詠藜園四川菜館 (已搬遷) 新店位置

好耐都冇食過担担面，星期二專登去食，叫左豉汁茄子煎銀雪魚–好好味又大碟，魚煎得非常香脆但又唔乾火腿津白–好味口水雞–麻辣味好重，但稍為唔夠咸，ok担担面–保持到水準，好味值得一提，餐前附送小食係酸辣青瓜，非常好味，夠酸有微辣，不失青瓜味，又爽脆，正！

10-8-2005之前去粉嶺食更想念這裏的擔擔麵，到達時差不多7:00都很多人但我兩人不用等位，坐下即叫加辣擔擔麵1碗、五香豆腐2件、鳳尾魚1碟，友人見糖醋班塊是日特價，叫了一碟。鳳尾魚我通常是食罐頭多，今次新鮮炸出很不錯，五香豆腐熱辣辣很好食還想再添食但怕太飽，擔擔麵加辣版好夠辣，但今次與我上次食的個湯不夠以前食的杰，跟著糖醋班塊又是熱辣辣的送到即食一塊新鮮美味，半甜半酸不會太甜或酸相信用來伴飯可吃多碗，可惜是粉醬多了少許如果不是會更好，不知是否班塊的味道影響了擔擔麵的濃味呢! (因我吃了班塊後竟然覺得麵好似沒什麼味道)等下次再食多一次試真d先。

辣椒女的父母住在黃大仙，離這裡不是很遠，所以我們順路來這裡食晚飯。我們叫了一個辣的擔擔麵和唔辣的擔擔麵、過穚水餃及蒜茸白菜仔。辣的擔擔麵- 麵係幼麵，口感極好，雖唔係好彈牙，但咬口唔錯，但就太油膩。唔辣的擔擔麵- 花生醬味幾好(已叫多些)，比起很多地方的擔擔麵也很好，麵的質地粗幼很好，是我至愛之一。過穚水餃- 皮唔會太厚，肉質美味，口感極好，不可不試。蒜茸白菜仔- 完全沒有蒜茸味，白菜仔唔新鮮，好差的一味菜。最喜歡這裡的擔擔麵，不食一段時間便會再想來的感覺。

算黎白肉，真係…算把啦；擔擔麵，擔擔同麵貌合神離，擔擔有擔擔辣，麵有麵無味。蟹粉小籠包…老人家滑雪…好腥喎…儘管食你的招牌菜，但食唔到招牌的味道。我思疑比左洗招牌D水我羅。

琴日同啲同事去食晏，好耐冇去lu。雞絲粉皮---唔同咗味，之前個麻醬好味啲。改良担担麵---依舊好味口水雞---個汁好味，麻辣正上海粗粆---最唔得，完全冇味小籠包---都係唔得，個皮比較厚鏝頭炒回鍋肉---好好味，雖然好多油好肥，但啲鏝頭真係好好味

睇完戲食埋飯先歸家掛念呢度重麻味既雞絲粉皮於是又再番炒呢度叫左雞絲粉皮,京蔥羊肉加白飯一個因為今日係星期日要收加一既關係一坐低多左碟附加既花生花生味道好又香脆結果食晒d"送"後都要清埋呢碟雞絲粉皮~依舊好味,但係份量好似少左,麻醬味仍然香濃,青瓜亦略嫌少左d,不過粉皮一絲絲完全唔會黐埋一舊,比起清真牛肉館確實高一班京蔥羊肉~羊肉仍舊係少,而且切得"難拾難離",味道雖好但都幾油下,食完一碟碟底全部係油,唔多o岩減肥既朋友埋單竟然要135都係平時夜晚黎食免加一抵d不過呢度真係好旺走時未夠七點都已經差唔多全滿服務真係唔太好有d侍應見到你揮手都唔埋你

呢個詠藜圓總係覺得佢同黃埔果間有Ｄ出入咁！尤其係佢Ｄ麵質，我覺佢好似無咁好口感咁既。如果要我食dinner我就唔制架啦，因為佢唔多野食，最慘就係要俾佢呃碟花生錢＝　＝”唔係話我孤寒，只係我覺得唔值就係唔值，我最憎就係果Ｄ我唔想食，佢又夾硬要人地要既野。都唔知呢Ｄ係咩野規矩......不過總括黎講，我覺得lunch同埋tea都幾抵食既～

尋晚7點左右諗住同男友黎食担担麵,一去到見到一大群人等緊位,唯有買外賣,要左改良担担麵$24,同埋最後3件鹵水豆腐$3件,水準依然!始終都系老店好!

今日有事黎呢邊食個快飯叫左個正常辣既擔擔麵同五香豆腐兩件擔擔麵係幼麵雖然話係正常辣度但都仍然好辣下食到一半要夾起d麵入碗仔度先食得到但係如果可以濃d麻醬味會更好五香豆腐本來只打算叫一件試下但佢話最少兩件起唯有照要五香豆腐有輕清既鹵水味帶少少甜幾好食而且好大件都只係3蚊抵食!

今次去詠黎園，主要係食白肉同酒釀丸子。朋友叫了菜肉雲吞、鮮肉鍋貼、嫩雞煨麵，我要了白肉粉皮同酒釀丸子。菜肉雲吞很多，滿滿一碗，我不太喜歡個湯，很味精似的。雲吞味道不錯，但可能肉和菜都太滑，欠一點口感，如果加少少筋會好吃一點。鮮肉鍋貼油很多，但我浸了茶仍保持脆身，很驚喜。「鮮肉鍋貼」有蔥有韮菜，有點古怪，但口感較清，落少o的油會好好多。煨麵朋友勁鍾意，但我不喜歡，不喜歡小棠菜和軟軟的麵，朋友都喜歡沒有咬口的東西。白肉粉皮，白肉很爽，粉皮夠滑，加一點蔥捲起來吃，味道不錯。酒釀丸子很熱，酸酸甜甜的酒釀，但合我意，但朋友不喜歡。值得一提，茶很熱，花生很脆很好吃，雖然星期六去要加一，但我都覺得好抵。

因為住係九龍區，所以久唔久都會黎呢度食野!呢度都好旺架，所以都係早d黎好!唔駛講擔擔要食啦，d汁好正!叫左個雞絲拉皮，唔錯!椒盬脆豆腐麻麻地，甜酸排骨酸酸地好開胃!砂鍋雲吞雞個湯好好味!其實最主要都係黎食擔擔!唔好要求好好的服務，但係又唔會好似有d食肆態度甘差!!!

食左2日垃圾上海野,男友強烈要求要食返一餐正宗既填補下肚子及心靈空虛.放左工7點黎到呢度,入座率有6成,但有幾張臺已有人reserved,我地order左正宗担担麵$17,奶油津白$36,雞絲拉皮$38(monday special),鹵水豆腐2件,$3件,豆漿$5-6正宗担担麵---麵身幼滑,但就不夠彈牙,湯底一如以往都系咁正!但就冇改良担担麵咁濃麻香及咁多花生碎;但已是較外面的出色多!奶油津白---奶油味濃郁,但食完又不覺有溜既感覺,不俗!雞絲拉皮---拉皮滑溜,雞絲亦夠入味,如麻醬再香濃點會更好!鹵水豆腐---入味且豆腐皮夠薄,正合我口味!而且十分抵食!所以最後打包左3件作為今日既lunch.豆漿---也是水準之作!豆香濃郁且冇渣,甜度適中!埋單$117,冇加一,比起前2日食完果2餐垃圾上海野埋單時既感覺實在不能相提并論!

昨天終於有機會到黃大仙的詠藜園在午飯時間試食，可以跟黃埔花園蔡瀾美食坊的分店比較一下。今天没有叫午餐的普通客飯，而要了招牌麵、鎮江肴肉和醉翼。醉雞翼很有清香的紹興酒味，鎮江肴肉非常好味及正宗，而且這天只是特價十五元一款，比正價三十多元平宜了一半有多，非常抵食；麵的麵湯比一般的清一點，没有太濃稠的肉醬拌在麵上面，吃後不會口渴，麵身也比較黃埔那間的麵明顯幼細一點，口感較為幼滑，果然名不虛傳。看見在牆上掛很多菜牌寫很多不同的菜式，如砂鍋云雲吞雞(大约$150)，這次人數太少而且午膳不能吃太多，實在未能盡興！實在很希望在此和好友大吃一頓豐富的晚餐，試試其余餘的菜式。

今天,特地從九龍塘前往一試.由於人數所限,故只點了兩碗擔擔麵與一客口水雞.朋友並不嗜辣,但所選的"不辣"擔擔麵卻因此大打折扣,湯底---豐厚濃郁欠俸,花生味亦只是若隱若現.就算我所點的"正常辣"擔擔麵亦顯露出這兩項弱點,呷過湯後,碗底下的花生粒寥寥可數. 不過麵質之好,是無庸至疑,幼細軟滑,每條皆口感分明.至於那碟口水雞,所用的並非雞胸,故咬感並不特出,但勝在滑嫩(各有各風味~~),重要的醬汁亦做得可以,麻辣湯三字,前兩字已算達標.想提一提的是,在等候期間,看見週邊的小菜未免太過小巧,如果遇著兩三位正常食量的男生,一個四五人套餐走不了..~~

四個女仔去左食晚飯^^第一樣就梗係叫<雞絲粉皮> ，濃濃既花生香~ 必食！第二樣<三鮮炒年糕>，年糕炒得好！唔會勁痴牙！正！第三樣馳名<擔擔麵>，,可能期望太高，花生味唔夠濃，但個麵就幾好食既~第四樣，<小籠包>，又係好失望，皮太厚，就係哩點已經扣晒分。第五樣，<豆餅鍋餅>，略為普通。有個肥叔叔服務好好呀！對D菜色解釋得好清楚，我地依依哦哦唔知食咩好，佢都無面黑。雖然其他叔叔個樣COOL左D，但有問必答！