蘇山雞飯

營業中

休息中

今天來長沙灣接老公放工，他想吃新加坡菜，這間餐廳的下午茶供應時間是到晚上6點之前，於是我們便來到這裡吃晚餐。由於我們是當晚餐，所以總共點了4份下午茶餐，包括海南雞飯、叻沙滲滲、鮮油咖央多和炸雞翼。海南雞飯配輕怡肉骨茶：海南雞非常嫩滑可口，而且鮮美多汁，即使是雞胸，質感都依然柔軟，至於油飯的口感一點也不油膩，肉骨茶的味道則微辣，是我吃過最美味的海南雞飯之一。星洲叻沙滲滲：叻沙的辣度只是微辣，十分適合怕辣的朋友，麵條和米粉完美滲透叻沙的精華，每一口都有滋有味，而且配料都算多，有蝦、蛋、魚蛋和青口等等，以$58來說很划算。鮮油咖央多：多士十分香脆可口，牛油亦非常厚切，咖央醬亦不會太甜膩，美中不足是不夠熱騰騰，如果熱一點會更美味。Susan炸雞翼：雖然雞翼很香脆可口，可惜味道卻偏鹹了一些，而且沒有星馬菜的風味，感覺上只是普通的炸雞翼。開心果椰子奶昔：椰子的味道很濃郁，有點蓋過開心果的香氣，奶昔的質感則很幼滑，如果大家是喜歡椰子的味道，應該很喜歡這杯飲品。凍蜂蜜柑桔水：由於點了走甜，所以只有蜂蜜的味道，味道甜甜的，配上酸酸的柑桔，味道相當不錯。熱蜂蜜柑桔水：個人認為熱的比凍的更美味，因為蜂蜜和柑

是日來到長沙灣的蘇山雞飯食晚飯，見到店名就梗係要試佢地嘅招牌雞飯啦，仲有出名嘅鮮油多士🤤坐低後即刻掃code落單，叫主食加配小食飲品等有優惠價，咁抵叫多啲野食先，呵呵🤭⭐獅城芽菜走地雞配油飯雞件嫩滑鮮味，芽菜吸了雞油好香甜，加上香噴噴嘅油飯真係食得好滿足🤤⭐雞雜冬瓜湯跟餐送的雞雜湯，冬瓜清甜雞雜鮮味，勁好飲！⭐海南豬扒喇沙摻摻另外仲叫了喇沙，豬扒香脆有香茅香，喇沙湯好濃好好味，微微辣又帶奶香，好味到湯都飲晒😆⭐鮮油咖央多士熱烘烘的多士配上冰凍鮮牛油，咬落爆漿，牛油鹹味同咖央嘅甜味同時湧現，好食到無野講。呢樣一定都出新鮮食，凍左就大打折扣了。⭐馬拉盞椰菜苗最後少食蔬菜便叫左一份，椰菜苗爽脆，馬拉盞炒都幾有辣勁，正。⭐凍椰奶 & ⭐仙草椰奶冰朋友同自己都不約而同揀了椰奶😆貪佢香甜嘛～⭐特濃薄荷朱古力雪糕 & ⭐馬六甲椰子雪糕最後就係甜品，跟餐有半價太抵了，兩款口味都要了，估唔到一客竟然有三球！正！好滿足的一餐，樣樣都好食，朋友無介紹錯。

長沙灣最愛既新馬菜餐廳🍴一定推薦蘇山雞飯。週末食個靚靚下午茶，蘇山雞飯真系滿座爆棚，皆因呢度環境舒適，食物好食又夠抵食😋同屋企人就點左幾個下午茶餐，未食午餐的，直接點返個海南雞飯餐配輕怡肉骨茶 $75，豬肉飯配油飯 $65，鮮油咖央多士$30，雞翅3 隻 $42，參巴辣蝦醬通菜 $42 。真系超級豐富美味，全部賣相都好正，見到都流晒口水🤤下午茶餐都跟飲品，可以點咖啡☕️，薏米水，熱飲吾洗加$，想轉特色飲品，就加$ 轉開心果椰子奶昔 $12，都好大杯好好飲。可以坐整個下午茶時間，慢慢食慢慢嘆，絕對係週末的愉快時光🥰

食物好鬼正 性價比極高唔小心叫到成枱都係嘢食😂😂海南雞仲有喇沙湯麵大推啲面吸晒個湯底超級正！再叫埋個特色小食拼盤同朋友share啱啱好👍🏻野杯方便就不過不失整體泥講都唔錯

6月中嘅長沙灣，天氣又焗又熱，落過幾陣雨，行去蘇山雞飯嗰陣都覺得成身黐笠笠，好想搵個地方坐低嘆返餐涼快嘅。入到去，餐廳裝修走懷舊南洋風，黑白地磚、木枱木椅，牆上仲有啲新加坡小畫，燈光夠光猛，坐位都算闊落，感覺好舒服，啱晒三五知己慢慢嘆。今次叫咗招牌海南雞飯，雞肉滑溜無骨，雞皮色澤深金黃，唔使點醬都已經夠味，配埋三款醬汁（薑蓉、甜醬油、辣醬）任你揀。油飯粒粒分明又香口，唔油膩。仲有一碗冬瓜雞雜湯，湯底清甜，雞雜份量唔少，真係有誠意。成餐食物分量足，味道有驚喜，價錢都合理，難怪日日都咁多人排隊。特別要強力推介係佢哋嘅 鮮油咖央多。鮮油甘香、牛油嘅溫度同埋狀態啱啱好。

今天打卡了这家超有feel的东南亚餐厅！一进门就被浓浓的香料味包围 整个人瞬间穿越到热带雨林 🌴下午茶套餐简直绝绝子！海南鸡饭的鸡肉嫩到爆 配上秘制酱料 一口下去幸福感拉满 🥹 冬瓜汤清甜解腻 喝下去整个人都清爽了～咖喱炸鸡饭的咖喱香浓到上头 炸鸡外酥里嫩 配上米饭简直停不下来 🍛 鲜牛油咖央多士甜而不腻 烤得恰到好处的吐司夹着香滑牛油 一口咬下去太治愈了！小吃也超惊艳！脆炸凤尾虾春卷酥脆可口 里面的虾肉Q弹鲜甜 🍤 猪肉串烤得焦香四溢 肉质紧实多汁 配上特制酱料简直绝配！最后来一个新鲜椰青 清甜的椰子水瞬间解腻 喝完还能挖椰肉吃 太满足啦 🥥整体环境超级chill 服务员小姐姐也超nice 人均100+就能吃到这么正宗的东南亚风味 性价比绝了！强烈安利给姐妹们 💕#东南亚餐厅 #美食探店 #下午茶打卡 #吃货日常 #美食分享

我自己都幾鍾意食海南雞飯，而長沙灣都有幾間選擇，不過始終都係偏愛蘇山雞飯多啲，今次除左揀必叫的蘇山雞飯外，仲試下其他小食。<招牌海南雞飯>海南雞飯一上枱見到份量都幾多下。目測雞皮晶瑩剔透，而內裏的雞內白裏透紅就覺得應該唔錯，食落去肉質都夠滑嫩，而本身都已經有調味，所以唔點醬汁都夠味。而海南雞飯另一個重點係醬汁，薑蓉真係打到「蓉」的狀態，辣醬都幾辣，夠惹味，而最後甜豉油相對比較甜，建議將甜豉油撈埋辣醬或薑蓉一齊點就岩晒。而隨餐的冬瓜湯都幾大碗，夠晒清，岩晒用黎平衡醬料的味道。<獅城芽菜走地雞飯>獅城芽菜走地雞相對上就雞味較濃，另外加上唔少麻油，做到類似麻香雞的感覺。而芽菜又肥又大，夠晒爽脆，加埋豉油麻油，而家好好「送」飯。而我另外加左$10 轉輕怡肉骨茶，呢度的肉骨茶係近似新加坡口味，比較重白胡椒味道，而豬骨都有三條，啖啖肉，都算真材實料。<開心果椰子奶昔>飲品方面，我地揀左新出品開心果椰子奶昔，見到綠色已經知道用左唔少開心果，而椰味都夠重，係而家大熱天時飲岩晒!<小食拼盤>小食拼盤包括蘇山雞翼、脆炸鳳尾蝦卷、泰式魚餅、同埋

滑lukluk嘅海南雞，米飯嘅油度剛剛好。配上雞雜冬瓜湯，清清涼涼，解膩又暖胃。😝咖央多士，大大舊牛油，🧐加上脆卜卜嘅麵包皮，冰火交融，口感具層次，入口即化。咖央油條加薄荷朱古力雪糕🍦同上面咖央多唔同，佢整得細細粒，冇牛油入邊，將佢點上朱古力加雪糕，作為成個餐尾聲，挺好。小食拼盤 一次滿足有雞翼、泰式魚餅、脆炸鳳尾蝦春卷、豬肉串，魚餅帶點微辣，帶有青椒的獨特風味，今令味蕾享受不同層次的刺激。😝😝

長沙灣街坊一定食過呢間蘇珊雞飯，最近出咗椰子雞煲，今日好奇過去一試。我覺得係好食過大陸嗰啲椰子雞煲同綠色連鎖嗰間椰子雞煲。餐廳整開雞飯，所以雞肉質素一定有保障，皮爽唔肥，雞肉滑嫩。店員雞煲時話呢個椰子雞煲，係用成隻椰子水去整，冇加任何一滴水。建議我哋一打開，可以飲吓個湯先，湯頭非常好飲，椰子湯香甜。不過一開始飲會有少少酒味，因為佢個煲叫火焰雞煲，所以淋左d 茅台酒係煲上面。整啲火焰出嚟，但隔一陣飲個湯既酒味會揮發，淨係得返椰子嘅香甜味。另外雞煲會配沙薑，辣椒同青檸俾你點雞一定要試用青檸 沙薑豉油去點雞煲嘅雞，係非常之夾！$168半隻雞，仲要有飯有杯嘢飲，又好坐，我覺得好抵食。個口感同味道係好似大陸好食嘅椰子雞煲，加上價錢唔係貴，所以好推介。同場都有食佢經典嘅海南雞飯配雞腎冬瓜湯一樣咁出色👍🏻 海南雞肉嫩唔肥膩，加碗雞腎冬瓜湯好夾。蘇珊雞飯呢間舖頭啲飯唔係一大煲飯煲出嚟，佢係幾碗飯一個煲咁煲出黎，所以粒粒分明又有油香，同少少斑蘭味，同普通海南雞飯嘅油飯唔一樣，但都好食。佢做到招牌所講嘅，一碗回味雞飯。

最近喺長沙灣，試咗蘇山雞飯嘅海南雞飯套餐，整體感覺幾樸實舒服。雞肉切片擺得幾整齊，皮脂帶一點光澤，肉質似乎夠嫩滑，啖啖都食到雞嘅鮮味😊。雞旁有薄薄一層香菜同小青檸，令味道多咗啲清新感。飯係偏深色嘅油飯，粒粒分明，帶輕微雞油香，同雞肉一齊咬落去幾match👍。旁邊嘅湯碗係清雞湯或者冬瓜雞雜湯，色澤清透，好似冇落太多調味，但可以暖吓胃。至於三款沾醬，分別係薑蓉、沙薑同雞醬，薑蓉香氣突出；沙薑味濃；雞醬則偏鹹香，將雞肉沾一沾，層次感立刻出嚟😍。店內座位唔算多，裝潢簡約，用木枱有少少懷舊風，光線明亮，食飯心情幾輕鬆。今次叫咗一份海南雞油飯餐連湯同奶茶，三樣嘢都係套餐價大概70左右，以長沙灣地區嚟講算係正常價位。奶茶茶味順滑，甜度適中，餐後啜一啜幾舒服☕。總括而言，蘇山雞飯嘅海南雞飯走樸實路線，份量足夠，價錢親民，啱想食一頓簡單雞飯嘅時候去打卡。下次可以試埋佢哋嘅肉骨茶或者叻沙🥢。

海南雞飯，雞肉嫰滑，雞皮就略肥，雞油飯軟硬適中，跟餐冬瓜湯，味道比想像中好喝，有驚喜，這個下午茶套單價錢正套份量，讚!星洲叻沙掺掺，油麵和米粉份量各半且都很入湯味，不硬也不太軟，配料的蝦新鮮，魚蛋和魚片就一般般，長的豆卜很吸收了湯味好吃，加上通菜，這碗吃完很有滿足感，不錯。鮮油咖央多士，一厘米厚的冰軟牛油可飽足你肚子，咖央甜度OK，多士放涼了依然好吃。咖啡不放糖也好喝，奶茶一樣，就是奶茶不夠奶香也不夠茶味，但整體不難喝，起碼沒加糖也可以。

認識蘇山係因為有個 youtuber 大聲讚頌，話超好食，點樣點樣勁。所以今日雖然烈日當空行到去都好大汗 ，都敵唔過我啲為食肚蟲， 其實由荔枝角地鐵站或者長沙灣站行去都唔會超過 15分鐘，所以慢慢行都係一種享受。去到排緊長龍，但因為疏導得快好快就 triage 咗 ，分咗一個兩個人 一張枱嘅 little table， 一定唔會投訴因為晏晝一點鐘點會 唔使逼呀 。叫咗兩份餐一個正常海南雞飯($75)， 一個 獅城走地雞 飯 ($78) 加十蚊 有排骨湯。啲飯正常嘅不過如果再多啲油香味我相信一定會打贏好多人， 跟餐叫咗一杯熱同一杯 凍嘅薏米水( + $3)； 薏米水其實冇乜味，薏米都唔算好食，不過佢杯有兩片檸檬你揸啲檸檬水落去就會好飲少少。兩種雞都算好食，三皇雞真係比較滑同埋香； 走地雞冇咁香但肉質好似瘦啲 ，啲皮就健康啲。跟餐正常湯我覺得 ok， 食完唔覺口渴應該冇落味精掛， 呢一個可以讚。另外嗰碗加咗十蚊嘅排骨， 話就話好似肉骨茶咁樣但係鹹死我啦， 可能有人鍾意㗎但係打死我都唔敢再試第二次。總括嚟講都算唔錯幾十蚊有個海南雞飯味道又唔差，不過就唔覺得好似 online 讚到上有地下冇

收工經過呢間主打海南雞飯嘅小店#蘇山雞飯， 環境光猛闊落，價錢實惠，就入去食個便飯。質素幾有驚喜～食飽都即刻同朋友群內介紹！✅海南椰子雞鍋（半隻）＋油飯（餐）姐姐比個計時器我⌛️，話啲雞一滾仲要焗多陣，一打開椰子香氣撲鼻，不加一滴水，椰子雞鍋湯底以椰子的香氣和濃郁的雞肉湯為基礎，飲一啖清涼又解渴，一啖接一啖系一種享受😋椰子肉同雞肉同樣美味👍🏿配上三種醬汁 分別係海南雞甜豉油、辣醬同蒜蓉醬，仲有橄欖，回味無窮😋✅招牌海南雞＋油飯（餐）海南雞皮薄肉嫩，雞肉富有雞油， 味道香濃，唔使沾上醬汁都已經好鮮味。黃油飯由鮮雞精華炮製,，油香豐腴，  味道一流。👍✅雞雜冬瓜湯+冬OT✅特濃薄荷朱古力雪糕飲落去比一般朱古力清新，食物質素唔錯，唔怪得晚市咁full 喇!!

前排去完新加坡，有d掛住獅城既美食，所以約朋友去食新加坡菜。餐廳裝潢帶有南洋風格，坐低傾計都舒服。我地各點咗一個餐同一款小食，再加一杯特飲。獅城芽菜走地雞飯揀咗跟油飯，跟餐送既冬瓜雞雜湯清甜解熱。碟雞本身去咗骨，雞肉鮮嫩多汁，口感滑順，配埋特製的醬油，充滿南洋風味。海南豬扒咖喱飯既豬扒外酥內嫩，薯仔亦好入味，用埋咖喱汁撈飯，好快就清哂成碗飯。至於小食，夜市沙嗲串有雞肉同牛肉各兩串，牛肉串幾厚身，咬落唔嚡口雞翼係3隻雞全翼，每隻都大大隻，而且皮脆肉多汁，食落好滿足。飲品分別係凍恐龍美祿同開心果椰子奶昔，後者椰子味香濃，飲落好清新。

🥢獅城芽菜走地雞主角——獅城芽菜走地雞。雞肉選用走地雞，肉質鮮嫩多汁，雞皮油亮，口感滑順，配上特製醬油，甜中帶鹹，令整體味道更加豐富。芽菜清脆口感更為這道菜增添層次～🥢油飯油飯——另一個亮點，米飯油香四溢，粒粒分明，米飯香與雞油完美融合，令人食唔停口。🥢輕怡肉骨茶肉骨茶湯色濃郁，香氣撲鼻。排骨口感軟嫩，經過慢火煮製，骨髓鮮甜完全釋放，每一啖都感受到滿滿幸福。🥢夜市沙嗲串（四枝）鍾意小食既一定唔可以錯過夜市沙嗲串！燒至外焦內嫩，醬汁濃郁，肉質鮮美，辛香味十足。入口散發沙嗲醬香、配搭鮮嫩肉質，有驚喜！🥢星洲喇沙摻摻大大碟配料超豐富～有齊豆卜、魚片、魚蛋、蝦、芽菜同通菜。湯底香辣味道非常適中，充滿濃郁椰漿香，淋上特製喇沙醬，味道更加豐富。豆卜吸收湯汁精華，軟滑可口，魚片、蝦肉鮮嫩，整體口感極佳。🥢鹹魚茸怡保芽菜鹹魚茸之鹹香與清新芽菜配合得剛好，令人回味無窮。🥢巴東牛肉配江東椰漿飯牛肉經過醃製，口感滑嫩，肉味濃郁，配上香濃椰漿飯更是絕配。🥢特色小食拼盤拼盤包括雞翼、泰式魚餅、脆炸鳳尾蝦春卷、豬肉串，每一樣小食都有其獨特魅力。炸至金黃酥脆既春卷口感極佳，而泰式魚餅之香辣味道更是令人驚喜。🥢飲品冰