蟹仙海鮮蒸氣鍋 (龍崗道)

營業中

休息中

今日叫呢個晚餐，$399，有海斑、海蝦、蠔、刀貝、松皮蟹、龍蝦，我地仲加咗錢食龍蝦刺身，真係超正！呢度唔係行靚裝修，賣嘅係真材實料，新鮮空運返黎嘅海鮮，每樣海鮮都係精挑細選，食起黎先至覺得值回票價。海斑，蒸左8分鐘，超級滑！份量都唔細！魚皮，係佢地自家製，即炸，食落好酥脆香口。越南海蝦，真好好多汁，肉質實又甜！韓國慶南蠔同刀貝，紐西蘭熱亮貝，超重海水味，彈牙又食到原汁原味，好正。松皮蟹 ，呢隻係換殼期，係最大最肥美嘅階段，真係好多膏，食完返尋味呀！西澳玫瑰龍蝦不得不提呢隻龍蝦！估唔到呢度仲有刺身！平時出面食好貴，呢隻係我地睇住佢撈同整，真係即剖即整，仲好乾淨，鮮甜又爽！要encore!最後嘅粥底，侍應姐姐超好幫我地掉埋龍蝦殼同啲肉去煮，所以個粥仲有龍蝦味，真係好足味嘅海鮮粥！椰汁燉官燕最後仲叫左甜品！一次過滿足所有願望！

✨中女獨食難肥日誌 ✨蟹仙海鮮蒸氣鍋 CrabFairy 中女食九龍城前排晚市禁堂食，好久沒有晚上外出吃一餐好的。這晚與友人來到蟹仙品嚐海鮮蒸氣鍋，超令人期待！我們選了$399的尊貴海鮮套餐，共有9款海鮮，如果嗜肉的都可選其他餐，而我獨愛海鮮，這個餐最適合不過桂圓紅棗枸杞茶帶微微香甜好養生，店員主動加熱水，飲完再飲深海海星斑 每兩位半條，魚細細，魚肉好嫩滑！蒸得剛熟，淋上蒸魚豉油，配點薑絲，好味！台灣九孔鮑魚鮑魚肉結實而彈牙，口感好好，好新鮮！越南大虎蝦蝦好大隻，肉質彈牙，味道亦好鮮甜紐西蘭刀貝蚌蒸好超多汁，鮮甜又略帶海水咸味日本大元貝有驚喜！生熟度剛剛好，湯汁多而且元貝好大粒韓國慶南蠔好有蠔味，不用點任何醬汁已好好味琵琶龍蝦店員大力推介琵琶龍蝦，其貌不揚，但果然好推介！非常鮮甜彈牙！比平時的龍蝦更好味！店員說不常有，如有的話建議必選！大黃奄蟹店員細心解釋奄蟹及羔蟹的分別，原來羔蟹是媽媽，蟹羔結實有如咸蛋黃，而奄蟹是未生產過的蟹，蟹羔軟滑，長知識了！海鮮粥最後吃了蔬菜，加上菜莆及青蔥，海鮮所有精華烹煮而成海鮮粥，好濃味好飽足！椰汁燉燕窩結尾店上送上甜品，絕對是整晚highlight!

好難食，龍蝦味道怪怪的，店員仲要話好抵食，每上一道菜，店員都話好新鮮好抵食，真係有點煩，如果係新鮮，客人會食得出。其它配料方面，牛肉和豬肉都好難食。新鮮的海鮮都可以做到咁，俾食評欺騙左，真的中伏，絕對不值。

食肆終於可以開晚市喇!!呢晚約左好朋友出來食餐晚餐，順便畀埋利是佢(新年未見過佢呢, HAHA)我地就約左去蟹仙海鮮蒸氣鍋食蒸海鮮!!一入店內, 座位都是卡位, 坐得好舒服! 夠闊落!!然後係我地睇緊食咩個陣, 店員已好貼心咁, 將我地來緊要用既餐具放入蒸鍋入面加熱,用蒸氣高溫消毒~然後我地叫左每位$499的至尊海鮮套餐，貪佢有海鮮又有肉類等緊食物來期間, 老闆娘好熱情咁送左一碟岩岩新鮮整好既魚皮畀我地食, 佢話魚皮係自家製的!好脆好香口!最先上的是深海海星斑~2個人半條~即蒸即食, 魚肉好滑, 少骨~然後主角來了!!個蟹既食物盤真係好可愛!!打卡一流!日本大元貝!! 大粒!同埋真係好新鮮, 好鮮甜!平時呢, 我唔食橙色個內臟架!但呢度個舊係好棉滑好甜! 我當然食埋佢啦!!跟住本身個餐係包紐西蘭刀貝蚌的~但老闆娘話換左日本產的畀我地~佢話係無污染的水源生長, 食落真係好鮮甜, 半粒沙都冇!! 好味!!仲有越南大虎蝦!超大隻! 啖啖肉, 正跟住到我最最最期待既蟹!!!因為呢個餐係可以每人一隻蟹, 所以兩款蟹我地各叫左一隻, 咁就可以兩款都試到啦有越南頂角膏蟹, 同罕有大黃奄蟹~兩款都爆晒

是日同妹妹專程出九龍城食午餐~因為聽朋友說這蟹仙很好~於是一於走去試食店内環境唔錯....有大量的寬倘卡位,私穩度高！防疫意識亦做得相當之好...當我哋坐低準備除下口罩~店員已經遞上全新信封給我們了!而且用高溫幫我們消毒餐具！我哋兩個人，點左兩個$399海鮮套餐~十分抵吃有十款美食！包括有越南大虎蝦、九孔鮑魚、紐西蘭刀貝蚌、月亮貝、深海龍躉片、生蠔、澳洲青年龍蝦、頂角膏蟹、另外有機蔬菜籃 同 粥底店員先上左個南瓜粟米豬骨粥底~~之後全程同你蒸埋上碟我地只係一路傾計一路等食就可以啦！其中主角澳洲青年龍蝦望落都有成斤， 大過隻手板~蒸幾分鐘後~啖啖肉嘅龍蝦尾可以輕易起出嚟。龍蝦膏甜滑多汁，龍蝦肉夠實好飽滿，且鮮美爽口，唔使點醬油都咁鮮味龍躉片， 味道鮮甜，可惜每人一塊如果份量多一點更好呢隻虎蝦夠晒大隻，蒸後蝦身呈深紅色，殼硬蝦肉質紮實飽滿富彈性，蝦味濃郁，絕對是必試的 ..頂角膏蟹肉量唔多，但勝在新鮮甜美~蟹膏非常甘香好味，令人滿足。日本大元貝~~蒸完之後有好多汁在貝殼上~飲一啖好鮮呀！元貝口感腍滑爽彈，鮮味十足唔加任何調味料已經夠好味。鮑魚睇住蒸3分鐘 蒸得啱啱好~出黎又夠彈牙又爽口~蒸

朋友係九龍城返工，由我屋企行過去都係20分鐘左右，今晚約左去一間老闆係批發海鮮既海鮮專門店，確保海鮮夠生猛，食之前已經好大期望，食完都冇失望！餐廳有幾款唔同價位既套餐，我地要左中等價位$399一位既海鮮套餐，有成十款海鮮，仲包蔬菜籃粥底；店員話款款海鮮都係老闆精挑細選番黎供應比餐廳店員超有耐性幫我地一款款海鮮咁燒，保證鮮味；另外見到個蒸籠好似帽越南見過既笠帽幾得意！首先上既東升班，本身我唔多食海魚，因為驚腥同多骨，但呢條斑真心正！魚肉超滑，而且冇咩骨，推薦！澳洲龍蝦蒸完紅噹噹，肉質厚身鮮甜，食落啖啖肉台灣九孔鮑魚和紐西蘭月亮貝都超大隻厚肉，食落爽口彈牙，唔洗調味已經夠鮮味 最正一定係放係鍋底集齊所有海鮮鮮味既粥底，簡簡單單放左蔥、栗米、芋頭、菜浦已經好好味！最後店員送上椰汁官燕，非常清甜幼滑，真心正！ 

尊貴海鮮套餐 ($399/位)好懷念有得出街食晚飯既日子T^T 之前食過一間蒸氣火鍋超級正, 老闆話D海鮮係系澳洲﹑新西蘭入貨, 食落真係零舍不同呢~罕有大黃奄蟹 + 野生東星斑半條 + 澳洲青年龍蝦^^^呢個餐既重頭戲! 雖然過左食蟹既季節但隻蟹仍然好多膏; 東星斑超新鮮好嫩; 龍蝦D肉就好結實台灣九孔鮑魚 + 越南大虎蝦 + 大西洋活青口 + 紐西蘭刀貝蚌九孔鮑魚超大隻啖啖肉! 個人中意刀貝蚌, 厚肉之餘仲食到有海水味架! 唔洗加醬油都食到鮮味~ 日本大元貝 + 韓國慶南蠔蒸既時間恰到好處令到海鮮既肉質唔會太老, VERY JUICY 啊!有機蔬果籃有機菜真係唔同D, 加埋蒸完海鮮既鮮味食落真係超級甜! 特別係粟米!最後仲會有個蟹粥同椰汁官燕, 同樣係啖啖精華架!

朋友知我鐘意食海鮮，專登帶我嚟到蟹仙食蒸氣海鮮，蒸海鮮就最能夠食到海鮮既原汁原味，食材夠新鮮，揀料上乘，就最正～～揀咗個海鮮套餐，呢個尊貴海鮮套餐好似唔錯，做緊半價優惠，有龍蝦同埋鮑魚，總共有十款海鮮，最後仲有粥底～係呢度食蒸海鮮，唔使自己動手，坐低等食就得，因為店員服務周到，每樣海鮮都會幫我地set好timer, 逐樣蒸～～龍蝦肉質鮮嫩，爽口彈牙；清蒸鮑魚夠新鮮咬落煙韌；蠔肉飽滿又juicy~~我地揀咗大黃奄蟹，多膏得嚟蟹肉鮮甜，正！最後食埋個鮮味十足、充滿多種海鮮精華既粥就完美喇～～

好耐都無食海鮮蒸氣鍋了，散叫通常都好貴，所以我通常都係搵一啲有海鮮套餐揀嘅餐廳，但由於有啲餐廳選擇將貨就價，所以大家揀餐廳都要小心啲，亦不妨考慮下呢間蟹仙蒸氣鍋，海鮮夠生猛，門口招牌亦大大隻字寫明自己有做直銷，可算是質素嘅保證，無華麗嘅裝潢，但就絕對有實力。為食海鮮而來，揀左$399/位嘅海鮮套餐，共有10款不同海鮮，雖然話每款只係一件，但坊間餐廳散叫的話，應該會再貴六七成價錢，唔信可以試下......所以$399算係幾抵！　越南大虎蝦：大大隻，肉質夠爽彈，蝦膏亦幾鮮香，幾有蝦味。九孔鮑魚：質感爽滑而有咬勁，唔會太腍亦唔會太韌，幾有鮮味。紐西蘭青口：青口黎講，火候掌控非常重要，因為好易老/乾水，但店員處理得唔錯，如圖所示，肉質飽滿，內裡滿是肉汁，非常嫩滑，岩岩好!韓國慶南蠔：蠔味適中唔會太濃味，蠔肉同樣是鮑滿幼嫩，直至現在，蒸煮時間全部都岩岩好！澳洲青年龍蝦：有時食日式Omakase都會採用澳洲青年龍蝦，質素唔錯，龍蝦蝦肉幼嫩鮮甜，爽口彈牙，仲有超多蝦膏，鮮甜得很。大黃奄蟹：比普通奄仔蟹更大隻，蟹殼硬淨啲，蟹肉都比較厚實，蟹膏超級鮮香，好有蟹味，蟹肉亦夠鮮甜，非常新鮮及出色！東星斑：本

香港人鍾意食海鮮，又鍾意打邊爐，兩樣溝埋一齊，食蒸氣鍋應該更多人鍾意，但一般散叫嘅海鮮蒸氣鍋的確唔平，一隻鮑魚$68，半隻龍蝦$108，好容易就食左$800-$1000/位，而呢度嘅套餐只係$288/$399/位，有八款/十款海鮮，仲有一兩款蟹，非常抵食！蟹仙有三家分店，分別位於九龍城、尖沙咀，及新蒲崗，除左堂食蒸氣鍋外，仲有直銷海鮮比香港唔同分銷商，包括鯉魚門一帶，聽到呢度，都已經覺得啲海鮮夠新鮮。同一般蒸氣鍋一樣，每款食物都由店員協助蒸煮，食客只需「翹埋雙手」食就可以，$299/$399仲包埋如此服務，真係抵過打邊爐好多囉。越南大虎蝦: 肥美厚肉，蝦肉夠爽口彈牙，非常爽甜，蝦膏亦十分鮮甜。翡翠九孔鮑魚: 質感同樣爽口彈牙，唔會乾水，味道夠鮮，基本上唔需要加任何醬油/調味，嘗其鮮即可。韓國慶南蠔: 蒸煮時間恰到好處，蠔肉仍能保持幼嫩質感，味鮮，帶微微海水味，蠔味唔會太rich紐西蘭刀貝蚌: 肥美多汁，非常juicy，肉質嫩滑，而且味道鮮香。澳洲青年龍蝦: 每位有半隻爆曬膏嘅澳洲龍蝦，而唔係平價嘅美國波士頓龍蝦，大量鮮橙色嘅蝦膏非常鮮甜，肉比一般美國波士頓龍蝦罕有大黃奄蟹: 並唔係一

九龍城唔止得泰國嘢食，仲有唔少火鍋餐廳，今日就去食蟹仙蒸氣海鮮，係蒸氣蒸熟，原汁原味，食海鮮本身嘅鮮味。叫左個尊貴海鮮套餐，有十款海鮮包括有虎蝦、魚、鮑魚、龍蝦、仲有大黃奄蟹。餐廳服務非常好，店員會幫你去Set好時間去蒸熟海鮮，包保唔會令到海鮮太生或者太熟影響肉質嘅美味，蟹肉大隻多膏，蠔有鮮味，龍蝦肉質彈牙，鮑魚唔會過韌難咬，食得出舖頭用嘅海鮮非常之新鮮。食完海鮮之後食粥，粥底吸收晒所有海鮮嘅鮮味，個粥非常好飲！如果大家黎開九龍城，又唔想又係食泰國嘢既話，呢間蒸氣海鮮非常推介去試！

想食優質清蒸海鮮， 會想起《蟹仙》， 店家致力搜羅世界各地優質時令海鮮， 以清蒸最原汁原味嘅方法供客人品嘗。有多款套餐，任君選擇～矜貴海鮮套餐$399 （半價）有9種頂級優質海鮮， 精明嘅消費者都知道同自己買煑也相差無幾， 有些海鮮更加係尋常街市買唔到喎～🥢 越南大虎蝦夠大隻， 肉質結實彈牙， 先打開味蕾又最快可以食～🦐🥢大西洋活青口野生的大西洋活青口，特別大隻，肥美飽滿， 和平常吃到的急凍貨色有天淵之別， 鮮味十足。🥢紐西蘭刀貝蚌其實擔心太大隻內臟近邊緣嘅位會韌， 一口咬落竟然超級爽口而且係勁鮮甜!🥢東星斑二人半條把魚這樣開半邊非常考刀功😋東星斑肉質雪白鮮嫩魚味濃郁， 深得海魚控的鍾情， 蒸完之後魚翅揚起也可見非常新鮮。 唔需要贊熟油，蔥絲， 吃到東星斑原始嘅味道！🥢日本大元貝超勁鮮甜， 帶子肉 一絲絲， 蒸得啱啱好👍 殼上還有元貝蒸熟之後嘅水份， 濃縮嘅精華非常鮮甜😋🥢台灣九孔鮑魚蒸的時間啱啱好，鮑魚肉質鮮味柔軟有彈性，自己蒸總係偏韌冇咁正。🥢韓國慶南蠔蠔身勁飽滿， 蒸完之後依然脹卜卜冇縮水👍👍 蠔味勁濃勁鮮。🥢 澳洲青年龍蝦肉質勁飽滿， 鮮甜， 彈牙， 蝦頭仲有少少蟹膏，入囗甘香

喜歡吃蒸氣鍋海鮮，因為原汁原味，可嚐到食物的鮮美，而且不用調味，又没有煎炸，不會上火，比較健康。蟹仙蒸氣鍋菜館已開了幾家分店，以蟹為招牌菜，正值深秋，蟹是當造之時，一於約最愛吃蟹的蟹后一起去品嚐!店員介紹，由於餐廳老闆經營海鮮入口生意，海鮮從越南、菲律賓、澳洲、泰國、日本運到香港後，老闆先挑選了最優質的海鮮，以供應蟹仙的三家分店， 所以海鮮的質素特别高，價錢也較平。有幾個套餐選擇，我們選了的套餐是尊貴海鮮套餐，每位$ 398 (原價$798)，共有十款海鮮，( 加一服務費，粥底及醬油費$12 /位， 星期五、六、日 、公眾假期前夕，每位加$ 28)。店員先在蒸氣鍋下層鋪了粥料，包括排骨、粟米、芋頭、 珍珠米等，在蒸煮過程中，海鮮及肉類的汁液滴到下層，成慢煮成一鍋美味的海鮮粥!大西洋活青口~新鮮，海水味濃。韓國慶南蠔 ~來自韓國慶尚南道西南邊，當地是鮮蠔的盛產地，顏色呈奶白，蠔身飽滿，鮮味多汁!台灣九孔鮑魚~鮑魚大隻厚身，肉質彈牙，鮑味濃郁!紐西蘭刀貝蜆~肉厚、清鮮美味!越南大虎蝦~色澤赤紅，令人垂誕，蝦味濃郁鮮甜!澳洲青年龍蝦~龍蝦啖啖肉，爽口彈牙，鮮甜無比!東星斑~自從近年列為受保護

從openrice 看到這食店有很多正面的食評，描述得新鲜，優質，抵吃又爆羔今晚决定與友人一同去試試看看坐下後看見餐牌內有多款套餐提供便找店員介绍一下套餐結果我們点了二人餐$999這套餐有十八款美吃在內餐後還有椰汁官燕甜品食評說海鲜新鲜好味又爆羔但今晚我卻發現海蝦，東昇班內質就麻麻哋蟹只是肥美但無羔，有点失望幸好龍蝦，日本大帶子，刀貝，蜆，活青口，貢丸新鮮彈牙，有鲜味其他味道正常店員，服務態度良好，有禮貌

秋天真是我最喜愛的季節，除了秋高氣爽外，蟹亦是最肥美的時候，尤其係蟹仙的大黄奄，從來沒令我失望過。今晚揀左尊貴海鮮套餐$399包九款海鲜，有菲律賓大黃奄 東星斑 (二人半條 )澳洲青年龍蝦台灣九孔鮑魚越南大虎蝦大西洋活青口紐西蘭刀貝蚌 月亮貝韓國慶南蠔有機蔬菜籃首先在鍋底放粟米，排骨，芋頭和白米，蒸完哂海鮮就有熱辣辣嘅靚粥食啦！部份海鮮已經準備好，今次貝類比較多，有月亮貝，大刀貝，青口，鮑魚，蠔和大虎蝦。今次應C的要求，首先吃了蔬菜先，據她說這樣會比較健康。有機蔬菜籃有粟米，生菜和紹菜，清甜爽脆，正！越南大虎蝦~肉質爽脆彈牙，鮮甜美味。月亮貝~第一次食月亮貝，肉厚鮮嫩又肥美，好鮮甜。台灣九孔鮑魚~又大隻又肥美，口感軟滑彈牙，好好味呀！韓國慶南蠔~肥嘟嘟脹卜卜，雖然細細隻，但香甜美味。新西蘭大刀貝~體型足有一般貝類3陪，口感嫩滑爽口，無沙，好鮮甜。大西洋活青口~活青口真係同急凍青口完全不一樣， 非常肥美，啖啖肉，海水味非常濃郁，極鮮甜，好美味。野生東星~肉質細嫩而鮮美，口感韌而富彈性，野生魚和飼養魚無論口感和味道真是有很大分別， 雖然得半條，但兩個人食剛剛好。澳洲龍蝦~啖啖肉，肉質緊實爽