影片
更多
2021-12-17
2251 瀏覽
同朋友都好鍾意食鐵板燒，今次佢就帶我過嚟呢一間，佢話之前試過覺得幾好食，就過嚟同我試吓啦，橫掂佢做大佬，冇所謂啦佢話事😂店面嘅裝修帶有日本風味，都幾和風。我哋兩個都叫咗呢一個餐，估唔到有幾抵食，竟然包咁多嘢，價錢來講非常之合理！Chefs Special Dinner Set主廚推介套餐 $1080/pp沙律サラダSalad點完餐之後先會上沙律，沙律好清新，配以柚子醬汁，食落去非常之開胃。海膽黑松露糖心蛋雲丹とトリュフの半熟卵Soft Boiled Egg vith Truffle＆Sea Urchin呢一道菜係有驚喜嘅，因為已經有少少fusion嘅感覺，佢將糖心蛋嘅蛋殼保留，切咗上面少少，切口好完整，已經睇得出有花心思，再配上海膽同埋黑松露，係西日fus嘅感覺。講返到底好唔好食，如果10分入邊我應該都會比9分，因為整體上來講每一樣食材都係好高質素，糖心蛋肯定係日本蛋，食落去嘅蛋味非常之濃郁，而且一吉落去就爆漿，另外海膽亦都好鮮甜，唯一少少扣分位就係黑松露嘅味道唔係太出。煙燻帆立貝 スモーク帆立貝Smoked Scallop非常有心思，無論擺盆上，定係食材配搭方面，因為除咗煙燻帆立貝之
店面嘅裝修帶有日本風味，都幾和風。
我哋兩個都叫咗呢一個餐，估唔到有幾抵食，竟然包咁多嘢，價錢來講非常之合理！
Chefs Special Dinner Set主廚推介套餐 $1080/pp
沙律サラダSalad
36 瀏覽
0 讚好
0 留言
點完餐之後先會上沙律，沙律好清新，配以柚子醬汁，食落去非常之開胃。
海膽黑松露糖心蛋雲丹とトリュフの半熟卵Soft Boiled Egg vith Truffle＆Sea Urchin
20 瀏覽
0 讚好
0 留言
呢一道菜係有驚喜嘅，因為已經有少少fusion嘅感覺，佢將糖心蛋嘅蛋殼保留，切咗上面少少，切口好完整，已經睇得出有花心思，再配上海膽同埋黑松露，係西日fus嘅感覺。
講返到底好唔好食，如果10分入邊我應該都會比9分，因為整體上來講每一樣食材都係好高質素，糖心蛋肯定係日本蛋，食落去嘅蛋味非常之濃郁，而且一吉落去就爆漿，另外海膽亦都好鮮甜，唯一少少扣分位就係黑松露嘅味道唔係太出。
煙燻帆立貝 スモーク帆立貝Smoked Scallop
16 瀏覽
0 讚好
0 留言
非常有心思，無論擺盆上，定係食材配搭方面，因為除咗煙燻帆立貝之外，另外佢仲會跟一個香檳啫喱，帶有微微嘅酒味，好特別。
煙燻嘅時候有用嘅菊花，所以成個飯立貝都好大浸菊花嘅味道，我就覺得幾特別都幾鍾意，同行嘅朋友就覺得菊花味太重。
活鮑魚配蟹肉海苔醬 活南アフリカ産鮑の蟹内と海苔のソース添えFresh Abalone with Crab Meat＆Seaveed Sauce
59 瀏覽
0 讚好
0 留言
想講呢一個蟹肉海苔醬實在太好食啦！活鮑魚好大隻，如圖所見係大過我隻手咁滯，配上矜貴嘅蟹肉，成個配搭都係好鮮味，新鮮嘅海鮮果然係冇得輸呀！
37 瀏覽
0 讚好
0 留言
而旁邊擺盆嘅紅綠雞冠草，經過餐廳特別處理之後都係食得㗎！平時喺出面食嘅話，會有浸奇奇怪怪嘅味道，所以我通常都會揀走佢，呢度就冇呢一個情況啦。為餐廳嘅細心同埋用心點讚👍🏻
法國鴨肝フランス産フォアグラFrench Duck Foie Gras
96 瀏覽
0 讚好
0 留言
食完咁多道菜之後呢一個就反而冇乜特別，不過都係好食嘅但係就冇咁驚艷啦😆😆
日本A5和牛厚燒/薄燒/西班牙黑毛豬柳
日本產A5和牛の厚燒き/薄焼き/スペイン産イペリコ豚のヒレ肉Japanese A5 Wague Beef（steak or Roll）/ Spanish Iberian Pork Loin
11 瀏覽
0 讚好
0 留言
我哋可以自由選擇要牛定係黑毛豬，我就揀咗A5和牛厚燒，而朋友就揀咗西班牙黑毛豬。
因為我冇食到黑毛豬，所以就唔方便評論喇，講返我個牛先，厚燒厚度啱啱好，切咗做一粒嘅size，係一口就可以食得完，一咬落去，牛汁就爆發出嚟，而且牛嘅香味好重，係喺A5嘅關係，脂肪含量亦都好高，食落去簡直係又邪惡又滿足！
而旁邊嘅香煎野菜同炸蒜片都好好食，我一下就食晒，而且仲偷食埋朋友嗰啲，因為佢唔食，佢真係走寶啦哈哈😄
汁物Soup
14 瀏覽
0 讚好
0 留言
今日係鯛魚湯，裏面仲有帶子、豆腐、蘑菇等等食材，一個湯竟然都可以有咁多料🙈
蟹肉炒飯 蟹味噌チャーハン
Crab Meat Fried Rice
18 瀏覽
0 讚好
0 留言
去到最後呢一個飯嘅時候，基本上我已經食飽咗，俾咗朋友食，但係我都有試咗一兩啖，飯粒係吵到粒粒分明，好乾身，睇得出師傅係好犀利，好有經驗，蟹肉嘅份量亦都比我上咗咁多好多，基本上每一啖都可以食到蟹嘅鮮甜。
雪葩ヤーベットSherbet
10 瀏覽
0 讚好
0 留言
最後嚟到甜品環節，係餐廳自製嘅sorbet，我哋就揀咗柚子味道😝食落去非常之清新，而且仲有少少柚子粒，口感一流，為呢一個晚餐畫上完美句號。
多謝朋友仔介紹，希望下次有機會可以再過嚟食😘
📍 虎鐵鐵板燒 (銅鑼灣)
銅鑼灣軒尼詩道525號澳門逸園中心12樓
張貼
