蘭香麵家

營業中

休息中

▫️蘭香麵家茶餐廳▫️🍜 鮮雞腸麵 （$47）豬腸鵝腸就聽得多，雞腸有冇食過呢？唔好睇佢好似好嘔心，實際上好好味！雞腸比鵝腸薄身，經過不停啤水同清潔之後，幾乎冇異味同脂肪，入口係非常之爽口，口感好難同任何一樣食物相比。豉油係獨家秘方，特別用藥材煮咗幾個鐘，甜得來帶香。而湯底係甘甜嘅清雞湯，本人係清底咁滯。差唔多個個入嚟嘅客人都會叫雞腸，你就知道呢度啲雞腸幾好味，係呢一間店嘅招牌！🚪尖沙咀柯士甸路15號地舖

剛剛搬了家，收工後可以步行回家。今天收工時間較夜，但又想吃一點宵夜，路過韓國街後見到蘭香麵家，印象中e間麵家係老字號，於是就行入去試試啦！入到去見到佢招牌係黑柏葉麵同埋雞腸麵，最後我就點左碗雞腸麵。咁碗雞腸麵好快就到了，首先就立即試試條雞腸先，雞腸係非常彈牙同埋入味的，而且份量非常之多，跟住就試試湯底，湯底係大地魚味道，而麵質都非常彈牙，味道真的是不錯的，最後所有麵連湯都清晒就回家了，下次會試試黑柏葉麵的。

呢間老牌粉麵店喺尖沙咀二十幾年，獲唔少明星例如譚校民及許冠傑幫襯過，呢度出名鮮雞腸及黑牛柏葉，因為除貨源少外，處理步驟亦非常複雜，雞腸是沖水超過六小時除味，再以人手去脂肪再焯至剛熟，所以非常爽脆，口味似鵝腸，配埋辣豉油立刻提鮮😍😍個黑牛柏葉睇落唔靚黑色因為無漂過，其實仲好，但無影響味道，都似非常爽脆，第一次食就已經驚為天人，之後就介紹朋友黎食呢度無咩裝修，平民麵家格局，黎係食食物原味通，單拼麵$47，比2012年$28蚊嘅雞腸麵貴咗七成，雙拼麵$55，淨鮮雞腸/黑牛柏葉就$97，只嘆物價升幅比工資快🫣

小時候常聽到的雞腸即是英文，想也沒想過可以用來做湯麵的餸，還原來是這麼出名的！是同事的推介，小人來到此店去會他一會。雞腸是到此的目的，當然要叫，此外還配搭了豬手。湯底應該是雞湯，滲透頗香的雞味。並不常見的雞腸，吃下柔靭有致，不難咬，帶有微微的脂香，小人首次食到雞腸，感受新奇！豬手煮得夠腍，豬皮滑而肉質嫩，很容易便骨肉分離。可是店方自製的藥材豉油，稍為偏鹹，不宜蘸得太多。麵條不過不失，份量亦足。最驚豔的一定是雞腸！

廿幾年堅持手造豉油，連譚校長、華仔都幫襯過嘅懷舊小店🏠雖然鋪頭細細但長期爆場，街坊味濃到化唔開～ ✨【黑柏葉拼雞腸麵 🐔】第一啖湯底清甜帶淡淡藥材香，係用中藥熬製豉油 鹹中帶甘！黑柏葉係未經漂白嘅牛百葉 口感爽脆完全冇異味，蘸埋秘製豉油更加惹味～雞腸處理得好乾淨，咬落索索聲仲帶住少少嘅油脂香，配埋彈牙嘅幼身鹼水麵，簡直絕配！😋【冬菇拼豬軟骨河粉 🍄】河粉吸曬湯底嘅精華，飲到底都唔覺口乾冬菇厚身爆汁💦咬落仲有淡淡菇香豬軟骨炆到淋滑入味，軟骨部分膠質滿滿完全唔會黐牙～🤤加埋店家佢哋自炸嘅 自製辣椒醬🌶️ （用蒜片、乾蔥同辣椒碎慢火炸香，微辣帶焦香又唔嗆喉）瞬間提升層次！❤【白灼豬潤 🐷】每片都係厚切，灼得剛好熟透，中心仍帶粉嫩，入口嫩滑無渣，簡單蘸滴薑蔥豉油已經夠曬鮮啦~食完都仲想再Encore多碟！！👍

🐮🐓「新鲜鸡肠牛百叶双王炸」 当日现拆鸡肠脆过薯片！ 脆如蒟蒻不留腥牛百叶挂着晨曦露水般的新鲜度 淋一勺滚烫豉油皇——叮！街坊味觉开关全开💥 🍄「金钱肚冬菇面」 蜂窝肚吸饱8小时大地鱼汤会发光✨ 冬菇厚过TVB台庆金牌超级入味🏅 🐖「猪润冬菇禁忌之吻」 猪润嫩到要用勺子抢救！ 冬菇爆汁瞬间浇灭减肥flag 深夜饿到啃枕头也要翻墙来吃的罪恶组合 🥩「肥牛鱼汤面の温柔暴击」 肥牛卷着奶香登陆舌尖🌊 📍佐敦站走10分钟到 这碗面吃的是快绝迹的香港狠劲💔

一入嚟坐低就叫咗碟白灼雞腸,記得上次同老闆娘講請佢比啲肥雞腸比我,跟住老闆娘話佢同我一樣都係鐘意食肥雞腸,點知灼熟放喺我面前係碟清理哂脂肪嘅雞腸。今次我仲未吸取到教訓,隔咗半年之後再嚟光顧,老闆娘又係講返同一句說話,佢話佢都鐘意食肥啲有脂肪嘅雞腸,但結果同上次一樣比哂啲無乜脂肪嘅雞腸比我。指明想要肥雞腸,但比我嘅係近乎全部都係清理哂肥脂肪嘅雞腸,有無攪錯！我問你點解啲雞腸無乜脂肪,你答我因為呢批雞瘦,所以無乜脂肪,你唔早講話你無貨？接近成一百蚊,谷住度氣夾硬死埋佢,諗返轉頭我見到碟嘢應該起身即刻走人先啱,我覺得好貨不對版,佢既然應承我但達唔到我指定要求,拒絕付款即走係正確做法。老闆娘,你既然自己都覺得肥雞腸好味點解你唔分開兩批雞腸,一批清理咗雞脂肪而一批就係有雞脂肪去供應比兩批唔同要求嘅食客呢？你答我因為今次批雞瘦所以無乜脂肪,但貨源係你可以控制嘛！對嗎？我唔會再光顧呢間麵店,對呢間店實在太失望啦！

蘭香麵家坐落在尖沙咀附近的柯士甸路15號地舖。作為一個內臟愛好者，這家麵家是我固定的飯堂之一。他們以其出色的鮮雞腸和黒柏葉而聞名。他們家的招牌菜之一雞腸米線。這道菜以新鮮的雞腸搭配著充滿雞油香的湯頭，鮮雞腸它們經過精心處理，保持了原始的鮮味和彈性。再配上他們獨特的秘製豉油和辣椒油，完美地調和了各種風味。每一口都讓人感受到雞腸的鮮嫩口感和濃郁的香氣，他們的辣椒油香氣十足, 喜愛辣的朋友記得要加上。小總結❤️❤️❤️❤️ 📌必食雞腸米線

鮮雞腸小時候經常吃，但此物已久未再嚐，雞腸是下欄貨，因此坊間亦少有食店售賣此物，得知有店舖以雞腸作招徠，雖然位置於我相對山旮旯，但無損尋找此店的興致。此店有售多種食材，例如蝦球、炸醬、豬軟骨等等配搭不同粉麵，但最感興趣的還是雞腸和黒柏葉。黑柏葉和雞腸鋪滿整個碗，還配上特製的帶甜味醬油，切成幼條的黑柏葉灼得很爽脆，雞腸切得很長，質地柔軟，為此物增加了口感，可惜雞腸帶微微的內臟腥，因此給黑柏葉比下去。麵湯很清，減少了吃內臟的罪惡感。芥蘭價格合理，質素正常。

呢間店係舊式嘅麵店 所以環境衛生都唔會特別高分 同側邊啲舖頭有好大對比 入到去見到招牌都係介紹食黑柏葉同雞腸麵就決定叫一碗雙拼麵一試 麵嘅湯底浮住一層雞油 但係飲落一啲都唔會油膩 黑柏葉同埋雞腸爽口 沒有內臟腥味 幼麵麵質爽口彈牙 暫時未見過其他麵店用呢兩款來做配料 行過尖沙咀可以嚟試一試

平日lunch 差不多日日都去黎度食 食物幾好 平平地 我唔食太多野所以夠飽 但今日發現2隻野係碗野到 睇都未睇就話係咁 話佢地煲湯係咁 係我誤會 我影低左 後來過到黎睇就話咁換過比我 態度好差

今日帶大家去食鮮牛栢葉同雞腸，呢間嘢好耐啦，我第一次食係初中果陣，都有30幾年以上，係近呢幾日睇到大島與龍威條片介紹呢度我至諗吓乜呢間嘢仲响度！然後今日放假就走嚟食，有乜好食呢，當然係黑牛栢葉(冇錯牛栢葉係黑色，平時酒樓果啲係白色不過加工過)，仲有鮮雞腸，叫咗雞腸麵做底加個淨黑牛栢葉，夠晒飽，上嚟嘅醬油係佢哋自己調配，帶啲辣但唔咸，雞腸好鮮好乾淨，幾正，不過湯底淡左啲冇以前咁濃味，係真嘅淡左啲。到牛栢葉，好爽口又脆口又唔靭，好食，啲葱切到好靚又多，真係久唔久食下好嘞始終内蔵嘢。

#搞串個pantry今次我哋去咗一間有啲名氣💬，但係又唔算多人識嘅港式 #粉麵舖 🇭🇰。舖頭位於 #尖沙咀 ，所以我哋平日嚟到☀️，都有遊客等緊✈️，睇嚟佢嘅特色粉麵都幾出名🍜。舖頭係以小店經營🥢，開舖時間未必咁固定🕰️。舖頭都好有潮式粉麵小店♨️嘅feel，我哋就嗌咗佢最出名😍嘅兩款特色粉面，🔴鮮雞腸河($45)同埋🔵牛柏葉河($45)。鮮雞腸河🌟🌟🌟🌟🌟雞腸🐔嘅感覺好特別，平時都好少會食到呢一款食材😆。既有好似鵝腸、魚腸🌭嘅爽口感覺，同時間會比較腍啲🫦，而最正係佢嘅味道好有雞油香味🐥，就好似平時食豉油雞🍗，不過更加濃味。唯一係部份位置會有少少筋🤨。我哋食完都覺得值得返轉頭再幫襯💕！牛柏葉河🌟🌟🌟牛柏葉係用咗黑柏葉⚫️，食落同普通嘅牛柏葉🐮比起，彈牙得嚟係比較腍身👅。不過由於係用白烚♨️嘅方式，所以冇乜味道，只係靠每碗麵都有嘅甜豉油吊下味🥢，多啲調味會好啲。而河粉都係清湯🍜，所以建議自己加啲辣椒油🌶️，即刻香好多。

好舊嘅麵鋪 都乾淨企理平日下午茶嚟 幾乎無人 坐得舒服闊落最出名嘅係雞腸同黑柏葉雞腸都比較少見人做好自然都叫咗一碗湯底都幾淡黑柏葉同雞腸都係平平無奇以六十蚊嚟講 算係幾貴只可一試嘅體驗收現金同收wechat pay

今日行經佐敦三角公廁附近，決定黎潮聖一入去見到有蚊滋仔飛，後門大開望埋條後巷，其實有少少扣分雞腸冬菇雙拼麵（$50）雞腸食落唔肥，睇落無乜肥膏，爽口彈牙，皮薄唔會好難嚼，一段段切得剛剛好。配埋秘製藥材豉油好正，不過豉油偏鹹，落埋辣椒油點少少就夠。冬落食落有蠔油味，但唔算燘得好入味，略嫌冬菇定留太多，食食下會覺得硬。麵我叫左多蔥，蔥一絲絲連埋麵食岩岩好，好香好新鮮。雞腸既雞油落晒個湯度，個麵好有油香。南乳豬手黑柏葉麵（$50）豬手得兩舊仲要好細舊，無乜肉，又唔算好入味，不用再試。黑柏葉高質爽口，同豉油都係好夾，不過無雞腸咁令人驚艷。