豚道樂 (大河道) (已結業)

難得今日放假出左荃灣同朋友食晚飯去左大河道既豚道樂見佢開左一排都未食過今晚一於去試下鋪面雖小 但五臟俱全裡面都幾多位淨係拉麵既湯底 都有好幾款選擇比其他拉麵店都要多我要左特上豚骨拉麵豬骨湯底香濃但唔油膩飲落都唔會覺得好杰要左曲麵 麵既硬度要左普通食落都好爽口豬肩肉爽口 豬腩肉半肥瘦朋友既特上魚介豚骨拉麵佢話湯底都好濃郁佢要左硬既直麵 佢話硬度啱哂佢口味炙燒芝士豚肉芝士燒得香濃 仲有少少拉絲豚肉咬落有肉汁肉質鮮嫩夾埋芝士一齊食幾正蘋果梳打同柚子梳打兩款都好好飲 配拉麵一流～

又去咗食拉麵，今日我哋試新野，最可惜係佢哋竟然冇炸嘢食松葉蟹番茄拉麵$98，原來呢一款已經包左特上，個湯底好濃嘅蕃茄味，但又不會太酸，好正上面仲有蟹肉㗎，我揀咗曲麵，第一次試，佢比直面較粗身，我比較鍾意曲面老公揀咗芥末味拉麵，佢就加咗特上，可以有多啲配菜，個湯底真係幾特別，佢唔會話好辣，撈埋芝士粉嘅味道會比較好，佢嘅糖心蛋都煮得好好食，食落好有滿足感最推薦嘅小食係蒜蜜味叉燒，佢係薄身叉燒，但係非常之入味，帶有一點甜味餃子係普通嘅日式餃子，點個餃子汁就啱啱好，而且唔會煎得太油膩炙燒芝士豚肉，上面又係勁多芝士，我哋一人一半，就剛剛好，不會太膩希望下次再嚟嘅時候會有炸物啦

又係🍜🍜🍜🤤呢間拉麵特別地有得比你揀要曲麵定直麵😳😳-自己嗌咗碗特上辛辣味噌拉麵🍜 辣度個人覺得都ok 唔會好誇張 但略嫌湯底唔算濃 糖心蛋都整得唔錯 自己額外加咗炙燒芝士豚肉(圖6) 覺得呢個係必嗌！🤩🤩 芝士味濃再加小小炙燒咗之後既煙薰味真係😍😍-另外一碗嗌咗豬骨味拉麵🍜(圖2)呢碗味道仲淡☹️仲要係曲麵個人比較好直麵🌝 所以呢碗好一般 反而額外叫既煎餃整得幾正！煎得好 餃入面有d肉汁唔會太乾 都係嗌得過！-野飲要咗提子🍇同柚子汽水🥤 個人覺得柚子味好飲啲 提子🍇汽水味道太甜有d假-

對豚道樂有兩個評價：靚裝+足料裝修真係又靚又有心思。長枱上嘅天花掛住劍球同櫻花，將空間劃分。拉麵舖有木牌寫菜名一啲都唔特別，呢度特別在用滑板代替木牌，誇張突出，甚具玩味。仲有充電位。拉麵方面可能係海老湯嘅關係，味濃而且幾鹹，唔係話個個香港人都啱口味。但呢度啲拉麵比起好多舖頭足料。我碗松葉蟹海老蕃茄湯拉麵已經自動係特上價，即係有蛋、紫菜等等。因為個湯本身都幾鹹，所以蕃茄味唔算好出，但都睇到湯底偏紅。蟹量驚人！本來以為呢啲gimmick嘢都係少少蟹碎就算。點知食完蟹腳仲有大量蟹肉，圖中未計浸咗喺湯入面嘅蟹肉。可以揀幼/粗身麵。溏心蛋有水準，錢加得過。阿爸食嘅係海老拉麵。湯底應該就係我嗰碗減蕃茄，味一樣偏鹹。大量蝦米，帶鹹香，如果個湯本身清啲應該會更發揮到佢哋嘅用途。拉麵入面嘅叉燒吸咗湯汁油脂味唔太突出，所以呢客蒜蜜叉燒反而更好。蜜味香甜，燒過嘅腩肉有油香。小食種類幾多，可惜較特別嘅炸物今日冇。呢個...拉麵常客應該唔陌生。我就第一次飲嘅...飲佢都係滿足吓好奇心，如果唔好奇嘅就揀過第二款啦。想坐好啲食碗拉麵不妨嚟吓，不過講到拉麵本身就要視乎你哋係咪嗜鹹喇。

今日同媽媽嚟咗豚道樂dinner，夜晚8點來到見到都有人龍，但係等咗一陣就入得！坐低已經覺得好肚餓，所以每人叫咗一碗拉麵加兩個小食。先嚟嘅係日式餃子，煎得好香，見到menu教係餃子汁再落啲胡椒粉同辣椒油，會更加好味。食落真係好香口，唔會話食得出係烚完先再煎一煎。再嚟嘅係芝士炙燒豚肉，感覺上呢個有啲漏，芝士比豚肉更厚，非常適合芝士控！拉麵就叫咗松葉蟹海老番茄湯拉麵，配埋特上之選，有豬肩肉、豬腩肉、紫菜同溏心蛋。湯底好濃郁，有啲濃稠嘅感覺，面頭有2條大蟹肉，令到湯底都好鮮，但係略嫌蟹肉配上濃郁嘅湯底會食唔到蟹肉嘅鮮味。拉麵掛湯，啲湯好好飲，自己一個好快就食晒一碗。另一碗就係海老湯拉麵，同樣配埋特上之選，蝦仔好多，鮮味好出，湯底比啱啱個碗更濃，自己更加鍾意呢個拉麵。整體黎講，呢度拉麵好食，份量夠大，但係店舖面積細咗啲，好多時候都要等位。

自從早兩日食完拉麵之後，發夢都想再食，睇黎我上咗癮😂之後係OpenRice search一下就決定黎豚道樂喇！一睇到餐牌我已經鎖定目標想食季節限定～特上松葉蟹海老番茄拉麵～ 另外加埋溏心蛋😋我想講...好正呀！個湯夠曬濃郁..而且非常鮮味..拉麵既口感又好適中...成碗我食到見底😆而我另外個朋友就揀咗黑蒜油拉麵另加咗木耳！哈哈..我當然試埋佢果碗啦！個湯底又係好濃！黑蒜味加埋啲炸蒜香而不膩！朋友都同我一樣食到見底😂小食就點咗日式餃子！個皮煎得脆脆地幾香口👍🏻嘩😱😱呢個炙燒芝士豚肉！正到爆！亦都無敵咁邪惡！上面有少少七味粉配埋拉絲芝士，連埋嗰個豚肉下面仲有少少紫菜，一啖食落口除咗覺得滿足之外我真係唔知可以講啲咩😂飲品就點左支柚子梳打同埋抹茶可樂～兩支都幾特別幾好飲呀！呢間拉麵店值得推介～👍🏻👍🏻

#特上黑蒜油拉麵 ($93)😋好味指數：(7/10)黑蒜油拉麵食落去雖然唔算好重黑蒜味，不過勝在炸蒜份量夠哂多😆有豬肩肉同豬腩肉食落去都算淋，亦唔會好肥😎不過食到咁上下就會覺得有少少咸🤔#魚介豚骨拉麵 ($83)😋好味指數：(7/10)食落去魚介同豚骨味都幾重😚豬肩肉薄薄地，唔會話韌🐷女小編就揀咗直麵，食落去比較有咬口😍溏心蛋亦做得唔錯，幾流心😙#日式一口炸芝士 ($38)😋好味指數：(7.5/10)一共有5件炸芝士🧀食落去外層脆卜卜，一咬啲芝士就係裡面流哂出嚟🤤#竹炭雞中翼 ($45)😋好味指數：(6.5/10)外面係黑色嘅竹炭炸皮，食完之後會成咀成牙黑哂🤣外層超級脆卜卜，不過食落就有少少咸🤔

今晚又同男朋友黎食最愛嘅蝦湯拉麵！男朋友就要個辣味噌(普通)試試菜單轉左樣今次要返曲麵～蝦湯一貫咁香濃！好好味！另加木耳絲，諗住當食蔬菜😛點知原來木耳絲係另上嘅，但都有調左味，食到少少麻油香，不錯！今日嘅溏心蛋一樣有驚喜，少少調味，正！男朋友嘅辣味噌都俾我飲左啲湯幾香口喎，不過太辣我食唔到點解無就咁味噌拉麵㗎？可惜😅一人一支汽水桃味都不會太甜不過柚子更清新！再加多個餃子仲有個美味秘技係加辣油同胡椒粉入餃子汁度等我試下先！餃子本身不會煎得太脆肉餡香甜！不錯！加上餃子汁就會多一個層次味道，幾好幾好！幾時又會再黎食呀🤤🤤Ps 度大門真係實得過份，女人真係好難推得郁等位嘅時候，男朋友都見到兩個女仔唔夠力開，要去幫手，好gentlemen😘

又到了小週未星期五，放工之後與朋友在荃灣搵食，荃灣是我朋友的地頭，他就提議去這間拉麵店，果然無介紹錯，驚喜十足！店的面積雖然不大，但坐得舒服。員工親切有禮貌，解釋點餐的步驟，又為我們推介食物。由於天氣太熱，我們二話不說先點凍飲，抹茶可樂和波子汽水。季節限定的「特上松葉蟹海老蕃茄湯拉麵」蕃茄湯非常濃郁，十分惹味，大量蟹肉令湯底更加鮮甜。加上配料有三塊叉燒、溏心蛋、紫菜，一次過滿足了我三個願望。特別推介拉麵要揀曲麵，因為麵會更彈牙煙韌!朋友就點了星期五、六、日限定的「特上海老湯拉麵」。朋友說海老湯鮮甜到極，我試飲了一啖湯，果然不差，滿口蝦香。配料一樣有三塊叉燒、溏心蛋、紫菜，還有大量櫻花蝦。小食方面，我們點了煎餃子。標準日式水餃口感，加上香酥底皮，內餡的菜肉比例一半一半，帶少許肉汁，不會太過油膩。

平時搭車都經過豚道樂，放工時間經常望到人龍等位。琴曰就叫咗K先生同我一齊去試，好好彩，排咗五分鐘就有位。拉麵店擺設同格局很有日本風，還播放著很好聽的曰本歌，雖然店內面積吾算大，但坐得比其他拉面店舒服很多。松葉蟹海老番茄湯拉麵松葉蟹肉大大條，非常足料，番茄湯底味道湯郁。我選了曲麵，有助掛蕃茄湯，好好食，大滿足。海老湯拉麵賣相不錯，K先生喜歡櫻花蝦，湯底不錯，K先生大讚好食。日式餃子即叫即煎，香脆可口，超好食。炸物盛合有炸芝士、炸蠔、天婦羅蝦，因我想食炸芝士，K先生喜歡食蠔，所以叫咗炸物盛合，一次過滿足晒我地要求。炸芝士很好食，芝士控一定要點。信州蘋果梳打呢度有我喜歡飲嘅蘋果梳打。

身為拉麵控既我呢, 成日都會係香港搵唔同既拉麵食既今次就試下荃灣呢間豚道樂啦今次同女朋友分別叫佐一個魚介同埋辛辣味1個曲麵1個直麵, 2個都係叫特上+13蚊另外仲叫佐個吉列蠔2個麵既湯底都非常濃郁同香, 好好味但略嫌厚佐dd, 浠番少少就好喇魚介味本身已經好香, 冇咩挑剔個辛辣味我就叫佐普通辣, 但都已經係幾辣, 我個人覺得就蓋過佐本身個湯既香味麵質方面, 曲麵就當然爽口彈牙好好味啦但直麵方面都做得唔錯喎平時食人地d直麵, 有d係會放耐佐就糊曬唔好食, 但呢個就冇呢個問題, 值得一讚叉燒亦都唔錯, 佢有2種叉燒, 1係豬肩用, 2係豬腩肉肩肉好香, 好好味腩肉都香夠肥, 但肉質就孩佐d, 唔係我expect既質感致於個吉列蠔…唔推介, 個粉好厚, 入面粒蠔好細粒囉…4粒, 42蚊, 唔太值

公司人仕大變動，是晚便約了同事到公司附近的拉麵店食個便飯，順便收下風睇下有咩搞作先。信州蘋果梳打 ($23) & 靜岡抹茶可樂 ($20)天氣咁熱，即刻要飲返支野飯降下溫。同事要左佢鍾意嘅蘋果梳打，香甜蘋果味好好飲。自己要左綠茶可樂，其實係綠色可樂啫，綠茶味不強，不過夠特別個樽又靚，收藏一流。魚介豚骨拉麵 ($85)同事叫左魚介湯底，有筍，蛋，紫菜等，賣相靚靚。湯底濃郁，除了豬骨湯味外，還有著魚鮮味，不算太杰身，味道對胃同事要了曲麵，掛湯沒鹼水味。松葉蟹海老蕃茄湯拉麵 ($98)自己點了限定湯底試試，季節限定款式。非常香甜的蕃茄湯，酸酸地不過甜，仲有著極強烈的蟹鮮味，好好飲，飲哂全碗都不會膩麵條揀了直麵，軟硬適中有口感，沾了蕃茄湯好好味呀溏心蛋流心鮮味，好吃。叉燒半肥瘦入口即化，正。仲有鮮甜蟹棒，真蟹肉來的！竹炭炸蘑菇 ($48)同事話要試試新野，點左新出的黑魂系天婦羅，哈哈，真係黑色㗎賣相獨特。咬落又真係有竹炭味，蘑菇爽口多汁，好味喎。食完認真要抹抹嘴，個嘴唇黑左水準keep到仲係咁好味，唔怪得成日排隊。

今日約左朋友係荃灣食晚飯因為大家都想食拉麵所以就黎左呢間食特上原味豬骨拉麵麵條可以選擇直麵or曲麵湯底十分好有驚喜，豬骨湯底意想不到十分濃郁每一條麵都掛到麵汁，且麵既質感剛好感覺絕不油膩而且非常足料豚肉有3大塊而且肥瘦適中另外佢個溏心蛋超好味，好流心強烈建議大家要加多一隻黎食朋友就點左特上黑蒜油拉麵香濃的豚骨湯再加上濃郁的黑蒜油別有一番風味另外仲點左一個炸蠔新鮮炸出好香脆，不過稍嫌粉漿有點多白桃梳打好重既白桃味，岩哂我呢d桃控另外一提，服務態度都好好呀

星期日去左荃灣行街, 經過一間食拉麵, 好似幾吸引, 有幾個人排隊, 不過好快有位入得去.天氣好熱, 坐低就有凍水飲, 仲可以任針, 精神為之一振!另外仲有USB線俾客人叉電, 好貼心!拉麵有幾款可以揀, D湯底感覺都幾新穎!我食左原味豚骨拉麵, 個湯底好重豚骨味, 唔會太油膩, 正!但食完唔太夠飽, 可能加多個小食或者追加D配料會好D. XDD朋友就揀左黑蒜油拉麵, 仲加左$13 轉特上之選: 有豬肩肉, 豬腩肉, 紫菜, 半隻溏心蛋~ 好滿足!

愛吃日本食物既貝兒最近食左好多餐吉豬吉豬丼飯丼飯😆突然想轉下口味食拉麵於是去左試下呢間出名要排隊既拉麵店🤭其實都唔算非常多人排隊，只係佢店裏位置唔多，所以等候需時咁解，但悶熱天氣下等位都幾辛苦，但店長（應該係）都幾貼心，拎啲水出來派比等候中既客人，亦有主動問下客人想食啲咩，有啲適當既介紹，咁樣令大家等候過程都感覺良好。👍🏻等左差不多45分鐘，終於有位啦，貝兒同男友坐既係面壁思過位置，但勝在有得叉電（只限iphone~得戚😌） 🍜特上松葉蟹海老蕃茄湯拉麵作為蕃茄迷既貝兒，諗都唔諗就揀左呢個試下，有兩塊小紫菜，半隻溏心蛋，三塊叉燒，當然仲有松葉蟹啦☺️拉麵我偏愛硬麵，因為太淋我會覺得好脹同唔好食，麵質我係好滿意既，但感覺偏少（可能等太耐，我太餓）豚肉叉燒肥瘦都適中既，而且唔係好孤寒咁比勁細塊果啲，都算唔錯！但係蕃茄湯就遜色左啲啦，蕃茄味唔濃，但都唔係好重茄膏果啲假既蕃茄味，不過以我食慣蕃茄黎講，佢真係唔濃啦！最後，最美中不足既，係佢無幫我走蔥！😭😭我係完全抗拒架，剔左唔要但係無幫到我走蔥呀大佬！當堂灰左其實😞等左咁耐又勁餓，仲要無走到蔥⋯⋯ 🍜魚介豚骨拉麵男友無剔到走蔥，但佢幫佢走左蔥🤨應該