財記辣蟹私房菜

營業中

休息中

銅鑼灣食辣蟹嘅地方好多，呢日行過「財記辣蟹私房菜」，見佢樓高兩層，同埋D用料好似幾新鮮，於是決定入黎一試，估唔到又好有驚喜。眼見「財記辣蟹私房菜」酒樓格局，於是上網睇下有咩好食推介，就見到報章話呢度前身係數十年老字號「越華會」，因疫情而由「財記辣蟹」接手，沿用舊址及原班手足，開辦旗艦店「財記辣蟹私房菜」。然後再睇下D飲食資料，我地就叫左薑蔥美國生蠔（$228）、蒜蓉蝦乾蒸勝瓜（$88）、菠蘿咕嚕肉（$98），同埋椒鹽九肚魚（$105），再加兩碗白飯（$30）。薑蔥美國生蠔（$228）蠔仔脹卜卜，一鍋有成六隻，加上薑蔥爆製，再落少少燒肉加底，十分香口惹味，無得彈。蒜蓉蝦乾蒸勝瓜（$88）平時已經好鍾意食勝瓜，加蒜蓉蝦乾，令清新嘅勝瓜更爽甜入味，必試菜式！椒鹽九肚魚（$105）椒鹽九肚魚炸漿薄得黎又酥脆，九肚魚肉好綿，味道一流。菠蘿咕嚕肉（$98）酸甜得宜，而且外脆內軟超好吃，撈飯食，好快chur完一碗飯。簡單菜式都做到出色，下次我會再黎試下其他海鮮。財記辣蟹私房菜 地址：銅鑼灣駱克道447-449號中威商業大廈2-3樓

其實由越華會開始幫襯，轉咗手財記都keep住每個月都去，次次都係訂VIP房間，反正要比低消海鮮俾佢賺下係知貴啲冇所謂。不過服務就越嚟越差，疫情時候還可以，而家可能開放國內同胞生意多返好多，就好似唔憂做咁。早兩日一行六人去，以為我哋飲多咗，求其隊將單六千幾俾我哋，心諗叫咗隻蟹，三隻賴尿蝦，三隻聖子，鹽水煮蜆，其他普通小菜，點食到六千幾，同佢講完話check單收多咗改咗五千幾，再睇吓仲係有啲item收多咗，最後四千五埋單，咁樣做生意好唔老實，唔會再去。

橫行至謝斐道的「財記辣蟹」，小編聽聞衆星皆是捧埸客👂，味度與實力不言而喻😋。佢哋於今係靠近銅鑼灣地鐵站，開左首間旗艦單供應多款惹味的海鮮料理，並以避風塘炒辣蟹為招牌菜式🦀️快啲拉落去睇小編嘅食評啦👀
-脆皮炸豆腐💰78🔟
豆腐外脆內嫩，配上簡單鹹香椒鹽調味，小編真心覺得食緊嘅唔似豆腐，有小小似鮮嫩魚肉。-鮮奶蛋白蝦球💰168 9⃣️
蝦球肉質鮮嫩，配上香氣四溢嘅奶白色鮮奶蛋白，入口香濃又煙韌。-辣蟹蒜蟹乾炒韭菜花 💰88 8⃣️
辣味十足嘅辣椒同香氣濃郁嘅大蒜，根本就係同新鮮嘅韭菜花完美配搭，加上香噴噴的蟹肉乾，令人回味無窮。-海鮮荷葉飯💰188 9⃣️
蛋炒飯吸收曬海鮮嘅鮮甜，搭配上荷葉本身獨有香味，小編打呢篇食評已經流曬口水。

高朋滿座，小菜佳餚，另人津津樂道。銅鑼灣呢間食肆有一定捧長客，沒有預約，跟本上一席難求。蒜茸粉絲蒸蟶子皇 $88/隻好鮮嫩啊！大大隻，無得輸！菠蘿炒咕嚕肉 $98上枱時己陣陣酸香樸鼻。咕嚕肉粉漿不會過厚，外脆內軟，非常滋味。伴菜菠蘿，青紅椒夠晒入味。馬拉盞炒通菜 $88炒得火喉夠，仍然翠綠無比。味道濃而不膩。咸蛋黃涼瓜 $78邪惡至極！厚厚一層嘅咸蛋黃包裏著涼瓜條，清熱爽口涼瓜可中和鹹蛋黃嘅膩喉，絕配。小炒果然出色，值得推介。

The place for Canto-food🥢.⭐️Favourites:🥢 Deep fried tofu 脆皮炸豆腐 HKD 78 😍😍😍🥢 Fresh seafood with mixed vegetables in pot 海鮮雜菜煲 HKD 118 🥢 Fried butter cucumber w/ salted egg yolk 鹹蛋黃苦瓜HKD 78 .💭Thoughts: Food was so good!! The deep fried tofu blew me away!! So light and crispy and the tofu itself was incredible soft and smooth. Their seafood was amazing in general, my personal fav was the squid! And who can say no to salted egg yolk! .📋Tips: Do make a booking ahead of time as they seem quite busy in g

以前去了幾次越華會，他們關門了以後，聽説在相同地址開了這家財記。剛好家裏有人生日，所以訂了這裏慶生。這裏每碟的份量不多，我們六個大人最後點了十樣菜。水準好似比以前越華會差了；鍋氣還是很夠，但就是覺得無以前出色，譬如椒鹽魷魚就好一般，魷魚普通一塊塊地切，就無切花；除了蒜頭之外，也好似無加其他材料一起炸。整體來講算不錯但就無驚喜，但如果同朋友來食飯聚聚的話，是很經濟的選擇。

周四晚上放工，胃口大開。剛從泰國回來愛上了海鮮，於是與女朋友訂了這家私房菜，非常的期待😚菜品1. 鮮奶蛋白蝦球：雖然沒有擺盤，但是整個菜上來之後依然是最好看最好吃的。正可謂實力與顏值並存，很多大大的晶瑩剔透的蝦仁🍤，加上鮮嫩富有彈性的蛋白，只是讓我難以忘懷2. 脆皮炸豆腐：不是海鮮，但是此道菜是想當的美味，外酥里嫩，香甜可口。3. 蒜茸粉絲蒸蟶子皇：蟶子是我見過最大的，肉質飽滿富有彈性，鮮嫩可口，加上蒜茸調味，讓人愛不釋手，吃了還想吃😋4. 椒鹽瀨尿蝦皇：同樣也是我見過最大隻的瀨尿蝦，剝開蝦後肉質鮮嫩多汁，配上椒鹽，令人回味無窮。5. 蒜蓉粉絲蝦乾蒸絲瓜：擺盤大氣精美，菜品可口，清爽，一口一個不知不覺全部吃完啦。6. XO醬西芹帶子：好多大個的帶子，店家給料十足，加上有韌性的芹菜。很有嚼勁！7. 西湖牛肉羹：在所有菜品上之前一人來上一碗，非常的開胃，瞬間讓我飯量倍增，胃口大開。飯店非常的寬敞舒適，不會擁擠，店家的招牌炒蟹我們還沒有點，因為想給下次六個懸念喜歡吃海鮮的朋友一定要來這家嘗試，非常的新鮮。

生日好想食海鮮，諗起大大隻既肉蟹🦀專門食避風塘辣蟹既餐廳唔多，係openrice見到財記順便訂埋二人餐試吓，開頭驚唔夠食，點知好飽當日去到已經全場爆哂，講吓有咩食先～豉椒炒蜆～辣辣地好惹味，最緊要係蜆肉飽滿，最驚瘦蒸大蟶子～兩隻一人一隻，新鮮好味，上枱前淋左油，好味主角避風塘炒辣蟹～呢隻係額外加左$150，有一斤幾，炸蒜同避風塘好香好惹味，辣蟹係選用肉蟹，好大舊肉，但有啲痴殼，如果炒得再入味多少少，更好豉油王炒麵～炒得好香，啲面仲脆脆地，但油左少少蒜蓉炒時蔬～炒白菜仔，清清地，啱晒紅豆糖水總括來講，都係好滿意，下次會再嚟食

今晚在銅鑼灣吃晚飯。這家餐廳有幾層，座位闊落，燈光明亮，坐得舒服。這裡主要吃海鮮，一隻大蟹大約$600幾，可以清蒸或其他煮法。茶位$10位，小食$20。餐牌有不少小菜，看起來都很吸引。⭐️芝士焗蝦球伊麵$188 這道伊麵很好吃，份量足夠四人分享。每一條麵條都裹滿了卡邦尼醬料，入口奶香味十足，加上一粒粒飽滿的蝦球，炸得外脆內爽，很美味。⭐️咕嚕蝦油條$168咕嚕蝦油條很特別，油條裡面塞滿了爽脆的蝦肉，入口有油條的香脆，又有蝦肉的啖啖肉，口感滿分。⭐️馳名沙拉骨$88沙拉骨炸得香脆可口，肉連骨頭的部分最好吃，伴飯最好不過。⭐️脆皮炸豆腐$78脆皮豆腐入口外酥內軟，一粒粒卜卜脆。

財記早年係nana同家人既飯堂上星期心血來潮好想食佢店既咕嚕肉琴日放假就帶左家人重回飯堂差唔多次次都係叫返相同嘅餸菜平時我一定會叫埋最好食嘅炒麵（推介）不過今日得兩個人叫左又一定食唔晒拎返屋企又冇現場咁好食就放棄左《菠蘿咕嚕肉》（推介）仍然keep到好好食既水準食到最尾個咕嚕肉仲係脆架坊間出面既咕嚕肉放一陣已經淋晒可以做到放左成個幾鍾都仲係好食都唔係咁多間做到《椒鹽九肚魚》食呢個魚記得要小心睇熱唔好咁心急做得酥脆 入口即溶 《脆皮炸乳鴿》大大隻好多肉汁《白灼花螺》原本我係諗住叫辣酒煮花螺但家人叫錯左白灼新鮮點煮都好食《黃金苦瓜》鹹蛋黃包住爽脆唔苦既苦瓜條係油膩咗啲不過好食2個人食得哂所有野都幾誇張😃咁耐冇黎仍然keep到水準👍佢地既海鮮做得都好出色的但今次我皮膚敏感無咩叫到海鮮主要食小菜呢度好適合三五知己黎食飯❤️

財記辣蟹私房菜銅鑼灣駱克道447-449號中威商業大廈2-3樓以前一想食炒蟹, 腦中第一個地方必是閃出銅鑼灣鵝頸橋一帶, 當幾年前未封關, 不論遊客或是本地人, 都很喜歡去銅鑼灣尋覓美食財記辣蟹私房菜是由越華會原班人馬主理, 越華會D少炒出曬名好食, 廚師手藝一流有鑊氣, 以前節日同會同屋企人去食飯, 見佢地開返一定要來支持下。菠蘿咕嚕肉 $95椒鹽排骨- 排骨份量多，排骨外面夠乾身唔會太油，，夠晒椒鹽味非常惹味。$148鮮奶蛋白蝦球, 蝦球好大隻，肉質彈牙扎實，鮮奶蛋白炒得好滑, 黏在蝦身上, 用鹽巴簡單調味,蛋白質豐富易消化。細個討厭苦瓜, 人大了才懂欣賞, $78 鹹蛋黃涼瓜,小小快炒爽口, 加上鹹蛋黃碎多了份鹹香清,熱下火多吃有益$88辣蟹蒜蝦乾炒韭菜花 ,有食小炒皇架感覺, 蝦乾有咬口, 個辣蟹蒜好有避風塘感覺,炸香後重蒜味加上紅辣椒,濃鹹惹味,配飯一流。叫咁多餸, 點可以無飯呢, $15 一碗靚仔白飯同茶樓一樣,晚市有茶芹$10/位，花生$20/碟,收費合理水準一直保持高質, 價錢仲平過好多酒樓, 下次招待親友同上司, 一於再BOOK 位來食飯。

同朋友喺cwb 睇完戲，肚仔餓就行下睇下晚餐食咩好，見到以前越華會間鋪改左名，聽講都係前越華會班底，好耐無食中菜就決定上去試下，裡面既裝修無太大改變，闊落坐得舒服。而家係大閘蟹既季節，爛當然要叫番隻試下，大閘蟹(公) $150 ，五兩重拎上手都幾聚手，搣開個蟹蓋D黃膏慢慢慘緊出黎，蟹膏望落幼滑右綿濕，食落甘香口能有D黏黏地，蟹身同蟹腳既肉都好鮮甜，每一口都啖啖蟹汁濃郁。馬拉盞炒通菜 $88一上枱就聞到一陣陣馬拉盞既鹹香味，份量都唔少，通菜爽脆新鮮，用上馬拉盞醬抄，惹味十足送飯一流。豉油王煎海中蝦 $280海中蝦大大隻，一盤有4隻一開兩炒，蝦身炒得乾身香口，食落肉質爽口彈牙勁新鮮，味道富惹味醬汁味而且鮮甜而唔會過鹹，令人食唔到口。馳名沙拉骨 $88，望落顏色鮮豔打卡一流用上大大條金沙骨，咬落口金沙骨炸得外脆內嫩，唔會乾噌噌，味道酸眯眯醬料多味道濃，送飯不二之選。

財記辣蟹私房菜😋😋😋粵愛粤式食廣東菜都好多款式、能夠萬變出唔同菜式、大師級才能做得到！留住個肚食好西！豪食海鮮🦞🦀🦐⋯⋯真係真❤️夠鑊氣、唔係功夫、火喉夠、都一定做唔到粵菜典範😘😘蒜蓉粉絲蒸蟶子皇$88/隻⋯蟶子超肥鲜甜、好大隻、金香蒜茸、蔥花鋪満粉絲上、粉絲吸收晒鮮蟶子嘅甜味、夠彈牙爽口、正！👍🏻豉油王炒麵、大師級的菜館、一定要食呢碟炒麵、能控制得火候好、炒麵又炒得夠乾身、有鑊氣、而不油膩、配埋芽菜韭菜、豉油配搭、色澤亮麗、果然名不虛傳👍🏻😋椒鹽九肚魚$108⋯九肚魚包住椒鹽炸得香口鬆脆、用椒絲點綴、熱辣辣一口一口、食到唔停得口😊燒汁牛仔骨$118⋯牛仔骨滑嫩配合袐製燒汁大炒、夾埋洋蔥香味、yummy yummy 😋 鹹魚粒炒芥蘭$88⋯芥蘭炒得好翠綠、賣相超吸睛、加埋鹹魚的香、蒜蓉的甘、芥蘭仲冇渣冇苦澀味、爽口脆👏🏻👏🏻#粵菜#銅鑼灣#40年老子號#銅鑼灣駱克道447至449號中威商業大廈2-3樓港鐵銅鑼灣站C出口、步行約3分鐘

朋友約食晚飯，揀咗呢間由「財記辣蟹」開辦嘅首間旗艦店，據說係由「越華會」原班人馬主理。餐廳樓高 2 層，屬酒家格局，鋪面地方不大，但勝在環境光猛，乾淨企理，加上店內設有 VIP 房，私隱度高，好適合同朋友嚟聚會開餐。餐牌嘅菜式，花款非常之多，除咗鑊氣小炒、粥粉麵飯等之外，唔少得嘅當然仲有店家自設水缸養住嘅多種生猛游水海鮮。交由友人揸 fit，先嚟碟椒鹽鮮魷 ($100)。魷魚即叫即炸，送上時仍熱辣辣，外層脆漿調校得啱啱好，金黃薄脆，椒鹽味十足，但又唔會過鹹，魷魚煙韌彈牙，值得一讚！跟住係一客蔥油走地雞 ($138/半隻)，淨係睇賣相已經覺得好吸引，而且上桌時蔥香撲鼻，惹人垂涎。挾起一件入口，雞皮爽薄，雞肉嫩滑又有雞味，夾埋啲蔥油一齊食，味道一流。XO 醬西芹帶子 ($198)  西芹當造，食落好爽口，細嫩無渣，加上沾滿了 XO 醬，香辣惹味。帶子嘅口感亦唔錯，大大隻，肥大肉厚，嫩滑得嚟又有彈性，味道非常鮮甜。最後再整多碟豉油皇炒麵 ($68)，非常飽肚，大大碟，分量十足，而且炒得好有鑊氣，夠乾身，豉油亦很均勻，食落完全無膩滯感，美味。

餐廳係由越華會原班人馬主理當年係越華會食晚飯非常驚艷.無諗過中式小菜都可以咁好食以家雖然改左名, 但水準不變甚至更勝從前!餐廳有兩層2樓係一般堂食擺設3樓就有好幾間VIP房,有唱K同麻雀玩就好似一間PARTY ROOM咁, 不過係一間有美食既PARTY ROOM每台都會有既前菜魚仔花生就連前菜都咁有心思預備!秘製沙拉骨同出面既沙拉骨唔同顏色唔止係沙律醬既白色, 本身肉係類似咕嚕肉既汁煮過入左味每啖都酸酸甜甜鹹蛋黃焗鮮魷鹹蛋黃味濃而不鹹, 仲食到鮮魷既味襯熱食時外脆內軟鹹蛋黃唔止係包住鮮魷, 係同鮮魷融合左蒜蓉粉絲蒸扇貝扇貝SIZE大而且鮮甜,無蒸到過火仲好細心地起埋肉方便食略嫌蒜蓉太多芝士龍蝦球伊麵係以前去酒樓飲既味道龍蝦球表面係飛左油既脆伊麵份量剛好,唔會太多太膩蒜蓉粉絲蝦乾蒸勝瓜勝瓜吸晒蒜蓉同蝦乾既味道簡單又好味