豚道樂 (大河道) (已結業)

知道豚道樂有2間分店, 今次專登黎荃灣食下先~鋪面雖然唔算太大, 但五臟俱全~裝潢都好有日本feel~坐底就睇下有咩好食先~佢地拉麵既湯底都有好幾款可以選擇~拉麵既麵種都幾特別, 有得比你揀要曲麵定直麵今次我就簡左星期五六日限定既海老湯拉麵(曲麵) 配埋特上之選特上之選: 加$13 有埋豬肩肉, 豬腩肉, 紫菜 同半隻溏心蛋一上到黎賣相相當不錯, 湯底好香濃嘅蝦湯!三塊叉燒夠嫩同埋溏心蛋效果很好!友人就叫左特上辛辣味噌拉麵(直麵)辛辣味噌拉麵本身的辛辣湯底之外, 還可以添加辣醬, 喜愛辣味既朋友就岩啦我地再叫左小食日式餃子同飲品餃子一共有5隻, 即叫即整架!所以餃子煎得好香口, 食落餃子內裡的肉餡料鮮味多汁~餃子汁再加少少7味粉一起吃, 會仲惹味~飲品就叫左桃味梳打同柚子梳打~食拉麵緊係要配有氣既飲品先夾!我個人就覺得柚子梳打好好飲~下次我都想試下平日限定既魚介湯底~

呢排試咗一間荃灣嘅拉麵，對佢嘅湯底念念不忘，所以好想推介俾大家。見到餐單上寫着日本直送嘅嘢飲，我同友人都忍唔住叫咗三枝試下。第一枝係信州白提子梳打，果香味濃，又唔算太甜，值得一試。第二枝信州蘋果梳打，比起提子梳打更香，第一啖飲落去都幾喜出望外，好好飲！蘋果梳打看似普通，但市面上不常見，推薦推薦。最後係招財貓汽水 ，見到招財貓包裝覺得好可愛，連汽水本身嘅顏色都偏向金金黃黃，味道似日式波子汽水，包裝真係比足10分～另外我地叫左兩碟小食 。第一碟係小食拼盤，有天婦羅蝦，吉列炸蠔同埋炸一口芝士。所有炸物都夠鬆脆，天婦羅蝦肉質嫩滑，炸蠔夠新鮮，但略厭炸物粉漿過多，一口芝士芝味十足， 若然有拉絲效果更好。另外一碟小食係炸南瓜餅，南瓜甜度適中，帶有蔬菜嘅果香，外脆內軟，極力推薦比南瓜迷。海老湯拉麵~ 質地濃厚既湯底creamy， 蝦味濃郁，有足料小乾蝦，配埋蔥花，提升整個湯底的香味👍🏻 仲加配兩塊豬肩肉，肉質鬆化。麵方面，我選擇左普通硬度既曲麵，麵質算彈牙，值得一試。另外我朋友選擇咗季節限定既特上松葉蟹海老蕃茄湯拉麵，同樣湯底質地濃厚鮮甜，蟹肉肉質鮮嫩，但番茄味味唔算太突出。呢款拉麵原本加配特上之選

搵地方食個拉麵唔難，但係要環境大d舒適d就唔係咁易，好多時坐耐d都唔得。今日黎左荃灣嘅豚道樂食拉麵，睇過相覺得佢環境幾好。我哋分別叫咗黑蒜油拉麵，魚介豚骨拉麵。兩碗都加$13轉左特選系列，多正塊豚肉，多一隻糖心蛋。好抵食，其實就咁加一隻糖心蛋都要$12。另外仲加咗牛油粟米$10餃子$30黑蒜油拉麵名副其實 勁多蒜！蒜頭愛好者一定要食喇，但係唔特別鍾意食蒜頭嘅就覺得有少少苦、魚介豚骨湯底係超級杰身，但味豚骨唔算太突出。👌🏻呢度環境好靚，好有日本風情👍🏻

偶爾會和朋友到荃灣食飯，但很少走到這邊「覓食」。要不是之前搭巴士時經過，也沒發現大廈的一角原來有一間拉麵店，而且很好吃！↑朋友點的魚介豚骨拉麵，湯底很濃郁！↑由於朋友太喜歡吃筍，再追加了配料的筍和木耳。原以為木耳是白烚的，沒想到拌了麻油，很香很開胃，是少數會讓我感到驚喜的配菜👍🏻↑我的特上松葉蟹海老蕃茄湯拉麵，一上桌就是滿滿的海老湯底香味！拉麵有九州系直麵和札幌系曲麵的選擇，我選的是前者，普通硬度對我來說剛剛好，麵條掛上湯汁滑溜溜的。豚肉有起碼3塊，加上份量十足的蟹肉（夾得起的，不是散散碎碎），其實吃完已經很滿足了🤤↑貪吃的我們再單點了2份小食，蒜蜜味叉燒甜甜的很惹味，餃子也皮薄餡多！↑值得一提的還有這裡的梳打！因為不喜歡很假的人工果味，本身很少在外喝果汁梳打，但這裡的柚子梳打很好喝！柚子味清新之餘不會太甜，值得一試～

相約友人係荃灣搵食，係openrice搵到呢間豚道樂，相片同食評都吸引，就決定來試試。豚道樂位於大河道，荃灣地鐵站行過來大約10分鐘就到。一個小遺憾，排隊時店員話今日炸爐壞左，所有炸物都不供應，唯有專心食拉麵。波子汽水拉麵有4款固定及兩款平日或五六日限定的。我去的當天是星期五，揀左五六日限定嘅海老湯拉麵。海老湯拉麵拉麵最重要都係湯底，先呷一口湯底，海老湯非常鮮味，鹹度適中，大大增加食欲。至於麵底，我點選了直麵和普通硬度的麵身。由於我不喜歡太硬的麵身，普通硬度剛好適合我的胃口。櫻花蝦乾身脆口，混入拉麵一齊食，非常有口感。身為食肉獸的我還追加了配料豬腩肉，豬腩肉肥瘦適宜，肉質腍軟，無得輸！！牛油粟米灸燒芝士豚肉日式餃子另外追加了牛油粟米，灸燒芝士豚肉，日式餃子。粟米很甜，配上牛油也不會太膩。反而芝士豚肉的芝士太多，蓋過了豚肉的味道。日式餃子的煎得火喉剛剛好，好足料，值得推介！！

第一次同朋友試食，地點方便地鐵站行5分鐘就到喇，店長同店員都好好禮貌👍🏻😊奉上嘅水喺檸檬🍋水嚟呢一點加分呀！食拉麵咁濃飲返杯檸檬水好夾（可惜無Asahi)🍻追加嘅肩肉同腩肉好香，夾埋沙津菜食一啲都唔膩，鐘意芝士嘅朋友注意喇🧀芝士豚肉，估唔到咁夾建議店家可以提供白飯😀夾曬我呢個飯桶拉麵推介五、六、日限定嘅海老湯，個湯飲落無平時個種拉麵油膩感，好香嘅豬骨味🤤店員全部好笑容有禮貌，一定覆桌你🐻

肥妹仔我今晚去咗一間拉麵店度食拉麵，呢一間拉麵店種類有好多，而且湯底都好吸引。特上海老湯拉麵  $98+ 溏心蛋  $12+ 牛油粟米  $10+ 厚切筍  $8特上嘅意思即係有豬肩肉，豬腩肉，紫菜同半隻糖心蛋，配料非常之多同豐富。先講佢嘅豬肩肉同豬腩肉，係屬於薄切嗰種，食落去唔會好柴，有好香嘅豚肉味，好好食。而呢一個海老湯拉麵我揀咗曲面，我揀咗硬身麵嗰隻，海老湯蝦味超級濃郁，而且上面仲灑咗唔少嘅櫻花蝦，味道鮮上加鮮。除咗呢啲配料之外，我仲另外加多咗一隻溏心蛋，一碟牛油粟米同埋厚切筍， 溏心蛋嘅蛋黃做到流心嘅效果， 牛油粟米好香牛油嘅味道，用煎pan上，溫度保持熱辣辣。特上黑蒜油拉麵 $93+ 豬腩肉  $20另外肥妹仔嘅朋友就叫咗呢一個特上黑蒜油拉麵，特上嘅配料同特上海老湯拉麵一樣，但係唔同嘅係佢嘅湯底，係超香蒜蓉嘅味道，每飲一啖湯個口都充滿嗰種蒜香，非常惹味!!!而呢一款拉麵肥妹仔嘅朋友就揀左直面，佢話個口感好好，軟硬適中。日式餃子  $30皮薄餡靚，餃子皮煎到非常脆，而且好薄身，唔會好厚!入面係豬肉餡， 點上日式酸醋，食落去好開胃。蒜蜜味叉燒  $25呢一個蒜蜜味叉燒真係好好食，

店舖門外有好多人排隊, 等左大約15分鐘就可以入座啦! 餐廳座位唔算好多, 裝修好有日本風格, 有心思!拉麵選擇有七款, 有一款係季節限定既松蟹海老蕃茄湯拉麵, 當然要試一試啦!特上松蟹海老蕃茄湯拉麵 $98 +$13 (轉特上)特上之選配料有豬肩肉、豬腩肉、紫菜x2、糖心蛋半隻!另外, 可選擇麵種類, 我選了曲麵, 而麵的硬度, 我選了普通! 拉麵份量好多, 而且煙韌彈牙!不錯!我選擇了要蔥和要辣醬!湯底既海老味超級濃郁, 質地都非常濃厚!松葉蟹肉份量好多, 而且好鮮味, 好味道!特上黑蒜油拉麵 $80+$13 (轉特上)湯底的黑蒜油味道恰到好處! 豬腩肉 、豬肩肉肥瘦適中, 有足夠既調味! 整體上都係一碗唔錯既拉麵!煎餃子 $30餃子煎至金黃香脆,  內裡餡料豐富, 而且充滿肉汁! 再點上少許微酸的餃子醬汁來吃, 更加惹味!富士山柚子梳打 $25柚子味酸酸甜甜, 清新醒神!白提子梳打 $23很香濃的白提子味, 清甜解膩!

豚道樂嘅拉麵好啱我口味，自從家姐帶過我嚟食一次我就上咗癮，今次拉埋男朋友食晚餐。叫咗個黑蒜油拉麵，湯底味道香口濃郁，拉麵質感軟硬適中有咬口，叉燒脂肪分佈均勻，食落軟嫩富有油脂香，紫菜唔錯仲係脆口的。👍🏻特上海老湯拉麵，湯底好濃郁蝦蟹同鮮味，麵揀咗直麵，軟硬適中有咬口，溏心蛋好夠味蛋黃心好creamy，蝦肉好彈牙肉質唔霉，叉燒肉軟嫩有油香。仲舊舊都大大件，蝦控表示好正。加配咗煎餃子，餃子皮又脆又薄，餡又多仲好juicy添。同埋牛油粟米，粟米熱辣辣粒粒有牛油包住，又甜又好味。

一向喜愛食拉麵嘅我，勇於嘗試，走遍唔同嘅地方試最新嘅拉麵。本人對豚骨湯底嘅拉麵特別鍾愛，見到呢一間叫做豚道樂嘅拉麵店，主打豚骨湯底拉麵，當然就一定要試吓啦！ 一入到去個裝修都充滿日本風情，坐得都幾舒服。同朋友每人叫左碗拉麵。識食一定要先飲左湯先，然後先再試麵。首先豬骨湯味尚算香濃，清甜而不膩。然後麵質方面軟硬適中，都算係高質嘅拉麵！同朋友仲叫咗啲小食，炸餃子絕對值得一讚！鄙薄餡靚又多汁。絕對值得推介！

我和老公都很喜歡日本這個地方，每年都會去日本旅遊，而日本嘅拉麵也是我們必吃的，所以當我兩口子在香港嘅時候，也會特意去揾美味拉麵店，今日有幸係荃灣大河道揾到豚道樂，無論係環境、食物質素、服務態度，都令我倆好滿意。係環境方面，無論係門面、室內嘅裝修及擺設，都是充滿日本既特色，感覺好似在日本旅遊一樣，尤其燈飾嘅設計，令人眼前一亮，餐廳還會播放日本流行樂曲，一邊食麵一邊聽著，真的樂透了。係食物方面，首先來了兩支梳打， 山梨桃梳打($23)及信州蘋果梳打($23)，好清新，不太甜，不錯不錯。之後來了小食，日式餃子五個($30)，焦黄嘅外皮，煎到恰到好處，外脆內軟，沾上蘸料，讓人一口一口停不下來。最後主角上場，日本芥末拉麵($80)加$13轉特上包豬肩肉、豬腩肉、紫菜兩塊、溏心蛋半隻 ; 湯底係綠色的，聞到陣陣芥末嗆鼻既味道，喜歡芥末嘅老公出現心心眼，配合軟硬度剛好既直麵，掛上這湯頭，老公豎起拇指讚好，加上豬肩肉、豬腩肉實在太好吃， 一進到嘴裏就有化掉嘅感覺，而且份量多 ; 溏心蛋做得出色，半熟嘅美味口感，實在令人難忘 。特上松葉蟹海老蕃茄湯拉麵($98)材料非常豐富，因為係特上， 一樣有豬肩肉、

話説上次同老公已經食過黃埔既豚道樂，我地都好想再食多次。甘岩係荃灣廣場睇完戲，知道附近多好野食，點知一search就見到呢間似曾相識既拉麵店。荃灣分店裝潢亦都好日本風味。富士山柚子梳打（$23)，推介，好好飲，一d都唔假，唔似街外既藥水味！日本直送！山梨桃梳打（$25），桃味重，清甜！特上海老拉麵（$98），好滿足，材料都係打孖上，超多櫻花蝦，脆卜卜，好正！湯底好濃！特上日本芥末拉麵（$93），上次已經話下次要試呢個。所以諗都唔洗諗，就立即下單！麵條都被芥末所包圍著，真係青bb既麵，幸好只有少少辣芥末味，大家可以挑戰一下追加麵（$12），老公要追加，因為太好味！蒜蜜味叉燒（$25），甜甜的，趁趁熱食，非常juicy炙燒芝士豚肉（$18），超厚芝士，豚肉好嫩，加埋脆脆紫菜，食到唔想停！餃子（$30/ 5隻），皮薄，煎得好有脆口，餡肉好香！值得一讚，無論黃埔定荃灣分店，店員們既既服務一流，加上每個都非常有禮貌兩間店既食物質素都保持得好好！

近年拉麵店越開越多，集團式的或個體戶的也是各式其色，一碗拉麵加幾塊叉燒賣成一百幾十元比起一碗魚蛋粉高出幾倍價錢，不過依然人頭湧湧出現人龍，可想而知拉麵有其魅力。位於荃灣區的豚樂道拉麵店 舖仔細細合適三五知己，相對一大棚人就較難招呼了。和大部分拉麵店一樣，都是自行用紙剔心水麵款，基本上大同小異，而朋友叫了一碗「日本芥末拉麵」都幾特別。綠色的湯浸著綠色的麵，感覺都幾新奇，如果唔講仲以為係菠菜麵添，朋友說熱湯的味道是淡淡的芥末，不會太嗆鼻 ，拉麵麵身煙靭適中不會太硬。我個人較喜歡「蕃茄海老松葉蟹拉麵」，是季節限定，湯頭甜甜地带蕃茄酸，一條條松葉蟹柳淡淡蟹香鮮味，麵彈性不油膩，連著蕃茄湯頭幾好吃，另外，可以按需要加配其他配料，我加了紫菜和溏心蛋，令整體更豐盛。一碗拉麵訴說著的故事，嚐到廚師背後下的功夫，又豈只是一碗拉麵的價值。

從日本旅遊回來便想念著日式拉麵了，便在附近找找。 看到這間有餃子吃，便和家人去一試。 看到門外貼著"炸物暫停"，沒關係，反正我們只想吃餃子和拉麵。這個店不是很大，除了吧台的椅子有一點點靠背外，其他座位都沒有靠背，座位也比較窄。  我們坐在吧枱位置算是較好了，還免費提供手機充電。  一切都還好，直至我們的食物來到。 發覺兩碗也是只有兩片肉，就是沒給我們做“特上”了，於是請女店員幫忙跟進。  稍後，她端來我們的2份“特上”加餸，但發現那裡只有兩片肉，而餐牌上說“特上”是包括兩款豬肉的，2份怎會只是1份1片肉？ 應該就是給少了。 再找剛才那位女店員跟進，她竟說不是兩款肉也給，是隨便給一款。 我說：不是吧！  她沒等我說完便走開了。 甚麼？ 那餐牌上寫的"特上"包括豬肩肉, 豬腩肉, 紫菜x2, 溏心蛋半隻，沒有 “/”這個符號，怎麼會是隨便給一款？  我們也不想再為一片肉跟她爭拗，於是繼續吃完便走，反正也不會再光顧。 老實說，別說服務態度，這裡的麵質不錯﹝我選曲的、硬的﹞。 但黑蒜湯吃不出黑蒜香﹝丁麵的黑蒜味比它還要香﹞，芥末味也是比較奇怪。 反正只是很濃很油的湯。 餃子也是失敗，不知道是放

這夜我和家人去荃灣逛街，順道在這區晚膳，途經大河道的這間名叫豚道樂餐廳，原來是一間拉麵店，感覺不錯，所以便進去品嚐，餐廳內的面積不大，一眼看到大概約 20個座位之內，幸好我們到的時候約六點半不算多人，所以不用等便進去坐下。簡約的裝修 ，反而特別是天花板上掛著一個一個日本的玩意，霎時間又想不起叫什麼名稱，所以便在網上搜尋，原來這個叫做劍玉（けんだま），是懷舊的玩意兒，印象中未玩過，在電視就有見過。特上黑蒜油拉麵拉麵端來的時候，感覺豐富有實在感，特色就是那個黑蒜油，味道相對原味的較為濃厚帶蒜香，配料有豬腩肉 、豬肩肉、紫菜和半隻糖心蛋，還有炸蒜頭碎及芽菜蔥等，拉麵的麵身我選了適中硬度，拉麵煙韌彈牙，湯的濃度啱心水，不會像一些黑蒜太多而影響得變成苦澀味道，我連麵帶湯食清而見碗底，這是對煮麵師父的尊敬吧。飲這支完熟山梨桃味梳打，淡淡桃味不太甜，配麵食不錯。煎餃子餃子不過不失，煎得香口皮脆，如果喜歡吃辣的話，可在餃子汁內加上胡椒粉和辣油，點來吃更加惹味。食拉麵的時候，發現枱角貼了一張奧比斯的宣傳標貼。牆上也貼有一張海報，呼籲大家參與“童望之友”每月捐款計劃，原來拉麵店是一間 善良的餐廳，賺錢之餘