街坊Cafe (已結業)

打開openrice睇下有咩着數優惠，見到位於旺角嘅街坊cafe唔同時段都做緊優惠，於是就同朋友一齊朝聖！Cafe位於巷仔入面，位置唔太好搵，落雨搵左一陣先見到。我地分別叫左:大蝦龍蝦汁炒河。叫得街坊cafe，menu裡面嘅食物唔少混入港式口味，好似呢味咁就有得揀炒意粉或炒河。龍蝦汁食落鮮味，配塔炒河令河粉食落無咁油膩，大蝦係急凍蝦所以比較乾身，肉身硬無乜味道。另一道係脆皮豬手飯。呢道食落有驚喜，雖然配飯但豬手份量絕不欺場，每件都啖啖肉，肉身嫩滑，豬手皮非常煙韌，要大力齒先咬到，慢慢咬又食到豬手外嘅脆皮，感覺幾得意幾好味。今次因為用左openrice訂座所以主餐牌有半價優惠，見到夜晚嘅dinner set亦都唔貴，下次有機會想試埋佢地嘅雞蛋仔甜品！