蟹仙海鮮蒸氣鍋 (龍崗道)

營業中

休息中

雖然依家好多食蒸氣海鮮嘅舖頭，但依間都仲係咁多人支持，平日夜晚都滿座，今次試完終於明白點解！因為依度海鮮除咗新鮮之外，服務都好好，店員會好詳盡咁解釋俾我哋聽每款海鮮嘅特點，又會幫手蒸海鮮，完全唔需要自己操心！另外依到仲會按客人嘅喜好幫客人配搭，絕對係難得！今次第一次食所以想咩都試啲，就試咗佢嘅$399套餐。首先嚟咗嘅有台灣九孔鮑魚、越南大虎蝦、大西洋野生青口、韓國珍珠蠔、紐西蘭刀貝蚌同月亮具，基本上呢幾款都係比較有咬口同鮮甜！而個珍珠蠔都令我驚喜，細細粒但口感軟滑，又夠哂甜。然後就係食琵琶龍蝦同大黃奄蟹，肉質非常爽口，唔需要任何調味，個蝦味已經好出好鮮。另外依個黎自菲律賓嘅大黃奄蟹係只係繁殖左一次嘅蟹，啲膏係好滑好甘甜！蟹肉都好正，嫩口又多汁！最後，當然仲有蔬菜同埋結合左咁多海鮮精華嘅豬骨粥！煲落有成四、五碗，個粥除咗豬骨好香之外亦都食到海鮮嘅甜味，好正！原來仲有椰汁官燕送，唔太甜，雖然幾飽但都忍唔住食埋佢！依餐真係勁圓滿，下次想再食海鮮嘅時候一定會再揀依間。

蟹仙話說好耐冇去食海鮮，亦都好耐冇過嚟九龍城，啱啱要去九龍城買啲嘢，就嚟蟹仙食海鮮！之前嚟過蟹仙，我記得佢嘅海鮮好新鮮，所以再嚟。一坐低揀咗個餐，我哋叫咗個399餐，海鮮包括奄仔蟹，半條魚，龍蝦，鮑魚，虎蝦，刀貝蚌，月亮貝，蠔同埋蔬菜。咁岩今日冇冇晒青口，所以佢就比多隻馬刀貝我。呢度員工好有善，有啲海鮮安排唔到都盡量俾我哋揀代替品。唔講以為個個都係老闆老闆娘，因為個個都好用心。先食咗啲貝類鮑魚蝦嗰啲。你唔需要擔心會唔會蒸過龍，因為員工會幫你較時間，只係有陣時忙起上嚟，起唔切就要自己搞，但係整體佢哋嘅服務都好好。之後食龍蝦，好新鮮，佢哋斬咗一半，都見到佢郁吓郁吓。哈哈，有啲內疚添。奄仔蟹又多肉又多膏。最後就係呢個粥底。你見到我哋將個龍蝦殼掉咗入去。因為員工介紹我哋咁樣食嘅話，龍蝦嘅精華就可以再攞落去啲粥度，當然啦我同我老公兩個人食就可以咁做，其他人就可能要注意下衛生啦。最後就係個椰汁燉官燕。

一路想試呢間蒸海鮮,  難得搵到朋友一齊食, 鋪頭位罝向九龍城龍崗道好易搵, 之前都有食過幾間呢類蒸海鮮舖, 總有一兩款會食到霉或者有沙, 但呢間海鮮有水準, 啖啖有驚喜.揀左尊貴海鮮套餐 ($399)有十款仲有蔬菜同海鮮粥. 星斑: 肉質脆又甜無魚腥味蝦: 唔算好大隻但勝在肉鮮龍蝦: 啖啖肉又彈牙鮑魚: 嫩滑多汁大隻無腥味青口: 甜而唔韌大刀貝, 月亮貝: 爽脆香甜蠔: 清甜肥美全晚重點大黃蟹: 爆膏又有肉海鮮粥：有豬骨粟米芋頭粥底店舖有多款套餐選擇, 收費由二百幾起, 對海鮮有要求嘅人可以一試, 食材新鮮真材實料,  可以再黎既鋪. 值得一讚系店員好忙但仍會好主動過嚟介紹, 解釋海鮮嘅來源地，難得好有心

難得和老公二人撐枱腳，平時少吃海鮮，今晚一於來飽吃一餐，好好慰勞自己😭😭😭我們點了一個尊貴海鮮餐，海鮮每日新鮮到港，令我們都十分期待，有魚、蝦、蟹、青口等等，真是琳琅滿目💯先來一客木耳青瓜作前菜，開胃。肥美膏蟹有罕有大黃奄蟹和太平洋饅頭蟹，它們的肥膏滿滿，充滿蟹黃，一啖一滋味。是野生的味道，有海水的鹹香，又有蟹肉的清甜😋 不用點豉油，原汁原味最好😎😋琵琶龍蝦琵琶龍蝦和一般吃的急凍龍蝦有極大分別，單單是海水味已經充證野生，吃過返唔到轉頭🥺大西洋野生青口青口脹卜卜，好好肉，夠新鮮💯韓國慶南珍珠蠔蠔肉柔滑，新鮮不在話下，其中最欣賞是店家在清潔海鮮上一絲不苟，令我們都安心吃。🥳有機蔬菜籃有粟米、生菜🥬等等，粟米和菜都新鮮鮮甜。令我們更期待粥底加上海鮮鮮味和鮮菜味❤️海鮮粥每啖海鮮粥都充滿鮮味，配上粟米、芋頭和蔬菜等等，令這碗粥更加豐富👍🏼😆椰汁燉雪燕大大啖雪燕，配上新鮮打磨的椰汁，更顯清甜💯😋第二個胃表示很滿足。

Book左8點 全部人準時到 但係9點都未有得食 安排入座混亂 樓面金魚記憶 就算啲野幾好食幾鮮都已經打哂折 食落仲要普通平均都at least$400 per head 好垃圾真係

朋友之前介紹, 所以今晚到九龍城蟹仙試一試它的蒸海鮮.  因為它, 我寫我第一篇食評; 因為它, 亦很久沒試過零晨兩點幾仍在打字. 先講服務.當我和同行友人在揭餐牌時, 有一位阿姐 (我先稱呼她為阿姐A)突然出現推介套餐. 佢不斷遊說我們吃$688一位的套餐, 強調靚的海鮮都在這個套餐裡, 又或者$999的二人餐.  我們appreciate阿姐A落力介紹, 但後來開始覺得她太hard sell, 所以同佢講我們要考慮一下. 之後阿姐A折返, 我們點了兩set $399套餐,  阿姐A臉帶不悅地離去, 也沒有跟進我們揀什麼海鮮 (因為餐牌有些選項係二選一). 所以, 我們找來阿姐B, 同佢講返我們想揀的海鮮. 誰不知又是另一輪的轟炸. 我們想揀"日本大元貝", 但阿姐B不斷遊說我們揀"紐西蘭月亮貝", 大概思意係此貝海水味濃, 十分鮮味, 錯過下次未必可以食到.....(不詳敍). 但最後我們堅持要大元貝, 阿姐B最後拋下一句"你下次嚟都未必有得食(指月亮貝)", 就離去. 正當我們平伏心情, 等候用餐時, 阿姐A又拿著餐牌出現! 她說沒有大元貝, 要我們揀月亮貝. 我已經有點不耐煩,

同屋企人於母親節到外食飯，用餐極不愉快。首先有一位sales職員表面稱向客人介紹餐牌，實則不停推銷貴價套餐，該職員多次指海鮮新鮮，但海蝦肉質鬆軟，而貝類蒸熟後不開殼，味道極為普通。連同其他海鮮，共收取3xxx，每位平均$800，不過為普通街市質素，強烈不建議，以免中伏

每次去到九龍城都是食泰國菜或者火鍋，今次想轉下新口味，朋友就提議不如食蒸氣火鍋，自己就未試過，上網搜尋到一間蟹仙海鮮蒸氣鍋，評價不錯就一於去試吓👍入到店內店員就安排入座，遞上餐牌給我們介紹多款套餐，最後我們選擇了一款中等價錢的尊貴套餐$399，有八款海鮮🦞海鮮種類會因應當日新鮮到港為準。還有有機蔬菜藍及粥底。店員亦為我們把每一款海鮮蒸熟及控制時間，服務非常貼心。鮑魚蒸到啱啱好，爽口亦都唔韌。海蝦夠新鮮，肉質鮮甜爽口。貝殼類沒有沙，蒸起粒粒帳卜卜好好味😋大黃奄蟹和饅頭蟹肉質鮮甜肉嫩，咬落還有蟹膏，香濃美味。珍珠蠔色澤新鮮，食落一啲都唔腥，蠔味濃郁，不用點任何醬汁已經好好食😋琵琶龍蝦🦞蒸熟後顏色晶凝通透，啖啖肉，咬落鮮甜多汁。粥底鮮甜，因為集海鮮同配料嘅精華於一身，配料有粟米，芋頭及菜脯，囗感亦都很豐富。每人食了兩大碗🤤好滿足的一餐👍

終於食咗想試好耐的蒸氣火鍋，朋友介紹這裏海鮮新鮮價錢合理，於是就打電話嚟book位。入到店內雖然環境不大但坐得很舒服😌坐低後職員為我們把餐具放上蒸爐蒸一蒸，十分安全衛生這裏有幾款套餐選擇，我們最後選擇了門外介紹的尊貴套餐，套餐包括大黃奄蟹，饅頭蟹，大虎蝦，紐西蘭刀貝蚌，大西洋野生青口，台灣九孔鮑魚，紐西蘭月亮貝給韓國珍珠蠔🤤蒸海鮮的特點就是保留海鮮的鮮味，進食時唔需加特別的醬汁，整體海鮮質素唔錯，鮑魚大隻厚肉，質感彈牙😋刀貝蚌，青口及月亮貝清洗得好乾淨，肉質爽囗，特別喜歡的是蟹，肉質好實好鮮甜美味，膏帶有橙黃色，味道好甘香回味。粥底店員預先放入爐，亦都落咗三款配料放入粥裏面熬製，包括豬骨、芋頭粒同粟米粒，待上面蒸完所有海鮮精華再一齊食，葱和菜脯粒按照個人喜好加入。粥底食落鮮甜無比😋椰汁雪燕，微甜，椰汁味香濃雪燕健康有益😋

9款海鮮加蔬菜籃 399元!?繼上個月於尖沙咀吃過這家蒸海鮮後, 發現原來九龍城亦有此家分店! 本身打算來到九龍城吃泰菜的我, 隨即變陣轉食蒸海鮮。原因!? 因為真心的抵食!小妹開始步入做煮飯婆的階段, 對於食物價格的敏感程度都相應提高。曾幾何時都想著自己準備海鮮, 整一個自家製蒸海鮮餐, 當澳洲龍蝦、大黃奄蟹等都要100-200多元起跳, 然後又要洗又要刷海鮮把自己弄得半死, 最後都發覺出街食更化算。先不說前期工作辛苦, 單看價錢約400元, 吃到9款不同種類的海鮮, 已經感覺值回票價。上篇文提到, 進店後的餐具都經過蒸籠高溫消毒,確保餐具衛生。然後, 整個蒸海鮮的工作都交由店員處理, 不需擔心海鮮過生過熟問題。過程中, 店員會為你介紹其海鮮的來源, 運送過程, 其珍「貴」之處等。我們點了399元/人的尊貴海鮮套餐【越南大虎蝦】打頭陣的是【越南大虎蝦】, 要知道蝦是否新鮮, 除了看肉質是否結實爽口外, 另一點就是看殼肉是否容易分離。無疑地, 大虎蝦肉爽口, 超新鮮的, 而且味道超鮮甜 超鮮甜 超鮮甜 的呢! 【韓國慶南珍珠蠔】、【台灣九孔鮑魚】接著就是【韓國慶南珍珠蠔】、【台灣九孔鮑

屋企人生日梗係要食餐好嘅依家網上已經睇咗好耐！期待咗好耐嘩咁靚嘅好細心咁幫我哋餐具用佢哋嘅蒸氣消毒店長姐姐殷勤地介紹唔同嘅餐牌Menu最後揀咗同價位性價比最高嘅尊貴海鮮套餐 $399有多款深海海鮮🦞仲有專人哥哥仔幫我哋整佢哋會備用一個計時器幫我哋計算最好嘅烹調時間！咁海鮮就唔會變老咗破壞食材本身鮮味同埋口感首先開場越南大虎蝦之後就係呢隻充滿海水味嘅大鮑魚，又甜又彈牙太平洋饅頭蟹 入面嘅蟹膏驚為天人🥺琵琶龍蝦🦞 好彈牙而且鮮味十足呢個賣相一流，打卡都一流台灣9孔大鮑魚我數過真係有9孔😂 大西洋野生青口超級大隻青口！問返先知原來深海野生！烹調時間啱啱好，口感同埋味道都好豐富紐西蘭刀背蚌日本大元貝韓國🇰🇷珍珠蠔：用蒸嘅方法烹調蠔本身嘅腥冇咗，仲食到佢好鮮甜小妹本身唔食生蠔🦪但呢隻蠔食得我津津有味😋yummy yummy食完海鮮🦞點都要食返啲菜套餐入面加人有機蔬菜籃🧺有幾款不同蔬菜🥬最後仲有個粥底加入甜粟米🌽及芋頭再加埋海鮮入面嘅精華唔使加菜莆已經好夠味最後仲送咗個椰汁燉官燕椰汁味好香濃，而且冇額外加甜健康得來又好味！滋補養顏又高質好欣賞呢間餐廳逆市都俾足料客人真心欣賞抵佢分店越開越多😜😜

媽媽最愛吃海鮮，吃海鮮最重要是「鮮」、「不時不吃」，今天特地帶媽媽和老公來吃海鮮蒸鍋。九龍城的海鮮蒸鍋不少，但論鮮，這間算是數一數二。我們點了尊貴海鮮套餐，魚蝦蟹均有，而且來自世界各地👍🏼，媽媽更是首次吃到琵琶龍蝦🦞，肉質爽滑，有鮮味。越南大虎蝦爆膏，肉質爽甜，沒有霉霉的味道，係新鮮和野生的味道呀！大西洋野生青口的觸鬚長長，碰一碰仍會開合，非常生猛😌肉質爽，又夠飽滿。紐西蘭刀貝蚌食蚌最怕有沙，這蚌無沙之餘，海水味重，相信店家用了不少功夫來清潔。韓國慶南珍珠蠔肉質柔滑，滿滿的海水味👍🏼太平洋饅頭蟹非常少見，不是普通街市的常客🥺媽媽對這饅頭蟹大讚，是野生之餘，肉質爽甜，完全不用點豉油，有純天然的海水味。吃過各式各樣的海鮮後，好戲在後頭，粥底混合了海鮮的鮮味後❤️配上店家細心預備的芋頭（有咬口）、粟米（鮮甜）、新鮮排骨（提鮮），再配上蔥粒和菜甫仔，👍🏼👍🏼👍🏼椰汁燉雪燕本來見到雪燕已心心眼，一飲，便發現椰汁出奇地香濃，並不是死甜，有椰汁獨有香氣。細問之下，原來椰汁是店家新鮮製成的，難怪⋯⋯⋯⋯⋯我連老公那碗也搶來吃😆

想嚐鮮，就諗起蟹仙嘅美味海鮮！當然印象最深刻嘅就係爆晒膏嘅蟹，嗰種鮮味真係同啲蟹膏一齊爆出嚟，回味無窮。 今次唔係同屋企人食，係帶朋友嚟食，幾款推介套餐入面我哋揀咗呢個$399「尊貴海鮮套餐」。 打電話訂位有優惠，今次就送咗一碟即炸魚皮，係新鮮炸起！粥底連材料好快就準備好，蒸鍋開動~~兩盤海鮮先後上枱，咁正，當然要相機食先！ 有啲海鮮仲郁緊，果然好新鮮呀。 店員依次幫我地逐樣蒸，較到最Perfect嘅時間，蒸好再幫我地將海鮮上碟，服務超好。 罕有大黄奄蟹、饅頭蟹、琵琶龍蝦、九孔鮑魚、大虎蝦、青口、刀貝蚌、月亮貝、珍珠蠔唔係講笑，每款都勁！鮮！甜！刀貝相對係煙韌啲、有口；月亮貝就腍啲、海水味道比較重。琵琶龍蝦我係第一次食，屬龍蝦嘅一種，樣子有啲怪怪的，但肉質同味道好似龍蝦喎。麵包蟹就食得多，饅頭蟹又係第一次食，佢本來個樣係好可愛，萌萌的~ 不過肉唔係好多，但係平時街市同食肆好少見，夠特別，我鍾意！主角梗係大黄奄蟹，店員介紹係野生㗎。 未蒸已經爆晒膏，好期待。 蒸熟之後，肉質鮮甜，蟹膏甘香，超級正。最後食埋有機蔬菜籃、綿滑嘅海鮮粥同椰汁雪燕，只可以講兩個字：超值！

成日聽到朋友話有間食蒸海鮮嘅餐廳好好味，仲抵過自己去街市買，今日即管去試試。餐廳位於九龍城龍崗道，比訂枱時間早到半小時，店員預備三數分鐘後都順利入座。店員會協助將碗筷餐具等用高温蒸氣消毒，確保食得放心。點餐前先奉上即炸魚皮一碟作餐前小食，熱辣辣非常香口。套餐大致分別有：精選海鮮套餐(每位$299)、尊貴海鮮套餐(每位$399)、至尊海鮮套餐(每位$499)及刁鑽海鮮套餐(每位$688)。第一次幫襯，先試試中間價位嘅尊貴海鮮套餐。海鮮以趣緻嘅巨蟹造型膠盤奉上，打卡一流😎先有台灣九孔鮑魚、越南虎蝦、紐西蘭刀貝蚌、慶南珍珠蠔、美國青口、月亮貝；越南虎蝦未放落蒸爐前仍然在不斷活動，食落肉質爽口彈牙。九孔鮑魚肥大肉厚，有手板咁大隻，輕輕加少少蒜蓉豉油更能提鮮；刀貝蚌食落無沙，有咬口得嚟又唔會出現𡁻香口膠情況，比日本北寄貝再高一個等级；珍珠蠔肥美，海洋味十足，蒸完後仍然脹卜卜，一啖吞落去簡直係享受緊隻蠔喺口腔內暢泳。再嚟就係大黄奄蟹、太平洋饅頭蟹、琵琶龍蝦。正所謂不時不食，今次咁啱撞正有饅頭蟹提供，可以用期間限定形容，每年只得兩個月有貨，海水味比較重但咸鲜味十足，推介比喜歡食海水味海鲜嘅朋友仔；琵

九龍城出名美食集中營，今日得朋友介紹到已蟹聞名的蟹仙店食海鮮餐。通常食海鮮好難會包羅萬有一個餐，但這間店提供各適其適海鮮套餐任君選擇。這次我們點了比較經濟的尊貴海鮮套餐。首先出場一盤貝殼類加大虎蝦，包括有刀貝蚌和月亮貝，兩款都比較大肉，而且較重海水味，不需豉油能吃到原汁原味！另外大虎蝦幾大隻又新鮮，很滿意這個開場的配搭。然後就是鮑魚和珍珠𧐢一併出場，九孔鮑魚最重要就是新鮮，煙煙韌韌幾好食，要分幾啖才吃完絕對不少！之後登場是琵琶龍蝦，原來龍蝦都會爆膏，新鮮龍蝦一眼看得出，蒸出來後看到白雪雪的龍蝦肉而且脹卜卜的。咬下去非常鮮甜，盡顯這個套餐的矜貴！終於到主角隆重登場：大黃奄蟹蟹膏真是冇得彈！又香又鮮令人齒頰留香！蟹肉鮮甜而且厚實，蒸煮後完全保留蟹汁，非常推薦！別以為海鮮登場後就收場，壓軸出場就是注滿海鮮原汁的粥底鍋，本身粥底已有豬骨和粟米底料，店員還加入甜甜菜莆、香蔥和芋頭混合。一啖一啖鮮甜熱粥，實在太好味，而且最後真的很飽足！