蘭香麵家

營業中

休息中

So a friend of mine introduced this hidden gem to me. Walking from Tsim Sha Tsui MTR it’s quite far, and passing by all those Korean restaurants as you walk through the traditional Korean Street of Hong Kong, it’s quite tempting to just stop and dine elsewhere. Korean fried chicken hmmm...However my friend insisted we try this place out for some traditional noodles. Got to the place and ordered the popular chicken intestine noodles and a plate of Chinese mushrooms to share. No expectations.When

第一次來蘭香的時候，就是公司剛剛搬來尖沙咀的時候，不知不覺好像是八年前的事了⋯⋯還記起那次麻甩俠問筆者，搬來尖沙咀，你有否吃過雞腸麵？一聽到雞腸二字，簡直叮一聲！之後久不久就會過來拜會一吓！近年，柯士甸路的店舖已改了不少，而且還有多間吉舖已有一些時候仍是空置着，早兩年，連那北京餃子也搬過另一新舖。還是蘭香仍可屹立不倒，其實力，可想而知。早年金剛、小怡訪問過後，大大張相貼在門外，吸引不少遊客。星期一晚，未算太多食客。筆者每次例必被雞腸牽動着，總之雞腸一定是胆，胆拖鮮牛還是黑柏葉之爭。如果三兩知己到來的話，例必點整整一碟雞腸，或柏葉，何其壯觀及滿足。有時候想吃飯餐的話，豬手、豬軟骨及冬菇都是不錯的選擇。由於星期一晚放工後，突然很想吃雞腸麵⋯⋯突然好想你，雞腸在那裡，吃得快樂和幸福⋯⋯突然好想你，突然鋒利的回憶，突然滿口雞腸麵⋯⋯雞腸撈粗麵$44~其實筆者覺得這裡的湯幼麵比粗麵好吃的，但由於太肚餓，所以吃撈麵會飽一點，質感方面，撈粗比撈幼麵好吃。那兩條生菜，感覺上減低雞腸的罪惡感。上湯及秘製豉油~吃撈麵另一個原因，就是那碗帶有點點韭黃的上湯，因為喝出其上湯味道，和吃湯麵時的感覺不一樣。筆者就

不只一次去食她們出名之雞腸及黑栢葉, 今晚放工後ㄧ如以往由美麗華商場行到尾, 沿成條金巴利道行, 要至少行十幾分鐘先到, 但辛苦換來ㄧ碗自己想念的雞腸米粉都是值得的! 她們的秘製豉油配雞腸簡直ㄧ流!!! 真的不能不試! 唔食雞腸或黑柏葉都是白去的!! 繼續支持小店!  

行過間鋪門口，見到金剛同小儀張相，諗住應該都有番咁上下質素。朋友嗌左碗牛腩河，我睇牆上有雜誌介紹豬軟骨河好惹味，於是就揀左豬軟骨河，朋友碗牛腩河得d肉碎，我碗豬軟骨河有3粒豬軟骨，但係d肉又乾又柴，朋友忍唔住同阿姐講，阿姐同煮麵師傅講:話冇肉哦，師傅冇理。之後朋友忍唔住撈d肉碎再同個阿姐講，阿姐又喂個師傅，師傅冇搭嘴，之後拎左細碗裝住幾舊牛肉出來，但係好明顯係牛肉，唔係牛腩。好失望囉，一間普通麵檔都好食過佢，唔會再幫襯。

本人喜好吃麫，首先汤底要惹味，此间铺 面积不大，却整洁得很，我叫了云吞面及油芥兰，麫质弹牙爽口，云吞质料丰富，虾鲜味美，配上汤，恰到好处，加上爽脆芥兰，食物平凡但高质，只是枱椅较为粗糙，不能坐得太久，但也值得再试。

夜晚係尖沙咀行街，男朋友提意去食蘭香，因為我們都好喜歡食黑牛柏葉。蘭香係一間老店，這裡沒有靚裝修，就連d餐具都睇得出用左n年，職員態度真誠有禮。唔算太肚餓，所以我們叫左一碗麵同一個淨餸happy share。黑牛柏葉＋牛筋米粉先講牛筋，味道和口感中規中矩，好似平時食車仔麵果d質素，始終這裡不是專食牛雜店，所以沒期望也沒失望。有點失望的反而係黑牛柏葉，黑柏葉本身食落就係有d鞋鞋地的口感，一定冇漂白左果d牛柏葉咁爽口。之前食過2次蘭香都正，今次未食一望見到d黑柏葉唔係黑色嘅？？食落爽口，唔係唔好食，但就係冇左果種鞋鞋地口感。白灼鮮雞腸鵝腸就食得多，雞腸比較少地方有得食。雞腸比鵝腸薄身，又係心機野，要花好多時間洗腸，係蘭香招牌作。口感爽滑，腸裡keep住小小脂肪，點d辣椒豉油食，真係冇得輸，好好味！

其實我一向都唔係好食內臟的人，最頂龍係飲茶的金錢肚同燒雞腎，其餘的可免則免。直至2、3年前，去咗韓國食燒肥腸，就真係返唔到轉頭，雖然仍然唔係樣樣都食，但起碼接受咗腸丶胃，咁同friends食飯選擇多咗好多。而今日同事就帶咗我嚟呢間望落就知有歷史的＂雞腸麵＂。搞笑ge係佢地定義呢間麵店屬於＂輕食類＂我相信佢哋所謂的輕食係因為比起平時的大碟飯，大舊肉，咁的而且確雞腸係似攝牙罅。不過我呢碗雞腸牛腩麵其實都好夠食。佢出名鷄腸的確有佢ge原因，好夠爽口香，一D都唔韌。麵質唔𥅈都夠爽身，平時我唔蔥，但同事強烈建議要埋，但⋯⋯我唔覺特別好味咗。牛腩不過不失，咁我咁配係想成碗麵有D牛汁調一調個味，okay 咁啦。而最後想講可呢度D姐姐ge可愛吖，我地逐個逐個逐碗俾錢，有好幾個有碎銀(咁當然想卸貨），姐姐收到四萬咁口講多謝，唔通佢唔夠＂大餅＂？好耐無試過有人收碎銀收得咁開心了⋯⋯

難得星期日放咗教會約咗朋友仔shopping完之後一齊食個快lunch 諗黎諗去都唔知食咩好食神畢弟提議食雞腸面我記得好似打邊爐先有雞腸食呢個食神介紹到，梗係要去啦最後我都係冇嗌雞腸，買咗牛筋米不過就有試到佢地個碗嘅鮮雞腸，雖然我唔記得影相，我覺得比起打邊爐嘅雞腸好食好多，打邊爐嘅雞腸就係銀嘅，但係有咬口而呢度嘅雞腸呢就係爽嘅👍🏻👍🏻而且尖沙咀區來講$38一碗麵真係算係好抵不過你就唔好諗住坐得好舒服囉😅唔記得講我碗牛筋，都唔錯㗎，夠大舊腩汁又好味

難忘妳的香味以前每兩三個月就會幫襯一次，鐵膽就一定係雞腸，但其實已經很多年無來食過。之前在報紙睇到話會執，後來好似話賣左比夥計做，吾知有無變，今日去尖沙咀報名，順便去食。去到門口有三四個客人等，但無人派飛，只是大家都自動排隊，以為要等好長，今日運氣吾錯，原來一批人差不多10個一起走。大家入去，但都要等執抬，因為當時只有一個夥計和一個煮麵的。等了5分鐘，叫了又等了5分鐘，中間睇到有幾個客人進來等了一會無夥計理就走，一個食完話未來咖啡，咁就可以睇到幾吾夠人手。來了雞腸黑百葉麵，正。～ 雞腸一樣新鮮和甜～ 黑百葉一樣那麼爽～ 麵煮得一樣那麼剛剛好～ 湯也是甜美雖然沒有貼心的服務，可能哩D就係傳統的味道，可以接受。

係尖沙咀呢一帶想食咩菜都會搵到仲有一街既韓國菜但想搵間傳統粉麵店並唔易無計 原因之一鋪租太貴碩果僅存既都有其過人之處我每次黎呢條街通常係為左嗰間水餃店今次就行前幾個鋪位 食雞腸米差唔多兩點先黎費事撞附近中學放lunch時間目標清晰 一坐底就要碗雞腸米我唔食牛 就試唔到佢另一樣招牌食物豉油先到 主角後上湯面浮住少少雞油 我一向鐘意食內臟 呢碗雞腸入口唔肥膩 爽脆但仍然有內臟既甘香 同蔥絲好夾👍🏼 再多d蔥就好喇 哈哈豉油微辣 無一般既豉油咁鹹我自己就鍾意唔點豉油食明知係內臟 但係無肥膩既負擔感女仔可以輕鬆食完連埋湯飲哂

今午本人途经上述麪店，因趕時間，就入去食碗柱候牛腩河便當lunch。我不管其店內四週牆上的剪報及明星相片，只求一碗味道及份量正常的之河粉便會收貨。誰知端上桌上的所的柱候牛腩河是變了-柱候腩碎河，淡而無味，還竟用了做清湯腩的製法冒充柱候牛腩，實在令人搖頭口歎息！

因係我間中學好近蘭香(過一條馬路就到xdxd)，所以lunch time成日去食，有時要等位，不過最多等5-10分鐘~雖然間面店好細，但係坐落又唔算好窄。不過衛生欠佳，地下好唔乾淨~食物方面，推薦魚皮餃面！！魚皮餃d皮好薄，餡好多，所以差唔多每次都叫佢haha   仲有食過佢嘅冬菇米線，每粒冬菇都好大粒！！！每樣食物大約$20-$30，學生包野飲，好抵食！！！係門口見到好多張明星食完之後影嘅相，證明呢間野都幾受歡迎架~

腩汁雞腸黑栢葉撈麵 HK$47 鮮﹗ 好好味﹗ 爽好﹗ 辣椒油配上秘製豉油，冇得頂﹗如果多少少餸就更好了，因為太好食，食極都想食﹗ 會再幫襯﹗職員態度友善、親切、充滿人情味的小店﹗

自從畢業後，很久沒有來到尖沙咀的蘭香麵點吃了，它的招牌菜是黑柏葉和雞腸，還有出息的冬菇麵跟豬手。今天剛巧一個人在尖東附近，選擇了到店內懷舊一下，非常的好彩，晚上還有我最喜愛的黑柏葉，再加上非常滑溜的雞腸麵，便成為了一個晚餐。街上不可能吃到的兩個餸，在這裏一次過便可以滿足，黑柏葉不是一般吃到白色的軟軟的， 非常原始有韌性的黑柏葉，正。當然不可以放過另一道招牌菜雞腸啦，雞腸內外充滿油份，十分滑溜。雖然有啲怕肥，但難得的一次，放進口裡去食。完成了一趟懷舊的旅程。

餐廳其貌不揚，但都好多人嚟食。我第一次食雞腸米，初初聽驚會好肥，試飲啖湯先，又一d都唔膩喎，以為飲緊清湯添!雞油嘅香，雞腸嘅爽滑慢慢征服我，朋友就雙拼食埋冬菇，又腍又大隻!下次要試埋黑牛柏葉先得。