影片
更多
2020-11-24
638 瀏覽
香港人鍾意食海鮮，又鍾意打邊爐，兩樣溝埋一齊，食蒸氣鍋應該更多人鍾意，但一般散叫嘅海鮮蒸氣鍋的確唔平，一隻鮑魚$68，半隻龍蝦$108，好容易就食左$800-$1000/位，而呢度嘅套餐只係$288/$399/位，有八款/十款海鮮，仲有一兩款蟹，非常抵食！蟹仙有三家分店，分別位於九龍城、尖沙咀，及新蒲崗，除左堂食蒸氣鍋外，仲有直銷海鮮比香港唔同分銷商，包括鯉魚門一帶，聽到呢度，都已經覺得啲海鮮夠新鮮。同一般蒸氣鍋一樣，每款食物都由店員協助蒸煮，食客只需「翹埋雙手」食就可以，$299/$399仲包埋如此服務，真係抵過打邊爐好多囉。越南大虎蝦: 肥美厚肉，蝦肉夠爽口彈牙，非常爽甜，蝦膏亦十分鮮甜。翡翠九孔鮑魚: 質感同樣爽口彈牙，唔會乾水，味道夠鮮，基本上唔需要加任何醬油/調味，嘗其鮮即可。韓國慶南蠔: 蒸煮時間恰到好處，蠔肉仍能保持幼嫩質感，味鮮，帶微微海水味，蠔味唔會太rich紐西蘭刀貝蚌: 肥美多汁，非常juicy，肉質嫩滑，而且味道鮮香。澳洲青年龍蝦: 每位有半隻爆曬膏嘅澳洲龍蝦，而唔係平價嘅美國波士頓龍蝦，大量鮮橙色嘅蝦膏非常鮮甜，肉比一般美國波士頓龍蝦罕有大黃奄蟹: 並唔係一
蟹仙有三家分店，分別位於九龍城、尖沙咀，及新蒲崗，除左堂食蒸氣鍋外，仲有直銷海鮮比香港唔同分銷商，包括鯉魚門一帶，聽到呢度，都已經覺得啲海鮮夠新鮮。
同一般蒸氣鍋一樣，每款食物都由店員協助蒸煮，食客只需「翹埋雙手」食就可以，$299/$399仲包埋如此服務，真係抵過打邊爐好多囉。
越南大虎蝦: 肥美厚肉，蝦肉夠爽口彈牙，非常爽甜，蝦膏亦十分鮮甜。
翡翠九孔鮑魚: 質感同樣爽口彈牙，唔會乾水，味道夠鮮，基本上唔需要加任何醬油/調味，嘗其鮮即可。
韓國慶南蠔: 蒸煮時間恰到好處，蠔肉仍能保持幼嫩質感，味鮮，帶微微海水味，蠔味唔會太rich
紐西蘭刀貝蚌: 肥美多汁，非常juicy，肉質嫩滑，而且味道鮮香。
澳洲青年龍蝦: 每位有半隻爆曬膏嘅澳洲龍蝦，而唔係平價嘅美國波士頓龍蝦，大量鮮橙色嘅蝦膏非常鮮甜，肉比一般美國波士頓龍蝦
罕有大黃奄蟹: 並唔係一般奄仔蟹咁簡單，蟹肉更加厚實鮮香，大量蟹膏，非常濃郁鮮甜，十分出色。
深海東星斑 (半條): 由於今晚無饅頭蟹，所以餐廳比左半條東星斑代替，食少一款蟹，確實有啲可惜。東星斑肉嫩味鮮，肉質極之細膩，非常滑口。
最後，食曬海鮮之後仲有呢個海鮮粥底食，以芋頭、粟米、瘦排骨，加上各款海鮮嘅肉汁精華餚製，咸香鮮味，真係食到好飽......
張貼
