蝦麵店 (荃新天地) (已結業)

個人黎講對麵都非常喜好, 最近就試左荃灣蝦面店, 店最出名係馬來西亞辣味蝦湯底麵, 真係跟足馬來西亞風味, 果湯底的確係好濃有蝦味之餘, 配埋油麵食, 真係不得了!另外佢仲有個湯底好正既!就係豬骨雞湯底,唔想食咁濃既, 呢個一定岩口味, 清清甜甜又有肉味, 唔要油麵, 米粉一樣出色, 因為夠索!除左個麵了得, 小食都令人大開眼界!我地叫左脆魚皮, 沙爹醬魷魚同甜品椰汁糕! 脆魚皮真係脆, 就咁食都唔覺油, 浸2下湯仲正, 一樣咁脆! 沙爹醬配魷魚非常惹味! 最後由充滿椰香既椰汁糕作總結!餐廳黎講, 佢都算有好多細心位, 簡簡潔潔以白為主。有紙圍巾俾客人用, 原來係用黎防止客人食麵時唔小心滴汁落衣服度! 服務方面都算快速, 好快就到齊哂!價錢又唔貴, 就可以試到咁正宗既馬來西亞菜, 係低既!