更多
2017-07-17
1872 瀏覽
星期六中午喺旺角搵食，喺OpenRice App見到有間餐廳名叫街坊cafe，幾特別咁，再睇睇原來預先經OpenRice App訂位，散點食物同飲品有五折優惠，但優惠就唔可以用喺甜品或者套餐。唔理咁多都係網上訂咗位先，攞咗個優惠去到再慢慢睇有咩食囉。餐廳喺女人街街頭(近廣華醫院嗰邊)，地點都幾方便。不過個招牌唔係咁顯眼，要留意吓。揀嚟揀去，都係覺得佢個「皇牌二人套餐」最吸引，乜嘢都有齊，同埋唔駛諗太多，太苦惱。套餐係冇五折優惠架，不過粗略計過吓，散點都唔係爭好遠。個套餐已經包左湯、沙律、小柄鐵板烤扒、皇牌沙河粉、甜品、飲品。湯就揀咗皇牌極上龍蝦湯窩，要加＄38。真係一大窩架，個湯都幾濃，幾有龍蝦湯味。裏面仲有一條條嘅蘆筍同埋粒粒龍蝦肉。沙律係傳統凱撒沙律，一大盤，沙律都新鮮，但醬汁同煙肉就少左啲。小柄鐵板烤扒就揀咗燒西班牙黑毛豬配松露汁＄298，係好大個鐵板。黑毛豬係厚切，都幾大塊，夾有少少肥肉，入口唔「鞋」，都幾軟腍。配菜個薯格好脆好好食，有驚喜。朋友大讚個松露汁好好味，但我又唔覺得個松露味好出喎。皇牌沙河粉揀左龍蝦汁海鮮河粉，海鮮有青口、蝦、蜆，都算有料到。可惜唔夠龍蝦汁，顯得較為
餐廳喺女人街街頭(近廣華醫院嗰邊)，地點都幾方便。不過個招牌唔係咁顯眼，要留意吓。
揀嚟揀去，都係覺得佢個「皇牌二人套餐」最吸引，乜嘢都有齊，同埋唔駛諗太多，太苦惱。套餐係冇五折優惠架，不過粗略計過吓，散點都唔係爭好遠。
個套餐已經包左湯、沙律、小柄鐵板烤扒、皇牌沙河粉、甜品、飲品。湯就揀咗皇牌極上龍蝦湯窩，要加＄38。
真係一大窩架，個湯都幾濃，幾有龍蝦湯味。裏面仲有一條條嘅蘆筍同埋粒粒龍蝦肉。
沙律係傳統凱撒沙律，一大盤，沙律都新鮮，但醬汁同煙肉就少左啲。
小柄鐵板烤扒就揀咗燒西班牙黑毛豬配松露汁＄298，係好大個鐵板。
黑毛豬係厚切，都幾大塊，夾有少少肥肉，入口唔「鞋」，都幾軟腍。配菜個薯格好脆好好食，有驚喜。
朋友大讚個松露汁好好味，但我又唔覺得個松露味好出喎。
皇牌沙河粉揀左龍蝦汁海鮮河粉，海鮮有青口、蝦、蜆，都算有料到。可惜唔夠龍蝦汁，顯得較為乾身，味道唔夠濃。
甜品揀咗Tiramisu吉士雞蛋仔伴雪糕，一上枱我就係咁傻笑，真係相‧當‧巨‧型!!! 用一大個鍋上枱，一大底雞蛋仔(下面仲有一層)，外脆內軟，上面一大層吉士醬，再加埋滿滿朱古力粉。仲有半溶棉花糖同雪糕，非常滿足。雖然係甜品，但成個配襯唔會過甜，食晒都唔覺腬，大愛
Tiramisu吉士雞蛋仔伴雪糕
21 瀏覽
0 讚好
0 留言
仲有兩杯餐飲，可以任揀餐牌裏面嘅飲品，唔包花茶系列，但都好多選擇喎。
我揀左朱古力咖啡，個拉花咁靚咁可愛，真係唔捨得飲。 
朱古力咖啡
14 瀏覽
0 讚好
0 留言
一加一(芒果菠蘿藍碟花凍飲)，顏色幾靚。
仲有星星蒟蒻。
全個二人餐連轉左一窩龍蝦湯連加一，都只係$370，仲要咁大份量，三個人食都好足夠。好抵食呀~~~
張貼
