豚道樂 (大河道) (已結業)

店舖門外有好多人排隊, 等左大約15分鐘就可以入座啦! 餐廳座位唔算好多, 裝修好有日本風格, 有心思!拉麵選擇有七款, 有一款係季節限定既松蟹海老蕃茄湯拉麵, 當然要試一試啦!特上松蟹海老蕃茄湯拉麵 $98 +$13 (轉特上)特上之選配料有豬肩肉、豬腩肉、紫菜x2、糖心蛋半隻!另外, 可選擇麵種類, 我選了曲麵, 而麵的硬度, 我選了普通! 拉麵份量好多, 而且煙韌彈牙!不錯!我選擇了要蔥和要辣醬!湯底既海老味超級濃郁, 質地都非常濃厚!松葉蟹肉份量好多, 而且好鮮味, 好味道!特上黑蒜油拉麵 $80+$13 (轉特上)湯底的黑蒜油味道恰到好處! 豬腩肉 、豬肩肉肥瘦適中, 有足夠既調味! 整體上都係一碗唔錯既拉麵!煎餃子 $30餃子煎至金黃香脆,  內裡餡料豐富, 而且充滿肉汁! 再點上少許微酸的餃子醬汁來吃, 更加惹味!富士山柚子梳打 $25柚子味酸酸甜甜, 清新醒神!白提子梳打 $23很香濃的白提子味, 清甜解膩!