財記辣蟹私房菜

營業中

休息中

位置很易找，時間尚早，只見有一兩台客人在進食。酒樓格局的地方從來都不是一個人覓食好選擇，而又希望食好一些。所以趁收工人潮殺到前來一個外賣。1 on 1服務當然好，坐成圍台睇menu等外賣，環境算舒適，台和台之間寬闊，以香港食店空間細的通病來講。付款後等了10分鐘左右就拿得，阿姐問我要不要餐具其實我很歡迎，因為確實很多人不想回去掉垃圾。豉椒炒蜆：正常發揮，份量頗足而且粒粒有肉不是一堆空殼，至於有沙比例係5隻中1隻有沙，獻汁形態是偏杰，辣度適中，味道略為咸特別是食到中後段會開始味覺疲勞，香口有改善空間。不見得會覺得好食。小炒皇：用料是9菜，蟹柳(假蟹肉)，油炸鬼，蝦干，腰果。魷魚蘇。食材沒有應有的味道，蟹柳油炸鬼呢類面粉用來充數的食材就自然不用說，雖然說現時食雞冇雞味，但蝦干腰果正常至少仍可吃到香口有蝦味腰果味，這個腰果蝦干質量卻香口都談不上，而且重點是所有食材各有各你會覺得不是吃一個送的整體感覺。蟹柳，油炸鬼我都挑走哂沒吃。總結，呢個廚房靠鑊氣，濃味蓋過食材和典型港式小菜館做法。食材是一般茶餐廳質素、可能最多多半粒星。雖然話1/3價錢是食材。2/3是租金服務。下次會試其他菜，比個理由自己

財記辣蟹私房菜 (銅鑼灣)銅鑼灣駱克道447-449號中威商業大廈2-3樓粟米魚肚羹（例鍋）Creamy Sweet Corn & Fish Belly Soup這道湯品濃郁而不膩，香氣撲鼻，嘗起來清甜可口，加入鮮嫩的魚肚更是讓人回味無窮。鹹魚雞粒炒飯Chicken Fried Rice with Salty Fish鹹魚的鮮味與雞肉的鮮嫩完美結合，米飯炒得松散而不油膩，讓人一口接一口停不下來。脆皮炸豆腐Deep Fried Tofu脆皮炸豆腐是我最喜愛的素菜之一，這裡的脆皮炸豆腐更是讓我驚豔。外皮炸得金黃酥脆，內裡豆腐鮮嫩，加上醬汁的調味，讓人垂涎欲滴。芝士焗西蘭花Baked Broccoli with Cheese西蘭花經過焗烤後，表面布滿芝士，口感滑嫩，芝士的鮮香與西蘭花的清甜完美結合，讓人大呼過癮。菠蘿咕嚕肉Sweet and Sour Pork炸得酥脆的肉塊淋上甜酸的醬汁，口感豐富多樣，讓人回味無窮。

今日難得同朋友行開銅鑼灣，大家都好鍾意食本地嘅小菜，所以搵咗一間私房菜試吓——————🐽 鮮奶蛋白蝦球鮮奶蛋白食落好滑，一d都唔會煮得太老鞋口，味道清清地；蝦球亦都好大隻，食落新鮮彈牙✨🐽 鹹蛋蒸肉餅厚厚既蒸肉餅食落好實淨，一d都唔會粉，肥肉既比例唔多，個汁送飯真係一流🐽 蒜蓉粉絲蝦干蒸勝瓜同平時既蒜蓉粉絲蒸扇貝一樣甘惹味，勝瓜更增添一份健康既感覺，而蝦乾既味道亦令到整道菜更有鮮味🐽 財記炒飯配料一d都唔會比小你！有帶子粒、午餐肉粒等等，炒飯食落乾身有鑊氣，質素好高🫶🏻

之前曾經在灣仔區內工作多年，對於附近的食肆都有濃厚的感情，從網上得知這裏開了一間以避風塘炒蟹為主打的私房菜，今晚便專程來到了。薑蔥美國生蠔$228，雖然生蠔的尺寸不是很大，不過味道卻很鮮甜，加上薑蔥的味道，非常惹味，是一道色香味齊全的小菜。鹹魚鮮魷蒸肉餅$108，鹹魚的鹹味不會過濃，卻有魚的鮮甜味道，肉質結實可口，配上爽口彈牙的肉餅，確是一絕。鹹魚粒炒芥蘭$88 ，這個鹹魚和之前的鹹魚肉餅，味道不一樣，鹹香味道十足，非常甘香可口，帶起了芥蘭的味道層次。另外這裏的芥蘭只有芯的部份，沒有菜葉，所以非常爽甜可口。白飯$15 茶位$20

豉椒炒蜆 $98蜆肉粒粒大大粒，仲要粒粒都開晒全部無沙。豉椒炒法極之惹味，豉汁濃郁帶點微辣，真係好好味。脆皮炸豆腐 $78豆腐外皮炸到皮脆卜卜，內裡豆腐棉滑，食落唔會太膩外酥內軟，撒上特製既微粉 ，風味十足 蒜蓉蝦乾蒸勝瓜 $88簡單又清淡的蒸勝瓜做法，味道配搭來調味的粉絲及惹味的蝦乾和巳爆香的蒜茸拌食，入口細味品嚐香脆惹味的蝦乾，配一口絲瓜食，就感覺到絲瓜味道即時提升魚湯浸九肚魚 $105九肚魚價廉物美，雖然其貌不揚，但肉質非常嫩滑，煮得軟腍腍，配菜粉絲吸盡鮮甜的魚湯，勁入味

復活假期最後一日，梗係要去行下街，食下野，hea下啦～今日就去左銅鑼灣呢邊，晚餐朋友帶我去左呢間係駱克道既樓上私房菜～我地叫左4樣食物：🔸沙薑雞腳（$68）沙薑味夠哂濃郁，而且雞腳炆得好冧，當小食一流～🔸沙拉骨（$98）咕嚕肉排上面擠滿沙律醬，加左沙律醬令到佢冇咁油膩，而且肉排啖啖肉😍🔸沙爹牛肉炒芥蘭（$98）芥蘭好幼嫩，上面鋪滿沙嗲牛肉，牛肉有口感，又唔會鞋口，未試過呢個配搭，好有驚喜👍🏻🔸芝士蝦球伊麵（$188）炸蝦球同埋伊麵本身都夠哂邪惡，再加埋芝士汁，真係十分邪惡

今日同親戚慶祝生日🎊就去咗財記辣蟹私房菜，話系辣蟹就當然吾系得辣蟹食🤭🦀食物款式都幾多，有龍蝦、海鮮、家禽、豬牛、豆腐類等等🦞🦐🐷🐮🐔✿ 粟米海皇羹 (例鍋) $108去得食中菜叫番個羹暖吓肚先😊粟米🌽份量好多💛海皇系帶子加蝦肉，整個羹清甜易入口，海鮮爽口新鮮，食其他野之前飲番個湯系正。✿ 脆皮炸豆腐 $78即金磚豆腐，一件件金黃色好似磚塊咁💛每件亦做到外脆內軟，豆腐夠滑溜溜🤍外皮充滿蒜香加椒鹽味🧄中意食香口野嘅我表示如果有呢道菜基本上都多數會叫～✿ 豉椒炒蜆 $98傳統大排檔小菜，相信好多人去大排檔都會叫黎食。炒蜆好多，粒粒都充滿豉椒香🖤大粒飽滿☺️食蜆就最驚有沙同埋好多隻殼都未開即未熟，佢就冇沙，未開殼嘅得好少。✿ 菠蘿咕嚕肉 $98常見中菜菜式，常見但要整得好吾容易。菠蘿佈滿整份咕嚕肉🍍香甜易入口。咕嚕肉經過油炸後一般吾會好脆，反而淋淋哋咁系正常，吾會好油膩，肉質爽滑🐷✿ 霸王走地雞 (半隻) $138雞類大致分為蔥油、沙薑、霸王、菜膽、麻辣，我地揀咗霸王雞。所需食材吾算複雜，更能帶出雞肉鮮味🐔雞肉嫩滑多汁👅醬汁中帶薑蔥味，比一般醬油特別，霸王雞沾上醬汁更佳。✿ 豉油皇炒麵 $68

財記辣蟹私房菜 銅鑼灣駱克道447-449號中威商業大廈2-3樓2-3/F, Chung Wai Commercial Building, 447-449 Lockhart Road, Causeway Bay一直都想帶屋企人來食中菜, 財記辣蟹私房菜少炒出聲又好食, 今日襯媽子約了朋友去玩, 同daddy來兩個男人, 試一下度度的中菜。晚市茶芹$10/位，花生$20/碟 今餐主力由daddy 決定點菜, 我地食了招牌菜 $ 88 小炒皇，食韭菜總比割韭菜好，韭菜爽口惹味，加入了蝦乾炸蒜辣椒，惹味濃郁，叫啤酒配一流$98 蒸肉餅是我由細喜歡食架家常菜，要了鹹蛋更香，肉餅多汁，非常下飯。開返關好多旅客,要食一定要訂位

嚟呢度食飯因為聽講係越華會原班人馬，很多年前與屋企人來過越會食飯，記憶是美味兼抵食，現在的財記辣蟹私房菜同様平靚正，小菜幾十元起，半隻雞唔需要百五，三個人四個菜，埋單$500左右。砂薑走地雞 $138半隻，味道似鹹雞多啲，唔係太多砂礓，但係咁樣味道都好好，啲雞肉特別是雞皮非常滑。鹹蛋黃涼瓜，只不過是$78，估唔到涼瓜一啲都唔苦，豐富的鹹蛋黃十分成功。蝦醬蝦乾蒸豬頸肉 $105，送飯食非常好，魚湯浸辣蜆 $98 很鮮甜，大大隻好多肉，有少少紅辣椒喺湯裏面，只係香唔辣嘅，魚湯味都唔錯可以飲。位於一樓但有電梯直到，旺中帶靜的好地方。

蒜蓉粉絲蒸扇貝（時價）（$88隻）同屋企人一人一隻先食咗隻夠晒厚肉嘅帶子之後一嘢將啲粉絲蒜蓉撈晒落啲白飯到超開心嘅感覺上湯海皇雜菜煲有魚塊（唔係龍脷柳嚟😂）、帶子、魷魚、大蝦🦑海鮮份量好足雜菜有生菜白菜西蘭花菜心絕對唔會係味精湯食完完全帶口渴咸魚煎肉餅屋企人堅持想試本身仲蒸會好油膩點知又冇喎好香口 食落有淡淡嘅咸魚香 肉餅唔會溝咗好重嘅肥豬肉食得好放心豉椒炒蜆超有鑊香 一上檯時真係好香蜆肉好飽滿 而且好多肉唔會好似平時啲餐廳咁分贓唔勻得成碟殼呢度有塊大玻璃望住街境唔會覺得好焗促

今日朋友請食飯 佢話佢知道銅鑼灣有一間樓上鑊氣小廚 海鮮做得唔錯我哋平日夜晚七點左右到，估唔到差唔多坐到滿晒 好彩我哋一早book咗位！餐牌價錢合理選擇好多！ 首先嚟個椒鹽鮮魷～炸得非常酥香 熱辣辣上枱 魷魚新鮮彈牙！另外叫左個辣酒煮花螺 大大隻口感一流 好惹味 送啤酒一流另外叫咗個沙薑雞半隻 同埋咕嚕肉 份量唔少 中上水準 主食方面，叫咗蒸海鮮荷葉飯 飯係炒飯底 蛋味好香 海鮮加埋芡汁一齊食 好味總括嚟講 呢度性價高 海鮮新鮮 小菜夠鑊氣 呢度夜晚氣氛好熱鬧 食得開心👍🏾

來到銅鑼灣同老婆行街，行到攰當然要食返餐好嘢獎勵老婆。我就去咗位於銅鑼灣駱克道，點解我嚟呢度？因為呢度係出名橋底避風塘辣蟹，呢度每日夜晚都排晒長龍。 輾轉搜尋，終於俾我找到間（財記辣蟹私房菜）上網睇，都幾出名。入到店內店員介紹菜單俾我哋聽。可能今日喉嚨唔好舒服，揀左三款比較清淡嘅菜式第一款蠔仔粥味道相當之清甜濃郁，選擇咗例鍋第二款西蘭花炒蝦球呢個相當之火候十足，芡汁包得啱啱好。唔會太油膩，味道啱啱好第三款鮮蟹肉扒時蔬呢個選用咗白菜仔，配搭蛋白蟹肉高湯埋芡，真係鮮甜好味

今日同女朋友去銅鑼灣我地都好想食小菜就揀左呢間有質素既小菜館餐牌有好多選擇，全部小菜都有豬雞牛海鮮不同煮法一定滿足到你菠蘿咕嚕肉咕嚕肉佈滿酸甜醬汁，好好送飯口感做到外脆內軟，可見廚師功力愛心蒸肉餅咸蛋就好似一個心咁同肉餅一齊蒸肉餅好講火喉，要蒸得剛好需要好留心睇實實在係一道廚師用愛心做既一道菜肉餅好重肉味，好香濃加上豉油同咸蛋輕鬆扒完白飯一碗！干炒牛河好有鑊氣，牛河炒得乾身，調味咸度剛好牛肉爽口有牛味，好惹味椒鹽鮮魷魷魚好新鮮，食落好爽口炸粉厚度好薄做到外脆內軟口感好岩送埋一支啤酒慢慢享受

今晚同朋友去食中式私房菜館「財記辣蟹」, 呢間菜館價錢大眾化, 食辣蟹價錢有平有貴(時價), 平民價錢食到辣蟹。我地今次叫咗幾款小菜, 瑤柱扒時蔬, 椒鹽鮮魷, 鼓椒炒蜆, 豉油皇炒麵。瑤柱扒時蔬 - $128平時做節都會叫嘅瑤柱扒時蔬🥬, 我好鐘意食。呢度整嘅瑤柱鮮甜帶彈性, 香氣四溢, 菜心又煮得啱啱好, 翠綠鮮嫩, 香甜, 成個汁唔會太濃太厚, 又唔太咸, 好有水準。椒鹽鮮魷 - $100魷魚🦑即叫即炸, 送上時仍熱辣辣, 外層脆漿調校得啱啱好, 炸到金黃色, 脆漿夠薄又香脆, 椒鹽味十足, 但又唔會過鹹, 魷魚煙韌彈牙, 食完一件🥢又一件, 佐酒一流。🍻豉椒炒蜆 - $98大牌檔招牌菜之一豉椒🌶️炒蜆, 呢度真係炒得出色, 而且非常大碟, 啲蜆都好大隻, 豉椒味好香濃, 仲有少少辣, 好惹味。豉油皇炒麵 - $68炒麵又係大牌檔經典美食, 早餐送粥更是一流啦! 大大碟, 分量十足, 炒得好有鑊氣, 炒麵🍝非常爽身, 食到底都見唔到好油起碟底, 一啲都唔油膩, 加埋香蔥芝麻, 豉油炒, 簡簡單單, 已經香氣四溢, 又好香口又美味。茶位$10/位, 花生$20/碟#hkfoodie

財記辣蟹私房菜😋😋😋融合平民私房菜遠近馳名的財記辣蟹私房菜、位於銅鑼灣、交通便利、中菜佢最🉐️！馳名菜避風塘炒辣蟹最受歡迎！但其他菜式都出色😄咕嚕蝦油條$168.....鲜蝦肥大厚肉、彈牙爽口、原隻🦐黏貼節條鬼馬油炸鬼、略炸至蝦熟透金黃、不油膩、配埋咕嚕汁、甜甜酸酸、色彩艷麗、引起食慾、口感更豐富！脆脆皮炸乳鴿(每隻）$98….. 估你唔到、出奇🈶️味、炸至金黃的乳鴿切邊伏在碟上、看以平凡、但咬一口、 皮脆肉嫩、醃製的肉香撲鼻、肉汁被鎖住、只係留係口𥚃面、帶出味蕾新口烕！燒汁炒什菌$68……鮑魚菇、鮮冬菇、鴻喜菇、黃&紅椒片、快炒兜嫩、灑上bbQ燒汁、色澤亮麗、菇菌腍香入味、味道又幾夾！豉油皇炒麵$68......炒得夠乾身、夠鑊氣、配菜韮王、芽菜、洋蔥、仲🈶️韮菜、材料豐富、重頭豉油、才能提升炒麵味道、yummy yummy 😋!冇🉐️輸、平民菜式、大眾價格、大師級作品、抵、抵抵！🤣#銅鑼灣#海鮮#私房菜#夠鑊氣#財記辣蟹私房菜銅鑼灣駱克道447-449號中威商業大廈2-3樓港鐵銅鑼灣站C出口、步行約3分鐘