蘭香麵家

營業中

休息中

未試過食雞腸麵，不知之前誤打誤撞在哪裡看過食評，已收藏了這店一段日子，今天發現滄海遺珠馬上去試！店內外貼滿傳媒報導，見推介的都是雞腸麵及黑柏葉麵，所以同男友一樣一碗我的雞腸米線先到，湯輕輕舖了一層雞油，雞腸吃下去都幾滑，最正可算是特製的豉油，有d 辣，很香至於男友的黑柏葉麵，佢話無咩特別，下次要再黎既話，都係叫返雞腸麵正d

今次係第二次食雞腸麵我覺得第一次好食啲 不過都好味冬菇雞腸米線 價錢唔太記得 應該under$40個湯底鹹鹹地仲有啲蔥味 唔錯雞腸好爽唔腥 加上點埋佢配既豉油就更好味 但其中偏肉色既雞腸有一兩條好un個冬菇好入味 但有喊咗小小蓋過咗啲菇味但總體黎講都都唔錯 值得試下

小店經營, 親切的服務, 簡單美味的食物.…由美麗華商場走過幾條街, 就會到到達。我每次來這裡, 必點的就是雞腸米線…… 嫩滑新鮮的鮮雞腸, 滑嘟嘟的米線……… 當雞油混合上湯, 啖啖滋味!!畫龍點晴的地方莫過於用中藥煮過的醬油……

朋友話一食難忘有冇咁堅呀…二話不說就去左試佢最出名的雞腸，黑牛柏葉，豬手同冬菇…雙拼每碟$85鵝腸打邊爐得得多，雞腸第一次試，好味喎，吾太多膏而軟身但不失口感，黑柏葉爽脆，豬手好淋身又入味，最愛吃冬菇厚肉都爆又淋同好有冬菇香，仲要豉油杰杰地吾太咸，自家制加上辣椒醬一起更好，怪不得我朋友會再黎啦

間唔中經過都會忍不住入去食返碗雞腸牛栢葉米，鍾意佢灼雞腸嘅時間拿捏得啱啱好，夠爽口！ 而且沒有任何腥味！黑栢葉即係沒漂染過，比起漂染過嘅白栢葉會爽口硬身d！ 必食！

最近得知呢間老店食雞腸好出名, 今晚一個人在尖沙咀搵食, 最好就食粉麵架啦, 唔會比人歧視呀嘛!叫左雞腸、冬菇、豬軟骨麵, 先講個麵, 非常爽滑, 好鍾意, 不過佢有D梘水味, 可能會有朋友唔鍾意, 而個湯底都唔普通, 好鮮濃甘香的味道, 我差唔多有飲晒。其實今日我有D 感冒未清, 唔食得雞, 心裡面爭扎好耐食唔食雞腸, 雞腸又算唔算雞呢?? 結果都係諗一場黎到, 食就食啦! 雞腸幾爽口有D 油香味, 間唔中會食到少少內臟味, 總括係幾易入口, 不過個人黎講無特別鍾意。個冬菇就炆到好軟腍, 好香花菇味道, 肥大肉厚, 正! 豬軟骨就普通少少, 雖然都算係淋, 但入口有D 鞋鞋地咁。最特別既係, 食完個麵之後, 成晚個口都有D 甘甘地既味道, 好特別呢!

我實在太愛食雞腸了，可惜唔係咁易可以食到，每次想食雞腸麵既時候，腦中就只會想起蘭香麵家，佢地既冬菇雞腸麵好好食，雞腸洗得好乾淨，份量又多，夾雜左小小肥糕，口感爽而不溜。冬菇都得好淋好入味，又大件又好口感。今日難得出到尖沙咀搵地方食lunch,第一時間想起，當然要泥食下

2016第一餐，並非甚麼御節料理，亦不是壽司師傅替我發辦的Omakase，更加不是在酒店裡面的高級餐廳，放任地喝香檳，吃大餐。只是一碗雞腸加冬菇米粉而已。上年中轉職到尖沙咀，造就小弟不時光顧這間，我已吃了十多年的雞腸麵，蘭香。有一次去到沒有雞腸，找鵝腸頂替，肥膏全去，只殘留著其爽脆質感，完全沒有靈魂。現在學精了，入到門口，先問問有沒有雞腸，如有，就坐下，如沒有，就走人。甘香豐腴，油潤的雞腸，無須太多修飾，只是沾些辣豉油，與浸在清鮮的湯頭上，喜歡你是你。肥大肉厚的冬菇，也是必吃之物，當然，黑柏葉是不可缺少，只是這天想吃冬菇，唯有割愛。

有日同朋友行行下柯士甸道，見到呢間店咁懷舊，就入去試下！（因為一直相信，舊裝修嘅食店仍然生存到，一定有佢過人之處）第一次食過之後就念念不忘，一星期後要再食多次！今次叫咗牛栢葉冬菇麵...我最欣賞佢嘅牛栢葉爽口唔靱，點埋佢獨特嘅辣豉油，無得彈👍🏻👍🏻👍🏻冬菇入味，而且夠多葱花，配埋彈身嘅幼麵...我愈寫愈想去再食（流口水中）🙊要快啲再搵個時間再食先得！😁除咗食物之外，呢間麵店仲有份舊香港嘅感覺，同埋一份人情味😊

附近周圍全部都係韓國餐廳, 真係見都見到厭, 知道呢度有雞腸面, 急不及待要先食為快。宜家想揾雞腸食下真係唔容易, 碗面的湯底很清但很夠味, 雞腸唔韌, 夠香!! 配上蔥絲, 好美味。份量唔太少, 尖沙咀區價錢算合理。另外叫了個豬潤面,有個特製醬汁, 少少中藥味, 個人覺得幾特別!

常說「路在口邊」，我說「吃在腳邊」。周圍都是集團食肆，千篇一律悶死人。最愛走訪獨立小店，今次來到老字號「蘭香麵家」。其實此店不難找，就在出名的韓國炸雞店「李家」附近，那條街很多小店舖，細細間，沒甚麼裝修，座位又不是十分舒適，但勝在真材實料又夠實惠。平時少菜多肉，來到這些麵店，油菜一碟總少不了。菜煮得剛好熟透，顏色翠綠，又不會有菜青味，換來鮮甜的味道，是新鮮的味道。招牌名菜之一「鮮雞腸麵」，因為用上鮮雞腸，雞油融和在湯裡，原來的湯底變了雞湯，鮮味如飴甘露。鮮雞腸又爽口少肥，配上切花葱段，竟然讓我這個不吃葱的人把所有葱都吃掉。還有麵質彈牙，浸湯久了也沒有發脹變軟。平時去粥麵檔，最怕就是麵身軟，尤其是我這種「慢食」狂熱份子，麵浸在湯裡一會就變軟糊身，口感變差，難為自己。另一招牌菜「爽脆黑栢葉米線」，讓人有點失望。黑栢葉切成幼絲，爽口容易入口，比深水埗劉森記更好食。可惜湯底偏淡且甜，加上黑栢葉本身亦味淡，吃上去感覺寡口，不夠鮮。我們又點了炸魚皮。其實我不太好此道小食，因為做得好的地方實在不多。這裡的卻叫我意猶未盡。魚皮薄身脆口，少炸粉，美中不足是比較碎。值得一提的是每碗麵皆奉上一小碟的辣豉油(

時光荏苒，我再不是進來叫外賣回校的o靚妹。十年人事幾番新，三角公廁一帶多開了很多韓國食肆，唯獨是蘭香側的幾間舖沒有變過。除了樂心和聯威的外賣飯盒，中學時代的我吃得最多的要算是蘭香了。當時只是$16 一碗麵，還有飲品送；現在門外依舊貼著學生優惠的餐牌，不過標示著$26 - 可見通脹的利害（和時光飛逝？嘿，我不會透露我畢業多久的）。蘭香的門面和裝修多年來都沒有改變過，仍是一間家庭式小店，樸實就是一切。當晚是星期一，每張枱都有一兩個客人。有趣的是，大多數食客好像「有備而來」，甫坐下（甚至職員還未開口問要吃什麼時）便能講出想點的東西。他們應該是熟客，或是這家麵店馳名的東西太呼之欲出了。招牌菜是雞腸和黑柏葉，兩者都是處理工夫多的食材。可惜小妹不喜歡吃腸（吃雞腸的話，英文可能更好），無緣吃這被傳頌的招牌菜。我當然亦是有備而來，腦裡已掏出黑柏葉的美味回憶。見到加$5能雙拼，便多選了個很久沒吃的鯊魚丸，麵底要米線，再加了紫菜(都是$5)。職員先給我一碟豉油，再過了三分鐘左右，麵就上桌了。配料鋪滿了碗面，份量足夠；有趣的是我所點的配料都是灰灰黑黑的，捲作一團的蔥在 monotone 的背景下，顯得很突出

聖瑪利書院旁，光鮮韓式食店愈開愈多，但我最愛的依然是那家溶溶爛爛的北京水餃店。一份厚皮水餃，一碗乍醬麵，邊吃邊看老闆包餃子，樸實得不得了。只是，隔了段時間沒來，竟見到在拆板裝修。在市區之內沒有甚麼桃花依舊。人面不知何處去，剩下的就只有記憶了。惆悵，卻給了我機會走入了蘭香麵家。素聞它們的雞腸、黑柏葉是一絕，卻是從未結緣。在廣東話之中, 「雞腸」又有「英文」的隱喻。說一個人「滿口雞腸」, 不是指他剛剛吃了好多雞腸, 而是指他老是在說英文, 有趣吧? 大概是長長的雞腸, 和潦草的手書英文, 有那麼一點點形似。我瞪著金黄的雞腸，咽一咽口水，才鼓起勇氣放入口。沒有想像中的騷臭，也不是幻想中的軟爛，更沒有油膩。取而代之的是無限的爽脆，少少脂肪多多脆，正得很! 馬上就後悔要了雞腸冬菇雙拼 - 豈不是吃少了雞腸?幸好，冬菇也是很好吃，非常的肉厚，咬下多汁鮮甜。另一樣馳名的是黑柏葉。總覺得牛柏葉本身的味道很淡，要吃，就是吃爽的。在口中咬得索索有聲，不知怎地覺得有一絲頑皮。這次在蘭香讓我驚艷的除了雞腸之外還有那黑色的醬油。黑墨墨的稠稠的，聽說是加入了中藥熬製，後勁頗辣，非常惹味呢。不論點雞腸還是點柏葉都非

一行五人，趁打風前食個好出名的雞腸豬軟骨面。食河粉仲有得免費加底。食面就冇得加底，個份量唔係幾夠。要加大大先得。整體好好味，雞腸好爽，豬軟骨好入味。果然係出名有原因。個面都唔係好大簡水味，個湯都好甜。仲有老闆娘好好，送多碟菜俾我地。未食過一定要食!

另一半好鍾意食食食，所以我哋平日嘅節目都係週圍搵嘢食為樂，呢間店係老公睇過飲食介紹，一直都想試，今日終於試到了．此店舖面古舊，入面好少許迫，但睇得出係歷史悠久，我哋兩個最鍾意就係發掘呢類嘅小店，因為驚遲Ｄ會變哂連鎖食店或者藥房．全店都係得3,4個服務員，好似係全家總動員，所以好有親切感，我哋叫左雞腸麵，蝦球麵同埋黑柏葉．雞腸的確爽口兼彈牙，而且唔會食落有難聞味道，麵條軟硬適中．蝦球麵，好大隻，新鮮甜美．黑柏葉火喉控制得好好，唔會過老，非常爽口．