蘇山雞飯

營業中

休息中

呢間餐廳茶餐廳價錢，已經可以食到新加坡🇸🇬、馬來西亞🇲🇾菜，好受附近打工仔歡迎，我地今次下午茶時間嚟到，都等咗一陣位先入得*豐盛辣死你嗎 $88*辣死你嗎係經典嘅馬來西亞菜式，呢到嘅椰漿飯帶有淡淡嘅椰汁🥥香味，配埋辣辣地嘅小魚乾&花生🥜粒，咖哩雞同埋咖哩牛嘅味道都好香，甜甜辣辣好惹味，撈飯一流*路邊炒粿條 $78*開頭以為姐係炒河粉，但係原來係類似炒油麵夾雜啲河粉，兩款麵溝埋一齊都幾得意，炒得都幾有鑊氣，有幾粒大蝦同埋啲魚片，呢個味道似係港式嘅乾炒牛河咁，好食😋但係油咗啲*三黃雞 半隻 $120*原本諗住一定要叫海南雞飯，但係真係碟碟都太大碟喇，驚食唔晒，唯有叫淨海南雞。雞肉質地非常嫩滑，雖然無去骨，但係都啖啖肉，最鐘意中間橙色個款又酸又辣嘅醬，好開胃，下次如果一個人嚟食可以食海南雞飯餐😍另外仲叫咗啲小食*炭燒豬肉串 $38*食落好似台式香腸，甜甜地好似豬肉乾嘅味道，都幾香，可以一試*麻辣玻璃魷魚通菜 $48*玻璃魷魚超爽口，咬落又唔會好韌，通菜唔會好老，點上麻辣醬好好食*鮮油咖央多士 $32*我地當呢個係甜品。烘得香脆嘅多士夾住甜甜地嘅咖央，睇下中間個舊牛油🧈厚得幾邪惡🤭🤭*恐龍🦖美

有晚係長沙灣覓食，經過見到間新開嘅星馬餐廳，上OpenRice睇原來都幾多好評喎，唔洗諗啦一於試下。餐廳menu都幾多選擇，當然要試下餐廳招牌啦。是日晚餐：🍗招牌海南雞飯 配 迷你星洲叻沙🍗獅城牙菜走地雞飯 配 輕怡新加坡白胡椒🍹檸檬薏米水整體黎講，成個餐都幾豐富，有雞有飯有湯，價錢合理。最欣賞係佢個油飯，因為唔係到到嘅海南雞飯都係配油飯。無論係雞定湯定飲品嘅味道都不過不失，但係冇大家吹捧得咁誇張。

【#肥波東南亞系列】🎈尋晚返返去細個嘅時候住嘅地方搵好野食🥢今次嘅目的地係長沙灣，長沙灣真係同以前唔同左好多，多左好多唔同類型嘅食肆❤️其實之前買樓嘅時候都想買返呢邊，但始終都係睇唔岩so sad🤦🏻‍♀️🎈去新加坡、馬來西亞玩大家會想食咩？我就會想食肉骨茶，咖央多😋到底幾時先可以再去旅行呀～～🎈今次嘅目的地係之前已經有好多blogger都推薦嘅蘇山雞飯❤️潮流嘅未端嘅我地尋晚終於都試到，仲食左好多好野，價錢唔貴之餘而且仲幾好食添‼️🥢巴東牛肉江魚仔椰漿飯🍛巴東牛肉係類似牛腩嘅質地，炆得好淋好入味！我好鍾意個醬汁，本身個汁帶有一陣椰漿味，而且唔會好油，用黎撈飯一流🍚肥成就對伴碟嘅魚仔最有興趣，脆卜卜咸咸地幾好食😋🥢鮮油咖央多🥪嘩～～～呢pat牛油好正呀‼️牛油唔會好咸，咖央醬比起平時食嘅甜少少，但兩樣加埋一齊再配埋岩岩烘起嘅多士，perfect！今朝上磅肥返一磅都抵呀😆🥢肉骨茶湯米粉🍜黎到成餐飯嘅重點，呢幾日開始轉涼，當然要試吓餐牌推薦嘅肉骨茶用黎暖下個人🍲肉骨茶同之前係馬拉旅行時飲嘅唔一樣，係馬拉飲過嘅比較濃味，顏色亦都比較深色🥣呢度嘅肉骨茶雖然顏色比較淡，飲左一啖發覺湯頭唔係好油好濃味嗰種，

想食一間比較正宗嘅新加坡餐廳好耐🤪 終於！搵到間唔錯架啦🥺 又抵食味道又正！新加坡白胡椒肉骨茶👉🏻之前喺北角一間好出名嘅類似餐廳食過 但係嗰個肉骨茶一啲都唔熱 🙊 今次呢間唔但只夠晒熱 白胡椒味仲好香 冬天飲成個人暖粒粒 👉🏻湯入面有成五六舊大骨頭 兩個人分享色一定夠而且係啖啖肉果一種 仲有少少豬軟骨 👉🏻跟餐仲配左個白飯、油炸鬼同埋飲品 真心覺得好抵大家真係要試海南雞飯配冬瓜湯👉🏻海南雞一樣都係份量好足 但唔算去到超級滑嗰種 跟餐配有一個油飯 油香重 👉🏻 重點講吓個冬瓜湯入面唔係得冬瓜咁簡單佢居然有新鮮嘅雞內臟！係新鮮嗰種啊！包括有雞心、雞肝同雞腎～因為新鮮嘅原因食起嚟一啲腥味都冇好surprise！迷你喇沙麵 👉🏻個湯夠濃夠香夠熱 食得出唔係用超多味精煮出黎 令到你想一啖接一啖咁飲！👉🏻配料有豆卜、蝦、魚蛋、魚片炒通菜、豬肉串👉🏻正常 不過不失 金橘檸檬蜜👉🏻偏甜但店員好細心 比啶杯熱水我哋叫我哋可以沖淡少少飲恐龍美祿👉🏻就係一杯美祿Overall 我覺得佢做到Standard以上以呢個價錢來講其實值得一試唯一美中不足嘅地方係安排座位方面冇溝通清楚我哋最後調咗三次位🙇🏻‍♀️

去到門口已經排晒長龍，要齊人先入得入到去就叫個多士先，食完滿滿罪惡感個龍蝦摻摻真係好吸引無理由唔叫海南雞好滑椰漿飯唔係好重味，牛肉反而好食香茅薄荷真係成枝香茅係入面

#大食小公主長沙灣區出動👸🤪 🚩獅城芽菜走地雞飯配輕怡新加坡白胡椒肉骨茶 $85成日食海南雞飯今次就試吓走地雞呢個套餐有雞有飯有湯飯可以自行配搭要白飯定係油飯油飯嘅薑味非常突出每一粒飯都佔上左顏色非常均勻走地雞非常柔嫩 雞皮爽彈 而且一啲都唔油膩👍😜雞嘅下邊仲配左啲芽菜吸收啲雞嘅精華正✅呢個天氣飲一碗肉骨茶成個人會更加暖粒粒肉骨茶嘅味道雖然未及我喺新加坡飲嘅肉骨茶濃郁 但係都好好飲🥰肉骨茶嘅排骨非常入味同淋👍😋呢一個套餐非常滿足🚩星洲龍蝦叻沙摻摻配 鮮油咖央多士$98叻沙摻摻 即系油麵同米粉混合埋一齊食呢一碗面不得了🥰🥰🥰佢有一隻爽口彈牙嘅龍蝦湯底非常濃郁✅✅✅配左大量嘅魚蛋 魚片 豆卜 芽菜等等好食到停唔到口😘😘😘鮮油咖央多士一定要配超厚嘅牛油🧈多士脆口😜🥺好邪惡嘅多士😉😉🚩跟餐加 順化炭燒豬肉串（3串）$20第一次食呢類型嘅豬肉串味道正常勝在唔會太油膩🚩Susan 雞翼三隻 $28絕對唔係普通嘅炸雞翼係全翼炸雞翼😜👍炸得非常之脆口😋雞翼係有醃製過嘅 所以好入味推介🚩跟餐飲品 薏米檸檬水 凍檸茶薏米水幾清甜凍檸茶就正常份量偏大🥰

好耐冇食馬來西亞野，尋日食咗一間抵食又好味嘅蘇山雞飯，一定要分享俾大家😌除咗海南雞之外，仲有好多其他美食，好有馬拉特色。海南雞，$120半隻我哋人多，所以叫咗半隻雞食。雞好嫩滑，整得好有水準，聽講用咗日本花菇、元貝同埋廿種香料入味，值得一試。另外俾咗三款醬汁，每款都好好味😋輕怡肉骨茶，$48食馬來西亞嘢，肉骨茶係必點，呢度係用傳統嘅白胡椒，胡椒味重而香，湯底就好清易入口，不過要趁熱飲，凍咗飲會有少少苦。路邊炒裸條，$78好懷念馬來西亞大排檔嘅味道，所以叫咗呢個裸條試吓，好足料，有蝦有臘腸有芽茶，好好味，不過同平時食嘅有少少唔同，佢除咗有河粉仲有麵，兩樣野加埋一齊炒真係第一次食😋豐盛辣死你嗎，$88呢度嘅nasi lemak真係好豐富，有咖啡牛同雞，而且肉嘅份量好多，啲飯撈埋咖哩、椰汁同紅色嘅醬，好味。鮮油咖央多士，$32呢個多士有勁大塊牛油係入面，因為太肥，我哋share一份嚟食，唔係真係搞唔掂🤣牛油味勁重，好香好好味。玻璃魷魚通菜，$48好耐冇見玻璃魷魚，呢款有啲辣，加係魷魚上面增加魷魚嘅鮮味，而通菜都炒得好入味。炭燒豬肉串，$38佢嘅豬肉串唔係泰式嗰啲，而係豬肉碎整成嘅類似肉丸味嘅

呢日黎到超人氣高質星馬菜「蘇山雞飯」，7點左右正正係熱門時間，入面果然係坐滿晒等左一陣就可以入座試下啦輕怡肉骨茶，非常清新，每啖都有好香既白胡椒味，豆卜同排骨都大大件，入晒味招牌海南雞配雞雜冬瓜湯，非常高質雞件滑溜，肉質軟嫩，唔會覺得肥膩，而且油飯味道濃郁，每粒飯吸收晒雞油，一食就停唔到！雞雜冬瓜湯同樣清清地，食完海南雞再飲啖湯，味道好夾！小食孖寶(春卷+魚餅)，春卷鬆脆香口，魚餅彈牙星洲龍蝦叻沙摻摻，真係好足料呀湯底有陣陣既椰香味散發晒出黎，龍蝦大大隻，肉質爽滑彈牙，加上魚蛋、豆卜、魚片，認真大碗鮮油咖央多士，表面烘到微焦，夠晒脆，入面係兩大塊超厚牛油，非常邪惡參巴醬通菜，好惹味，唔算好辣，同樣係食到停唔到之選凍恐龍美祿&超冰凍椰青，野食份量足料，然後連飲品都一樣咁足料大杯

🍴豐盛海南雞飯 (半隻) $128佢唔系浪得虛名 話半隻 真系有足半隻🤯海南雞選用文昌雞 雞肉嫩滑而且唔油膩肉質仲好結實 起埋骨 食落啖啖肉 誠意十足👍🏻😍油飯食落有班蘭葉同香茅味 食得出個飯有用心處理過🥰隨飯附送雞雜冬瓜湯 味道濃郁 亦好足料雞雜有雞腎同雞肝 冬瓜亦都切埋粒 食起上黎超方便🤤🍴龍蝦叻沙摻摻 $88麵底系油麵加米粉😋😋入面有豆卜 魚片 魚蛋 芽菜 通菜同最值回票價既龍蝦🤯🤯🤯真系足足半隻龍蝦 龍蝦爽口彈牙 好新鮮吸左喇沙既味道 好Juicy🤤🤤喇沙椰汁味偏濃 甜甜辣辣 好惹味整體份量亦都好足夠 依個價錢有依個份量同質素性價比極高👍🏻👍🏻🍴麻辣玻璃魷魚通菜 $48份量大大份🤓玻璃魷魚好爽脆🤤麻辣醬係偏香 辣度輕微有提鮮既作用 唔食得辣既朋友仔都唔洗擔心😚🍴鮮油咖央多士 $22麵包經過烘烤 好香脆🥰烘烤後既餘溫令牛油好順滑 入口即溶 同埋好厚身咖央味甜度適中 椰味香濃 係絕配既組合❤️

今次黎到呢間高人氣既星馬菜餐廳～～餐廳主打海南雞飯、肉骨茶，價錢唔貴之餘仲好高質🤩🤩當晚7點去到已經差唔多full哂，大家唔想等既話記得早d去喔🙆🏻‍♀️🙆🏻‍♀️🐥招牌海南雞飯配雞雜冬瓜湯  $78✨黎到必試佢地既招牌海南雞飯～～雞皮好爽口，肉質嫩滑！食落唔會肥膩，份量都好足夠😋😋同埋個油飯好好食，粒粒分明，好香雞油同斑蘭既味道～～跟餐仲有碗冬瓜湯，味道清甜！推介❤️❤️🍜星洲龍蝦叻沙摻摻配鮮油咖央多士  $98✨叻沙湯底濃郁，裡面有大大隻龍蝦，肉質爽彈！！配料有豆卜、魚片、魚蛋、芽菜、通菜同雞蛋，而麵底就係油麵同米粉，口感豐富～～另外一定要推介佢地既咖央多士，超好食👍🏻👍🏻多士烘到外層香脆，裡面夾住咖央醬同厚切牛油，十分邪惡！！而家諗返都已經好想再去食🤤🤤🍱特色小食拼盤 $78✨想一次過試哂咁多款小食，叫呢個拼盤就最啱😏😏包括有雞翼、順化豬肉串、泰式魚餅、脆炸鳳尾蝦春卷同黑椒扎肉～～款款味道都唔錯！當中至愛順化豬肉串❤️❤️咬落好腍身，味道甜甜地，蘸埋佢地既秘製醬汁食更惹味👍🏻👍🏻飲品方面，我地叫左冰凍椰青($25)同恐龍美祿(+$9)～～椰青飲落好清甜，解膩一流😋😋恐龍美祿面頭鋪滿美祿粉，味

呢間主打新加坡同馬來西亞菜嘅餐廳之前誤打誤撞入黎食過一次，深深愛上價錢抵食，份量也多晚市套餐芽菜走地雞飯拼白胡椒肉骨茶走地雞肉質嫩滑，可以不用沾醬食都很夠味油飯好香，飯粒又粒粒分明白胡椒肉骨茶，呢個天氣飲真係一流，胡椒味重肉排入味而且肉質軟腍飲完全身都暖哂朋友最愛呢到個豬手飯份量好足，肥瘦分明，口感鬆化，而且勁入味豬皮咬落啖啖骨膠原配埋酸菜食真係超夾滷蛋也不能錯過Susan 雞翼 (跟餐加$28)估唔到有咁大碟，有三隻雞全翼，唔會炸到乾爭爭，入口仲有肉汁鮮油咖央多士 ($22)多士烘到脆卜卜 熱辣辣入面有成寸厚嘅牛油，好邪惡超冰凍椰青（跟餐加 $25)冰凍椰青清甜又解喝

最近放工係附近搵左多好野食，係元州街行吓行吓見到蘇山雞飯門口有人等緊外賣，入面又勁多人就決定入去試下啦😁鴛鴦海南雞飯$88包左一碟三黃雞同一碗肉骨茶，加上一碗粒粒分明嘅油飯，油飯好似炒過咁好好味👍肉骨茶選用金沙骨夠多肉😋，仲有豆卜可以索湯汁食。龍蝦叻沙摻摻$88大大碗，有半隻龍蝦🦞，湯底濃厚濃厚惹味，魚蛋同魚片條好彈牙，摻摻由油麵同米粉口感特別，而且豆卜索滿湯汁咁食好正呀😋特色小食拼盤$78有Susan雞翼、雞錘、豬肉串、蝦春卷、黑椒扎肉同埋魚餅，每款兩件我哋一人一件唔使爭😄一碟可以食晒唔同款小食，唔使驚叫得大多食唔晒👍重點雞翼炸得好脆口麻辣玻璃魷魚通菜$48有唔同辣道選擇，魷魚爽口，通菜炒到岩岩好，只有啲多油🤷🏻‍♂️Susan豬手（全隻）$100切好晒咁上碟，唔需要我地自己慢慢拆肉😄，肉同皮都炆得好入味，而且豬皮有煙韌口感，食多幾塊都唔濟😋冰凍椰青$25凍冰冰多水清甜👍整體來講卡位坐得舒服，老細夥計招呼好好，食物性價比高，值得再去食

🧉🧉🐔🍖🍱🍤🍗🐖🌶🦑🥬🦞🍜朋友OT完就搵我陪佢一齊食晚飯，係長沙灣返工都有個好處就係夠多野食，佢今日就帶我去食蘇山雞飯，八點幾去到門口仲有人排緊隊，睇嚟幾受歡迎👏好彩等一陣就有位👍兩個人岩岩好有卡位坐，唔使同人塔枱😜鴛鴦海南雞飯$88🍚一次可食兩樣餸，嫩滑嘅三黃雞雞件仲有雞腎👍點埋醬汁食更加好味😋甜嘅辣嘅都有另外有一細碗肉骨茶選用金沙骨夠多肉😋，豆卜可以索湯汁食當然唔少得粒粒分明嘅油飯，好似用香茅炒過咁，好香好好食👍👍龍蝦叻沙摻摻$88🦞🍜有半隻龍蝦🦞，叻沙湯底味道濃郁惹味，油麵同米粉一齊食口感特別，魚蛋、魚片條好鬼彈牙😃而且豆卜浸滿湯汁咁食好正呀😋Susan豬手（全隻）$100🍖上碟果陣已經切好晒，我地唔需要再慢慢拆肉😄，肉同皮都炆得好入味，而且豬皮有煙韌口感，豐富嘅骨膠原呀🤩肉就有啲啲實，不過都好易咬特色小食拼盤$78岩岩好每款兩件唔使爭有Susan雞翼、雞錘、豬肉串、蝦春卷、黑椒扎肉同埋魚餅😄，一碟可以食晒唔同款小食，唔使每樣都叫搞到大多食唔晒👍小食都炸得脆口，仲有酸辣汁可以點麻辣玻璃魷魚通菜$48🦑有啲油多，望落好似將通菜同魷魚炒完，再加辣椒油，不過食落幾惹味🤣冰凍椰青$25凍

✔✔ 福建蝦麵 // $55非常足料 有炸豬皮 蛋 豆卜 蝦 腩肉油麵分量也很多湯底鮮味濃稠 以蝦殼熬制的赤紅湯底配料吸收了湯底很惹味.✔ 咖哩雞配椰漿飯 // $63香濃不辣.✔ 檸檬薏米水 // 跟餐.✔✔ 鮮油咖央多士 // $22之前試過外賣熱烘烘的多士金黃酥脆順滑而充滿椰香的咖央加上半融厚切牛油 邪惡指數 💯堂食的話夾著冰凍牛油應該也很好吃.下次再來試試肉骨茶 其他小吃拼盤和甜品

今日同朋友黎到呢間人氣海南雞店食飯，我地每人都叫左一個套餐，再加少少小食，張枱都差唔多唔夠擺呀🤣🤣食物整體都好好味嘅，啲雞肉好嫩滑，個油飯我幾鍾意食😋牛肉都幾軟腍，而個叻沙摻摻湯都好香濃呀，個鮮油咖央多士我真係幾鍾意，佢雖然舊牛油大舊左少少，不過牛油香混埋咖央醬甜味，濃郁但不算油膩，好邪惡呀🙈最重要係價錢平，食物質素高，份量亦好多，抵食😋Set 1: 芽菜清遠雞飯配白胡椒肉骨茶$ 85Set 2: 三黃雞飯配雞雜冬瓜湯$ 78Set 3: 巴東牛肉飯配江魚仔椰漿飯$ 75Set 4: 星洲龍蝦叻沙掺掺配鮮油咖央多士$ 88套餐加配小食：小食孖寶（春卷+魚餅）+ $ 22參巴醬通菜+ $ 20 Susan雞翼+ $ 28特色小食拼盤$ 78麻辣玻璃魷魚通菜$ 48恐龍美祿+ $ 9青檸菠蘿梳打水+ $ 9雪山樽仔奶茶+ $ 9熱檸檬薏米水