虎鐵鐵板燒

營業中

休息中

和這個朋友每次晚飯都是去高級餐廳，今天也一樣他帶我來到這家高級日本料理晚飯，而我們今天便選擇了這個一人套餐一人一份！喜歡吃酒的我還是先點上清走潤一潤喉，今天便選了一酌一景試試！這隻清酒非常容易入口，清走我們通常都是選擇凍飲，始終天氣還是不算冷所以凍飲還是很不錯！ 第一道菜先上位前菜沙律，沙律非常清新新鮮，而酸汁帶有一點開胃感覺！為我們的晚餐先開胃！海膽黑松露溏心蛋，廚師張糖心蛋火侯控制得十分好，糖心蛋沒有恆很生，配上海膽黑松露和金箔吃起來口感很不一樣，味道也會有特色！菊花煙燻帆立貝，這道菜我超級喜歡！初次嘗試帆立貝是經過菊花來煙燻，所以帆立貝吃起上嚟富有菊花的香味！由於帆立貝是煙燻所以吃起來的口感似熟非屬熟，似生非生的口感，非常過癮！ 南非孔雀鮑魚也很不錯，廚師煮得同樣非常恰到好處，用刀切起上非常容易，配上蟹肉海苔醬感覺也十分不錯，鮑魚的鮮味比蟹肉海苔醬完完全全提昇！法國鴨肝真的很大很大，差點吃不完，配上青蘋果來吃這個鴨肝一點也不油膩，伴碟上還有焦糖青檸，同樣能夠將鴨肝鮮味特出！  在這個套餐有和牛和黑毛豬選擇，和牛為日本a5和牛燒，豬是西班牙黑毛豬柳，為了選擇更

想同朋友慶祝生日，朋友好少食日本鐵板燒，經過銅鑼灣，於是去咗間日本鐵板燒，幫朋友慶祝生日。餐廳環境屬於日系和風風格，以木為主調，簡潔樸素。主廚推介套餐 $1080/位沙律松葉蟹沙律，蟹肉幾清新開胃，唔錯嘅前菜。海膽黑松露溏心蛋糖心蛋幾靚，面上會有小小嘅金箔，作為點綴，黑松露仲可以帶出糖心蛋嘅味道。煙燻帆立貝帆立貝用上菊花葉煙燻，所以整個帆立貝都好香菊花味，可以先試一試原味嘅帆立貝，如果覺得唔夠味，可以點下旁邊嘅岩鹽。活鮑魚配蟹肉海苔醬鮑魚好大隻好彈牙，食落鮑魚會有燒香嘅味道，仲會感受到鮑魚本身嘅海鮮味，如果都仲係覺得唔夠味，可以試吓用旁邊嘅海苔醬，增添返鮑魚嘅味道。法國鴨肝鵝肝下面會有塊燒香嘅青蘋果片，加上少少嘅意大利黑醋，鵝肝入口即溶，油脂感厚重，配合青蘋果片可以減低油膩感。日本A5 和牛和牛叫咗五成熟，入口即化，油脂填滿咗成個口。 仲配埋日本南瓜、日本茄子同菇，可以清一清油脂感。吸物豆腐湯入面仲有帶子，入口鮮甜。蟹肉炒飯炒飯粒粒分明，好香蟹肉味道。柚子雪葩柚子雪葩作甜品，有少少甜，但柚子味好足。

前幾日同朋友嚟咗呢間鐵板燒，每人叫咗份主廚推介套餐。主廚推介套餐 $1080/位沙律係松葉蟹沙律，充滿鮮甜海水味嘅蟹肉，配上蔬菜同埋柚子汁，清新好味。海膽黑松露溏心蛋呢個糖心蛋望落好高級，配上海膽、黑松露，再鋪上少少金箔，意想不到地夾，充滿鮮味。煙燻帆立貝好有心思咁用左菊花煙燻，無論係聞落去定食落去都充滿菊花嘅清香。建議就咁唔點調味咁食左少少帆立貝先，之後試下點岩鹽，最後可以試吓配上菊花紅酒啫喱。我個人就最鍾意，個菊花香味會再出，帆立貝嘅甜味亦都會好出。活鮑魚配蟹肉海苔醬店員話鮑魚本身冇落調味，鮑魚嘅鹹味係黎自本身嘅海水味，仲食到鮑魚啲鮮甜味。鮑魚好大隻好彈牙，燒完好香。另外配上紅綠雞冠草，有豐富營養價值。雞冠草本身冇味，但可以點碟上嘅蟹肉海苔醬同埋配埋啲三文魚籽食。法國鴨肝底下有塊青蘋果片，再淋上少少意大利黑醋。鴨肝充滿肉汁，食落鮮嫩，油脂感重，好香好好食。食完鴨肝最後舔一下隔離塊焦糖青檸，可以消除鴨肝嘅油膩。呢個安排好貼心。西班牙黑毛豬薄切黑毛豬薄切卷住蔥同埋炸蒜粒，一啖咬落去味道好香好豐富，又唔會掩蓋黑毛豬本身嘅豬肉香。想更加惹味嘅話可以食啖隔離嘅炸蒜片。香煎野菜仲有啲香煎野菜喺

冬天開始，減肥暫時可以停低😂 即刻去食好嘢啦！！！ 今晚去咗食鐵板燒，食咗個好豐富嘅虎鐵套餐～前菜係沙律及海膽黑松露糖心蛋。沙律醬汁偏酸，非常開胃。黑松露糖心蛋好食，仲有少少食用金箔做裝飾，賣相矜貴。下一道菜係有菊花香味煙燻帆立貝，擺盤精美，淡淡菊花香味令人感覺舒服；帆立貝用料新鮮，而且大大隻夠厚身，好鮮甜；伴碟仲有小小一杯菊花紅酒啫喱。跟住有煎鮑魚，師傅將鮮活嘅鮑魚煎到剛剛好，厚肉的南非孔雀鮑魚味道好鮮，口感好嫩；鮑魚肝亦都煎香咗，配上自家調製嘅海苔醬，鮮味出晒嚟！花龍龍蝦配龍蝦膏海膽汁係全晚嘅高潮，龍蝦肉啖啖肉好正，鮮味十足，龍蝦肉爽口彈牙，配埋海膽汁真係好夾👍🏻朋友更加欣賞A5和牛厚燒，和牛油脂甘香，確係美味。接着有海鮮湯，味道比較清淡。三文魚子海膽杯炒飯用料非常豐富，鍾意食海膽嘅就一定要留肚食呢個飯！！！甜品都好有驚喜：鐵板燒疏乎厘配雪糕，梳乎厘空氣感十足，好好味。今晚好滿意，謝謝朋友款待啊❤️

好耐冇食鐵板燒，今次搵到銅鑼灣人氣店，一行4人試下先食材新鮮、店員有禮貌親切、耐心講解每度菜式、食材來源及點樣食法，讚揀咗2xC餐(沙律、鴨肝蒸蛋、煙燻帆立貝、香煎法國鵝肝、A5和牛薄燒、鴨肝炒飯、味噌湯及甜品)2xD餐(沙律、鴨肝蒸蛋、大海虎蝦、南非鮑魚、澳洲牛柳、和牛炒飯、味噌湯及甜品）最欣賞1)煙燻帆立貝，用咗煙燻方法加上菊花，食嘅時候有陣陣菊花香味，之後再配一小杯紅酒啫喱。最欣賞2）香煎法國鵝肝配青蘋果，食嘅時候夾住一齊食不油膩，仲有個伴碟小配菜焦糖青檸片，真係好好味，幫助清走喺口中鵝肝嘅油膩。最欣賞3）南非鮑魚配蟹肉海苔醬，活鮑魚新鮮、味道好夾個蟹肉汁好好味。滿足的慶生午餐飯聚

超正的鐵板燒 沙律清新爽脆開胃活南非孔雀鮑魚配蟹肉海苔醬 及紅綠雞冠草骨膠原豐富鮑魚本身冇調味，全靠自身的海水鹹味，非常鮮！ 鮑魚配搭紅綠雞冠草加以蟹肉海苔醬及新鮮魚子 多重口感 非常新鮮的配搭法國鴨肝青蘋果墊底， 淡化鴨肝的油膩，加上Italy 黑醋汁、焦糖青檸，鴨肝的油膩感一掃而空日本熊本A5 和牛薄燒 加蒜片及日本蔥 五成熟配上日本蔥的確非常香口，和牛博博的油分高。日本南瓜、茄子豆腐𩶘魚湯配上日本刺身帶子清甜蟹肉炒飯 粒粒分明柚子sherbet

$1080/人 的 日式鐵板燒， 大概10 道菜 超級抵食，介紹其中兩道我最喜歡的海膽黑松露糖心蛋上面仲放咗唔少嘅金箔，份外顯得名貴煙燻帆立貝 配 菊花紅酒啫喱 - 鐵板熱辣辣上枱，盤裏面裝咗煙燻過嘅菊花，漂來陣陣嘅菊花香，好舒壓嘅感覺- 先吃一半原味飯立貝，另一半就點鹽吃非常清新嘅食法，very creative! 菊花紅酒啫喱 ～ 淡淡的紅酒味中有還有微微嘅菊花味，吃得出jelly裏面真係有紅酒，酒量非常淺嘅我食完之後竟然有一絲絲飄飄地嘅感覺， 非常清甜好吃😋熊本日本A5和牛厚燒 伴以 炸蒜片及粉紅岩鹽一口一件， 入口即溶， 無得輸。

今次同女朋友試鐵板燒初體驗，上網見到佢哋嘅餐單已經俾佢開二人餐吸引咗，尤其係個溏心蛋，賣相10分吸引1.柚子蟹肉沙津依個頭盤幾清新，沙律菜都幾多，仲有好多款添2.海膽黑松露溏心蛋依款送絕對可以考到師傅嘅功力，首先係個蛋殼可以完整無缺，完全冇穿冇爛，另外仲可以keep到隻蛋咁溏心，另外海膽都好新鮮，冇腥臭味。3.煙熏帆立貝又一款精心製作嘅菜式，首先帆立貝係日本刺身級別，先煮熟，再用旁邊菊花嘅煙熏過，所以食落每一啖都有幽香嘅菊花味，旁邊嘅擺盤都十分精緻😛😛4.法式鴨肝鴨肝配上底下嘅青蘋果可以減輕油膩感，不錯不錯。5.活鮑魚配蟹肉海苔醬係超巨型嘅鮑魚啊，仲有兩程食法，佢本身都用咗牛油去蒸，旁邊仲有蟹肉海苔醬點埋就更突出佢嘅鮮味6.日本A5和牛厚燒 & 香煎野菜終於嚟到鐵板燒嘅主角-A5和牛，一嚟到已經好勁嘅和牛香味雖然得四塊但都食得好滿足，除此之外野菜都煎得好出色。7. 蟹肉炒飯最後一個主食就係蟹肉炒飯，師傅喺鐵板到炒嘅炒飯果然唔同啲，炒飯粒粒分明，食到依度我哋多已經10分飽啦8.柚子雪葩最後以柚子雪葩作結，真係好滿足😚😚

有朋友生日，約咗去食鐵板燒慶祝。呢度有幾個套餐選擇，豐儉由人！我哋揀咗虎鐵套餐，非常豐富，食到超級飽🙂一開始先有沙律和海膽黑松露糖心蛋～ 兩個前菜味道都唔係好濃，淡淡然咁喚醒嘴巴入面嘅味蕾！之後有菊花香味煙燻嘅帆立貝，一上枱已經聞到陣陣菊花香味，帆立貝夠厚身，味道好鮮甜；食完之後有菊花紅酒啫喱，非常清新。接住師傅就煎鮑魚，大隻又厚肉嘅南非孔雀鮑魚好食，就算不調味都已經好好食，配上師傅特別調製嘅海苔醬，味道更上一層樓。下一道菜係花龍龍蝦配龍蝦膏海膽汁，仲有食用玫瑰花瓣做裝飾，色香味俱全！龍蝦肉爽口彈牙，鮮味十足，食到大家舔舔脷😋食完海鮮就到A5和牛厚燒，和牛油脂十分豐富，近乎入口即溶，邪惡但非常好味。之後還有炒野菜、海鮮湯、超滿足的三文魚子海膽杯炒飯。最後就係疏乎厘雪糕，梳乎厘都係鐵板燒咁樣煎出來，空氣感十足，壽星女非常滿意😊呢度服務同埋食物都非常好，下次慶祝生日要再來！

朋友一直好想搵機會食鐵板燒，於是我就問吓同事有冇啲咩好介紹，結果同事就介紹咗我黎呢間虎鐵，我已經提早打去book位，但係已經冇晒鐵板燒嘅bar位🥺🥺可惜，不過可想而知佢係幾咁好食🤣😽😋😋-餐廳總共有兩邊鐵板燒嘅枱，再有幾張枱🤣燈光比較柔和，坐得好舒服，而且店員態度十分好，每次上食物都會詳細介紹，令我地更加可以食清楚啲味道😉而餐廳都係主打套餐，有唔同價位嘅一人同二人餐可以選擇，啱哂有唔同budget嘅人😽😽😽我今晚就揀左個$1080/1人嘅餐，總共有10款食物，樣樣都好高質呀❤️❤️-1.柚子蟹肉沙津呢個沙律好清新😻柚子醬汁超級開胃😋面頭有一個好特別嘅菜，好似有好多窿窿係到咁🤣好爽脆😉-2.海膽黑松露糖心蛋熱食嘅溏心蛋🤣好欣賞佢地嘅技巧可以切到隻蛋咁靚😋海膽好鮮甜，連唔鍾意食海膽嘅朋友都對佢讚不絕口😻食落口又有蛋黃香，又有黑松露嘅香氣，成件事好match!-3.煙燻帆立貝好欣賞佢哋嘅擺盤，右邊嘅小器皿就係裝住菊花，店員話粒帆立貝係刺身級嘅，佢哋先將表面煎一煎，在拎去右邊嘅器皿度煙燻，令到粒帶子可以再熟少少同時亦帶有菊花香😽口感介乎生同埋熟嘅中間，好特別❤️食完帶子之後仲有紅酒菊花啫喱，淡淡紅酒

因為老友生日，而朋友想吃鐵板燒慶祝，而這間虎鐵網上風評不錯，所以便決定預約。進門口時發現自己竟然是最後一枱客，入座後餐廳這晚便滿座了，可見是人氣之選。沙律前菜黑松露金箔海膽流心蛋用獨特蛋托再灑上金箔上碟夠哂高級流心蛋表面雖然凝固同篤穿後程液體狀態，入口蛋黃味道濃郁而黑松露鹹味令蛋香味更出更滋味。帆立貝 菊花煙燻 岩鹽 菊花紅酒啫喱上碟後最顯然易見莫過於用岩鹽堆砌出的店名。帆立貝先入口原味道夠鮮，而沾上岩鹽後更突出帶子的甜！而因為整個過程都是用菊花煙燻，每一口帆立貝都會有淡淡菊花香。最後食紅酒啫喱而清清味蕾。鮑魚配蟹🦀肉海苔醬飽魚選用了南非品種，會偏大隻。飽魚入口多汁彈牙，有海鮮應有的鮮味，而重點就是旁邊的蟹肉海苔醬，醬微鹹有蟹肉口感之餘海苔爽口都是另人食指大動，沾上飽魚後更滋味，最後再食上濃味魚子作結。一道運用多款不同海鮮的上乘之作！👍🏻法國鴨肝鴨肝青蘋果 黑醋 焦糖青檸單聽是肝就知道很漏的一道菜，煎肝配菜多離不開多士或蘋果，而用上青蘋果本身便帶上酸味感，另外蘋果面做了焦糖，甜酸膩香都融為一體，即使用了青蘋果，酸度亦不足以蓋過膩感，所以旁邊更有黑醋及焦糖青檸，看得出店家的用心。A5和

上次食過虎鐵覺得佢地既鐵板都好好食，今次試下主廚套餐，水準依然keep到，唔怪得知可以全場爆滿！沙律黑松露流心蛋蛋上面有金箔、海膽同黑松露醬，用小匙羹𢳂起溏心蛋黃即滿瀉菊花煙燻帶子有好香菊花味，帶子大粒鮮甜，可以點旁邊嘅岩鹽提鮮，最後食菊花味啫喱清清味蕾南非孔雀鮑魚無加任何調味料，不過有鹹嘅海水味，旁邊有鮮味海苔蟹肉醬，海草同三文魚籽裝飾香煎鴨肝配青蘋果鴨肝油香豐富而且入口即溶，配爽甜青蘋果解膩，旁邊可點黑醋汁，最後有焦糖青檸片作結清味蕾，味道豐富熊本A5和牛薄燒，有香蔥炸蒜入口豐富，旁邊有岩鹽調味同炸蒜片，另有日本南瓜、茄子同美國嘅大啡菇juicy 多汁蟹肉炒飯有粒粒蟹肉，加入炸蒜同葱花非常香口帶子豆腐魚湯魚湯鮮甜好有家嘅味道，帶子煮熟幾鮮甜抹茶雪糕濃濃抹茶味，好食！

呢間鐵板燒我已經第三次幫襯，今次特別為慶祝妹妹生日而再幫襯午市鐵板燒套餐。我覺得佢無論食物水準、服務和環境都達到我嘅標準。特別係我先生對這裏的食物和服務讚不絕口。呢度雖然係食日式鐵板燒，但上碟嘅佈置好有法國餐嘅味道，比較特別及打卡一流。食物新鮮，鮑魚和虎蝦都好大隻。用料和伴碟一絲不苟，服務親切和藹，只是一個眼神已明白你的需求，所以食得很窩心很舒服。好值得一而再再而三幫襯。

海膽平時去居酒屋都成日食，但喺配搭黑松露溏心蛋去食真喺第一次。鮮甜嘅海膽，配上濃濃黑松露味道嘅溏心蛋，一啖就有多種層次！煙燻帆立貝，喺餐廳嘅特色菜，師傅先用菊花煙燻帆立貝，帆立貝吸附菊花煙燻嘅精華，入口煙燻味即化相當美味，煙燻後有兩種食法，既可以當刺身食用，亦可以熟食！除咗原汁原味嘗試帆立貝，食落鮮甜多汁，仲可以沾碟上嘅鹽，一味餸有2種不同的食法。活鮑魚配蟹肉海苔醬，餐廳用料上乘，選用南非活鮑魚入菜，配以雞官草同魚子，再點點海苔醬，多層次口感令人驚豔。煎鴨肝做法繁複，餐廳精心細選法國鴨肝鴨肝，師傅手藝高超，完美呈現鴨肝嘅滑嫩同滋味，配搭清爽嘅蘋果減輕油膩感。日本A5和牛厚燒和薄燒，兩款和牛口感味道截然不同，肉質軟嫩，燒得剛剛好不乾柴，讓人愈食愈上癮。蟹肉抄飯正正考驗主廚控火功力，滿滿蒜香刺激味蕾，非常下飯焦糖燉蛋更是主廚推介套餐嘅完美結未！

虎鐵松葉蟹肉沙律：上面有塊蓮芋好特別，大大塊中間透風嘅口感，松葉蟹肉好鮮甜金箔海膽黑松露糖心蛋：第一啖一定最美好，黑松露既香味充斥口腔，而且海膽的獨特鮮味，絕不失色。蛋味超香，蛋白與蛋黃的生熟度食出時間的掌控力超專業。火焰北寄貝：色香味俱全，火燒日本扁柏葉既清香，令人提神又醒胃， 食得出超鮮甜Q彈既北寄貝，有少少焦香味，結尾飲埋用北寄貝殼裝住既精華，好味到叫出聲（唔～），仲有味嘗前的視覺享受，感覺到廚師的用心添！孔雀鮑魚配蟹肉海苔醬：只要鮑魚夠靚，本身嘅海水鹹味，不需要加入任何額外嘅調味料，已經令入口散發住鮑魚既鮮味同鐵板燒烤既焦香，而個海苔蟹肉醬，只係錦上添花，提升滿足感！花龍蝦配海膽醬：醬汁用龍蝦蝦膏配海膽調配，將食材既各部份物盡所用，龍蝦自身已經好食，在配搭埋特製醬汁，簡單地就將菜式另一個未曾品嘗過的層次！日本熊本A5和牛厚燒：齒頰留香，油脂香氣，口感極佳，非筆墨所能形容，就是靚牛加廚師的功架。西班牙黑毛豬薄燒：食得出肉般絲絲嘅質感，一d都唔會韌，連同蔥花、炸蒜炸蒜片，一併放入口，爆發味覺新驚喜。三文魚子海膽炒飯杯：完全冇想像過食炒飯係呢種境界，滿滿嘅三文魚子加上毫不吝嗇嘅海膽量