蟹慶 (已結業)

11月作為我嘅生日月都食咗唔少好嘢，蟹慶就係其中一餐生日飯。鱈場蟹腳浜燒幾乎台台都有叫，幾舊蟹腳都有我手掌咁長，好足料。 天婦羅係水準以上，就算放喺天婦羅專門店都好對板。 同炸蝦一樣咁粗嘅炸蟹腳鮮味幾出，仲有蟹棒同蕃薯仔雖然都係普通野，但食得出係靚料，幾滿意。松葉蟹肉波波好似食咗粒蟹肉版獅子頭咁，感受到專人幫我拆蟹肉嘅爽，啖啖肉完全冇渣。 尤其鍾意水雲酸酸地好清新，沙律嘅部份都合格。喺蟹嘅專門店叫刺身雖然有啲九唔搭八，但係有驚喜嘅。 食到全部都好新鮮，好仔細咁㗳嘅餘味都完全唔腥，仲食到可以話係我呢一年食過最甜嘅赤貝，一大班人叫都幾開心。細個睇得小丸子多，食燒年糕一直係我嘅夢想，估唔到幸福來得太突然，今晚有機會一試，香脆嘅表面完全係腦入面有燒到起泡嘅畫面，年糕本身剩係得淡淡的米味，同大量紅豆一啖放入口真係好正好夾。

生日慶祝梗係要食返餐好啦，通常平時就已經飛咗去日本㗎啦！而家唯有喺香港食住肥美的日本蟹，慰寂一下心情！海之幸刺身沙律 開胃醒神完全係將你嘅食慾打開三點刺身 、松葉蟹棒刺身 新鮮蟹肉，口感細膩！太耐冇食過喇，立即勾起旅行時住在溫泉風旅嘅回憶不得不提及自家酒釀鳳梨酒，味道帶酸甜另外，自家釀無花果酒，味道比較清香雪場蟹腳浜燒，肉質結實爽口彈牙，無與倫比嘅蟹肉清香松葉蟹甲羅燒， 充滿蟹膏蟹肉，香到不得了松葉蟹肉蟹膏炒飯 炒飯一啲都唔油膩，令人欲罷不能，原本都飽飽地，但係忍唔住全部食晒松葉蟹腳、海鮮天婦羅 一路食一路覺得自己置身於天堂高水準、高品質果然令到我們盡興一番，期待下一期一會

又到左星期五就要諗食咩，人生真係充滿煩惱，經過銅鑼灣，但係又唔想求其食，記得之前朋友講過SOGO附近有一間食蟹好出名就去試吓食，好好彩嗰日唔使點等位就有得食，入到去好似去咗日本咁好正宗我哋嗌左個10道菜嘅嘅餐，首先第一道菜係鴨胸沙律，作為開胃菜好有驚喜鴨胸唔會太過肥而且感覺好爽口，加埋沙律汁非常開胃，跟住到特色刺身，有拖羅赤背同埋赤蝦每一件試身都食得出好爽口，而且味道恰到好處，跟住就開始主菜今次我哋揀咗雪場蟹，所以就蒸左個蟹鉗俾我哋加埋蒸蛋簡直係冇得彈而食完個蟹肉都已經飽飽地之後就食個shabu shabu，份量都好足夠而且每一道餸都有足夠嘅蟹味同埋蟹肉，除此之外，有個蟹肉炒飯，炒飯炒得好香口粒粒分明睇得出廚師好有功架，仲有我哋之外嘅甲羅燒，加上餅乾加埋蟹膏簡直係完美無瑕，由於我哋食得太多蟹肉就食返啲蔬菜平衡一下，有個湯真係差不多飲晒好友蟹肉嘅精華，今次食完真係好滿足，感覺真係去咗日本一樣，而且呢度嘅服務都好好好細心好似日本人嘅服務一樣咁好，下次一定會再嚟

前幾日同朋友去咗銅鑼灣行街，掃完貨之後特登嚟蟹慶食晚餐🥰 聽個名都知，呢度可以食到好多新鮮嘅蟹👍 第一個前菜係海之幸刺身沙律，附上一個鹹鹹酸酸嘅醬汁，沙律菜好fresh ，加埋冰凍嘅刺身同醬汁，真係好開胃！另一道係三點刺身，有帶子三文魚同埋蝦，另外老闆再加左蟹腳俾我哋 ，都好新鮮冇得彈❤️嚟到蟹嘅部份 呢個係雪場蟹腳浜燒，喺腳入邊啖啖肉，而且燒得好香，十分鮮味👍呢個就係松葉蟹腳及海鮮天婦羅，有原條嘅松葉蟹腳天婦羅 ，其他海鮮都炸得好香脆。呢個晚餐嘅重頭戲就係佢！松葉蟹甲羅燒，蟹殼上面裝滿咗好濃嘅蟹膏 淨係香味已經好吸引 另外再附上蝦片好鮮味，齒頰留香。最後仲有松葉蟹肉蟹膏炒飯，每一啖都會食到蟹肉，而且成個炒飯都係蟹膏嘅味道👍👍👍老闆仲私人醒咗兩杯自家釀成嘅燒酌，一杯係鳳梨、一杯百香果，兩杯都好香果味 ！好耐冇食過咁豐富嘅蟹宴，超級大滿足！

澳門逸園中心有林林總總嘅日本餐廳。今次就同老友去試試地庫嘅蟹慶🦀雖然蟹慶主要係食蟹，但最近食得大閘蟹多要停一停先今次去蟹慶主要食其他野為主啦一入到餐廳門口就見到長腳蟹 🦀呢到都有最近hit爆既自助清酒機呢白蟹 $88係以荔枝、檸檬汁、伏特加、清酒同梳打水混合而成嘅Cocktail飲落酒味唔算濃，反而荔枝味好出，果味濃郁，啱晒女仔海之幸沙律 $98入面有呑拿魚、三文魚、白身魚同蟹子等等…加埋沙律汁食入口十分fresh！芥辣八爪魚 $48感覺呢度既芥辣八爪魚比起其他餐廳既辣無辣不歡既我就非常喜歡喇！五點刺身 $498分別有海膽、三六魚、赤蝦同章紅魚。全部都好新鮮好好味吞拿魚腩壽司 $116赤蝦壽司 $56松葉蟹腳壽司 $76赤貝壽司 $116深海池魚壽司 $76各款壽司都好有水準，價錢合理鹽燒喜之次 $880燒得皮脆肉嫩的喜之次。魚皮咬下脆卜卜非常香口，喜之次出名係燒物魚皇，燒完既佢仲有非常多魚油松葉蟹肉蟹膏炒飯 $188每一粒米飯也沾滿了蟹膏的味道，加上超多的松葉蟹肉，咸咸香香非常滋味叫埋個炒飯食，兩個女生食唔晒要打包走先得

一直記住食我愛店漁獲浜燒嗰時，店員曾經推介同集團嘅蟹慶，近期日日俾大閘蟹洗版又唔想咁邪惡，就嚟食返個蟹宴。水雲伴松葉蟹肉波波 ($198)曾經比無數蟹肉波波欺騙過感情，所以未食到底我依然深信個底係飯嚟。 估唔到成個蟹肉波波都貨真價實係靚蟹肉，除咗面頭大大塊蟹腳之外，下面嘅蟹肉都唔會好鬆散，鮮甜結實，作為主菜都唔失禮。八點刺身 ($888)好欣賞每款刺身都起碼有1cm厚，平時少食白身魚都覺得真鯛、金目鯛同深海池魚夠新鮮，深海池魚尤其重魚味。 生食松葉蟹腳口感比較軟滑，唔使點任何醬汁已經好夠味。 全碟最鍾意嘅係三文魚腩同赤貝，前者啖啖油好甘香，後者就爽口得黎比起一般食到嘅更加鮮甜，物有所值。鱈場蟹腳浜燒 ($488)想讚下好少可食到蟹身燒完都唔乾，明顯見到表面仲有光澤同肉汁。 大大隻蟹腳簡簡單單燒熟已經好好味，本來以為水雲醋會浪費咗蟹鮮味，但點完之後原來會令鮮味更上一層樓，係好好嘅配搭。松葉蟹腳及海鮮天婦羅 ($188)師傅炸天婦羅嘅功力好深厚，鬆脆薄皮得黎完全冇多餘嘅油份，唔知點解覺得呢份炸蟹腳比起前幾味更加好食，炸蝦亦都好彈牙，最難得嘅係蘿蔔蓉居然好甜，第一次將蘿蔔蓉加喺天婦羅汁係有錦

位於銅鑼灣的蟹慶，是一間日本蟹食專門店。蟹慶走高檔日菜路線，價格中上，環境寬敞，設有舒適的卡位，是慶祝特別日子的好地方。由於是我朋友的生日，而她是很喜歡食蟹，二話不說就book呢一間餐廳。作為專業的蟹料理餐廳，當然有提供多種不同的蟹和不同的煮法烹調。客人可不選擇單點，或是套餐，個人推介吃套餐，可以一次過品嚐多種菜式。但由於我朋友很細食，我晚餐亦不是吃很多，所以我們點了一人餐，再添加一兩款小吃。蟹會席雅 $888/1人這個的一人套餐，包括: 前菜漬物，鉢碟小料理，蟹和精品刺身，蟹肉蒸蛋，蒸蟹，燒鱈場蟹，極品天婦羅盛，松葉蟹釜飯，甜品。味道正常、如果一人食就會覺得唔抵。大部份食物都冇乜味，而且每道菜都要等好耐。食食吓都冇心機影相值得一提～餐廳服務員水準有待改善，基本上都要叫幾時先至會有人服務。環境是好，因為座寬闊的卡位。最後兩人只叫了一人餐加一客餃子，埋單$1300。

難得今日開咗張大單，真係要食返餐好慰勞自己，個客介紹我哋去咗食蟹慶，感覺就好似日本嘅居酒屋咁。佢位於銅鑼灣SOGO附近，一出地鐵站就到，落咗條樓梯，再推開道門，餐廳已經充滿海鮮嘅鮮味。我哋今日帶咗個特選餐單，個餐幾乎有10道菜。首先第一道係鴨胸沙律，呢個已經係一個驚喜，沙律汁非常之好味調得，鴨胸又唔會肥膩，係清新嘅感覺。跟住就係食特色刺身，分別係拖羅，深海魚，赤貝，同埋赤蝦。刺身係上盛款，拖羅恰到好處，赤貝亦都非常之先甜，不過純粹當一個開胃菜咁食。跟住就上戲肉啦，我哋今次揀咗鱈場蟹，所以就蒸左個鱈場蟹鉗俾我哋，鱈場蟹啖啖肉，肉質鮮嫩，亦都非常之飽滿，食完啲蟹肉已經飽咗一半，跟住就嚟咗個蟹肉海膽魚子蒸蛋，嘩，口感非常豐富，十分足料。跟住就係shabu shabu，都係蟹肉，同埋一啲雜菜，因為已經真係食得太多蟹肉，真係要食返啲蔬菜類，個湯底先係重點，吸收晒蟹肉嘅精華，真係連湯都飲埋，跟住嚟咗條喜之次，佢其實係一條魚，師傅話呢個烹調唔係用油炸，竟然係燒出嚟，肉質非常之滑，當你以為你餐飯就咁完，佢最後亦都會俾埋個炒飯你，最貼身係其實個餐係包左鵝肝多士，但因為我哋都唔食鵝肝，佢哋特別可以俾我哋換

平時喺自助餐食蟹腳就食得多，今次就黎依間蟹宴專門店食真正既蟹宴，入到黎已經見到一個大水缸裝住好多新鮮既海鮮，裡面既裝潢十分和風，仲有私隱度好多既卡位🥰🦀今次叫左佢招牌蟹慶會席，有超過十款佳餚，有刺身，炸物，鍋物，海鮮同甜品，款款都有蟹肉既出現，當中最推介就係佢地既蟹肉蒸蛋同甲羅燒，蟹肉鮮味有水準，睇得出師傳功力十足，加埋食材既新鮮令到每款水準都十分高質。今次好可惜既因為物流既延遲，試唔到佢哋嘅蒸毛蟹，店員幫我哋改咗做呢個蟹腳鍋物，依個蟹腳鍋物都好有鮮味，湯味道清甜，更突出蟹肉本身既味道，十分推介大家可以黎試下依個set😜😛😛

作為蟹精嘅我，一早已經book mark左呢間蟹慶🤣今晚終於有機會黎試啦～-佢有得散嗌，亦都有得叫套餐~而叫套餐嘅價錢係相對上平啲，而且又可以試多啲蟹嘅款式👍-1.前菜(3點）前菜有蟹肉沙律、三文魚同埋芥末八爪魚🐙個沙律係重點，有好多一條條嘅蟹肉同三文魚子，好清新嘅沙律🥗-2.精廚廚師發辦刺身刺身有池魚、赤鯛、赤貝同蝦🦐池魚好重魚味，魚肉相對淋身。而赤鯛就相反，魚肉比較爽，而魚味就冇咁重~赤貝好新鮮，好大隻。蝦質素正常👍-3.蟹肉蒸蛋蒸蛋都有好多一絲絲嘅蟹肉，仲有好多三文魚子！蛋蒸得好滑，調味唔會好重，食到清清嘅蟹鮮味👌🏻-4.❎蒸毛蟹➡️菜鍋好可惜今日冇毛蟹，所以店員幫我地轉左蟹肉菜煲🥲好彩都冇令人失望，蟹肉都好鮮甜，令到成個煲都好有鮮味，所以啲菜都索哂啲鮮味～-5.浜燒松葉蟹腳松葉蟹腳就係食佢啖啖嘅蟹肉，相對上會多啲肉。點啲蟹醋更加畫龍點睛，可以提鮮👍-6.蟹甲羅味噌燒甲羅燒配鹹鹹嘅脆餅，好match👍會冇咁單調～甲羅燒入面有蔥同蟹肉，令到層次更多。-7.吸物呢個湯雖然望落去好清，但係勝在食到淡淡嘅蟹肉、蝦同豆腐味，唔會令人覺得好膩👍-8.松葉蟹釜飯食呢個飯就發現原來蟹肉都可以好多唔

今次去了一間專門食日本蟹的餐廳，餐牌上大多數都是蟹料理。經理推介二人套餐，每道菜式都用了日本蟹入饌，菜色吸引。前菜三點中的蟹肉沙律清新開胃，蟹肉份量適中，另有芥辣八爪魚。廚師發辦刺身拼盤是日有深海池魚，金目鯛，黑松露帶子及赤蝦，刺身厚切新鮮。蟹肉蒸蛋一絲絲蟹肉拌上傳統茶碗蒸，簡單卻美味。進入主菜部分，第一道是香箱蟹，蟹腳算大，蟹肉軟而鮮甜。浜燒鱈場蟹腳全晚覺得這道燒蟹腳最正。未上菜前，已經聞到濃濃的燒蟹味。據我食蟹經驗，只有新鮮的蟹能散發出這鼓氣味。灸燒後的蟹腳蟹香十足，新鮮而且蟹味濃。從味道及蟹腳大小，可以食得出是正宗的北海道鱈場蟹，水準之作。之後是蟹甲羅味噌燒及海鮮天婦羅盛合，甲羅好多膏及啖啖肉。松葉蟹釜飯侍應會即場特製個人口味，按個人口味把黑松露，芝麻蔥花拌入釜飯炒香。最後以蟹肉清湯及抹茶甜品作結，完成今晚的蟹宴，非常滿足。

媽媽係蟹控，所以專登同佢試下呢間蟹慶，食餐飽嘅前菜：蟹子沙律配生醃螢光魷魚帶少許酒香，入口非常惹味！刺身：呢四款刺身都非常好食感受到佢嘅新鮮，尤其是深海池魚王，聽個名就知唔少野蟹肉蒸蛋：軟滑既蛋，淡淡蛋香，配合鮮味蟹肉，口感一絕蒸毛蟹：第一次食毛蟹咋，估唔到毛蟹比起食其他係簡單好多，食材本身已經好高質，同埋毛蟹都好多肉添。濱燒松葉蟹腳及鱈場蟹腳：感覺燒到五成熟，有軟滑及香香嘅感覺，廚師功架盡顯。蟹格羅味增燒：喺蟹膏味對比毛蟹更上一層次松葉蟹釜飯：芝麻、黑松露、魚子，呢啲材料嘅配合，堪稱香味撲鼻，無疑係一個好好味嘅釜飯

最近已經入秋了，又是吃蟹的好時節，與朋友來到這間銅鑼灣專門吃蟹的餐廳，食物質素高，性價比合理。牛油果秋葵椰菜沙律 $68分量不少，還有粒粒秋葵，非常抵食。秋刀魚刺身 秋刀魚於秋季時節最肥美，第一口只吃魚，魚味道濃郁，另一匕配上蘿蔔蓉和醋，又有清新感。吃完魚生後，店家把剩下的魚骨炸成脆脆，幾香口。蟹慶海之幸卷 $268一個包羅萬有的卷物，上面有海膽蟹肉，三文魚籽，中間是吞拿魚蓉，飯卷入面包住軟殼蟹同青瓜，脆口，滿口海鮮的鮮味。香箱蟹 $298/隻香箱蟹原來是雌性松葉蟹，這裏供應的香箱蟹，滿滿的蟹子下面還有很多蟹膏，非常美味。先品嚐完蟹子蟹膏，就開始拆蟹肉，拆出都有幾多蟹肉，而且好香甜。雪場蟹蟹釜飯 $428師傅會埋枱為客人煮理，加入七彩芝麻、黑松露、蔥花，飯身吸收了高湯，軟糯香口，加埋雪場蟹肉啖啖肉，非常滿足。檸檬蘆薈梳打 $38蘆薈梳打有蘆薈粒粒，甜味適中，夠冰凍。

約了朋友去食蟹慶，預祝生日飯。在Sogo行完街，再就過少少便見到蟹慶的門口。有少見的香霜蟹，我們散點了幾款。牛油果秋葵椰菜沙律 | $68沙律菜上有牛油果、秋葵粒、蟹籽，幾大碟。秋葵切粒爽中帶絲。沙律醬汁分開上，可以自己控制份量。秋刀魚刺身 | $268每年這個季節都是秋刀魚時令，魚肉味道濃郁，點醋更加突出。食完刺身，魚骨可炸成二食。魚骨炸到脆卜卜，可連骨吃。蟹慶海之幸卷 | $268最上面有海膽、三文魚籽，下一層有一絲絲蟹肉，中間是吞拿魚茸，卷物包有軟殼蟹及青瓜。海膽清甜新鮮，蟹肉有甜味。香箱蟹 | $298隻香箱蟹又是時令季節，充滿了蟹膏蟹籽。橙色的蟹膏味道最香，齒頰留香。食完膏，開始拆蟹肉，每件都好多肉，可以點醋食。鱈場蟹釜飯 | $428店員會即場在客人面前把食材撈勻，有七彩芝麻、黑松露、三文魚籽等。顏色繽紛，飯帶有香噴噴的黑松露味。另外還有鱈場蟹腳，肉厚身。青蟹 | $88其中一款雞尾酒🍹，主要是青蘋果味，甜味適中。店員服務不錯，收碟快。

走高檔路線食日本蟹的《蟹慶〉也不外如是😅。上星期五和朋友第一次去他們餐廳食飯，ordered 了平均1100元一位的套餐。落單時waitor 説沒有毛蟹，只能選擇日本松葉蟹腳代替，都感覺有少少中伏。當然，公平說句，雖然同為日本三大蟹之一，各有千秋，但毛蟹有蟹膏，那美食更為吸引。並且毛蟹的價格為松葉蟹的2倍左右！如果唔系朋友實在希望一試他們的套餐，我寧願單點。食物和餐廳服務的整體感覺其實都吾錯，但就覺得毫無特別了。蟹肉都夠清甜，清湯和濃湯味道非常好。然而，魚生就真系差D，過分的冰鮮了，感覺唔到高級日本料理那些應有的新鮮！食起來感覺完全唔及 Ikigai Concept 這些中級餐廳新鮮和好食。黑松露蟹肉飯也是敗筆！黑松露的味道完全遮蓋蟹肉的鮮甜味道！倒不如整成黑松露瑤柱飯可能更配！In a nutshell, 我覺得如果唔系食日本毛蟹，倒不如去中餐廳order 一整只阿拉斯加長腳蟹，那個更豐富，更過癮。甚至更省錢而更好味的選擇可以去大排檔是薑蔥炒肉蟹，那才是美食！