街坊Cafe (已結業)

幾特別的fusion菜～ 有意大利飯，炒河粉及扒等的選擇。今次吃了肉醬五香肉丁炒河粉，感覺比肉醬意粉更好味。吃了碗仔翅，好足料！仲有啲飲品，好吸引！外觀已經一流！亦都好飲。大約每人一百蚊既價錢，價位不算街坊，但勝左夠特別，值得一試，有機會亦會再食！👍👍👍

香港女人街的街坊咖啡店認真有"街坊"特色，我去之前一直在想這裡的顧客夠竟是檔口老闆、遊客，還是附近的街坊？這裡吃的是西餐，但卻很fusion，彷彿要帶出香港多元文化的多元化口味，例如餐湯是素鮑（魚）（剌）參碗仔翅，主菜麵食不是意大利面，而是龍蝦汁海鮮沙河粉，甜品是Tiramisu吉士雞蛋仔伴雪糕，德國豬手烤得很不錯，只是份量太大，雙人套餐最小可以餵飽三個人，更開心我們可以找到可以聊天的一角！飽足！滿足！

這天晚上約了朋友到旺角吃晚餐，因為前排天天大魚大肉，所以我們決定吃些貼地一點的晚餐。通菜街有一間「街坊cafe」，光聽名字已覺得夠親民。店面：裡面地方頗寬敞，我們坐得很舒適：餐單印刷精美，上面有各種食物的圖片：先上飲品，朋友點的是凍滴咖啡，套餐加$8就有：附有牛奶和糖漿，朋友說咖啡質地較薄，像是蒸餾過的咖啡。青春頌：材料有薄荷、青檸和菠蘿，原價$48，套餐加$12就有。很能止渴，甜度適中，綠色給人青春的感覺，喝後能refresh味蕾。芝士濃味薯條（海苔） ＄48配有芝士醬，建議趁熱吃，薯條上有紫菜碎，既有薯條的香軟，又有紫菜的味道，兩者非常配襯。墨汁大蝦意大利飯＄88這是我吃過最好吃的墨汁意大利飯，濕潤度和甜度都掌握得很好，中間還有些新鮮蔬菜。上面的兩隻大蝦非常新鮮彈牙，點這道菜真是個明智的選擇！黑松露野菌沙河粉＄78朋友說想試試沙河粉，因為以前從未吃過，結果發現跟河粉差不多。加了黑松露和野菌很滋味，平常不會這樣配搭，算是個新嘗試。埋單$257，平均每人$129，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

呢日去到旺角嘅街坊Cafe,試吓港式fusion菜.同一般港式餐廳唔一樣,呢度反而有啲咖啡店嘅感覺.佢哋唔係播近年常見嘅K-POP,而係粵語流行曲.一邊櫈用藍色做主色,另一邊就係綠白紅色嘅.啱啱好係下午茶時間,下午茶餐上面嘅選擇都幾啱自己口味,叫呢個就抵食啲.呢次就叫咗幾樣嚟試.素鮑參碗仔翅入面嘅素鮑彈牙,素海參就爽口,無論係外表抑或口感都好像真,估計係用蒟蒻整嘅,湯入面仲有冬菇片,木耳絲,素魚翅,肉絲同蛋花,濃度適中,唔似某啲食店咁整到好似漿糊咁,又唔會太稀淡.檯上面仲放咗堆浙醋,白胡椒粉,鹽同黑椒,不過我覺得佢本身已經夠味,所以冇額外加其他調味.紫薯吉士雞蛋仔伴雪糕係佢哋其中一款港式fusion甜品.最外圍嘅雞蛋仔香脆,中間因為同配料接觸而有少少濕潤感.上面嘅紫薯蓉同吉士醬軟滑同甜甜哋,旁邊就有燒到半溶嘅棉花糖,同埋士多啤梨,藍莓同綠茶雪糕.戀愛大過天用咗玫瑰糖水,士多啤梨同菠蘿沖出嚟,淺紅色咁都幾靚.玫瑰糖水飲落唔算太假, 同埋有啲菠蘿嘅果味,仲用咗乾玫瑰花同鮮士多啤梨點綴.第一次試港式fusion菜以為只係gimmick,估唔到實際味道都唔錯.

#明太子意粉 #烏龍茶朱古力本身對旺角的鬧市新餐廳期望都不太大，加上無太多人評價過，而且位於女人街兩側，行到門口都只覺得有少少茶記feel...cafe?!😳😂「咁先夠街坊呀嘛」不過餐廳不可貌相，試完之後我都幾推介。🔸而且朋友用openrice booking，主菜單全部都有79折。抵試～🔺明太子溫泉蛋意粉🍜 ((HKD$78))本身意粉定價比西餐廳算平，再加上79折的話就更抵。一上枱覺得外貌比較平凡，而且出奇地醬汁太稀似"湯粉"?! 不過食落又真係幾對我胃口😆😋明太子味道夠濃，加上帶creamy白汁，最最最重要是偏硬帶勁的意粉口感，清爽感覺配搭creamy醬汁，整個配搭好match👍🏻👍🏻👍🏻🔺街坊小食拼盤 ((HKD$108))這個不太推介。尤其當你只有兩個人，每款嚐個一件之後已經覺得很膩🙈🙊蒜蓉雞翼還算可以，芝士薯條沒有芝士味，忌廉蟹鉗太林無任何口感，薯圈超級乾🙊寧願試多一款意粉比較吸引。🔺烏龍茶朱古力 ((HKD$38))好味！有茶香又有朱古力味～不會被任何一邊搶火。第一次飲烏龍茶朱古力是在荃灣，他們最出名是這杯，但我反覺得街坊cafe做得更出色一點🤔重點是朱古力味不會太甜，即

收工之後去旺角行街，順便去女人街醫肚。 呢條街有好多選擇，我見到《街坊cafe》個名幾得意， 就坐低試下啦。一入門口就覺得裝修幾靚，牆上擺設幾精緻， 燈光柔和， 氣氛唔錯。食物有好多選擇，有好多張餐牌可以揀。不過啱啱放工好攰喇，我懶得諗所以揀左set dinner青蘋果蟹肉胡麻汁沙律，蘋果夠爽脆，清清地好開胃。街坊素鮑參碗仔翅窩令我好驚喜。碗仔翅就食得多，真係整到鮑參翅肚咁款嘅就第一次見。 素鮑魚同素海參像真度好高，見到都開心， 而且咬落都鮮甜，好有特色。燒西班牙黑毛豬配松露汁，真係勁厚，而且燒得好嫩，一流!龍蝦汁海鮮河粉都好特別。通常都係意粉先撈汁，原來河粉都可以咁食，完全冇違和感。tiramisu吉士伴雪糕，仲有d燒棉花糖，配搭新奇又出奇地match, 係有香港特色ge窩夫咁。飲品分別係《戀愛大過天》同埋《我的宣言》，兩杯都係酸酸甜甜咁。總括來講係充滿香港特色ge cafe, 食物配搭有創意，價格合理，值得一試!

街坊？謙虛而已。 有朋友從外國來，想一嘗港式食物。理論上可帶他到大排檔茶餐廳等，從網上收到有關「街坊」的資料，便乘機帶他一試。 看過MENU後才發現原來不太「地道」，不過感覺上都值得一試，還好有碗仔翅和雞蛋仔氹氹他 LOL 。一行三人，點了個二人餐，再加一個 二人餐包括： 炸豬手很脆，而且份量很大，女生的話，大可以二人分一客。豬手炸得外脆內軟，值得一試。碗仔翅有驚喜，本來以為碗仔翅都是普普通通的一窩街邊小吃的碗仔翅，但這碗仔翅十分足料，有大大條海參和鮑魚，這個價錢，當然不會去挑剔質素，起碼見到這海參和鮑魚，已夠驚喜，朋友還問，香港的街邊小吃是否都這麼足料，不得不花一些唇舌解釋一下。（題外話，碗仔翅好了，請停止食用魚翅）沙律本來沒啥好著墨，但裡面放了花椒，吃起來涼涼的，挺特別。黑毛豬啖啖肉，份量不少，三個人分都仍覺得滿足。豬肉軟靭度適中，口感不錯，但要吃快一點，因為鐵板不熱，放涼了會影響味道；豬排的配菜中有兩塊烤茄子，增分不少，如果多一點配菜就好了。不得不提一提那松露汁，雖然不是很貴的一個餐，但它也做得一點也不馬虎，淡淡的黑松露香，夾著豬肉，令味道更為提升。墨魚汁帶子河粉就比較普通，

飲餐湯定唔係飲羅宋湯，都唔係飲忌廉湯，而係懷舊色嘅街坊碗仔翅，啱晒佢呢一間街坊cafe 嘅style 。食嘅嘢除咗有一般嘅嘢之外，仲可以有好多特色嘅產品，就好似你一碗超濃龍蝦湯烏冬咁，係一般餐廳唔會甘有心機煮出嚟嘅嘢。龍蝦湯烏冬除咗可以揀烏冬之外仲可以揀拉麵，今次我就揀咗我比較鍾意食嘅烏冬。個湯真係非常之濃，係高級西餐廳製嘅龍蝦湯味道，有咸鮮味。龍蝦足足有半隻咁多，啲肉都非常多，吃落有質感，仲會有膏。另外呢一個卡邦尼亞沙粉，淨係擺脫傳統已經加哂分。沙粉其實係同河粉係差唔多，但係佢就冇河粉咁粗，無甘軟身，食落去嗰種感覺係比較煙韌d。可能因為佢比較薄身，所以佢吸收醬汁嘅味道比意粉更加好，所以食落去更加入味。除咗呢啲之外，我見佢都會有啲特別嘅雞蛋仔配嘅甜品，下次如果下午茶想搵個地方坐下，傾吓計嘅，不妨來呢度試一試。

為左個卡邦尼河粉，今日黎到平時甚少踏觸既女人街~一向都喜歡食卡邦尼意粉，中意果份蛋香，芝士香，同creamy既醬汁~後來韓國餐廳出現左一道卡邦尼年糕更令我一試愛上~最近發現竟然有餐廳推出卡邦尼河粉，不得不試啦！6點半黎到人不多，不過由於我地叫既荷蘭班戟需時都幾長，所以一直坐到8點幾，人客也愈來愈多~友人揀既套餐有跟餐湯，而餐湯係以碗仔翅代替平時既紅湯白湯，甚有特色~凍似杯都好可愛啊~皇牌卡邦拿拉沙河粉 $88河粉軟硬度岩岩好，完全不黏不斷，十分爽滑卡邦尼醬汁蛋香十足又creamy,面頭炒過既菇菌同煙汁好惹味~超堆烤西班牙黑毛豬 $78友人既黑毛豬就較普通，大大塊豬排不知是不是黑毛豬？肉質不夠爽，但味道不錯，而且份量很大，可以話係好抵食~香蕉荷蘭班戟 $68等了很久很久的荷蘭班戟，班戟是咸咸的，其實狀態有d似泡芙，但札實一點，都以好食，不過就比較乾身，如果配搭一些醬汁同吃會更美味~飲品以歌名命名，挺有趣的~2人套餐好抵食，下次可以試下~

~~~西冷牛扒叫5成熟, 來左10成熟, 多肥肉, 多筋, 過熟, 難切, 難食~~~碗仔翅, 太膠, 又吾夠熱~~侍應經常未食完野的碟都想收走,常常打擾我們聊天~~~侍應講野鬼食泥, 好難聽得清佢講咩~~~ 網上訂台折扣, Only for 散叫食物才有折~~~水準參差不齊,  10 成熟的牛扒, 浪費晒食材~~~碗仔翅,  無出面街邊檔甘好味~~~侍應每隔1幾分鐘就過來打擾我地1 次, 其他台吾見佢打擾得甘密~~~

食物唔錯，難得老人家都話唔錯。而且份量多：我哋一行8人，叫咗兩set二人餐，一set都已經唔止夠兩個人食，去到上甜品時更加驚喜：佢哋係用兩個小鍋上枱，但盡哂人事都食唔哂🤣🤣。質素方面，不能稱得上好有水準，但都沒有失望而回。最愛佢哋嘅飲品，有特色。

由於今日個lunch遲左食，到食飯時間仲好飽，行過見到有個甜品好特別，所以呢個晚餐變左tea咁。我話好特別嘅甜品就係呢個抹茶吉士雞蛋仔伴雪糕喇，第一次見雞蛋仔咁食法。😂我覺得都幾好食，幾特別。我好鐘意個雪糕係紅豆味雪糕，紅豆加抹茶真係絕配。男友嘅阿華田吉士法式多士伴雪糕就麻麻地。首先我完全食唔到係阿華田，我地都以為係原味。呢個都特別嘅不過太膩了，相對之下雞蛋仔無咁膩。呢個小食拼盤我覺得唔值得嗌，性價比低。左上嘅忌廉蟹餅食落太腍，唔知食緊咩。其餘嘅洋蔥圈、薯條同雞翼都係普通，唔太特別。唔記得呢兩杯飲品叫咩名，不過都係普普通通。整體而言，我覺得黎食個tea都不錯，甜品幾特別，味道都唔差。我見隔離食意粉都食得好滋味，有機會會再試下佢啲意粉。

喺一個落狗屎嘅晚上⋯⋯⋯ 經過通菜街，原來呢度新開左好多食肆，見到「街坊cafe」個名咁親民就入去一試啦！睇過menu～ 見由平民價到和牛鐵板餐（二人餐$5xx) 都有... 再見到兩版menu 都有講「碗仔翅」 就決定一試～碗仔翅哇！ 咁滋陰嘅！？呢碗街坊碗仔翅有海參同鮑魚呀！真係估你唔到！ 😆😆 平時唔喜食碗仔翅的我都覺得quality on average 👍🏻👍🏻 因為有海參加分墨魚汁帶子河粉墨魚汁 risotto / pasta 就食得多，配中式嘅河粉就第一次食，感覺幾有趣，最重要係都幾夾😆😆👍🏻 帶子煎得幾好，中間微帶流心，已經係意想不到了！ 讚Tiramisu 吉士雞蛋仔 w/ chocolate 🍫 ice cream呢個就唔知Tiramisu 去左邊（只是有朱古力粉灑在上面而已） 而雞蛋仔亦做不到雞蛋香味，外脆內軟的口感，反而有些黏牙。。。 總體來說，除左甜品外 其他都不錯～ 新開張，埋單後店員還送了幾張九折卡，和6送1 的coupon ~ 下次再試試其他野

行過女人街 成日都忽略兩旁既餐廳 今次經過見到呢間有我最愛既藍白色為主既 <街坊> 餐廳 就決定入黎試下lahhh烤紐西蘭肉眼牛扒牛扒餐 lunch set hkd$98 有配飲品同碗仔翅而且配料都好多 +hkd$8 仲可以轉藍蝶花凍飲 / 汽泡水添黑松露野菌燴沙河粉雖然個樣唔太特別 但味道真的不錯呀 中西合璧既燴河加埋黑椒更好味呢抹茶吉士雞蛋仔伴雪糕 雞蛋仔配上抹茶吉士雪糕同半溶棉花糖 雞蛋仔食落去好似 waffle 咁煙煙韌韌 好味

我同朋友一人叫左一個意大利飯南瓜帶子意大利飯$78帶子得三粒，size比較細粒，朋友話好鹹至於啲飯，好大浸南瓜味，好似飲緊個南瓜湯咁大蝦墨魚汁飯$88 隻蝦比較細隻，我expect係大蝦，點知尼到係普通蝦，cut開一半，方便進食，成個飯比較鹹，但個人覺得個味OK，每粒飯都沾上墨魚汁，入邊都有少少菌類，食落有口感Drink 方面我哋兩個都叫咗藍蝶花，我嗰個係換過他，熱情果味，朋友嗰個叫一加一，芒果菠蘿味，尼個係跟餐加$8，其實兩位夠味都差唔多但係我鍾意1+1多啲，因為有芒果菠蘿，個味複雜少少，而我嗰個熱情果冇乜熱情果味總括而言，所有嘢食嘅器皿都好靚！