走肉朋友”，見午市有自助餐供應，今天去試了！非常失望…！這裏是購票形式，入座時間是12：07，款式不算多，數量亦不多！環境尚算整潔！首先是攞熱盤食物，發覺全部食物溫度只是微暖，這個溫度怎能給客人食用？我向侍應反應，叫她調高盛器溫度，她說不能調，這已是最高溫！侍應說覺得好夠熱！不知所謂……，跟住見到侍應從厨房拿了一盤羅漢齋出來，上面是用保鮮紙封的，即是說羅漢齋都不是即煮，是翻熱的！我夾了落碟，即時check溫度，都是暖，完全冇熱！現在是夏天，若冬天餸菜都是這個溫度，即是說全間店都是供應冷盤！見那個侍應仲要與收銀交頭接耳在講我的投訴，我行身邊就即收聲！不知所謂！客人有投訴，不是應該即刻去改善？仲要比客人見到這些不禮貌態度？絕對不會有下次幫襯！

見到開飯啦有好多負評， 都係講緊員工態度同埋食物供應問題 ，但係作為一個蛋奶素人， 素食buffet選擇唔多 ，所以都係決定要自己試一試。佢有6/8點booking,咁我都係即日星期六朝先訂，都有8點位。 唔知係咪因為打大風前，餐廳人流冇傳聞中咁爆，餐廳都有7點通知我可以早d食，廢事打風走唔到。 員工其實都幾好人，我自己一個企喺外面等食肉獸同事，佢都主動過嚟問我做咩企出面，入嚟餐廳等。食物方便，我覺得得到食肉獸同事主動講一句， 「我第一次覺得食素係好食」都夠啦，幾驚佢話我帶佢嚟中伏。可能真係唔算爆，食物其實佢地有keep住refill, 我冇咩complain 。我覺得最好食係個pizza同老少平安,真係好好味。其他都正正常。同事話個 沙嗲肉串同海南雞真係好似食緊肉，覺得神奇， 本人就唔係好好啲扮肉嘅素 ，但味道都可以嘅。 然後都見到有兩種素湯，有甜品，然後又有一個好齊全嘅沙律吧 。總體嚟講， 見到有好多comment都係話佢種類唔多 但係我覺得其實都 夠一個人食得好滿意，我食左2轉都未食哂d野， 148蚊可以有咁多選擇， 你仲想點？另外想講 ，當你要走嘅時候係要自己收拾碗碟同埋分類

今晚終於試到走肉朋友。女朋友之前話自助式款式多，由沙律，小食，主菜，湯及甜品，味道都其實好一般般，但是吃完覺得價錢比起無肉的性價比唔高唔係幾好吃，服務態度又唔好，唔會再幫襯😑😑😑

素自助餐去過好多間，一直想試下酒肉朋友，因為佢有東南亞食品主題。沙嗲串燒、海南雞等都係其他地方冇的上次訂位失敗，今次早幾日訂，成功。去到格局同一般素食自助餐大同小異，但食物在味道上就多啲變化好似炸物區, 佢就有pizza，同埋我覺得有驚喜的黃金炸菇，食落有啲似炸魷魚酥，同埋個咖喱角嘅饀都好飽滿，唔會奀痴痴小食方面，少不了涼伴，我食了麻辣青瓜，麻醬菠菜同酸辣粉，都好濃味，有別於一般素菜係清淡的印象，尤其酸辣粉我有encore，好味呢度嘅菜確係偏辣，有個麻辣木耳，我個朋友食完辣到飲左兩杯夏枯草芋頭魚同咖喱太飽冇試印尼炒飯都正, 但原來伴碟嘅蝦片仲正。串燒沙爹係我期待的食物之一, 可惜沙爹味道一般，而且素肉有點酸味, 不知道是否變壞，還是本身係咁。食左冇肚痛，就當係冇變壞啦。但食左一串已冇再食本人胃納不大，所以呢種薄餅卷物我冇食到，但朋友話好乾，裏面的菜完全冇汁，要自行加沙律醬。另一有encore之物，就係呢個小卷壽司，好味喎個炒米粉唔會太乾, 亦係我推薦之選。肉餅因太飽冇食到之後有食到什果涼粉, 但味道一般。總括而言食物係有新鮮感，但新鮮感一瞬即逝，因為味道唔係真係話好好。海南雞、肉骨茶等

約18:15到達，經已座無虛席，由小朋友到老年人都似乎食得津津有味。當然，我們一邊留意其他食客，一邊拎住屬於自己既碟，睇下有咩素食之選。結果發現冷盤、熱盤同甜品都有不少選擇。行近沙律吧位置，不需絲毫思考，隨即揀左薯仔沙律、蕃茄藜麥青椒、麻醬菠菜、蔬菜卷、粟米及皮蛋豆腐等，如果能夠提供紅菜頭就更好喇！沙律吧提供既菜式雖簡單，但夠多元化同味道十足。由於食物種類眾多，熱盤我都未有一一試過，我會特別推介芋頭魚，外皮香脆，與酸甜醬頗為相配；另外可挑選老少平安、串燒、炸饅頭和咕嚕肉，色香味俱全！甜品方面我會推介豆腐花！作為本身唔係素食既我，覺得偶爾全餐素食絕為不錯之選，既健康，又美味，同埋冇平時食自助餐個種既罪疚感！

食物：⭐️⭐️⭐️⭐️環境：⭐️⭐️⭐️⭐️衛生：⭐️⭐️⭐️⭐️服務：⭐️⭐️⭐️⭐️綜合：4/5已經多次到訪這間店，基本上未曾令我失望。但暫時為止每次都是試下午時段，因為實在太抵食！（$68！）先講對店鋪第一印象，位於奧運站五分鐘路程的位置，算是方便就腳之選。外觀裝潢雅緻，洋溢著一番外國風味小店的感覺。甫進店內，就覺得環境乾淨，而且食客都是附近職員而來，大家都不會大聲說話，空間因而寧靜得來又舒適。再者，每次去都無需等位，非常岩心急人去。而且餐廳完全沒有油煙油膩等感覺，當然亦歸因於食物以沙律為主。到主角---素食自助餐，每次去主題都有變動有驚喜，因為一個月轉一次（好似係），變相去極都好難會厭，除非本身極抗拒素食啦。曾試過台灣風味主題，魯肉飯非常入味，師傅工架高👍👍👍而我本人每次都特別鍾意食佢個朱古力蛋糕，唔會太甜唔會食濟，岩哂啲想食甜品但又唔鍾意太甜味既人🤓再來薑黃炒飯，本身對薑無乜好感😂但該炒飯不油而且夠乾身，食落薑既味非常出位，而且香口，好夾！

同我老婆親戚慶祝生日，bk左呢間素食buffet 我老婆不嬲主張食少d肉，岩哂！記得一定要早d bk位，真係好多人！我星期一去食都爆哂！係奧運站，行過去，10分鐘內！條街都好多野食！環境問錯！素食真係可以造就一個better world有style既佈置，不過唔會坐得好舒服食物選多呢煲素肉骨茶好易被遺忘但係真係超級正！我同老婆起碼飲左3碗！仲要有甜品食！每樣食物都有翻咁上下水準連個蛋糕食都好好味地方唔算大！但種類多！絕對食得飽仲有夏枯草同檸檬水，好健康每位$118真係好抵食！唔怪得要早咁多bk位！食完好想再encore!!!不過唔好期望有人serve，自己放餐具，其實係一個好聰明既做法服務方面主要有一男一女，位女士西口西面，寸寸貢，一入門口又講清楚要比錢先就話我地開始食野，有位火爆親戚差d反枱！但係有個男士好好服務，道歉之餘好好笑容！點都好，我都係會再去既

充滿期待的一個晚餐，到了門口已經趕鴨仔地迫你盡快到櫃檯俾錢，坐低，場面十分混亂，然後迫我們和陌生人像茶餐廳一樣打對面搭枱，我們向店員反映，佢黑面的跟我說這是我們的安排！走到櫃台向那個自認老闆的人反映，仲離譜，佢當聽唔到，一句回應都無，我終於明白點解佢地要收左錢先！我只可以講唔想貼錢買難受，真係唔好去！地方擠迫之餘仲要有搶食的情況，先未講食物質素一般...比較多油，選擇亦不多，我白白地浪費了一個晚上！

之前有兩次想食都因為太多人所以冇食到，今次仲吾輪到我！✌🏻入到去就有一見鍾情嘅感覺，覺得係一間好有愛嘅餐廳，餐廳周圍都有細細粒嘅公仔，有廚餘收集，有少數族裔嘅員工，燈光好柔和。我同朋友一黎都梗係食左小食先啦！當日小食有木耳青瓜，麻辣薯粉，仲有自助沙律🥗（竟然有都幾貴下嘅羽衣甘藍)，又有素雞，炸素墨魚，本人最愛係木耳青瓜，酸甜度恰到好處。 因為當日實在太多種類(當然同大型酒店嘅款式冇得比較),甘等我揀幾種最鐘情黎講。作為一個湯精，有咩好過自助餐有一個中湯，就係兩個中湯！😂星期五個日有合掌瓜栗米湯同肉骨茶。我想講個肉骨茶真係好足料同好香，入面有栗米、素肉又有幾多冬菇。啲素肉係素雞髀，啲仿骨係荀，好特別。 🍲 另外素肉串都好適合冇肉不歡嘅我地，由燈籠椒同素羊肉串成，仲好食過真嘅肉😂😂黃薑炒飯都好香，粒粒飯都分開，炒得好均勻。🍚另外值得讚嘅地方係佢地會起同一轉入面都會轉款式，好似食完就會轉另外一款，好有心思。不過我同朋友都有諗過佢地會食剩嘅嘢食點處理，我打去問佢地就話會將食物先派俾公公婆婆，再送去廚餘廠，我諗自助餐廳黎講都已經係最環保嘅做法。不論佢食物質素(雖然已經驘曬)，睇得出走肉朋