詠藜園四川菜館 (已搬遷) 新店位置

一個人去tea 叫麵同鮮肉窩貼~好full ar ^^個都好正ar 因為我食野超慢ga, 平時碗麵未食完d麵就淋晒...但lee碗唔會ga ~好爽口彈牙!!我叫小辣~ 都ok接受到~但略為少d花生醬好大碗~比北京拉麵店的還要好~本來想要小籠包, 但ar叔話未有...要等三個鐘=.=then咪食窩貼lor10蚊有5個~好好味ar ~d皮仲脆ga ~皮簿餡靚~ 正!!i will be back !!!wakakaka ~

同媽咪去食叫左擔擔面，口水雞同餃子擔擔面唔駛講仍然好味，我覺得好味過黃埔個間餃子皮薄餡靚，口水雞得個辣字剩係為碗擔擔面都一定再黎不過我自己都係最鍾意食榮華既擔擔面加辣

(21/3)其實大都忘記了名字，唯有靠記憶去寫，如有錯漏，煩請跟正：1.小籠包2.涼拌海哲粉皮3.干扁四季豆4.過橋水餃5.酥炸大腸6.酸辣湯跟鍋巴7.雲吞汽鍋雞8.水煮魚9.辣鴨掌10.無鍚肉11.大豆芽炒大腸12.海哲頭13.紅油青椒14.辣擔擔麵15.豆沙鍋餅寫番先至知原來個晚食左咁多野，大致上菜色都頗出色，不是太多地方每樣菜色平均好味，特別寫呢幾樣：2.海哲粉皮，晶瑩剔透，味道調較合宜，吃下口都不會覺得滯口，兼很香；5.酥炸大腸，又真係整得幾乾淨，酥炸的那層不會太過厚，不點醬也好味，值得叫；7.雲吞汽鍋雞，湯鮮味，因有鮮雞一只，雞肉不太（諧）口，雲吞是菜肉那種；8.水煮魚，汁料更勝過魚；9.辣鴨掌，幾好味，夠辣，伴以墊底的蘿蔔絲一起吃；12.海哲頭，食友話不是頭，只是身的部分，但都整得很爽口，喜歡吃海哲的，可以試試；13.紅油青椒，不是辣，仲俾佢外表欺騙，但太油膩；14.擔擔麵，麵質幼滑但不太腍，湯底有少少香辣，又有麻醬，怪不得咁多人都要叫呢樣，必試。埋單每人一佰，經濟實惠，又有味道，何樂而不為？

路經此處,諗起呢度既擔擔麵好好食,於是就落車幫襯下先。兩個人叫了一個餐, 主角當然係擔擔麵,很有咬口,係我暫時食過最好味既。套餐仲有一個豆腐湯,菜及另一款小菜(已經唔記得係咩啦!), 可惜既係另外呢三款菜色實在不值一提, 看來下次都係唔叫套餐好。但以往係度食過小籠包, 紅油抄手及雞絲粉皮等,都好好味!所以都會再幫襯。

地點唔難揾, 只是在小巴站上少少.6:30到, 伙計仲未吃完飯.而選擇方面, 有非常之多, 但一直想試下面兩樣素冷面: 份量够, 醬好麻味, 但面偏硬無錫骨: 估唔到咁入味, 鍾意豬軟骨的必試

原本一個二人(6/3)飯局,點知一個下午,變成五人網聚,論地點唔難搵,但門面就唔及紅磡店,不過筆者食野求好味多d套餐$368唔貴,算係有幾款主打菜係度,求其改d加d都好夠.砂鍋雲吞雞(半隻):湯底清甜,雲吞就一般,不過雞肉夠嫩,值得一讚個伙計,幫我地用碟盛起d雞之後,再淋d蒜泥汁上面,令到d雞肉更香,估唔到碟雞係最早清晒!清炒時蔬:其實係清炒白菜仔,不過無厘火氣,唔鐘意三鮮鍋巴:一味要快快食,唔怕熱既菜,不過好熱氣,味道就一般啦!糖醋班塊(改為水煮魚片):一個令人喜出望外既菜,我點估都係用雪魚,但入口嫩,滑,醬汁調教得又麻既辣,可惜自己唔太食得辣,但我相信辣d仲正京蔥爆羊片:真係好多油,羊用唔太酥,好多人都食得.三色拼盤:薰魚,肴肉及西芹,無乜特別,口癢癢食幾好擔擔麵:好同意終極兄所講,麵有麵,湯還湯兩者都唔夾,麵質同紅磡店相若,但似乎後既湯較出色(又要讚伙計,佢將d辣油另上,比一d怕辣既人,幾細心)無錫肉骨煲:個人唔鐘意,無乜點食另加菜:過橋水餃:平平無奇,自己醮辣汁就算,頂肚都ok既.蒜泥白肉粉皮:個人感覺唔夠雲南風味咁滑咁薄,鞋口左d,但蒜汁真係好香,粉皮亦滑,一個幾討好既菜酥炸

細個o係斜路上讀書, 呢間斜路下的食肆我耐唔耐都會食。果時鑽石山果檔, 個名同佢一樣, 又唔知咩關係呢? 不過我2檔都有食開, 而呢度比果度好味d, 乾淨d。只比一個擔擔麵, 其他野唔計。而家鑽石山果檔去左紅磡, 之後我都冇食過lu。所以而家都唔敢亂評價。而黃大仙的呢檔, 真係好, 冇話講。

呢到啲擔擔麫真係超正啲麫身爽夾滑以前食開啲擔擔麫多數都係糊埋一堆呢度就原全唔同個伙計仲話呢度其他嘅麪都係用呢個麫底下次一定要試吓其他款式嘅麪兩個人食晏另外再叫一個蟹粉小籠飽一碟油炆筍一碟醉豬手都非常有水準值得一試

今晚我地去試下呢間聞名既四川菜館,真失望!可能我地返慣大陸食四川菜,一般都叫火鍋魚,涼拌牛肉,麻辣雞...點知係呢度叫一樣的菜,水煮魚片,口水雞,再加蟹粉小籠包,同薰魚...嘩...爭九里...係唔係四川人煮...唔通呢度得担担面好食咩...香港試過幾間...得譚魚頭的火鍋魚頭...值得試試其他!!只有望大家推介推介...可能大家口味有別...香港與大陸的四川店不一樣做法...!此店為一般港式口味..四川店.??

也有一段日子沒有來了，今日忽然想起，就和辣椒女兩個來這裏食午飯。我們叫了一碗擔擔麵、一碗川辣麵、過橋水餃和干扁四季豆。擔擔麵- 我比較喜歡唔辣多麻醬，麻醬很香很好味，擔擔麵很有咬口又爽口，真係站時食過最好食的擔擔麵。川辣麵- 麵質和擔擔麵一樣，辣椒女食完都話幾辣，真係不可少看。過橋水餃- 一句講曬，皮薄餡靚，不可錯過；剛食那些辣汁，就唔覺辣，食完後才知大件事，過口立刻好慶。干扁四季豆- 幾干身，炒得好好味，但就比較咸，相信送飯會好一點。可惜人少，唔係真係想食多；唔知有冇人還有興趣一起來食呢！

時間：禮拜日下午茶天氣：明明應該打風卻吹過隔離台灣的悶熱天氣地點：黃大仙詠藜園人物：兩隻餓鬼主角：水煮牛肉配角：擔擔麵/紅油"手然"面預備工作：體力勞動，花一個早上大洗暴露在滿天塵埃的車再打蠟，做就兩隻餓鬼事發經過：不辣的擔擔麵，充滿麻香和花生碎，細碎的蛋麵泛著微黃，安躺在稠濃的麻醬高湯裡，正好讓餓了一個早上的胃部做做熱身。紅油"手然"麵，原來是紅油撈麵，非常簡單的食材，較擔擔麵更能感受麵條的真味。高潮是一盤紅騰騰的水煮牛肉，不敢說是否十分正宗，其深不到底的紅油在強烈的挑釁食客的舌頭，也把我們堅決吃辣的氣焰嚇退了一點。在互相客氣推讓之下，我身先士卒去迎戰，紅光遍佈滑溜溜的牛肉片，聞起來是麻香撲鼻，吃進口中，麻痺感慢慢滲入你的口裡。萬幸，經過其他食店的麻辣訓練，這道菜算是輕鬆果關，辣度不算非常，牛肉片經過泡油再用所謂的水煮，鮮嫩有致。舀一點辣油到那"手然"麵，更添滋味。冷不防墊底的芽菜才是殺著，在盤底沈澱一段時間，芽菜都裡裡外外充滿紅油，一口清爽加一份辣勁，真是天衣無縫的配搭。我幻想化身四川漢子，對著一盤肉大吃大喝，一道吃肉，一道飲烈酒，辣得大呼痛快過癮！想著想著，把桌上能吃的都清理得乾

同老豆來食，我地唔係好食得辣，因此叫左小辣擔擔麵，好味道！另外有叫蟹粉小籠包，40蚊4個。感覺只係麻麻。老豆有食到蟹黃。

前天又到黃大仙上堂，午飯時開我又想起在附近著名的詠黎園，一個人向上走到此再嚐這裹久違了一年的麵，我叫了一碗正常辣度的麵及一個鎮江肴肉，自從上次到華東旅遊後就愛上了鎮江肴肉，愛它爽滑的口感，很適合在夏天享用，兩樣食品都一貫的出色，麵都是帶辣味的才是正宗的口味，因只有一個人所以不能夠試其它菜式，希望下次有一大班人來，可食多幾款菜。一坐下侍應就奉上熱茶一杯，落單後不消五分鐘食品就到齊，號一位員工看見鎮江肴肉上，很有默契地立即奉上一碟白醋，食完後又主動添茶，服務相當殷勤。

今晚一家去食飯BOOK左檯去到都要等左陣先有位叫左醉雞,炒四季豆,雞絲粉皮,糖醋班塊,咸肉津白,小籠包同擔擔麵醉雞～肉好厚但唔滑,雞皮肥膏好多,個人麻麻地鍾意,勝在好香酒味但一D都唔苦炒四季豆～炒得好油,但一齊炒既肉碎混左蝦米粒好香好好味,媽咪食到唔停得口雞絲粉皮～是日特價菜,粉皮好滑,麻醬幾香,但個人都係覺得第一次食既麻醬好味D,呢兩次食都係麻麻地鍾意糖醋班塊～班塊大大件而且份量不少,包住班塊既麵粉皮唔厚,甜酸味O岩O岩好,連埋雜豆食好正,忍唔住食左好多咸肉津白～賣相幾好不過味道普通左D,咸肉真係好鹹,一件起兩件止,講真如果想菜既話我建議叫奶油津白抵D,多幾件咸肉貴左15蚊,唔抵小籠包～皮厚左D而且一夾即係穿左,汁全部漏左出黎,比起上星期去深圳既鼎泰豐還要差,可惜擔擔麵～麵質仍然係好好,叫左唔辣加重麻醬,可惜最後麻醬都係唔夠因為係假期要加一味道比起第一次差左好多不過前菜魚皮花生真係好好食

星期六晚一家人來這裏,六點半來到,只是半滿,不過其它已全部留了坐.雞絲粉皮---不夠凍,青瓜多些會好點,味道還可以,不過略貴了點改良擔擔面---一辣一不辣,辣度可以接受.面連肉碎很好食.不辣的味道就差很多.小籠包---每隻一挾起即穿,味道只是一般,不食也不會有損失奶油津白---很大碟,津白淋淋,但奶油味不夠,重味會更加好糖醋魚塊---等得最耐的一味,茨汁酸酸甜甜很開胃,但魚塊很淋,不夠脆,完全影響口感,差!!總括,來這裏主要都是食擔擔面,其它的小菜只是一般.