走肉‧朋友 (已結業)

平安夜事先預訂左黎走肉朋友食因為身邊有好幾個朋友黎食過都大讚而聖誕既價錢係$168，有別於平日晚餐$118既價錢因為平日晚上無食過，所以唔知menu內容有無唔同--佢地分兩個時段既自助餐，平安夜我就選擇8點入座既時段一入到去氣氛都好唔錯，好有聖誕感覺-餐廳設計得好溫馨，有種令人以為身在外地既感覺但要留意番座位比較密，有少少逼-食物種類比想像中多，可以媲美酒店既自助餐既鋪排各種食物都井井有條呈現在眼前，真係估唔到素食都可以有咁多款式同我腦海中「傳統素食」既印象完全唔同我本身都唔係一個素食主意者，但食完呢餐好滿足-全晚最令人難忘既食物分別有豆腐、pizza、炸物芋頭同tiramisu -連紅薯粉都有呀！-pizza係薄批，但甜甜地好岩我胃口！-豆腐好滑，芝士焗蘑菇焗完後好juicy多汁炸芋頭雖然略嫌表層既糖箱有少少厚，但依然好好食-一推出就被掃清既Tiramisu 雪到好凍，硬身少少既感覺相比平時軟身少少既tiramisu,我更愛呢種半冰半蛋糕既口感最後以南瓜西米露為呢餐作完美既總結呢餐唯一有少少令我遺憾既係試唔到豆腐花，同埋試唔到menu中所寫既麵包布甸、蘋果撻同朱古力布朗尼-整體黎講係

2018年12月22日冬至Green Saturday Lunch $88/位，唔使加1，11:30-16:00，幾時來都可以，買飛入坐開始計時75分鐘。飲品有薑茶、潽洱、檸檬水、熱水是日Pizza 是南洋風情，好好味一定要食既係薑醋，夠薑所有食物都好清新，炒煮的都唔覺好油服務員個個都好好，外籍女職員好nice早來，約3分1 客人，但二人的，就要搭枱，攪到迫迫咁，其實仲有大把位，點解唔比坐鬆啲，後來有人來再搭枱感覺會更好。

平時很喜歡食肉，今日就嚟大角咀食素，清清腸胃。大角咀《走肉朋友》係自助餐形式，入座前先付款，用餐時間係75分鐘。一張長長的餐枱放咗好多食物，包括有沙律、熱食、炸物、冷盤、糖水、粥、湯、蛋糕等等...冷盤有四川素雞、皮旦肉鬆豆腐、紅薯粉、麻辣雲耳、麻辣青瓜、樣樣都好好味，不會太辣。炸物有第一次食的炸蓮藕、炸豆腐同炸蕃薯，非常香脆。關東煮淡咗少少墨西哥卷同pizza 都好好味有最愛的紅豆沙同豆腐花，每星期食吓都唔錯

哈哈哈，是的，又來走肉朋友吃飯了，自從知道大角咀有這間素食餐廳之後，都不知道來過多少次。每次和朋友說，就算經常來走肉朋友吃飯都不會膩，因為餐廳每2-3個月就會換一次菜單，而且每次的主題都很不錯，像12月就已經換了「夠薑．找素」當主題，當然又有藉口來吃啦。喜歡吃薑的朋友，個人推薦素薑醋、五色子蘿、香檸薑汁伴鯉魚、沙薑油素雞、麵醬薑蓉蒸腐竹、炒薑飯……而素薑醋是絕對絕對不可錯過，真的和平時吃的薑醋很相似，尤其是覺得平時用豬手煮的薑醋很油膩的話，這個素薑醋應該會很對胃口。 (看到現場的長輩們都一直添，很受歡迎XD)比較特別的還有素食關東煮，以清甜又滋潤的竹蔗作湯底，鍋物有竹輪、魚蛋、貢丸、牛蒡丸、豆卜、豆腐、麵筋、白蘿蔔、冬瓜、鮮菇、粟米、木耳、鮮腐竹……全部都是素食，在其他地方好像沒有試過。值得一讚是食材煮得入味，特別是蘿蔔和冬瓜，但又不會煮得太軟爛，Good~最後私心推薦個人全晚最愛(但好吃到忘記拍照)的南瓜西米布甸，聞到已經覺得很濃郁，入口更是綿密細緻，又香又甜，加上使用大粒西米增加口感，真的下次給我一大盤都可以吃光光。雖然不關「夠薑．找素」事，但真的是100分推薦XD

同幾個酒肉朋友食走到肉朋友！幾特別，平時唔會特別食素，無肉食會唔會好唔慣呢？一晚半晚都ok既！熱食款式比想像中少，有沙律，熱食，湯，飲品，甜品...朋友話炸香蕉好好食, 我唔食蕉所以無試到。我食左炸饅頭, 都OK 呀。 好鐘意沙律吧, 芝麻醬青瓜絲好正! 熱食有D串燒, 幾特別, 魚蛋做得好似, 好快比人拎晒。 估唔到仲有關東煮, 食左冬菇蘿蔔腐皮, 不過好似唔夠入味, 甜品有蘋果批, 紅豆沙, 豆腐花湯係西洋菜湯, 平時屋企煲湯都會落肉, 落豬骨, 今次咁清我地都有D唔慣haha呢到好多食物都會比較淡口, 可能健康D啦, 都OK 既

食得大魚大肉多，間中都要清淡吓，呢間餐廳-走肉.朋友就最啱，假日自助晚餐＄148 一位，入坐起計個半鐘。今晚我哋訂咗枱，唔駛等就可以入坐。呢間素食餐廳同一般傳統齋舖好唔一樣，餐廳內部裝修新穎時尚，食物亦有別於一般傳統齋舖，款款食物都煮得好味，有多款salads，我自己就比較喜歡蘋果沙律同地中海沙律🥗，而素大腸、素串燒、素薑醋同素pizza咁，雖然無肉，但味道絕對唔輸蝕，一定要試😋 ，仲有食埋甜品：tiramisu、紅豆沙、豆腐花同水果，就大滿足👍🏻👍🏻👍🏻記得食完要自己收拾好餐具啊🍴

以前去過單點嘅素菜館但叫埋叫埋就好貴 呢度一個價錢可以任食 算係咁之前睇過食評話員工態度好差但今次去又唔覺 唔算好好服務單都唔叫差食物溫度唔係超級熱但唔係凍 係可接受範圍今次有食佢新出嘅沙薑雞薑醋等等 都幾好食但係本身我唔鍾意食薑所以炒薑飯嗰啲就無試喇環境叫做幾靚 幾有Cafe feel 係偽文青風格 但係座位都幾迫下 我身形比較大 出入都會撞到人 之前睇過話佢要我地一隻碟食到尾 但今次我哋每轉都有換碟都冇人話我哋 咁樣係衛生啲嘅唔係食開齋嘅貪得意去一次都OK嘅但係返轉頭就未必啦

食齋都要要求美味，唔可以只係食淡茂茂沙律咁樣。呢間齋鋪係自助餐，選擇好多，仲有自製嘅涼茶，真係唔錯！佢嘅口水雞整得好似真係雞。蒸肉餅都好好味。除咗傳統嘅中餐菜，佢都有啲日式茶。每一日都有唔同嘅湯。甜品都好多選擇嘅但係最鍾意都係佢豆腐花，好滑，仲可以自己配薑汁同埋紅糖。

走肉朋友係一間素食自助餐 主打新派素食☘️ 即使我唔係素食者 但食物既味道同款式都令我有驚喜🤩🤩 每一款都好想試😝！ 間唔中想食清d都可以試下～今期既主題係京‧川‧滬菜🎏 💛沙律吧可以自選材料調配💚熱食用有冬瓜扮既東坡肉、素獅子頭，無論外型同味道都做得好似呢！😝😝💛仲有白汁芝士意粉、葡汁焗4蔬、上海菜飯、上海炒年糕、回鍋肉、鎮江排骨、麻醬素雞絲、脆脆菠菜卷、香酥鴨、冰梅貴妃雞、擔擔麵pizza等等～ . 💚我覺得脆脆菠菜卷整得好好食👍🏻👍🏻，用帶咸香既墨西哥卷包住椰菜絲，紅蘿蔔、加埋沙律醬，爽脆清新！💛擔擔麵pizza幾重花生味，帶點點辣，批底又薄又脆，每次出爐都好快比人清晒～💚香酥鴨，外皮酥脆，入面用左綿密既芋泥同豆腐整，外脆內軟！💛鎮江排骨用左油炸鬼整，有少少硬，不過好特別～💚仲有豬大腸、魚蛋串燒，做得逼真，味道唔差😋 .💛甜品有滋潤既雪耳糖水同豆腐花～ 最好卜定位，因為真係好full，唔知下期係咩主題呢😋 自助晚餐 時間：6:00-7:30pm/ 8:00-9:30pm收費：$118(Mon-Thur) / $148(Fri-Sun)走肉‧朋友

星期六的中午黎到依間想試好耐的素食自助餐～要先比錢（weekend lunch $88/person）再坐低…用餐時間1.5小時～而且店員建議每人只用一套餐具，實踐環保概念－食物款式都算多～有沙律、冷盤、炸物、熟食、湯、甜品！分享我覺得好吃的吧！1. 扁豆湯：沒有肉煲的湯都可以咁甜！應該係因為落左好多栗米～飲左3碗！2. 冷盤的青瓜和雲耳：十分開胃～3. 素雞：朋友說肉素真的像肉，而且調味不錯～辣辣地4. 菜輔豆角炒蛋：唔知點解覺得好好食，好多菜輔，encore左幾次5. brownie：好香朱古力味～～好食！－總括而言：捧著肚子離開

第二次來了喇！上次是假日午市光顧，今次是平日的午市，價錢上便宜了hkd10, 亦即每人hkd68,但只有一小時用餐時間，且上次某些很喜歡的菜式今次都不見，不知是否因為假日/平日的關係。因此下次我寧願假日過來。當然，食物的品質或是refill的速度依然是很impressive的。當中最喜愛，不斷吃的是口水雞，質感很肉"真肉", 也十分惹味，前菜中最喜歡這款。沙律也是必吃的，色彩繽紛很吸精。個人不太喜歡煎炸的油膩食物，但也吃了個蕃薯球！甜品通常一出場就被清空，很受歡迎

我同朋友都係第一次食素食自助餐，好彩我哋預先book位，平日嘅夜晚的，都有好多人🙈🙈🙈之後黎食系京川主題，製作了很多精美嘅中菜～雖然係素食，但配上京川嘅主題，各款嘅賣相都好吸引‼️我哋最欣賞係廚師點樣發揮佢嘅創意，去製造好多走肉既食物🤣🤣例如有冬瓜整成東坡肉，油炸鬼整糖醋排骨！！真係會比佢哋嘅外觀呃左，以為係肉😝😝呢度有沙律，主菜，湯同甜品等，用餐嘅時間為1小時30分鐘，好雖然食得有少少趕，但係食得出店舖嘅用心💛💛💛👍🏻

返工返到冇咩胃口, 想食得清清地, 就諗起過嚟試吓呢間”走肉”朋友!呢度嘅佈置令人感覺好舒服, 裝修得似Cafe, 要先俾錢才可以坐低, 假日午餐$88一位, 侍應有特別提醒因為支持環保, 所以每位食客只會供應一套餐具, 即係話隻碟食完第一round要繼續用返, 我都支持呢個做法。跟住講下食物, 款式都幾多, 番薯幾好味, 另外沙律吧都有好多材料可以揀, 特別啲嘅有Pizza同腸粉, 唔係太多扮齋嘅菜式, 咁幾好, 調味都偏向清淡啲, 啱晒老人家嚟食! 唯一係繁忙時間Full House嘅時候真係幾難行出去攞嘢食, 要行得好小心先得。

從來都未試過去食齋，因為多數都驚會太清，味道好淡，但呢間係朋友介紹佢話食過幾間潮式既齋鋪呢間最好食所以就帶埋屋企人黎試下呢間係比錢任食，價錢唔貴$200內1位最特別係要自己食完執番自己既用具而佢有d 素食，個牌係寫住梅菜扣肉（而扣肉係冬瓜）好特別又好食而佢既菊花茶好香好好飲

朋友都公認我係食肉獸男朋友亦都係個不節不扣既食肉大胃王好在今次媽咪提議話想試素食我地就初嘗下素食自助餐喇原本都無咩期望事關我同老豆都係食肉既中堅份子點知真係勁有驚喜佢唔係普通街邊既齋或者普通既沙律佢有好多模仿肉既菜式我喺其他地方見唔到架睇得出係勁有心先做到佢有口水雞呀 麻醬雞絲呀仲有上海菜常見既扣肉同糖醋骨我地都呆左 下點有可能似呀？哇食落就真係驚為天人臨尾仲見到有豬大腸 我估係用豆皮做無論賣相定口感都真係超似呢度完全滿足到我呢位食肉獸呀第一次食素都咁滿足最值得讚係呢度既裝修 係超靚既歐式style😍