財記辣蟹私房菜

營業中

休息中

打風又有咩好驚喎😎食隻蟶子定定驚🤤兩個人叫三樣餸份量剛剛好～其實本身見隔籬枱叫椒鹽鮮魷、蝦多士都好吸引不過都係唔好咁過份喇～蒜茸粉絲蒸蟶子皇時價～點之前記住問清楚價錢喇我今次食$98一隻蒜蓉粉絲配埋啲豉油熟油用嚟撈飯一流蟶子大大隻～蒸到剛剛好啲肉好鮮甜海鮮雜菜煲每次嚟必點 個湯好清 啱晒我最怕炒到啲菜油淋淋海鮮都好足料有魚、鮮魷、大蝦、帶子每樣都好新鮮菜膽走地雞今次第一次點啲雞醃得好入味 好啱我口味而且啲骨頭都全熟唔會有血個芡汁都調較得剛剛好一路食一路望住啲龍蝦游呀游🦞要下次搵多啲人嚟一齊食先得

財記辣蟹私房菜 Located conveniently in the heart of cwb, this restaurant is very famous for their crabs! I didn’t order crab this time but definitely will order next time as it looked mouth watering 🥹I ordered the fried shrimp roll 油炸鬼炸蝦cus I thought it was so unique. Never tried such a combination before! Even though it was covered in sauce, the fried layer 油炸鬼was still Crispy! 🤩🤩 it surprisingly fit so well with the shrimp as well! We also ordered the fried rice which was recommended. There was wok h

今日同女朋友黎到銅鑼灣經過見到呢間小菜館就決定入去試下餐牌好多選擇，圖文並茂黑椒牛仔骨煲這道菜的牛仔骨烹調得非常美味，肉質緊實但不乾澀，帶著濃郁的黑椒香氣，讓人嚐一口就想再來一口。黑椒的香辣與牛骨的鮮嫩完美地結合在一起，讓人不禁讚嘆師傅的烹調技藝霸王走地雞半隻雞肉比一般的雞肉更鮮美，更濃郁。走地雞的肉質緊實而多汁，雞肉的原汁原味與香料的味道完美的融合在一起，讓人感覺到一種豐富的口感。每一口都能嚐到雞肉的鮮美和香料的風味，讓人無法忘懷海鮮什菜煲這道菜中的海鮮選擇多樣，新鮮又鮮美。海鮮與什菜的配搭非常的和諧，每一口都有海鮮的鮮甜，什菜的清新，湯底的鹹香，讓人欲罷不能。每種海鮮都保留了本身的風味，並與其他的食材完美地融合在一起，創造出一種令人驚艷的口感蝦醬蝦乾蒸豬頸肉豬頸肉的口感特別嫩滑，肉質彈牙，蝦乾和蝦醬的味道也非常突出，與豬肉的嫩滑口感相互對比，形成了一種獨特的味道。蝦醬的鹹香和豬肉的鮮味相互融合，形成了一種無法拒絕的美味

「財記辣蟹私房菜」位於銅鑼灣駱克道，地下入口有𨋢可上到二、三樓餐廳。二樓餐廳設有電視。而三樓主要設有廂房，適合朋友、家庭及商務聚餐。本身約咗舊同事銅鑼灣收工食飯，突然落起雨，於是就隨意選了附近這間餐廳。除了主打各款蟹菜式，亦供應不少時令海鮮。此外，亦有炒粉麵飯及很多款巧手小菜。《 椒鹽鮮魷 》（$100） 魷魚鮮嫩肉厚，炸至金黃，香脆惹味，加上適量椒鹽，配埋啤酒一流。《 馬拉盞通菜 》（$82）馬拉盞好香，仲有好多鮮味蝦乾，通菜青嫩好好味。《 豉椒炒蜆 》（$98）蜆肉超級肥美，豉椒汁夠香濃不油膩，炒得好出色。《 葱油雞 》（$138/半隻）爆蔥鋪滿雞面，雞肉有雞味，皮薄肉嫰滑，味道夠鹽香，送飯一流。《 福建炒飯 》（$88）足料雞肉、冬菇、元貝鮮蝦肉粒、菜芯、红蘿白等，配上炒飯底，飯粒粒分明，煙靭有咬口。《蒜蓉粉絲蒸聖子皇》（時價）聖子皇內厚嫰滑，十分肥美，鮮甜好味，加上蒜𦴦粉絲蒸，食到舔舔脷。各款小菜及炒飯，都十分出色，而且價錢一啲都唔貴，坦白說今次很有驚喜，值得推薦大家一試。

友人們從英國回港， 當然少不了和他們到處食好嘢！而橋底炒辣蟹已經成為他們每次回港必吃項目之一。鹹蛋黃涼瓜$78~ 涼瓜切成粗條狀，甘甜，唔苦，有咬口， 表面鋪上薄薄的鹹蛋溶炸漿，超惹味。咕嚕蝦油條$168~將蝦膠釀在油炸鬼上，蝦膠彈牙，油炸鬼脆口，配上酸甜汁好開胃。招牌財記避風塘炒蟹$1280~大size, 好大隻，夠四人份量。蟹肉質白嫩，鮮甜爽嫩， 蟹鉗更是啖啖肉，十分鮮美，當然配上秘製的避風塘式配料，如大葱，炸蒜，辣椒粉等， 令人垂涎欲滴，滋味無窮。

四十多年老字號，出名食避風塘炒蟹。可今天与閨蜜二人行，對於兩個女生來說，避風塘炒蟹🦀️份量實在太多，唯有改吃其他。蒜蓉蒸大聖子皇～超級大隻，爽口啖啖肉，蒸得剛剛好。👍🏻鹹蛋黃涼瓜～外層鹹脆香口，包著碧綠青蔥的涼瓜，無論口感丶味覺、視覺，也非常滿足。👍🏻👍🏻菠蘿咕嚕肉～酸酸甜甜，味道唔錯，而且份量多，抵食。 馬拉盞通菜～有鑊氣，不油膩。溫馨提示～眼見非常旺埸，記得預先book位。否則要等位的機率很高。

父親節快到了 👴🏻👨🏻諗到同父親點慶祝未？推介一間位於銅鑼灣嘅私房菜🏠～位置方便 銅鑼灣地鐵站🚉大概行5分鐘就見到～首先叫咗個蠔仔粥個人感覺似泡飯多啲😆每啖落去都有大量新鮮嘅蠔仔🦪真係令人回味無窮😆🦪馬拉盞炒通菜好香 而且帶小小微辣🌶️通菜爽脆 加埋馬拉盞嘅香辣味道超級好開胃☺️🫶🏻財記海鮮炒飯亦都好正炒飯粒粒分明 十分飽滿☺️炒飯夠鑊氣 又唔會太乾身呢間私房菜🏠食物質素唔錯份量又多 價錢亦貼地 推介👍🏻👍🏻👍🏻#蠔仔粥 #馬拉盞炒通菜 #財記海鮮炒飯 #沙姜雞 #食評 #食好西 #銅鑼灣美食 #銅鑼灣好去處 #父親節禮物 #父親節大餐 #中菜館 #私房菜

今晚同老公食好啲😍去咗『財記辣蟹私房菜』食飯😋首先上嘅菜係蒜蓉粉絲蒸蟶子王，超大隻，啖啖肉好鮮甜，有我最愛的蒜蓉和粉絲鋪滿晒係面，粉絲吸曬啲汁，非常彈牙，蒜蓉味好濃，超好食😋豉椒炒蜆色、香、味俱全😍炒蜆份量都唔少，蜆肉本身洗得好乾淨，唔會有沙，隻隻蜆肉都大大粒，食得出啲鮮甜味，加上豉椒汁風味，好食都爆😋招牌財記避風塘炒辣蟹🦀今晚主角出場，就係佢嘅招牌避風塘炒辣蟹😍香脆的蒜蓉配辣椒加埋大大隻肉蟹🦀肉質鮮甜嫩滑又彈牙，餐廳好細心，將蟹鉗錘碎咗，食嘅時候方便好多👍🏻炸蒜同蔥嘅避風塘風味，加上肉蟹煮嘅火喉啱啱好，真係正到爆😋肉蟹好大隻🦀好多肉👍🏻蒜蓉炒白菜仔好鮮甜，白菜仔好大棵👍🏻豉油皇炒麵炒得夠乾身、夠鑊氣、而不油膩，控制火候剛剛好，夠晒熱辣辣，配上芽菜、洋蔥、韮王、韮菜、豉油味香、提升炒麵味道，好好食👍🏻餐廳會預備膠手套和紙巾比客人去食蟹好貼心，值得一讚👍🏻👍🏻🦀啲肉蟹隻隻都好大隻好新鮮😍餐廳環境舒適😻如果想食避風塘炒辣蟹🦀一定要嚟『財記辣蟹私房菜』😘

去左食財記辣蟹，真係好正呀😍😍😍！佢哋嘅蒜蓉粉絲蒸蟶子好鮮甜，蟶子嘅肉好滑嫩，配上蒜蓉同粉絲，味道好好。蔥油雞 好滑好嫩，蔥油香氣四溢。羅漢齋煲都好好味，入面有蓮藕、西蘭花、菜心、粉絲等，最鍾意佢個粉絲好入味，真係好食。最後 乾炒牛河，牛肉好滑嫩，河粉口感好彈牙，加埋蔥、芽菜，一口咬落去真係好好食。財記辣蟹唔止佢哋嘅辣蟹好出名，佢哋嘅其他菜式都好好味。服務亦都好好，環境舒適。下次一定會再嚟食佢哋嘅辣蟹！如果你想食好味嘅小炒、海鮮，財記辣蟹絕對係一個好選擇。

放工時候朋友突然話想食中餐，又怕商場同地鋪好多人有排等位，朋友就話不如試吓私房菜，咁就我地揀左嚟財記財記辣蟹私房菜私房菜試吓啦。冇咩食過私房菜，感覺同平時海鮮酒家差唔多，枱同枱之間都幾闊落，其中一面牆係向街嘅落地玻璃，餐廳入面有兩個魚缸。今日叫左霸王走地雞，椒鹽鮮魷同沙拉菠蘿蝦球。隻雞都幾滑，蒸得啱啱好。椒鹽鮮魷炸得幾好，唔會油冧冧。沙拉菠蘿蝦球蝦夠大隻，包埋沙拉醬夠哂邪惡。差唔多食完見到隔離枱叫左避風塘炒辣蟹，個樣好靚，下次多人食要試吓先。

📍 財記辣蟹私房菜 (銅鑼灣)銅鑼灣駱克道447-449號中威商業大廈2-3樓今晚同幾個朋友去咗銅鑼灣中菜館食飯，又真係無介紹錯，啲嘢食好有穫氣！樣樣好好食👍🏻👍🏻👍🏻👍🏻而且勁好坐唔會趕你走，有冷氣舒舒服服咁座💗💗💗👉 蔥油走地雞（半隻)💰138😋😋😋😋.5/5呢杯雞不得了，一上枱時蔥香撲鼻勁吸引！個雞皮爽薄，雞肉嫩滑又有雞味，夾埋啲蔥油一齊食，味道一流😋😋😋😋。👉 秘製沙拉骨💰88😋😋😋😋/5呢個沙拉骨有別於平時食既，比較似甜酸排骨，沙拉骨炸到好香脆，肉質好鮮嫩。👉 咕嚕蝦油條💰168😋😋😋😋.8/5呢個大推！咕嚕肉就食得多，咕嚕哈油條真係第一次見！鲜蝦肉爽口彈牙，配埋炸到脆卜卜嘅鬼馬油係絕配！配埋咕嚕汁甜甜酸酸，勁開胃！💗👉 西蘭花炒帶子💰198😋😋😋😋.5/5個帶子份量都幾多，食到最尾都仲有。火候十足又唔會太油膩，味道啱啱好😆😆😆👉 脆皮炸豆腐💰78😋😋😋😋.5/5呢個好岀色！炸到外脆內軟，炸粉又夠薄，外面灑上椒鹽，勁惹味，又有豆腐香推薦！👉 豉椒炒蜆💰98😋😋😋😋.5/5炒蜆好有鑊氣，蜆肉肥美，配上惹味豉椒醬汁，愈食愈停不到手，勁惹味！回頭:yesyesyes！店員好友善，食

久唔久又要嚟會下財記，美食環境依舊咁正，食到捧住個肚仔走😚生滾走地雞粥係我每次食都必叫嘅，粥食落綿密鹹香，雞件滑身嫩口，而且一煲大大煲，好味得嚟又抵食☺️秘製沙拉骨好開胃，排骨啖啖肉，沙拉醬酸酸甜甜，愈食愈開胃🤤沙薑雞腳都好正，沙薑味濃，而且雞腳軟身，好容易食🤩馬拉盞炒通菜好有驚喜，微微辣食落更有風味，通菜翠綠，食落爽口，勁鍾意，本人幾乎清咗一大半❤️魚香茄子煲一上檯仲熱滾滾，鹹香十足，而且魚香茄子好軟熟，索晒啲精華，鹹鹹香香，好啱餸飯🤤

近年好多餐廳都標榜自己係私房菜，但其實掛上「私房菜」呢個名，真係一啲都唔容易。因為食客對於私房菜嘅要求更高，外觀、用料、味道、鑊氣，缺一不可！今次嚟到銅鑼灣嘅財記辣蟹私房菜，睇吓佢嘅私房菜係唔係真係高質好味啦！豉椒炒蜆銅鑼灣財記辣蟹私房菜由老字號嘅前越華會原班人馬接手，餐廳仍然主打辣蟹、海鮮同小菜。其中一道菜可以試齊外觀、用料、味道、鑊氣，當然就係傳統大排檔小菜：豉椒炒蜆！蜆肉脹卜卜，粒粒都開晒，蜆肉新鮮無沙，加埋惹味嘅豉椒汁，夠晒鑊氣，好好味呢！脆皮炸豆腐豆腐即叫即炸，炸到金黃色，外觀真係非常吸引！脆皮炸豆腐熱辣辣，炸到外脆內軟，加啲椒鹽吊味，非常香口。魚香茄子煲食小菜當然唔少得送飯嘅代表：魚香茄子煲。一拎起煲蓋就聞到鹹香味，呢份鹹香味帶領整個魚香茄子煲，香味濃郁。至於茄子索晒啲汁，味道除咗鹹香之餘，仲有少少香辣味，味道充滿層次。鮮蟹肉扒時蔬嘩！加入咗蛋白嘅鮮蟹肉淋上西蘭花之上，份量夠晒多，西蘭花加上鮮蟹肉一齊食，蟹晒新鮮，中和番之前重口味餸菜嘅味道。

我們買了880元辣蟹餐coupon (包加一及花生和荼）。碟碟餸都好大碟，3個人都夠食。食材新鮮，扇貝好大粒。最後辣蟹打包返屋企慢慢食，所以唔記得影相 (隻蟹應該有斤半重）。整體來講，好抵食，海鮮好新鮮，味道ok，但略咸了一些.會再去食。😄

出開呢區做完事後，面對放工人潮，慣常外賣 。由於呢度剛開晚市而且未到晚飯高峰，冇人真好。阿姐開始認得我呢位稀客之前叫過：菠蘿咕嚕肉最麻煩既小菜之一，試一試真章，做得差的話，肯定唔會再幫襯。一食係果回事，個汁岩味，其實係咪用現成醬汁包都唔係太重點。呢個菜真係靠個汁，同拉面一樣個湯底得己贏一半。咬口合格，脆d當然更好，N年前大排檔級數食唔返了。馬拉盞炒通菜獲氣好過我係另一間日常飯堂食既，搭D蝦干是意料之外，我認得上次小炒果種蝦干嘛，馬拉盞應該就唔係用澳門婆婆商標個隻，個隻特別惹味。今日叫是汁蒸魚云食到多數係脘魚頭，肉都係薄骨為主，是汁風味略似上次炒蜆個汁不過好在唔咸，雖然唔係好夠鮮，好在都有d魚頭味，當然自己平時煮個高湯油甘魚頭肥美鮮香滑好多。沙薑雞腳雞腳夠肉地脂肪唔un瘦，沙薑汁正常發揮，食到中後段略為感到咸。如果要沙薑雞可能會幾舊就悶，除非多幾雙筷子。等就真係舒服既，可能我人群恐懼症，下次食其他