虎鐵鐵板燒

營業中

休息中

🍽 Premium Lunch Set💰 ~HK$500 (Lunch, 10% service charge)Throwback to our Lunch at Tora Tetsu Teppan Yaki😋 Good value teppanyaki in Causeway Bay. The atmosphere was great and chef was friendly. They served fresh seafood (e.g. scallop, tiger prawn, South African abalone etc.) and Japanese A5 Wagyu Beef.They are doing a great deal if you book from OpenRice, you can get 25% off for lunch set.👍🏻

前排朋友帶我嚟呢度慶祝生日，揀咗個虎鐵精選二人餐 $1480，有沙津﹑蒸蛋﹑大虎蝦﹑南非鮑魚﹑日本A5和牛厚燒﹑三文魚子海膽杯炒飯﹑味噌湯同甜品或咖啡，可以話係相當豐富抵食😋首先上嘅沙律都幾大碟，沙律菜種類都唔少，食落好清新爽脆，配以柚子醬汁非常開胃。鴨肝蒸蛋用原隻蛋殼奉上～食落都好蛋香夠滑。大虎蝦鐵板虎蝦熟度啱啱好，擺盤都好精緻，仲配有我最喜愛嘅三文魚籽😍食落好彈牙夠鮮味南非鮑魚巨型南非孔雀鮑魚，攏盤真係非常之靚，肉厚爽口彈牙，仲帶有少許新鮮海水味，食落鮑汁溢出，真係好香好鮮甜！再配埋個特製海苔汁同紅綠雞冠草，更為提鮮帶清新嘅感覺日本A5和牛厚燒和牛油脂豐富，燒完果陣油香同牛味真係令人垂涎三尺厚燒嘅和牛一口咬落滿滿肉汁，既軟熟又入口即融，另外配埋炸蒜片一齊食同樣非常惹味！仲有少許日本南瓜、日本茄子同埋大啡菇作伴碟三文魚子海膽杯炒飯用杯盛載住嘅炒飯賣相好加分～面頭鋪滿晒三文魚子同海膽，輕輕一勺已經瀉晒落碟😛😛飯量適中，飯粒炒至乾身有鑊氣，粒粒分明味噌湯最後有返個味噌湯清一清，最後加杯咖啡或雪糕，全餐真係大滿足！

首先疫情下，因為老婆生日，所以找到間鐵板燒，而且私底下叫餐廳可否寫下甜品Happy Birthday, 結果食完，食物新鮮服務好好，鮑魚超甜，虎蝦都好新鮮，大家都可以支持下🤣

剛剛好趕得切生日嚟食晚餐🥰🥰由頭盤到甜品足足九道菜式🥰而且每道菜式店員都會為你講解烹調做法同食法，非常貼心✨海膽黑松露溏心蛋賣相精緻，頂層放上金箔比人一種矜貴嘅感，下層以黑松露、海膽做調味配搭半熟糖心蛋，入口creamy，味道鮮甜得黎帶點松露嘅咸香✨火焰北寄貝上枱時店員會淋上酒點火，燃起日本空運黎嘅柏葉，令柏葉散發出獨特嘅香氣北寄貝肉嫩厚肉配搭清酒嘅調味，令人一試回味👍🏻👍🏻非常推薦✨原隻鮮活澳洲黑邊大鮑魚約有男仕手掌般大🙈，先試原味，鮮甜爽口帶點焦香味，其後點配蟹肉海苔醬同三文魚子，增加口感層次✨法國🇫🇷鴨肝鴨肝表皮煎得香脆，口感比鵝肝厚實底下伴有焦糖蘋果，帶微酸，夾住鴨肝一齊食可減輕膩感✨日本A5薄燒和牛配香煎野菜肉質軟腍，有入口即化嘅油脂，香味濃郁，配搭蔥花炸蒜，味道更突出✨厚燒西班牙黑毛豬肉質厚實，煎得外層焦香，旁邊配搭大啡菇同日本南瓜✨汁物龍蝦𩶘魚湯入面有豆腐、帶子、龍蝦𩶘魚，熬製出嚟嘅湯非常鮮甜✨和牛炒飯炒得粒粒分明夠乾身，無油膩感最後甜品✨柚子雪葩同✨焦糖燉蛋為豐富嘅晚餐畫上完美嘅句號🥰🥰

今日放假朋友特登訂咗位去食鐵板燒套餐，我哋不嬲都好鍾意食鐵板燒，今次嘅套餐就係由廚師發板，我哋就可以揀自己想食嘅食材！我哋嗌左兩個廚師推介套餐，套餐都有包咗又總共9款食物，包括有沙律、鮑魚、鵝肝，黑毛豬和蟹肉炒飯等等。套餐可以俾你揀食日本A5和牛或者黑毛豬柳，我哋就揀咗黑毛豬，我哋覺得佢嘅調味同埋肉嘅質地都非常好👍🏻下次想試吓佢哋嘅A5和牛！佢燒出嚟嘅份量都好多，而且非常嫩滑🤤佢哋嘅鮑魚鴨肝都非常推介俾大家試吓，佢哋係用南非鮑魚，就算我哋見到師傅冇用任何嘅調味料，煎完鮑魚出嚟都非常香同埋惹味！鴨肝亦都係鐵板燒想叫餐單之一，佢哋嘅鴨肝入口即溶非常creamy❤️講返佢哋仲有一個松葉蟹肉沙律🥗賣相非常吸引仲好足料，好多蟹肉加咗柚子汁，食落覺得酸酸甜甜非常開胃，沙律感覺非常清新👍🏻跟住沙律就配左一個海膽黑松露糖心蛋，估唔到海膽同黑松露嘅味道都非常融洽，令到個糖心蛋層次感增加🤭煙燻帆立貝仲去配其他小食，有紅酒啫喱、菊花煙燻，令到味道層次增加左及更加豐富。帆立貝就吾會太熟食，有熟少少就食得，師博仲好有心畫左個用鹽整的logo。個套餐嘅鮑魚都非常吸引，有鮮味再加小小海苔汁，紅綠冠草，鮑魚好惹味👍🏻🤤

食物新鮮，但師傅處理食物有問題，煮嗰陣己經見佢好乸西，整隻鮑魚攪到隻鮑魚四圍跣，個鏟一𠝹開隻鮑魚d汁四圍唧，跟手再跣埋隻鮑魚落爐邊條垃圾曹，轉頭攞個垃圾箱入廚房（我諗係洗洗佢）再攞返出黎，我問佢「呢隻係頭先隻鮑魚？」佢話唔係，換咗，但明明呢隻「新」鮑魚係煮過下，咁快拎入去又可以起埋肉煮到既？但佢嗰隻鮑魚唔係比我，所以我冇即場投訴，但以后都唔會再去，因師傅處理食物極唔衞生，成餐飯，佢煮伴碟既配菜係燶既，鵝肝都係過熟，基本上佢煮嘢係冇心同求其，如果你係1月2日晚上7-8點係嗰度叫咗個有青邊鮑既餐而你唔係坐bar枱，我相信你己經食咗隻垃圾桶鮑魚，希望你腸胃冇事。

今日同朋友喺銅鑼灣附近收工，夜晚好肚餓又好想食鐵板燒就上網搵到一間喺澳門逸園中心嘅鐵板燒餐廳，我哋就想去試吓佢哋嘅晚餐套餐！我哋嗌左兩個廚師推介套餐，套餐都有包咗又總共舊款食物，包括有沙律、鮑魚、鵝肝，黑毛豬和蟹肉炒飯等等。松葉蟹肉沙律個賣相都好吸引，嚟到嘅時候見到有好多蟹肉喺面頭，食落覺得酸酸甜甜非常開胃，原來佢哋係加咗少少柚子汁，沙律成個都非常清新👍🏻之後就食個海膽黑松露糖心蛋，估唔到海膽同黑松露嘅味道都非常融洽，令到個糖心蛋層次感增加🤭煙燻帆立貝仲去配其他小食，有紅酒啫喱、菊花煙燻，令到味道層次增加左及更加豐富。帆立貝就吾會太熟食，有熟少少就食得，師博仲好有心畫左個用鹽整的logo。個套餐嘅鮑魚都非常吸引，南非鮑魚冇任何嘅調味，天然非常有鮮味，仲有海苔汁，紅綠冠草，加埋鮑魚都好夾👍🏻🤤仲有一個印象非常深刻嘅就係西班牙黑毛豬柳，佢嘅豬柳非常厚肉，但係食落口非常軟熟一啲都唔鞋口，而且佢嘅調味都非常出色！我都非常建議如果特別節日想食鐵板燒就可以去試吓呢間，記得要訂定位！

這一年過得特別快，又到12月，一年見面次數不多，所以特別選擇了朋友最喜歡的鐵板燒，由沙律、前菜、主菜、湯和甜品，都用心制作，擺盤亦十分之精美。最欣賞海膽溏心蛋，蛋幼滑，海膽香滑，還有松露香。帆立貝都印象深刻，用菊花煙燻過，香氣撲鼻。鮑魚當然是大部分至愛，爽口又彈牙，配上蟹肉海苔醬，味道都幾夾。A5和牛燒亦是不少人熱愛的食品，七成熟，牛肉味香口惹味。炒飯亦做得相當出色，飯粒乾爽，粒粒分明，材料亦十足。

一餐飯好唔好食，頭盤嘅質素非常重要。海膽黑松露溏心蛋，上面鋪住薄薄的金鉑，氣派非凡，黑松露與溏心蛋融合，舌尖最先品嚐倒蛋嘅甜味，舌後方就有著黑松露嘅獨特香味，兩者互相配合得恰到好處。煙燻帆立貝令飲食感官昇華，採用菊花帶出煙燻效果，上碟時附上煙燻器皿，滿足視覺效果。帆立貝嘅外層被燻熟，但入面保留原本剌身嘅肉質，口感軟硬分明，師傅用心係鹽寫出餐廳名，調味帶出創意風格。南非鮑魚配上蟹肉海苔醬，師傅使用上乘嘅食材，巧妙嘅刀功將鮑魚均勻地切好，肉質彈牙有口感，唔會係烹調過程中流失過量水份，火喉控制得好好。再配上海苔醬，食落有種清新感覺，實在只此一家。鴨肝適當嘅油份令食物不但沒有油膩感覺，而且仲將美食向口入面推進，再用上青蘋果底，好適合情侶餵對方品嚐。呢餐飯唔止頭盤好食，A5和牛將美味推向頂峰，厚燒肉質鮮嫩多汁，薄燒伴隨蔥花香蒜，兩種烹調方式都能夠鎖住肉汁，享受住刺激味蕾嘅快感，非常值得推薦

主廚推介套餐 真係唔錯好豐富 十分滿足的晚餐#海膽黑松露溏心蛋好精緻 海膽同黑松露好夾但又唔會蓋過大家嘅味道溏心蛋非常嫩滑#煙燻帆立貝 伴紅酒啫喱賣相非常吸引帶子以菊花燻過 有淡淡清香 而碟上嘅招牌係海鹽可以點少少鹽帶返出帶子嘅鮮味#南非孔雀鮑配海苔蟹肉汁醬擺盤靚到好似幅畫咁孔雀鮑肉質彈牙 好鮮美原味有淡淡海鮮的鹹香亦可以伴海苔醬同食#法國鴨肝 油香四溢煎到表皮脆入面軟搭青蘋果係非常完美酸酸甜甜 可減低油膩感加上意大利黑醋 焦糖檸檬#日本A5和牛厚燒#西班牙黑毛豬柳日本南瓜 茄子 美國大啡菇#蟹肉炒飯雖然已經好飽但真係要留肚食個炒飯蟹肉足料 炒飯軟硬度剛好#柚子雪葩真係有柚子肉粒酸酸甜甜 完美句號

同朋友都好鍾意食鐵板燒，今次佢就帶我過嚟呢一間，佢話之前試過覺得幾好食，就過嚟同我試吓啦，橫掂佢做大佬，冇所謂啦佢話事😂店面嘅裝修帶有日本風味，都幾和風。我哋兩個都叫咗呢一個餐，估唔到有幾抵食，竟然包咁多嘢，價錢來講非常之合理！Chefs Special Dinner Set主廚推介套餐 $1080/pp沙律サラダSalad點完餐之後先會上沙律，沙律好清新，配以柚子醬汁，食落去非常之開胃。海膽黑松露糖心蛋雲丹とトリュフの半熟卵Soft Boiled Egg vith Truffle＆Sea Urchin呢一道菜係有驚喜嘅，因為已經有少少fusion嘅感覺，佢將糖心蛋嘅蛋殼保留，切咗上面少少，切口好完整，已經睇得出有花心思，再配上海膽同埋黑松露，係西日fus嘅感覺。講返到底好唔好食，如果10分入邊我應該都會比9分，因為整體上來講每一樣食材都係好高質素，糖心蛋肯定係日本蛋，食落去嘅蛋味非常之濃郁，而且一吉落去就爆漿，另外海膽亦都好鮮甜，唯一少少扣分位就係黑松露嘅味道唔係太出。煙燻帆立貝 スモーク帆立貝Smoked Scallop非常有心思，無論擺盆上，定係食材配搭方面，因為除咗煙燻帆立貝之

亞囡鐘意食鐵板燒，今晚等佢放工，一家人到銅鑼灣一間鐵板燒專門店享用晚餐。首先係沙律，用上松葉蟹配沙律菜，淋上柚子醋，開胃。溏心蛋有少少流心，配海膽和黑松露，味道豐富。煙燻帆立貝無論賣相和味道都一流。將食用帶子輕輕煎過，不過火，保持嫩滑鮮甜。還有一杯紅酒啫喱，小巧。活鮑魚有手掌咁大隻。軟熟味鮮。喜歡的話配少許蟹肉海苔醬。來自法國鴨肝，綿滑入口溶化，跟蘋果一起食減輕飽滯感。和牛A5級用了厚燒方法，肉汁，油脂仍保留。薄燒西班牙黑毛豬加入了蒜和蔥，惹味。粒粒分明的蟹肉炒飯，香口。清新嘅柚子雪葩作總結。

放工後本來到銅鑼灣食上海菜, 誰不知已倒閉友人說想食鐵板燒但沒有訂位, 於是膽粗粗打電話試了幾間問問即時有沒有位, 本來打去虎鐵說已經沒有位, 過了2,3分鐘突然說有位, 我們當然快快的到餐廳報到是日被安排坐正師傅的正面, 我跟友人說, 真係book位都冇咁好位,haha我們叫了"虎鐵套餐" $2690 是二人餐, 值得一提, 那位女的服務員態度的和服務都很好, 幫我們分析那個套餐才最好最抵食, 又幫不吃牛的我轉了豬~1.頭盤有沙律, 微酸, 是個開胃菜, 或者我兩很肚餓很快便食光haha那個像海綿一樣的菜很好食~2.-->海膽黑松露溏心蛋上面有金箔 , 是真的溏心的溏心蛋3.-->火焰北寄貝換碟時服務員說可以準備相機, 我, 有咩表演睇?原來是表演在我們面前燒北寄具下面的草, 我已忘記係咩草(好似艾草?)燒得熊火烈烈, 我把身體向後到不能再後^ha^待它燒完都要分幾鐘, 北寄貝不難咬開, 而且有汁, feel到很新鮮的感覺, 師傅還叫我們飲埋d湯, 哇, 原來湯先係精華所在, 不鹹且滿滿的海鮮, jeng~4.-->活鮑魚配蟹肉海苔醬進入主菜部份~入門見師傅後

鐵板燒是日本料理的一種，以一塊大鐵板把食物加熱起來，有廚師的巧手與及新鮮食材，吸引不少捧場客。松葉蟹沙律清新，refresh！海膽黑松露溏心蛋的骰可愛的溏心蛋，蛋漿流如泉湧，蛋味濃厚。配搭海膽，黑松露，金箔…矜貴得很。煙燻帆立貝上枱時菊花煙燻香氣樸鼻而來，特別。帆立貝好大粒啊！建議分幾份，先嚐原汁原味，的確煙燻味強勁。跟隨著可加少許岩鹽，又有另一種感受。食完帆立貝之後，還有一杯酒啫喱，係時候清清喉嚨。活鮑魚配蟹肉海苔醬鮑魚來自南非，鮮甜有嚼口。可蘸少許蟹肉海苔醬，增加層次感。伴菜是雞冠草，當沙律食，非常有營養。法國鴨肝煎蘋果伴鴨肝可減輕膩感，最佳拍檔。A5厚燒薄燒西班牙黑毛豬五成熟的A5厚燒，肉質軟腍，火喉控制得宜。黑毛豬採用薄燒方法絕對正確。薄薄地，沒有那種飽滯感。有蔥花炸蒜的配合，味道更上一層。魚湯清清爽爽的魚湯。蟹肉炒飯炒得飯粒分明，有蟹肉的鮮香，惹味十足。柚子雪葩最後酸酸咪咪的雪葩清清味蕾。

因為太遲book坐唔到近鐵板燒爐嘅bar 檯，只係坐到普通座位，如果有得坐bar 檯食一定氣氛再好啲。💚虎鐵套餐💚⭐️松葉蟹沙律蟹肉嘅鮮甜味，加上微酸的柚子汁，非常開胃。⭐️海膽黑松露糖心蛋糖心蛋火侯控制得好好，蛋䊢配上海膽黑松露同金箔食起嚟口感好豐富。⭐️火焰北寄貝北寄貝回殼放係柏葉上火炙令柏葉香氣溢出，貝肉彈牙爽口，湯汁有香濃嘅清酒味。⭐️活南非鮑魚配蟹肉海苔醬鮑魚好新鮮，冇落任何調味醬料，鮑魚肉質好彈牙。燒過嘅鮑魚肝好香，而蟹肉海苔醬令鮑魚嘅鮮味昇華不少。⭐️活龍蝦配海膽醬擺置好靚好高級，蝦肉新鮮有咬口。⭐️日本A5和牛厚燒和牛油脂豐富，分佈平均，入口肉質即溶，炸蒜片好脆。⭐️龍蝦頭湯龍蝦頭湯味道清甜可口。⭐️三文魚籽海膽杯炒飯炒飯粒粒分明，海膽味道甘甜，質感細膩，入口即溶。三文魚籽晶瑩剔透，鮮味濃郁。⭐️梳乎厘雪糕疏乎厘空氣感十足，重蛋味。餐廳服務態度優良，菜式別出心裁，令人一試難忘。