蘭香麵家

營業中

休息中

以為舊式麵檔會有傳統味道，今日放工我哋去尖沙咀蘭香麵家食飯，我哋叫咗豬手麵，雞腸飯，見係牆上面小儀同金剛宣傳既冬菇有好多隻，就叫嚟試下，點知嚟到先得5隻，90蚊。而且阿姨仲不停叫我哋加野食，覺得只係想我哋食貴啲，味道真係好一般，雞腸好似未煮熟，係雞腸飯有附送幾條牛柏葉，亦係苦澀味，仲好老，豬手得一舊，埋單194完全唔值。如果同宣傳差太遠就有欺騙成份。咁就比youtuber 食家呃咗。建議大家去唔好中伏。

粉麵店的配料不外乎是魚蛋、墨魚丸等食材，但尖沙咀蘭香麵家則提供了黑柏葉及雞腸這兩款麵店少見的選擇。新鮮的材料，費時費工的事前準備及清潔，令雞腸油香四溢而不過於肥膩，而白灼的黑柏葉則鮮味爽口。兩者配合清湯粉麵，更能感受店家對食材處理的心思。When fish balls and squid balls are ingredients expected in a noodle shop, Lan Heung Noodles offers two unique choices: black beef tripe and chicken intestine. With fresh ingredients and loads of preparation, both ingredients have their unique aroma without being too greasy or chewy.

一直知道尖沙咀呢間蘭香麵家好出名食雞腸麵！今次終於特登走入去試下🤭🟠嗌咗雞腸麵，牛腩麵同埋黑柏葉淨食🌟🟡雞腸處理得好乾淨，唔會有臭味，入口幾軟滑咬得斷唔會韌😝 雞油都香不過唔重，碗麵都會見到有層油但唔算油膩😊不過整體唔重味，所以要點辣椒油加豉油🙏🏻🟢牛腩麵普通，冇乜特別🤣🔵黑柏葉雖然白灼，都係要點辣椒油加豉油，但係灼得啱啱好！一啲都唔韌！全部入口爽脆唔使浪費過多牙力！👍🏻 🟣整體其實主要係食出面餐廳少食到嘅雞腸，但黑柏葉必嗌(´>∀<｀)ゝ

食咗個孖寶粉，份量少，湯底勁鹹冇下次，湯底勁多油，牛柏葉得兩條，仲要係收$50，唔值咁嘅價錢，賣廣告根本係搵笨。從未食過咁差嘅，碗河粉少得可憐，千祈唔好食，食個老麥好過！！！

今日出到嚟尖沙咀近「天文台道」一邊，有啲義務嘢要幫手，放飯時間只有30分鐘，所以，一支公去「蘭香」速食碗雲吞麵就算。 「蘭香」都有好多年歷史，喺一家幾老派嘅粉麵檔（鋪面寫麵家，但餐牌就加多茶餐廳幾粒字），睇格局就知有番咁上下年日，賣嘅都喺傳統嘢，嚟嘅都喺街坊或上年紀嘅人多。 晌鋪面，貼咗啲藝人或雜誌嘅專訪，而佢哋嘅名物有鮮雞腸、黑柏葉、冬菇。 其中一個主打粉麵嘅餐牌，就有中英對照，真喺食麵學英文，明顯喺為咗啲遊客，可惜，未通關，近來都見到唔少老鋪結業，真唏噓。 除粉麵，仲有小食（粉麵檔式小食）、飯品、飲品……等等。 雲吞粗麵 $39相對其他區，呢度嘅粉麵起錶價喺$39，算喺貴少少，但一碗有水準嘅粉麵，都值得啦！比起其他國家嘅粉麵，如越南湯河、日本拉麵、韓國水冷麵……港式粉麵其實喺快靚正架。講番呢碗粗麵，麵質未喺好爽，但勝在無乜梘水味，啲雲吞大大粒，裡面喺原隻鮮蝦，又爽又甜，貨真價實，湯頭亦都鮮味，睇樣都喺雲吞麵一碗，平平無奇，查實喺有內涵。 匆匆食完，匆匆閃，星期日嘅午市，人客比預期中少，希望老店捱得住，家下搵食艱難。

今日路過蘭香諗住入去食碗麵、叫左碗冬菇麵，好快就黎到，一碗四隻冬菇。食左兩啖麵、睇到隻冬菇、咦！好似比人/動物咬左一啖咁既？ 心諗可能煮果時咁啱甩左邊啫，搵多一隻又係咁、再搵又中，全部都崩口既☹️無理由四隻冬菇四隻都咁啱崩口掛！叫收銀姐姐黎、諗住同佢問下、點知唔問猶自可，一問把鬼火，佢睇都唔睇下、就話煮果時崩左啫、眼尾都無望就走左。我同佢講，一隻半隻都算、你隻隻冬菇都係咁點合理？ 收銀彩都無彩你、走番去同煮麵姐姐傾偈、話隻冬菇煮崩左好出奇咩！ 大家睇相自行判斷係比野咬左一忽、定好似收銀阿姐話齋煮到甩左。最後、煮麵姐姐見我無食響度玩電話、主動同我講換兩隻比我（咁大發慈悲心四隻換兩隻）。好，又睇下你係咪隻隻冬菇都煮得崩口先，煮麵阿姐放低果兩隻完好無缺。一碗麵值四十大洋唔夠，你話你煮到隻菇勁到崩口崩到好似咬過咁，我見識少，都真係出街食左幾十年飯第一次見。唔該唔好侮辱香港人智慧，咪以為個個出街食飯都唔識煮野食。 一間貼曬明星食家招牌既食店，居然講得出呢番說話。 我不嬲都唔寫食評，奉行好嘅一餐唔好嘅又一餐，但今次實在太激氣！咬過既都比人食？仲有下次？不了！不了！

一早食完壽司郎，再去DONKI 行一陣，D早餐已經唔見咗大半，忽然想起蘭香⋯⋯十幾年前我也算常客一名，一個月總會去三四次。十一點幾不是用等位，一樣嘅裝修，牆上依舊貼住二幾三十年前的舊報紙，吹噓什麼大明星經常光顧，餐牌跟當年亦分別不大，大概只是價錢變了🤣🤣唔太餓，所以只點了一個雞腸米粉，賣相跟以往沒有多大的分別，淡淡的湯，軟滑的雞腸，少量的薑蔥，再加少許辣椒油，蘭香就是這個味道😋今時今日食店選擇太多，究竟係不斷創新，留住顧客，還是保留原味，努力經營？

蘭香麵家為柯士甸路三角公廁範圍嘅老字號，餐廳特色有香港少有嘅鮮雞腸同鮮黑栢葉同埋冬菇幾款比較少出現喺其他粉麵餐廳，為食嘅我又點會唔會留意咁有特色嘅小店。😊講起蘭香印像中應該由佢30蚊一碗開始食食到而家40蚊一碗，之前平均一年都會嚟二三次，如果工作地點喺附近嘅話更加會嚟多幾次，無他就係因為畀佢個雞腸吸引到其次就係黑栢菜葉。😋不過從疫情前幾年開始就比較少去，因為覺得個味道已經冇以前咁好食。以前每一啖湯頭都有濃濃嘅鮮雞腸味非常鮮甜，今次個湯好似溝咗幾倍水咁完全冇曬味。☹️☹️☹️☹️☹️有啲失望，唔知咩原因......？一間咁有特色嘅餐廳個味道都保持唔到，非常可惜！😔😔😔😔😔

如果你說它是歷史非常悠久的麵店，似乎又不算太具特色，但是在尖沙咀柯士甸路這邊，韓國以及其他國家的中高級食肆林立，可能隨便叫個韓國小食都貴過這兒一碗麵，整碟炸雞或是漢堡包都貴過兩個人食麵，那麼，它在這裏就有賣點，起碼想慳錢又或是帶著嬰兒想吃點小麵的話，都會前來這邊印象中以及餐牌所說，這而比較出名的都是雞腸以及黑柏葉，兩個都叫!據說米線的份量不夠，於是溝了些河粉，兩種麵條都完全沒有特別，雞腸都挺為乾淨，爽口彈牙，不過味道比較清淡，你不點辣油的話，其實沒有什麼特別味道。黑柏葉就更加爽口，大大抽的牛柏葉，沒有漂白過的純黑色，算是比較特別，不過都沒有什麼特別的味道。本身想給小嬰吃，但他太睏不太想吃，於是迅雷不及掩耳立馬吃完，汗如雨下，好不炎熱。店面不算太寛闊，不過走廊位置總算夠寬闊，在人流不多的時間去，也不算太過擠迫；但就味道、服務而言，沒太多理由需要專程再來

Last visit was about 2 years ago. As usual I ordered the signature chicken intestine noodles. They have changed their recipe! 😩The serving of chicken intestines has become so much smaller. Noodles are crunchy which is awesome. What totally disappoints me is the soup. The soup before tasted very sweet and full of chicken flavor cos they boiled lots and lots of chicken intestines in it. This time, it only tastes like plain soup with oil - not chicken oil, not chicken broth, simply cooking oil!

叫咗牛肚米，個湯清到似清水，完全冇味，成碗加埋只有兩匙羹 牛肚碎，冇睇錯！係碎！跟住叫佢俾啲腩汁，佢俾咗小半碗，我只能做掛米，即係將啲米粉浸落果碗仔腩汁先食，咁先有啲味一定一定唔會再去，請我都唔會去，食完把鬼火，仲要$40碗，唔知食咗啲咩落肚，個肚空空如也，真心唔值

🎈#cathlife_yum 蘭香麵家⛳️🌸必食新鮮雞腸麵😻🌸 ════════════════════💨感謝一位認識了很久的好朋友在四、五年前帶我來試食，之後每逢想食米線就會來這裏光顧。在鬧市中能夠食到屹立在香港多年、懷舊而少有的美食，真的很難得！今次介紹的是在尖沙咀有二十多年的歷史、主打鮮雞腸粉麵的蘭香麵家茶餐廳！回頭拍數爆登🎊꧁••••••••••••••••••••••••••••••꧂🔸鮮雞腸拼鮮黑柏葉米線 ($̆̈42)̆̈🌟食出鮮雞湯☻︎鮮雞腸放在湯上流出來的雞油純對是精粹，把整碗米線的味道提升☻︎米線掛湯力高，一碗米線好食與否全靠湯底☻︎口感滑爽的米線配上雞湯，附帶鮮雞腸中的雞油，比起外面的味精湯底，差別甚大.🌟自家製豉油☻︎食雞腸必蘸的秘製豉油☻︎豉油特別用藥材煮個多小時☻︎豉油濃稠、咸道剛好、甜中帶香，絕對食過後念念不忘.🌟新鮮爽口雞腸☻︎雞腸灼熟，薄身的雞腸附著少許脂肪，表面帶點油光☻︎食落爽口而滿口雞油的香.🌟！黑柏葉！這個真的是超讚！☻︎沒有化學加工漂白，食到純正的黑柏葉！☻︎口感爽脆易咬，烹調時間確是師傅經驗所得，並不會煮得過熟——🔸淨鮮蝦雲吞🦐🌟原粒鮮蝦☻︎蝦的口感爽口，豬肉伴餡，餡料不

諗返起以前,約親人去尖沙咀飲酒,都會去蘭香食碗雞腸米線或幼麵先,講起都好耐冇去啦,本來,有雞腸或者鵝腸麵食既地方就唔多,深水埔果間同哩度黎講,蘭香係好食好多,其實除左雞腸,哩度既黑柏葉.冬菇同豬手都好出名,但我獨愛雞腸.自己整又好,其他地方都好,都冇一間咁好食.雞腸肥美甘香,但唔油膩,點埋辣椒豉油,香辣惹味,幼麵爽口,冇梘水味,米線就滑溜,飲啖啤酒,爽.黑柏葉爽口,冇漂過既黑柏葉食得放心,冬菇炆得入味,夠焾滑,南乳豬手入味,膠質濃厚.諗起都好想食呀.

雞腸黑柏葉米線雞腸很肥美甘香滑嘟嘟，和平時吃的冰鮮貨或鴨腸，味道是完全不同，而且沒有怪味，軟軟香香的，不會吃到咀軟。黑柏葉味道普通，沒有上湯的味道，較失色，口感還算爽脆。湯底唔夠味，令米線也不好吃。

睇OPENRICE知道呢間小店幾多好評又有比較少見的配料有雞腸.....(呢個我本身唔太好)黑柏葉 (呢個就係我杯茶了)第一次唔係打邊爐見到有得食呀點左~黑柏葉冬菇麵麵係無簡水味既仲點左佢既辣椒油好好味呀黑柏葉好爽口感係無得彈冬菇好大件下咬落唔會好淋同埋有冬菇香總括黎講質素真係唔錯呀下次一定會再黎呀