蘭香麵家

營業中

休息中

呢間一睇就知係老字號嘅麵店喺公司附近，次次經過都坐滿哂人，舖面又有金剛同小儀拍飲食節目嘅相，難得今次行過有位就梗係要坐低試下。話哂都叫麵家就梗係要食麵啦，我就叫左個雞腸河粉。佢呢度嘅湯頭好濃，仲要有陣油香，好似飲緊呀媽煲嘅雞湯咁，絕對唔係味精幫手整出黎嘅味。河粉本身又吸湯，每食一啖都有帶到啲湯入口。河粉其實一唔小心就會好易煮到斷開哂變左做河粉碎，但呢度嘅河粉煮得啱啱好，每條麵仲keep到同雞腸差唔多長度，可以享受到吸麵嘅樂趣。佢碗麵嘅重點都仲未出黎就已經讚不絕口啦，哈哈。重點係啲雞腸呀！爽口得黎又唔會韌，一韌起上黎隨時咬唔斷直通你喉嚨，係一樣要細心處理嘅食材黎。佢仲要薄到同河粉差唔多，差啲分唔出佢兩個呀。廚師將雞腸清洗得好乾淨，唔會有內臟嘅腥味，要洗嘅洗走左，要留嘅又有留番喎。雞腸嘅油脂香散發晒出嚟，為湯頭增添一翻風味。同行嘅同事話豬手飯都好好食，等我下次有機會再嚟試吓先。

偶然行過有一間不起眼的舊式麵店，好奇之下走入去一試發覺不得了。叫了在別的地方很少有的雞腸，原本想吃一碟飯但發現有竹昇麵就直接來碗雞腸牛腩麵。湯底很濃厚飲得出定不是靠味精調味而是真正有湯底，麵身冇堿水味喺爽滑彈牙有咬口已經比市面上90%嘅店好。主角雞腸簡直就係其中一樣好難搵得到嘅極品之一。牛腩估唔到亦同樣出色，有一種軟滑嫩鮮之口感! 另外不能不讚就係佢嘅自家辣椒油用來點雞腸同牛腩有一種格外提鮮味道，總括嚟講呢間店絕對係尖沙咀區滄海遺珠之極品。定要常來光顧。

今日約咗朋友係尖沙咀食晚飯，自己早咗收工，所以就去咗尖沙咀做街童，見重有五個鐘先食晚飯，而且重未食午餐，所以就揾少少嘢咬下。架車泊咗係柯士甸路附近，喺附近行咗陣就見到呢間幾舊式嘅粉麵餐廳，之後就入咗去試下。平時鮮鵝腸就食得多，鮮雞腸就真係未食過，估唔到餐廳有鮮雞腸食，見咁得意咁當然要試吓啦。鮮雞腸麵 ($38) : 鮮雞腸帶有獨特的脂肪香，味道鮮甜甘香，質感爽口，而且清得乾淨又沒有臊味。如果用黎做小炒相信都應該非常惹味。到差不多食完成碗麵，估唔到中獎 😭 不過好彩唔係大獎 (小強) 希望下次姐姐望多兩眼先出餐 😅 未食過鮮雞腸嘅朋友仔都可以嚟試吓。

疫情下，平日人山人海的尖沙咀都變得清靜起來，而禁堂食下，更令一眾小店生存空間大減。每次消費，就更應該消費在小店身上，好讓得以生存。今次到韓國街附近，吃中式麵，味道令我喜出望外的好。咸檸七炎炎夏日下，一杯透心涼的咸檸七的確可以下火。這杯咸檸七不算太咸，味道剛剛好。冬菇豬手粗麵 (走青)個人認為冬菇的質素是很容易反映出，冬菇十分厚身，而且味道極香，絕不是便宜貨色。而且豬手很入面，入口即"淋"，重點脫毛過程做得極好，反映出並不馬虎。兩者配合下，反而令食指大動！豬潤 + 牛柏葉一般想起豬潤都會想起深水埗那一家，但今次豬潤比起那一間厚切及大塊。豬潤吃起口味道不俗，吸收了湯底的鮮味！而牛柏葉十分爽身，配起獨家辣椒油 (大推) 十分好味！絕對值得Encore 疫情下消費，就如拋出救生圈。緊記拋給有價值及值得保留的小店，好讓渡過難關。而這間麵檔每碗平均$38，就有相當高質素，找不到沒有不encore 的理由。

因為疫情的關係所以很久也沒有外出去食飯，這天去尖沙咀那邊買點東西，覺得肚子餓，所以就搵間餐廳快點食完就走。通常可以快食的餐廳就只有茶餐廳和麵食吧，行過山林道那邊發覺很多食肆因為晚上不能做晚市都關門了，這些時間還是光顧小店給他們支持吧。雖然說這間是小店，但是也曾經有電視台報道過，也有名人來光顧過呢。現在這種懷舊的餐廳越來越少，大多被連鎖店取代了，所以我們更加應該要努力去保持這種份懷舊感。一坐低先知道原來這間店最出名的是雞腸和黑色牛柏葉，我本來就不太特別喜歡吃內臟，但是見店內的客人大都點這兩款來吃，所以我也來點一份吧。大熱天時，先來兩支汽水先。鵝腸我也食過好幾次，不過雞腸真是第一次吃，吃起上來感覺比鵝腸更香口，爽口得來帶點脂肪，非常滋味。吃這個雞腸一定要點餐廳特製的豉油和辣椒醬，辣椒醬只有少少辣，但十惹味，和雞腸非常夾。令一款招牌菜就是沒有加工過的黑柏葉，煮得剛剛好的黑柏葉十分爽口彈牙，一點酥味也沒有，證明非常新鮮，黑柏葉同樣要點豉油和辣椒醬，很好味！本身很喜歡吃菇菌類的我，點了這份冬菇來吃，冬菇煮得十分入味，冬菇很鮮甜又很夠味。始終內臟食物都是比較肥

話說呢一間麵店 我經過非常之多次而未入過去。 今次有機會去食到之後， 我肯定會再返去光顧嘅的一個小店！佢有好多招牌嘅餸。 冬菇豬軟骨， 牛柏葉， 豬手， 豬潤，以及鷄腸麵 都是很好味！服務又非常周到。 總之就係食過返尋味！

呢間麵家歷史悠久，我們點了店內頗有名既雞腸和黑色牛柏葉麵。麵上撒有一堆蔥花，雞腸點了旁邊既醬油，味道不錯。整碗麵份量雖少但是配料少見，而且雞腸弄得美味而不油膩，值得一試👍🏻

送我家余總回家真是不容易的事結果還被他捉去吃宵夜了還以為能趕上巴士呢但。。沒辦法就吃碗麵吧一座下 余總就不停推介這店有什麼好什麼好什麼出名什麼著命哈 像這裡的大熟客似的有時醉酒佬也有他的可愛可惜的是沒有牛腩吃了余總就點了碗 牛肚 雞腸 米線而在下點的是 栢葉 錢肚 幼麵然後又可以開心Share在下很喜歡能跟朋友間這樣去分享因為總能嘗到各不同這次在下吃到四款料還真的是大滿足爽口感爆登又不會韌以前在附近工作多年都沒吃過沒想到現在公司那麼遠卻特意跑來吃錯過了過往的五年了 而這一吃在下也決定這裡短期能做我們的宵夜好去處加油~

❤️老Hong Kong味道，新鮮鷄腸，爽脆不在話下，一啲都唔肥膩ar😋😋，湯底好有大地魚味，用料十足，無味精，所以我叫米粉底吸收晒湯底嘅精華，無得頂呀🤩真心正

回憶可以用味道，仍然係萬惡嘅雞腸非常油香脆口，黑柏葉亦係必然之選，冬菇厚肉大隻！三個人食咗三碗麵不過滿身大汗！姐姐服務態度好差，只係叫佢開個風扇都唔多爽，鬼叫自己為食咩

為什麼我的美食分享標題是「一份味道，一份溫情」呢？讀書的時候，媽媽常常帶我和妹妹去這間餐廳食麵。當時是我第一次食到「貢丸，黑牛柏葉和米線」，媽媽常常說，這間餐廳很有名的，歌神許冠傑也有幫襯這家餐廳。姑勿論是否有歌神去捧場，這家店的湯底跟餸菜都很捧！很用心的製作！只是看他家的蔥絲都切得很用心。這麼多年了......這一次我不是跟媽媽去了，而是帶著我老公去。我帶著口罩，除下口罩的時候，老店員姐姐竟然認得我。她笑得開懷地說：呀妹，妳除了口罩我認得妳喇，妳細細個跟媽咪嚟食野架麻......我突然心裡一陣暖，覺得人間有情。所以，有時候吃東西，不只是食那個味道好不好，這個食材夠不夠名貴，反而我覺得服務態度是很重要。黑柏葉，墨丸，牛筋米粉。黑牛柏葉是必點菜式（沾特製醬油一起食）墨丸好彈牙👍牛筋要讚！炆得好淋，好入味

某日同女朋友嚟到呢間蘭香麵家，品嚐佢哋出名嘅雞腸麵同埋黑牛柏葉麵，可惜發現相當普通。.雞腸雖然食落去爽口，但仲有唔少肥膏，食落去有少少核突，仲搞到個湯好油。.黑牛柏葉好少少，食落冇異味，但係夠晒爽口。.雖然啲食材夠特別，但又唔算係整得特別好食，試一次就夠。

話說頭先喺朋友屋企食完飯， 7pm太早食，又忙着陪小朋友玩，返到尖沙咀已經11:30 pm，見到蘭香仲未收，就入去食碗雞腸面，十幾年前已經好出名，又係老字號鋪頭，不過今日得我一個人，冇叫黑柏葉，驚食唔晒，夜晚都仲係好多人大部份都係食鮮雞場面，大家有機會可以黎試吓#老字號先雞腸麵👍#老字號黑牛柏葉冇漂白的👍

自從幾年前一個朋友帶我去食呢間嘅黑柏葉、雞腸麵後，一直都念念不忘！每次經過附近都會入去食麵。好少麵店有雞腸同黑栢葉食，店員仲話啲雞腸係每朝新鮮去買返嚟架。今次我同朋友兩個人去食，我叫左冬菇、黑柏葉麵，我朋友叫左黑柏葉麵，我地另外單點左份雞腸牛柏葉好爽，好有咬口！冬菇好香、好厚肉！雞腸好爽滑，店員左個豉油我地點雞腸，加啲辣椒油，味道一流！我朋友今次第一次去食，佢都讚不絕口！店員都好好呀，個個都好有笑容。會繼續支持小店！

蘭香麵家外觀毫不起眼，門面細小昏暗，行過亦不知道。店內的裝潢，跟一般坊間雲吞麵店差不多，然而他們的招牌菜，並不是普通的雲吞、水餃，而是雞腸、黑栢葉和冬菇，這堪稱店中三絕。黑栢葉是未經漂白的原型，黑沉沉的顏色賣相本不討好，但入口卻出奇地爽脆，可見師傅掌握時間的準繩，蘸上店家自家調製的豉油，十分匹配！最妙的卻是雞腸，材料不是甚麼雪藏貨色，鮮黃色的雞腸新鮮無異味，質感比鵝腸薄身，灼得剛熟爽口，連著少許脂肪帶有雞油香，想不到竟調理得香軟嫩滑，伴以米粉同吃，令米粉也沾了甘香的雞油味道。這家庭式小店，單是栢葉和雞腸，兩種食材都要經過多重繁複過程去達至完美，簡單的一餐，卻是透心的味美！