419
42
17
港鐵旺角站 E2 出口 繼續閱讀
電話號碼
90613820
開飯介紹
把香港特色融入菜式中的新派餐廳。食物如大蝦龍蝦汁河粉、素鮑參碗仔翅及雞蛋仔伴雪糕皆相當有新意。 繼續閱讀
營業時間
今日營業
12:00 - 23:00
星期一至四
12:00 - 23:00
星期五至六
12:00 - 23:30
星期日
12:00 - 23:00
公眾假期前夕
12:00 - 23:30
付款方式
Visa Master AE 現金 銀聯 支付寶
座位數目
70
其他資料
網上訂座
Wi-Fi
自帶酒水
電話訂座
賞訂座積分
外賣服務 詳細介紹
加一服務費
電視播放
當面支付
有關獎賞計劃
食評 (525)
等級4 2018-10-13
3 瀏覽
今日同朋友出旺角行街,行到累想搵個地方坐坐,睇下大家既戰利品今次去左女人街搵食見到呢間街坊Cafe門面都幾特別,又有好多唔同食品可選擇,所以同朋友就決定食呢間啦適逢下午茶時間,有tea set因為我地之前都已食了午餐,所以今次就無緣係度食午餐了睇menu時都發現正餐食物都好特別有好多港式既食物,如五香肉丁、撈麵、碗仔翅等等,以港式食物加以改良,成了餐廳獨特既食物好似呢款港式既全日早餐都好特別以雞蛋仔代替一向會用既包,仲加了腸、午餐肉、五香肉丁等下次來一定要試試今日我跟朋友各自點了甜品tea set賣相好靚跟餐牌的圖片是一樣的滿滿的吉士加雪糕球呢款好好味呢上面鋪了好多吉士、tiramisu粉,味道好正而且又唔會好甜入面仲有半溶既綿花糖,好滋味同埋有脆卜卜既爆谷脆脆西多士好特別,不是平時食開的西多是法包來的,但口感相當腍身,配埋吉士跟雪糕來食好好味呀而且份量都不少呢,食了好多片西多士另一款我們點了雞蛋仔配抹茶吉士跟雪糕抹茶好濃郁,好好味雞蛋仔雖被好多吉士鋪著,但雞蛋仔仍是又香又脆,啖啖蛋肉呢款新式甜品我好喜歡,因為夠曬地道,夠香港風味每個餐都跟一杯飲品,朋友點了杯熱檸水而我就點了花茶花茶以半價加配,所以背了$29花茶好窩心地用蠟來加熱著,所以幾時都會飲到暖暖的花茶呢菊花味好清新,自己隨個人口味加入蜜糖,以形成菊花蜜好滋潤呢呢間cafe除了食物夠港式,味道好味外,呢度既環境都好舒服而且牆上仲有好多地道畫作,我仲見到好多外國人都在用餐價錢不貴,又食到港式美食正 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-12
68 瀏覽
同朋友行完女人街,想揾個地方食啲嘢,依度排擋两側多食店入去望望,見到"街坊Cafe"門面雖然 隱蔽同 狹窄,但裏面D裝修都好似幾搶眼咁,用左色彩繽紛嘅香港風情畫 點綴左整個 空間, 盞盞射燈將色彩反映得更耀眼!於是就吸引左入去……Menu上嘅餐飲同菜式都印得精美好吸引!欵式多海鮮,飯,意粉餐同扒類,由其甜品五花八門款式,多欵下午茶餐任選擇!佢嘅海鲜餐真係賣相好靚!覺得食晚餐又太早,於是叫個~金牌虎蝦極上龍暇濃湯 (小 ) $ 68 试试!份量足夠两人,味道濃郁好鲜味!蝦肉爽口彈牙!有驚喜!墨魚汁大蝦意粉 $ 78蝦夠新鲜,墨汁意煙韌度適中有彈牙捞埋蟹籽卜卜脆口感!甜品選左配搭份量相對比較少的朱古力心太軟伴雪糕 $ 48熱辣辣嘅心太軟香氣撲鼻!切開濃濃朱古力流出……旁邊嘅绵花糖微微金黄鬆脆!真係入口妙不可言!依個甜品簡直係大享受!好满足啊!朱古力咖啡 $ 42好開心喺女人街裹面遇上依間咁有質素嘅茶餐廳,味道比起有啲出名嘅高级餐廳還要好!价錢又合理!好難嘅味道!讚! 繼續閱讀
(以上食評乃用戶個人意見 , 並不代表OpenRice之觀點。)
等級6 2018-07-12
6142 瀏覽
如果同你講,去咗間街坊餐廳食嘢,即時聯想到嘅喺啲小店呀,賣嘅嘢普普通通呀,環境可能地踎少少呀……等等。但今日 同親友嚟茶聚嘅地點「街坊Cafe 」,雖位處女人街內側,話就話店名叫「街坊」,但就絕對唔「街坊」。鋪面好似啲茶記咁,貼滿晒啲雜誌訪問報導,又掛上唔少餐廳嘅主打餐牌,但入到裡面,裝修唔失禮架,藍色為主調, 燈光柔和,最特別喺幾幅牆畫,畫出本土色彩、香港風情,但就唔喺扮懷舊嘅一類。初初嚟到都未喺咁多人,越坐就越多後生仔女嚟幫襯,確實,環境又幾舒服,尤其坐晌啲梳化椅之上。之前已睇過相關食評,望過吓啲餐牌做參考,專登揀2:30pm嚟,因為午餐仲有供應(12:00-5:30pm),但又開始可以點下午茶餐(2:30-6:00pm),咁我哋想食正餐又得,輕啲點個茶餐都得,皆大歡喜。再者,兩者都選擇不少,尤其下午茶餐,將雞蛋仔、西多士加添新意進行二次創作。結果,我哋點咗一客午餐跟兩客茶餐。餐具、基本調味料早已放好晒晌枱上,而最得意喺啲餐碟仔,隻隻圖案都唔同,印上一啲打氣或祝福字句,如:Good Luck Day、Today is Nice Day,令人睇到心情都正面啲。什菌忌廉湯(午餐)午餐其實都幾抵食,包餐湯/碗仔翅及餐飲,定價都喺$58-$88。揀咗餐湯,睇落又大碗,又多料咁,質感唔錯,由於保持粒粒菌粒,所以,有口感大於滑溜感,但就頗有菌香。龍蝦汁海鮮意大利飯 $78七十零蚊有個意大利飯,都有擔心會唔會將貨就價,流流哋,不過,當送到上枱,就真喺真材實料幾堅咁,兼且賣相有睇頭。啲意大利飯沾滿龍蝦汁,濕潤而香濃,雖然口感未似到正宗嘅意大利飯仲有啲「硬」心嘅感覺,似似哋台式燉飯咁,但飯粒分明;至於啲海鮮料,無欺場喎,有大蝦、青口、蜆、魷魚及大量蟹籽,質素不頗,比預期有驚喜。和牛豬仔包漢堡 $68老表就想試其豬仔包漢堡,成份包配埋黑醋沙律菜及脆薯格,而且,個包亦唔細,當正餐食都可以。其實,個包裡面有好多餡料,包括漢堡和牛肉、芝士、蕃茄、紫洋蔥、生菜及特別嘅醬汁,包身極之脆口,牛肉鬆化而富肉味,醬汁酸香有層次,好好食,喺啲薯格嫌佢未夠脆啫。紫薯吉士法國西多士伴雪糕 $68未食過咁「豪華版」嘅西多士,難得店主又諗得出咁樣搞法。以一個中式磚瓦罉為盛器,感覺都已經幾破格,西多炸得金黃,配上紫色蕃薯蓉、黃色吉士,加上爆谷、雪糕球,雪糕球之下,原來仲有啲焗棉花糖,賣相繽紛,食落去又真喺幾唔錯喎,估唔到咁嘅組合夾得到,尤其啲紫薯蓉香甜好綿,順帶一提,啲西多應該唔喺搵方包整,因為橢圓形一件件,疑似喺法包,但無向店員求証,唯覺得炸得嚟有少少油膩,幸而配合埋其他食材先無咁覺。街坊蒸餾咖啡既然店家都刻意寫明喺蒸餾咖啡,就即管點嚟試試,入口又幾醇香,有點兒果香味,最欣賞喺佢哋有將啲牛奶溫番熱,難得小店都肯花時間咁做,心意嚟。港式奶茶雖然唔喺茶記,但老表就想睇吓佢哋沖奶茶沖成點。佢話個茶底唔錯,只喺略嫌未咁滑啫。女神 +$8餐飲可另加$8轉藍蝶花凍飲或街坊汽泡水,所以,貪得意就嗌咗杯街坊汽泡水「女神」,以柑桔、百香果、芒果、藍橘沖泡出嚟嘅女神,一身青綠,晌炎夏望落去讓人感覺幾清爽,味道酸酸甜甜,確喺幾得意嘅。做飲食的確唔易,又要將食物做得好,又要有啲新意,仲要俾人覺得值。今次嚟到「街坊Cafe」,幾款食物都做得唔錯,價位貼地,多款甜點亦有其亮點,但招呼唔會好「街坊」,服務都幾有心。與其晌附近嘅街坊茶記搵食,倒不如嚟「街坊Cafe」,至少都好坐、好招呼先啦。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-14
6384 瀏覽
平時經過見到通菜街兩旁嘅食肆林立,選擇非常豐富,而且價錢相對便宜,今次都決定黎呢一帶幫襯。經過見到呢一間街坊cafe門口貼住「入圍食店」,應該都係唔錯,所以決定試一下。翻左個餐牌睇睇,有各類二人餐、set dinner 同埋全日早餐。食物嘅款式都幾多,但係眼球就比一個二人套餐吸引咗。二人套餐有餐湯、前菜、主菜、甜品同埋飲品,大概四百蚊。1) 黑松露野菌忌廉湯 (⭐⭐⭐⭐⭐)套餐加28蚊就可以食到,香濃嘅黑松露味配合忌廉,真係超級好味,飲到一滴都冇剩。2) 吞拿魚蟹籽沙律 (⭐⭐⭐⭐⭐)蟹籽沙律都幾新鮮,吞拿魚增加左沙律嘅口感層次。3) 原隻波士頓龍蝦 (⭐⭐⭐⭐⭐)龍蝦兩大隻,賣相超級吸引,仲配有芝士龍蝦汁意大利飯,份量大,令人飽肚好滿足。由於餐廳嘅效率都幾快,所以連埋嘢飲同埋甜品都只係食咗一個鐘,不過就坐多咗一陣,享受一下呢度嘅環境先至離去。整體嚟講,對今餐幾滿意,價錢亦都合理,下次一定會再幫襯。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-05
5193 瀏覽
這是一家屬於香港人的餐廳!「靈活變通亅及懂得在狹縫中左右逢源「突圍而出亅,可說是香港人引以自傲的兩大特徵! 這家餐廳的出品,話說得婉轉一點, 就可以說是店家將「經典再造亅丶進行二次創作!!但你也可以說它的東西其實只是東拼西湊, 把最近最吸睛 丶大家最喜歡的食品元素拼湊在一起,成為有香港地道風味及流行條件的的特色招牌菜。 正所謂:「不扮高深、只求傳真」!街坊 素鮑參碗仔翅窩這個碗仔翅本來只是尋常不過的港式平民街頭小食,店家怎樣把它改良,再放上大枱賣呢?答案很簡單,他們很聰明地在碗仔翅上面放了一隻素鮑魚同一條素海參 ,便清脆利落地為素翅完成了提昇工縮,讓它褪變成為眼前這個獨一無二的豪華版街坊cafe 碗仔翅! 當然,店家在調味方西也是下個功夫的 。味道調較得十分「香港地亅。 另外,碗裏面的冬菇絲也比一般坊間的街頭小吃份量多,增加了碗仔翅的囗感和豪華度, 讓我們這些街坊吃起來感覺良好,又覺得佢有些與別不同就是了!原隻波士頓龍蝦、芝士龍蝦汁意大利飯好長的菜名啊!美國🇺🇸 的「波士頓Boston」 加上「意大利亅 Italino 🇮🇹 ,歐美兩大令人傾慕的地方,都被放進這碟飯的名稱裏面了, 浮誇嗎?是的, 香港就是一個這樣的地方!啊!香港果真是一個國際化的大都會啊!好!廢話少說。 看完名稱看內涵:大大隻開邊龍蝦原隻doble up上, 這真是一個多麼令人震撼的畫面啊!最啱就是手機拍照,然後立即放上social media呃like。Great! 食客滿意之餘又可以免費幫店家宣傳,一舉兩得,正! 難怪這家餐廳的人氣指數一直高企, 午飯時間一位難求啊!再說味道, 龍蝦汁 煮的意大利飯,香味十分濃都、惹味。 店家很細心,已預先的把龍蝦鉗 的殼夾碎, 令食客吃起來十分方便 可以把整個龍蝦鉗的肉鉗先出來欣賞,才慢慢品嚐。綠茶吉士雞蛋仔伴雪糕雞蛋仔烘得很鬆化, 咬下去脆脆的, 很有街頭風味。 爆谷拌了煮溶的棉花糖一齊吃,味覺的層次感得以提升, 也跟雞蛋仔和綠茶雪糕很匹配,很有 harmony和諧感! 整個甜品的擺盤,也可以看到是花過心思的, 值得一讚。午餐特飲。。。用了香港近期的流行曲歌名來做飲品名稱, 又可以成功引起話題。 叻!今次我們點了兩杯飲品,分別是 許廷鏗2012年的 hit歌「青春頌」和 雷頌德作曲、沈震軒主唱的 「換個他亅, 你可以憑飲品的顏色和賣相把它們認出來嗎?最後,就以「青春頌」的歌詞,來為這篇食評 作結吧!請大家珍惜眼前人。記住要共最美的人 分享每個夜晚別忘掉原是靠堅持 醫好每個傷患既是有力挺起胸膛 即管好好作反無懼雨水沾濕兩眼 。。。。。。願大家 秉承香港人拼搏的精神,無懼雨水沾濕兩眼,努力向上游。。。互勉之。。。。🦉後記:寫稿途中傳來女作家丶廣告人丶才女林燕妮的噩耗,甚為婉惜,特以林小姐的散文為食評作標題,以念之。Rest in peace. 🙏 繼續閱讀
(以上食評乃用戶個人意見 , 並不代表OpenRice之觀點。)