影片
更多
2021-04-22
81 瀏覽
成日聽到朋友話有間食蒸海鮮嘅餐廳好好味，仲抵過自己去街市買，今日即管去試試。餐廳位於九龍城龍崗道，比訂枱時間早到半小時，店員預備三數分鐘後都順利入座。店員會協助將碗筷餐具等用高温蒸氣消毒，確保食得放心。點餐前先奉上即炸魚皮一碟作餐前小食，熱辣辣非常香口。套餐大致分別有：精選海鮮套餐(每位$299)、尊貴海鮮套餐(每位$399)、至尊海鮮套餐(每位$499)及刁鑽海鮮套餐(每位$688)。第一次幫襯，先試試中間價位嘅尊貴海鮮套餐。海鮮以趣緻嘅巨蟹造型膠盤奉上，打卡一流😎先有台灣九孔鮑魚、越南虎蝦、紐西蘭刀貝蚌、慶南珍珠蠔、美國青口、月亮貝；越南虎蝦未放落蒸爐前仍然在不斷活動，食落肉質爽口彈牙。九孔鮑魚肥大肉厚，有手板咁大隻，輕輕加少少蒜蓉豉油更能提鮮；刀貝蚌食落無沙，有咬口得嚟又唔會出現𡁻香口膠情況，比日本北寄貝再高一個等级；珍珠蠔肥美，海洋味十足，蒸完後仍然脹卜卜，一啖吞落去簡直係享受緊隻蠔喺口腔內暢泳。再嚟就係大黄奄蟹、太平洋饅頭蟹、琵琶龍蝦。正所謂不時不食，今次咁啱撞正有饅頭蟹提供，可以用期間限定形容，每年只得兩個月有貨，海水味比較重但咸鲜味十足，推介比喜歡食海水味海鲜嘅朋友仔；琵
餐廳位於九龍城龍崗道，比訂枱時間早到半小時，店員預備三數分鐘後都順利入座。
店員會協助將碗筷餐具等用高温蒸氣消毒，確保食得放心。點餐前先奉上即炸魚皮一碟作餐前小食，熱辣辣非常香口。
套餐大致分別有：精選海鮮套餐(每位$299)、尊貴海鮮套餐(每位$399)、至尊海鮮套餐(每位$499)及刁鑽海鮮套餐(每位$688)。第一次幫襯，先試試中間價位嘅尊貴海鮮套餐。
海鮮以趣緻嘅巨蟹造型膠盤奉上，打卡一流😎先有台灣九孔鮑魚、越南虎蝦、紐西蘭刀貝蚌、慶南珍珠蠔、美國青口、月亮貝；
越南虎蝦未放落蒸爐前仍然在不斷活動，食落肉質爽口彈牙。九孔鮑魚肥大肉厚，有手板咁大隻，輕輕加少少蒜蓉豉油更能提鮮；
刀貝蚌食落無沙，有咬口得嚟又唔會出現𡁻香口膠情況，比日本北寄貝再高一個等级；
珍珠蠔肥美，海洋味十足，蒸完後仍然脹卜卜，一啖吞落去簡直係享受緊隻蠔喺口腔內暢泳。
再嚟就係大黄奄蟹、太平洋饅頭蟹、琵琶龍蝦。正所謂不時不食，今次咁啱撞正有饅頭蟹提供，可以用期間限定形容，每年只得兩個月有貨，海水味比較重但咸鲜味十足，推介比喜歡食海水味海鲜嘅朋友仔；
琵琶龍蝦長期於海底位置生長，繁殖季節先至會游上淺水位置，唔好只留意外面嘅保護色，覺得佢樣衰衰，蒸熟之後你真係會哇一聲，蝦肉爽甜無比，比得上澳洲龍蝦。
大黄奄蟹蒸熟後，全隻蟹不論蟹蓋蟹爪皆爲普洱茶色，敲一敲蟹殼響亮清脆，非常新鮮，店員解釋由於所以蟹皆為野生捕獲，而非魚池圈養，生長環境不同，因此差别亦大；蟹膏多到流哂出嚟，蒸熟後好似熱溶芝士一樣，畫面非常誇張，食落仿佛有熔岩源源不絕在流動😌😌
食咗咁多海鮮，都係時候食埋個有機蔬菜籃，包括娃娃菜、生菜、粟米，有機菜除咗無落農藥食得安全又健康d外，的而且確係清甜d，呃唔到人。
食哂所有主食，終於食到粥底喇，店員介紹由於粥底完全不加任何味精，連鹽都唔落，只係剛才所有海鮮蒸出嚟嘅精華滴落去底盤下面，再加上芋頭、粟米再滾，所以全部味道都係來自海鮮😌真正全天然。
正當已經飽飽之際，店員再送上椰汁雪燕甜品，滋保又養顏，男女皆宜，為今餐劃上完美句號。
埋單時店員透露公司將會拓展業務喺銅鑼灣再開分店，港島區朋友仔有福了，行街食飯又多一個好選擇。
張貼
