財記辣蟹私房菜

營業中

休息中

今日約咗朋友到銅鑼灣駱克道中威商場大廈2至3樓的「財記辣蟹私房菜 」食晚飯，座位闊落， 與朋友傾談闊論隔離都聽唔到， 感覺非常良好。「鮮奶蛋白蝦球$168」 鮮奶蛋白炒得很滑， 蝦球大大隻，肉質彈牙爽口，很不錯。「脆皮炸豆腐$78」 外脆內軟，面層炸粉很薄，又有豆腐香，外面灑上椒鹽，十分惹味。「馬拉盞炒通菜$88」 通菜翠綠新鮮， 馬拉盞香口微辣， 而且還有蝦乾，相信美味。「蠔仔粥(窩) $128」 用料足料，有蠔仔、冬菜、免治豬肉、芫茜、大地魚乾大地魚湯，鮮甜好味，又有飽肚感，而且天氣凍食番碗非常暖胃。「朝日$35」 食私房菜梗係飲杯啤酒， 清爽一下，而且$35支好抵飲。

今日去咗銅鑼灣財記辣蟹私房菜食晚飯，原來呢度剛剛轉咗手冇幾耐，以前就係越華會，舊陣時成日都會黎食飯，原來除咗改咗名，所有以前廚師師傅都係越華會原班人馬，即係可以食返以前嘅味道，好開心，呢度主打中式粵菜，小炒同埋海鮮，尤其海鮮新鮮高質，非常出名，所有小炒亦鑊氣十足，所以喺銅鑼灣想食中菜海鮮都一定會諗起呢度👍🏻👍🏻睇睇餐牌📖所有餸菜依舊無變，念舊有念舊的好，每次差唔多都係食同樣嘅嘢，同一班底永遠都咁好食，就是喜歡這種味道，以下幾款都係我嘅心水推介🦪▪️蒜蓉粉絲蒸元貝 $ 176 每隻都係手掌咁大嘅元貝，呢個價錢第二度絕對食唔到，元貝蒸到剛剛好熟，新鮮肥大肉厚，底部鋪咗粉絲，用上大量蒜蓉蔥花，配合豉油熟油，除咗元貝超好食，粉絲亦非常之入味，推介🦆▪️脆皮炸乳鴿 $ 98豉油王乳鴿先調味然後在即炸，大大隻，皮脆肉嫩，好入味，就咁食已經好好食，亦可以點埋自家製嘅喼汁，又有另外一番風味🐷▪️菠蘿咕嚕肉 $ 98呢度嘅招牌菜一定要食，何況我係一個咕嚕肉控，一上枱香氣撲鼻，一定係好有鑊氣，豬肉用上梅頭肉，炸到外皮香脆，肉質爽口彈牙，醬汁酸甜味道剛剛好，好掛汁，配合新鮮菠蘿，青紅椒，非常有水準嘅一個咕嚕肉🍜▪️

環境乾淨企理唔同一般酒樓，同酒樓相比呢度位置偏小，不過有兩層，而且枱數少啲都會比較安靜冇咁嘈吵🤭🐷鮮奶蛋白蝦球 $168出面比較少見蛋白蝦球通常都係炒蛋，依個蛋白嫩滑，蝦球大大粒爽口彈牙，睇落以為好少，入面收埋咗八粒大蝦🍤🐷脆皮炸豆腐 $78豆腐外脆內軟唔小心太大力會夾爛🥹上枱新鮮炸起熱辣辣，免頭灑上椒鹽唔使點甜酸醬都已經好夠味！份量比大排檔多而且高質🐷油鹽水魚湯浸蜆 $98蜆肉份量多吐沙吐得好乾淨，食到底都唔見有沙，魚湯微辣，個底仲有粉絲，如果粉絲再多啲就好😍🐷鹹蛋黃焗鮮魷 $105鹹蛋黃超邪惡超吸引，炸粉好薄大大啖都係魷魚肉，肉質新鮮爽彈，鹹蛋黃分量充足可以包勻晒魷魚嘅每一面😍環境 🐖🐖🐖🐖 4/5 食物質素🐖🐖🐖🐖 4/5店員態度🐖🐖🐖🐖 4/5✨人均消費 ～$250🏠財記辣蟹私房菜📍銅鑼灣駱克道447-449號中威商業大廈2-3樓

避風塘大蝦好耐冇食過避風塘，所以就叫咗個避風塘炒大蝦，份量有成六隻大蝦，蝦肉好新鮮，炸得好香口佢可以揀大中小辣，我哋揀咗中辣，但係都唔辣芝士焗鮮魷炸香咗嘅鮮魷，再淋上芝士汁，令到佢冇咁熱氣，而且芝士汁同魷魚都好夾蒜蓉粉絲蒸蟶子王 呢個餸去食海鮮必叫 啲粉絲同埋蒜蓉先係主角 蟶子王都好大隻好爽好甜 店員仲好細心咁提醒我哋要趁熱食如果唔係蟶子王可能會變硬 蔥油雞 感覺食落似鹽焗雞，然後灑滿左蔥 味道夠鹹 啲蔥用黎撈飯好正喺港島區食海鮮又唔想入到咁遠 嚟呢度就冇錯㗎啦！

今日同女朋友係銅鑼灣行街佢想食中菜同海鮮就帶左佢黎呢間私房菜有多款海鮮，龍蝦蟹鮑魚貝類應有盡有仲有傳統中菜，好豐富菠蘿咕嚕肉咕嚕肉先炸後炒，做到外脆內軟既口感加上醬汁酸酸甜甜，好開胃胃口瞬間打開豉椒炒蜆蜆好新鮮大粒，食落唔會有沙，鮮味十足加上豉椒炒好香，沒有蓋過鮮味剛剛好霸王雞雞件皮香肉滑，食落肉質好嫩滑一定要連皮食因為帶有油香，係幸福既感覺加上葱油，好香口推薦！黑椒牛仔骨牛仔骨大件多肉，加上黑椒好惹味好好送飯

👯途經駱克道搵吃, 被40年老字號嘅廣告牌吸引, 決定去試下🥰🥢食店分兩層, 裝修簡潔, 座位寬敞, 店內大牆上仲有部大電視, 真係可以堪稱“撈電視汁餸飯“😆📝餐牌內, 海鮮選擇種類多, 仲提供好多不同煮法, 及各式小炒, 湯羹,飯麵都超多選擇🥰🦀店內推介食品👍蒜蓉粉絲蒸大蟶子 （每隻）$88蟶子皇真係好大隻呀, 乾淨冇沙, 蒜蓉清蒸特別帶出鮮味, 肉質爽口, 粉絲入味😋🍤鮮奶蛋白蝦球 $168八隻大蝦球, 肉厚彈牙, 鮮奶蛋白炒得滑溜不油膩😋✨馳名沙拉骨 $88咕嚕肉嘅煮法上面鋪滿沙律醬, 味道好協調, 沙拉骨大大件, 唔多肥肉, 口感唔會油膩😋🧄蒜蓉蝦乾蒸勝瓜 $88勝瓜蒸得好軟淋, 鋪滿蝦乾蒜蓉去蒸煮, 非常入味💕整體小炒夠鑊氣, 碟頭份量十足, 以平均價一百幾十嘅菜式選擇又多, 性價比高, 真係三五知己聚餐嘅好選擇🥰

今晚朋友作主，預訂了一間菜館，裝潢不是金碧輝煌那種，卻有平實，傳統家鄉菜館的感覺。期待今晚的餸菜。今晚是日例湯係㷛蓮藕, 濃稠甜美，補氣益脾, 材料十足。沙拉菠蘿蝦球蝦球拳頭咁大，又爽口又彈牙，沾上沙律醬，開胃惹味。豉汁蒸魚雲蒸煮時間掌控得宜，魚雲非常滑溜。豆豉汁濃而不膩。融入魚雲內，入味。咸蛋黃涼瓜手工菜啊！鹹鹹香香咸蛋黃太過邪惡了。跟涼瓜嘅配搭，好夾。豉油皇炒麵炒得乾身夠火候。最簡單就最考工夫了。

朋友係要見嘅！所以我就約咗朋友一齊去越華會原班人馬主理嘅財記辣蟹私房菜食晚餐。 私房菜環境雅緻清幽，真係傾計嘅好地方 。 豉椒炒蜆$98 大蜆好乾淨冇沙， 鮮甜美味，豆豉夠香，加埋少少辣，好惹味呀！ 鹹蛋黃涼瓜$78鹹蛋黃嘅鹹度適中，能夠中和苦瓜嘅苦味，一口一啖非常過癮。蒜蓉蝦乾蒸勝瓜$88勝瓜鮮甜多汁，金銀蒜夠晒香口，喺秋天咁干燥嘅天氣可以食到一個咁鮮甜嘅勝瓜，覺得好幸福。蒜蓉粉絲蒸大蟶子$88/隻新鮮嘅大聖子長過手板，肉質鮮甜彈牙，蒜蓉好香，粉絲夠彈牙，一入口味道好豐富。京蔥醬爆牛肉$98牛肉夠曬淋，京蔥又惹味， 滿口嘅肉香加蔥香，一碗白飯係唔夠咖。

最近上OpenRice 見到呢間『財記辣蟹私房菜』嘅招牌菜式避風塘炒辣蟹🦀非常吸引🤤今日咁啱要去銅鑼灣Shopping🛍買完嘢梗係要去食好嘢啦🥳我哋叫咗招牌財記避風塘炒辣蟹🦀隻蟹超級大隻😍一嚟到放落枱香氣四溢🤤蟹肉好鮮嫩連埋啲香口嘅炸蒜一齊食😋更加好味仲辣辣地好惹味🌶蟹鉗超級大隻😍啲肉仲好鮮甜👍🏻正到冇朋友😋我哋仲叫咗蒜蓉粉絲蒸蟶子皇😍蟶子皇肥美鮮甜😋仲超大隻👍🏻配埋金黃色嘅蒜茸🧄味道即刻昇華到另一個層次🥰仲有叫咗豉椒炒蜆，碟蜆都非常大碟，同埋啲蜆都好大隻😍豉椒味好濃仲有少少辣😋仲有叫咗蒜茸炒白菜仔🥬啲菜好新鮮👍🏻呢碟豉油皇炒麵超有驚喜😍炒得非常乾身之餘仲好有鑊氣🔥佢係幼身嘅炒麵，好食到停唔到口😋職員仲送咗桂花糕比我食🌼桂花糕清香好味😋唔會太甜👍🏻餐廳好窩心為客人準備膠手套和濕紙巾👍🏻就算用手食蟹🦀都唔驚整污糟對手，仲可以食得更加滋味😋🦀啲蟹隻隻都咁新鮮和隻隻都咁大隻😍呢度環境寬闊雅致👍🏻仲有落地大玻璃，可以欣賞吓銅鑼灣嘅街景😍呢度嘅招牌菜避風塘炒辣蟹🦀果然唔係浪得虛明👍🏻超級好食😋仲好大隻🦀餐廳嘅職員好有禮貌又親切☺️仲成日幫我換碟👍🏻真心推介大家嚟食🥰

放工走去銅鑼灣試下呢間朋友介紹的中菜小炒，聽講除左食🦀好出名，D海鮮都幾好食。餐廳燈光明亮，座位寬敞舒適。今次點左四度菜試下。鮮奶蛋白🦐蝦仁 好少見到餐廳會做呢道菜式，我估係因為工序比較麻煩吧。鮮奶蛋白滑溜而不膩，加上大大隻的彈牙蝦仁，撈埋飯真係一流！豉椒炒蜆炒蜆夠鑊氣。有別於街邊大排檔，蜆的size明顯比較大。而且蜆肉肥美，配上惹味豉椒醬汁，愈食愈停不到手。椒鹽鮮魷椒鹽味濃，魷魚肉彈牙，點埋喼汁，鮮味更加激發出來。薑蔥魚雲粥呢鍋粥有豐富的魚頭肉，鍋粥帶有清新薑蔥同鮮嫩的魚肉香味，而且有番咁上下份量，真係抵食超值!

📍銅鑼灣聽講呢間係越華會原班班底開，好耐以前食過一次，印象中好食，所以再黎試下😛鹹蛋黃焗鮮魷 $105鹹蛋黃勁足料好夠味，份量勁大份👏👏蒜蓉粉絲蒸大蟶子 （時價） $88/隻蟶子黎到好大隻，新鮮同洗得好乾淨，粉絲好入味👍👍財記海鮮炒飯 $98同我哋想像中有啲分別😂黎到炒飯原來係帶子加午餐肉炒，好足料，同埋炒得夠乾身有火候，好食👍脆皮炸豆腐 $78又係勁大份，有豆香，炸得好香脆👏👏馬拉盞炒通菜 $82正常水準～～整體高水準又大份，性價比幾高😙😙

今晚去咗銅鑼灣食一間老牌小炒店 - 財記辣蟹私房菜! 呢間位於商廈二樓, 三樓仲有六間VIP房。呢度環境闊落又夠光明 啱曬一大班朋友聚餐, 私隱度有極高! 如果家庭聚會可以考慮下VIP房! 呢間小炒店出名係海鮮, 食辣蟹🦀為主, 海鮮🦞🦐🦑價錢係時價計算的。 除咗海鮮類之外, 仲有其他豬, 牛, 雞, 蔬菜, 煲類, 湯類及大多數嘅飯麵都有, 全部小菜大約都係百幾至幾十蚊就有交易! 👍🏻今日我哋唔食蟹, 叫咗生蠔, 炸豆腐, 馬拉盞通菜, 粟米海皇羹, 同一個瑤柱蛋白炒飯。粟米海皇羹(例鍋) - $108粟米🌽海皇羹除咗粟米湯底之外, 仲加有好多海鮮粒🦀🦞🦐🦑同埋蟹膏一齊煮, 夠哂鮮味! 唔好要為例鍋會好少, 夠四個人份量有多! 😂酥炸美國生蠔 - $228呢個酥炸生蠔真係超大隻, 隻隻都大過我嘅拳頭, 而且非常之香脆, 又juicy! 脆皮炸豆腐 - $78炸豆腐比平時嘅大粒, 而且份量好多, 皮脆內嫩, 仲要粒粒都熱辣辣, 每粒都沾滿 椒鹽, 仲配有一碟甜辣醬, 非常之惹味, 食到唔停得口。😋馬拉盞炒通菜 - $82馬拉盞炒通菜炒得非常之夠鑊氣, 除咗有少少香辣味之外, 仲落咗啲

上次嚟咗財記食蟹，食到我念念不忘，今日又係好想食海鮮，又再嚟幫襯😍蒜蓉粉絲蒸大蟶子極級新鮮，蟶子大大隻，口感超級豐富，咬落爽口又彈牙，唔想蒜蓉嘅精髓，令成個風味更佳，個人超級鍾意❤️生滾走地雞粥上次食完今次再食，因為真心高質，鮮味十足之餘又足夠綿密；雞件keep住咁嫩滑，雞味夠晒濃郁😆豉椒炒蜆都非常之好味，醬汁香濃，而且蜆嘅份量非常足， CP值超高🤩椒鹽鮮魷都好惹味，魷魚新鮮，咬落爽口，而且炸粉唔厚，越食越上癮😍餐廳內部寬敞，仲有部大電視，而且整潔衛生，啱晒成家人嚟食餐好👍🏻

越華會原班底，但piggy今次無食蔥油雞主攻海鮮🤭 piggy一早就睇中咗雞油花雕蒸蟹，雖然嗰日得肉蟹但piggy都堅持🤣🤣 雞油超香，可能香得滯變相花雕味唔算突出😅但個蟹好滑😋豉油王炒麵都係咁好食，可能係最好食嘅豉油王炒麵😏 魚湯浸菜仔，魚湯超甜，下次應該叫佢畀多啲湯少啲菜🤪

今晚去咗間朋友推介既中式私房菜館，環境寬敞，坐得舒適，更設獨立房間，多款小炒又有豬、牛、雞、海鮮等，店員熱情招待，成餐飯都食得好開心~燒汁牛仔骨洋葱燜煮至軟身，牛仔骨肉質嫩滑牛味濃，食落唔會韌又唔會柴口，燒汁味道濃郁，食落好惹味。蜜餞蒜香骨肉多骨少，味道酸酸甜甜好開胃！外脆內軟好有口感~沙嗲牛肉炒芥蘭沙嗲汁味道相當香口，牛肉片嫩滑又多汁，口感軟腍無比，芥蘭新鮮夠爽脆！上湯雜菜煲 多款雜菜好鮮甜，燜煮得岩岩好唔會太淋，底部仲有大量彈牙粉絲！芝士焗鮮魷濃濃芝士香勁滋味，鮮魷綿密柔軟，口感十足！