街坊Cafe (已結業)

與朋友飯聚，又唔想食太多嘢，又想試d新穎d的嘢，search完一輪，終於揾到呢間港式fusion餐廳點解話港式fusion, 因為佢有五香肉丁焗飯，carbonara河粉，素式翅，連甜品都係雞旦仔同tiramisu....用膳時間個半鐘，though openrice訂枱主餐牌有85折，不過最後2個人都係叫左個2人set, 因為有翅，沙律，意粉，鐵板扒，甜品同特底嘢飲，抵好多。。。。環境有d迫，上菜速度好快，所以張枱放唔曬。二人套餐，我最欣賞係個扒同甜品，d 扒的肉好嫩滑，墨魚汁麵真係好失望，完全冇味又凍。整體係會想再去試，因為太多特別嘢，喜歡試新嘢的朋友不妨試試。

今日同女朋友去旺角行完街諗緊晚飯食咩，去咗通菜街睇下有咩好食。因為太多餐廳所以好難決定，最後見到街坊Cafe，見佢裝修幾有趣，走本土風，又貼咗好多報道係門口，食物價錢都合理，女朋友就話好想試。雖然話走本士路線，但係食物都係多國菜 feel，有西式有港式有日式咁，滿足晒我哋呢啲咩都想試下嘅人。我嗌咗個大蝦墨魚汁意大利飯 ($98)，哇原來份量都幾大。粒粒墨魚汁意大利飯都係煙韌有咬口，唔會稔Pat Pat，超好食喎。大蝦開咗邊，一人一舊唔洗分。大蝦燒得好掂，食得岀鮮味，我連蝦頭都食埋。個飯仲撈埋啲爽口青黃椒同香菇，食落口感一流。原來加 $38 可轉套餐，極上龍蝦湯都幾高質。龍蝦湯味好濃郁 creamy，唔似味精湯喎。我見佢有其他以龍蝦為主嘅食物，可能個湯係用鮮龍蝦熬製岀嚟所以先咁好味。極力推介！餐飲要了熱檸水，女朋友大讚個杯仔好 cute～女朋友話要輕食，嗌咗蜜糖芥末籽煙三文魚豬仔包三文治 ($58)。豬仔包查咗牛油去焗，食落香脆又有香濃嘅牛油味。加埋煙三文魚好正呀。仲有薯格添～我哋仲嗌咗個蒜香牛油脆香雞翼 ($58) 小食，新鮮炸岀嚟嘅雞翼好味都不得了。雞翼皮炸得香脆，雞肉又嫩滑又 ju

聽同事提起旺角新開了間走香港本土味道的 cafe。做了些資料搜集後才發現餐廳採用無味精和無梳打粉的烹調方法，看得我心痒痒，試問在香港還有多少餐廳會不下味精呢？所以今晩便帶了寶寶來品嚐健康美食。一踏入餐廳便有親切的感覺，其裝修不華麗，卻富有本土特色，果然有陣「街坊」味。員工們也十分友善和熱情，帶岀與餐廳名稱一樣的那份人情味。可愛的碟子～在又焗又熱的天氣下，我急不及待便點了杯凍烏龍鮮奶咖啡 ($42) 解解渴。咖啡有非常濃烈的烏龍茶味，但又沒有蓋過咖啡的甘香。味道獨特得來卻又十分夾，玩味十足。喜歡品茶品咖啡的你一定會喜歡。然後便是主菜明太子温泉蛋意粉 ($78)。意粉鋪滿了紫菜碎賣上吸引。每一口也吃到脆卜卜的明太子，實在太幸福了！穿破了温泉蛋後蛋黃汁便湧岀來，混在意粉裡更是回味無窮。 意粉煮得恰到好處，麵質偏硬，有咬口又煙韌。醬汁也很 creamy，但吃完也不覺膩。女士有兩個胃是正確的説法，甜品我當然不會錯過啦。經過一輪吃 Tiramisu 雞蛋仔還是吃pancake 的辯論後，我們最終還是吃士多啤梨荷蘭班戟伴雪糕 ($78)。原來班戟是即叫既焗，難怪我們等了很久。一口熱呼呼的班戟，一口冰

今日和老公放假，下午去旺角逛街，行行下忽然落起大雨，老公話附近有間新開食肆，不如去試下，就走去吃點東西。老公㨂咗一個烤紐西蘭肉眼牛扒($98)，只有五成和七成揀，老公唔想太生就要了七成熟，另外跟餐，加了$8，要了藍碟花凍飲(芒果菠蘿味)，而且仲有一碗碗仔翅。我覺得碗仔翅都幾足料，有冬菇、蛋絲，味道唔濃，飲落幾好味喎😋😋而杯藍碟花凍飲外形好靚，味道就係芒果味加菠蘿加在一起，酸酸甜甜，另外有些白色爆珠在杯底，又飲得又食得，都算幾好味👍👍牛排用鐵的平底鍋裝著，而鐵鍋本身的熱力，令牛排溫度得而保全，$98的牛排唔算頂級，不過都好有牛味😋😋😋，我將牛排點上一些附送的龍蝦湯汁上，由於湯的鮮味，令牛排的味道再上一層👍👍我就要了一個英式全日早餐，有煙肉、炒蛋、炒菌、豬肉腸、沙律、多士。我比較喜歡煙肉和豬肉腸最好味😋😋😋，而炒蛋都幾滑。全日早餐$88，而另外加$38，仲有龍蝦湯同凍咖啡。龍蝦湯的味道好正宗，飲得出煲咗好耐，所以都好好味👍👍而凍咖啡用一個特別的杯裝著，睇落好似真冰裝著，咖啡濃郁，加了花奶同糖漿就更好味。地方都算寬敞，服務員態度良好，呢點低讚👍👍

我們預訂左食中午，原來得主餐牌85折，lunch set同兩人餐都無折的，最後還是揀左兩人餐，食肉眼扒$338加$38轉龍蝦湯，再加一個lunch set $68。肉眼扒有三分一係全肥膏食唔到的，還好有點牛味，但肥肉扣曬分。仲有一個海鮮河粉不過不失，龍蝦湯就麻麻地，早知要碗仔翅好過。最值得食既反而係甜品，雞蛋仔軟雪糕。但食完兩個鐘後我地四人有三個人都有肚痛，總之今次感覺食完一點滿足感都無，二人又唔抵食。lunch set就ok抵，無下次了

餐廳： 街坊cafe地點：旺角通菜街1號威達商業大厦地下1E-1F號舖「美」芝蓮指數：⭐️⭐️⭐️⭐️（5星最高）價錢：HKD 150-200+/👤 個餐牌好多款新式嘅野食，我樣樣都想食唔知揀咩，最後揀咗個餐廳幫大家諗好哂嘅兩人餐（$588）😂推介食物：⭐️素鮑魚海參碗仔翅：我地響應無翅生活，所以呢個素翅又幾抵讚👍🏻 最意想不到嘅係，條海參同鮑魚整得好似好爽口，岩哂素食人士⭐️青蘋果蟹肉胡麻汁沙律：食沙律最緊要D茶夠新鮮，呢個沙律無論係叫菜定係車厘茄都好新鮮👍🏻 ⭐️主菜：波士頓龍蝦 拼 日本A3黑毛和牛肉眼扒：淨係睇賣相已經好滿足🤗邊邊龍蝦，但係鉗入邊全部都係肉，而我最鍾意牛扒燒到有網紋，仲要係和牛扒，真係啖啖都juicy而且牛味爆發！⭐️隆重介紹：墨魚汁帶子河粉，呢個好好食！！先唔講帶子大而彈口，墨魚汁河粉先係重點👍🏻第一次試呢個配搭，河粉薄而滑，每條河粉鎖住咗墨魚汁，但絕不肥膩！好夾好好味，份量夠哂兩個人食✨✨⭐️Tiramisu 吉士雞蛋仔配雪糕，中西合璧，估佢唔到，熱辣辣脆卜卜嘅雞蛋仔加上凍冰冰嘅雪糕，感覺已經好Amazing ，仲加埋Tiramisu 醬，再添加多份驚喜(如果有特別日子，仲可

是日收工晚餐就黎到開左冇耐既街坊cafe~環境就唔多似cafe喇，少少茶餐廳feel🤣先黎個碗仔翅，都足料既但錯手落多左醋🤦🏻‍♀️Carbonara沙河粉？！港式意粉都幾有創意，叫完仲驚驚地有啲古怪，意想不到地咁夾喎！咁煮啲河粉油膩感冇咁勁，但又可以吸左忌廉汁既精華。比左好多煙肉🤦🏻‍♀️🤦🏻‍♀️🤦🏻‍♀️望落去好似好dry，但係食落又係幾好味，帶子啖啖肉。朱古力，雕埋熊仔🤗

旺角通處是餐廳, 中午時段跟友人完成工作後便走到女人街兩旁尋找食物, 最後被街坊cafe及吉士雞蛋仔招牌吸引, 門外亦擺放了食物餐牌, 價錢合理便來這裡吃午餐午餐餐牌到6時, 總有一款合心意不過雞蛋仔甜品要2:30pm才供應Lunch set連餐湯, 茶餐廳多數是羅宋湯或忌廉湯, 但這裡是餐湯是碗仔翅, 充滿香港特式碗仔翅內有肉絲/冬菇絲/木耳絲及蛋花, 餐桌上已擺放了紅醋及胡椒粉, 味道跟街外的分別不大, 反而街外單買的也要十多元跟友人點了兩份粉麵share肉醬溫泉蛋意大利粉, 上檯時忍不住說一聲很大窩, 用上黃色的小窩盛著, 滿滿的, 中間的溫泉蛋輕輕一碰, 蛋汁便慢慢流出, 非常誘人, 肉醬份量多且濃郁, 攪拌後, 每一條意大利麵均沾上蕃茄肉醬另外要讚的是意大利粉粗度適中, 口感熟度控制得剛剛好, 雖然款式簡單, 但廚師確實是煮得非常出色友人點的是皇牌卡邦拿拉沙河粉, 混合中西合璧的元素, 河粉相信大部分人都愛吃, 每一條河粉跟口感creamy的醬汁連繫着, 味道令人出乎意料的好飲品+$8 可以轉為藍碟花飲品, cafe的飲品很特別, 我的宣言(白桃玫瑰藍碟花凍飲), 陣陣玫瑰香

今日行完書展，打算食個tea先行番屋企，但灣仔個邊d野食又偏貴，所以最尾都係番旺角食。上open rice睇有咩餐廳好食，發覺街坊cafe訂位有半價所以就黎試下。我同朋友兩個人各叫左兩個餐一客零食，兩杯野飲。野食好快到而且味道唔錯！坐得都幾舒服，但如果假日應該有90分鐘限時，好彩今日唔係，今日我地坐左2個鐘都無趕我地走！下次行完街都應該會再黎食！！！PS只有主餐牌係半價，set lunch係無既！

和朋友在旺角逛街, 朋友隨便選了一間餐廳進去裝修是一般西餐的環境, 但名字叫街坊cafe, 原來是fusion菜我們3個人點了2個餐, 1個雜菜煲, 2個小食, 飲品跟餐可以+12蚊/半價薯條普普通通, 感覺一般雜茵雜菜煲……..太清淡, 我不太喜歡fusion黑松露河粉有驚喜, 黑松露配河粉意外地match意大利飯味道也挺好這杯我的宣言跟餐補12蚊, 睇落好靚, 但飲落唔好飲玫瑰花茶跟餐半價要HKD29, 一套茶杯+蠟燭也是睇落好靚….飲落無咩味……..凍烏龍拿鐵好新奇, 單點了要HKD42, 點知又係飲落無咩味 = =……餐飲飲品真的很一般埋單413......我覺得唔多值得........

放工嚟食個晚飯，宜家周圍都好多人，所以都會揀啲有得book位嘅餐廳，呢度仲有得OpenRice booking 添鋪頭裝修得幾有風格 香港「街坊」都會對牆上啲相有歸屬感嘅晚餐嚟講都唔算貴Dinner set 有個碗仔翅 真係好有香港嘅味道！個碗仔翅都好足料，落埋醋同糊椒粉 夠熱又好味！餐個main 我叫咗黑魚子帶子忌廉汁沙河粉見到餐牌時都抱住試吓嘅心態㗎咋 唔知咁嘅fusion 得唔得佢一嚟到就冇後悔喇 望落好好味咁！啲忌廉汁好濃厚creamy但又唔溜喎，啲帶子都鮮甜 配上黑魚于好有口感！最緊要係佢夠曬熱！朋友都係個吃貨 一見餐牌寫「皇牌」卡邦拿拉沙河粉就要叫嚟試我哋share 試 佢呢個都係類似忌廉汁 但就再濃味啲 同埋有煙肉所以咸啲 我覺得咸啲好食啲！仲有好多煙肉 meat lover 一定鍾意跟餐加12$ 叫咗個熱朱古力佢奶味好濃 啱曬我口味朱古力都好有誠意拉咗隻熊仔俾我 咁得意 飲都飲得開心啲埋單唔算貴啊順帶一提 我哋六點半嚟唔太多人 但十五分鐘後就坐滿！好彩有訂位

打開openrice睇下有咩着數優惠，見到位於旺角嘅街坊cafe唔同時段都做緊優惠，於是就同朋友一齊朝聖！Cafe位於巷仔入面，位置唔太好搵，落雨搵左一陣先見到。我地分別叫左:大蝦龍蝦汁炒河。叫得街坊cafe，menu裡面嘅食物唔少混入港式口味，好似呢味咁就有得揀炒意粉或炒河。龍蝦汁食落鮮味，配塔炒河令河粉食落無咁油膩，大蝦係急凍蝦所以比較乾身，肉身硬無乜味道。另一道係脆皮豬手飯。呢道食落有驚喜，雖然配飯但豬手份量絕不欺場，每件都啖啖肉，肉身嫩滑，豬手皮非常煙韌，要大力齒先咬到，慢慢咬又食到豬手外嘅脆皮，感覺幾得意幾好味。今次因為用左openrice訂座所以主餐牌有半價優惠，見到夜晚嘅dinner set亦都唔貴，下次有機會想試埋佢地嘅雞蛋仔甜品！

星期六中午喺旺角搵食，喺OpenRice App見到有間餐廳名叫街坊cafe，幾特別咁，再睇睇原來預先經OpenRice App訂位，散點食物同飲品有五折優惠，但優惠就唔可以用喺甜品或者套餐。唔理咁多都係網上訂咗位先，攞咗個優惠去到再慢慢睇有咩食囉。餐廳喺女人街街頭(近廣華醫院嗰邊)，地點都幾方便。不過個招牌唔係咁顯眼，要留意吓。揀嚟揀去，都係覺得佢個「皇牌二人套餐」最吸引，乜嘢都有齊，同埋唔駛諗太多，太苦惱。套餐係冇五折優惠架，不過粗略計過吓，散點都唔係爭好遠。個套餐已經包左湯、沙律、小柄鐵板烤扒、皇牌沙河粉、甜品、飲品。湯就揀咗皇牌極上龍蝦湯窩，要加＄38。真係一大窩架，個湯都幾濃，幾有龍蝦湯味。裏面仲有一條條嘅蘆筍同埋粒粒龍蝦肉。沙律係傳統凱撒沙律，一大盤，沙律都新鮮，但醬汁同煙肉就少左啲。小柄鐵板烤扒就揀咗燒西班牙黑毛豬配松露汁＄298，係好大個鐵板。黑毛豬係厚切，都幾大塊，夾有少少肥肉，入口唔「鞋」，都幾軟腍。配菜個薯格好脆好好食，有驚喜。朋友大讚個松露汁好好味，但我又唔覺得個松露味好出喎。皇牌沙河粉揀左龍蝦汁海鮮河粉，海鮮有青口、蝦、蜆，都算有料到。可惜唔夠龍蝦汁，顯得較為

朋友黎過呢度一次，話啲甜品幾得意就黎試下今日我地下午茶食左少少野，所以就黎諗住可以食light少少原本我地諗住叫兩個特飲，不過見到佢個凍奶茶個名好似好勁，所以叫左個"街坊港味奶茶"黎玩下 haha。味道似太興類果種奶茶，但又同平時既茶味有少少唔同。係咪有咩秘製配方呢? 我就唔清楚了。之後就叫左個“你的男人"，夏天飲番杯冰涼既特飲，呢個係espresso+chocolate。跟住見到呢個卡邦尼河粉幾得意，我就真係無見過! 咁緊係叫番個黎試下啦。佢唔係平時果啲白汁扮卡邦尼，係真係cream加奶溝出黎既真卡邦尼汁。溝埋河粉，比溝意粉唔輸蝕，完全無好古怪既感覺 之後叫左個甜品香蕉荷蘭班㦸，店員好細心幫我地換走左個沾滿左汁既碟 佢個甜品係成個煎pan咁上，幾過引，仲要幾靚，岩晒影相。撈埋雪糕一齊食幾好味，班㦸幾鬆軟，有少少似雪糕窩夫。

※本文以用餐當日的環境、服務和食物質素為準，口味亦因人而異，文章只作參考之用。-香港既餐廳真係多元化，耐不耐又會有新餐廳勾起小妹去潮聖既意慾。今次就去左間比較地道既Cafe，餐廳位於旺角通菜街（近女人街）兩旁的地鋪，餐廳有融合到香港地道風味x西式既新派菜，網上風評普遍都唔錯，使用網上訂位仲有主餐79折優惠。餐廳環境整潔，周邊也有不同的裝飾和擺設；餐廳有多張二至四人枱，也設有梳化位。六點多去到時雖然未坐滿，近八時已坐滿八成，人流不斷。餐牌上的選擇可多了，單點的有湯、全日早餐、鐵板烤扒、意粉/意大利飯、拉麵/稻庭烏冬、皇牌沙河粉、小食等；甜品有港式雞蛋仔、法式西多士同德國班戟，相片望落都吸引，散叫餐牌價錢算是大眾化，訂位後叫主菜仲有79折，抵！（甜品係無折扣的）另外都有做晚餐鐵板烤扒套餐同河粉套餐，不過估唔到連日本A3黑毛和牛都有得食$5xx，唔平，不過呢個價錢老實說我會寧願叫其他食物。(餐牌太多放在文末)烏龍拿鐵 $38望望餐牌竟然有烏龍拿鐵，二話不說點黎試下。味道方面是飲到茶味的，但就唔算明顯，反而佢偏重咖啡苦。唔...唔太岩我飲。一加一 （套餐+$12）其實係芒果菠蘿藍蝶花凍飲，藍蝶