蘇媽.蘇媽馬來西亞茶餐室 (已結業)

深水埗有好多特色小店，我間唔中收工都會去深水埗搵食。今日大年初五，去踫踫運氣睇下呢間人氣馬拉餐廳開左未先！ 有開呀！仲要好多人㖭😆 現在只是 6pm 左右。好彩唔駛等好耐就入到去，一坐低，黎個肉骨茶先！百吉爹肉骨茶（一字骨）$46肉骨茶無限refill, 一字骨肉質柔軟又入味，好味檳城白咖哩麵$48麵質有蛋香及算彈牙，白咖哩湯底我覺得太淡了，而蝦就ok 新鮮爽口，唔似平時食開既急凍蝦。其他配菜就一般啦冇乜大驚喜！上面附上既辣醬我就一早拿開了，占少少我已經覺得超辣，建議唔食得辣既人就唔好挑戰喇！馬拉沙嗲串燒/3串 (豬/雞）$40我每次去都必點😋 個沙嗲醬實在太好味喇，由於個醬太濃，有時都唔係太清楚食緊咩野肉haha, 但燒得好好味！！椰香咖央多士 $22平時都好少食到咖央味既野，所以呢件多士令我覺得好新鮮呀！多士中間夾住既咖央醬係綠色架😂😂 不過唔理咩野顏色，好味就得啦😆檸檬麥芽薏米水 $19呢杯薏米水係意料之外地好飲，淡淡既檸檬味，又唔會太甜，食完辣野飲一啖，好爽呀～下次會再去試下其他美食😝 當然最希望唔好太長龍啦～

好耐之前食過喺桂林街嘅另一間唔知係咪都係蘇媽嘅分店唔駛排隊 但細間好多 嘢食好一般終於揾到機會試過正宗蘇媽蘇媽！夜晚9點左右到 少啲啲人 不過都係要等幾張枱兩個人試唔到好多嘢食🥺🥺🥺叫咗一個麵兩個小食做宵夜招牌✌🏻好多人叫又平 必食！多士烘到好脆咖央好濃味足料 啖啖都食到🥳唔會好甜太漏餐牌上寫配通菜不過無晒所以轉咗生菜魷魚好爽一啲都唔韌不過個汁太辣 我本身唔食辣 所以食咗幾啖無食了🤫鍾意食辣嘅應該會覺得幾香佢都係餐廳推介之一 可以試試足料！好多牛肉仲有薯仔 都沾滿醬🤩個醬撈埋油麵好食 不過對於我嚟講都係辣咗啲....不過牛肉係好淋嘅🤪🤪食咁多辣嘢 唔叫杯凍飲解辣唔掂🥺偏甜 唔會得檸檬酸味 好多好食嘅薏米粒🥳仲有好多好多嘢想食！搭枱嘅招牌老鼠粉一上枱打開蓋好香！！下次等夜啲少啲人再試🥰

🤪好彩呀今日！盡快嚟架喇我🏃🏻‍♀️行左40分鐘嚟到已紅暗地裡打算「人多就食返隔離番茄麵啦」。嚟到街口遠望，咦！🤩冇人群既？冇人等位既？點知行到嚟，我從未見過面得3個人企係門口等位（仲要有兩個係一齊）咁即係我第三啦🥳好！一於等你🤤望住個餐牌實在好多都想食，一個人肚仔空間有限，最後揀左...「百吉爹肉骨茶（一字骨）」👈🏻將個一字骨既肉點落佢教既自溝醬（生蒜，辣椒仔，頭抽，黑豉油）度真係好好好好好好味呀😋😋😋😋😋「百吉爹肉骨茶（雞腳）」👈🏻雞腿普通，唔會想再食「椰香咖央多士」👈🏻好多醬呀！唔會好似其他店咁hea搽，全件搽滿晒，啖啖都食到厚厚地既醬，好正！不過一個人啪晒係有點多囉。希望下次再嚟食到其他🤤仲有好多野想試架😂😂😂好想講我食完走既時候，門口已經目測有幾十人等位！好誇張呀！

試過之後, 真係連一般都唔講得, 個人和家人都覺得好難食, 仲要價錢唔好, 估佢唔倒, 暈...尤其是嗰碗喇沙，係我食咗喇沙咁耐最難食嘅, 入面d料又冇嘜, 又細碗, 仲要四五拾蚊碗...食完出門, 我唔會望回頭嗰隻。

又要試新野 又再一次唔洗點等位15分鐘就入左去 全部都係搭枱既 但都唔太逼 坐得ok舒服我地兩個人叫左四樣野分別係 百喜爹肉骨茶 辣惡你嗎配仁噹牛肉 馬拉沙嗲串燒 檳城白咖啡肉骨茶初初食到好lost有d人放肉入湯 有d人就咁飲湯分開食肉 各自修行啦D肉食落係有少少柴少少失望辣成你嗎配仁噹牛肉正 牛肉夠辣 d飯粒粒分明 但最好食係個蝦片 有得就咁買蝦片都想買幾包🤤串燒惹味 色香味俱全 唔乾 唔會咬唔開唔種白咖啡個人覺得好好飲 但朋友就覺得偏甜怕咖啡苦既人真心可以試最後食左咁多野都係二百幾我覺得價位可接受🤘🏼

蘇媽.蘇媽馬來西亞菜，如咖哩、粉麵、小食等等，裝修仿照馬來西亞當地茶餐室，一份懷舊風情，門口兩道木門。店內及店外面：-特別註明「只此一家、暫無分店、提防假冒」路過深水埗星期六下午5時多，門外已經有很多人在等位，先拿個籌號，幸好很快就有二人雅座了職員說：在這張餐紙上 tick 食物餐牌內 Bak Kut Teh 百吉爹玉骨茶，可單點一款，例如豬手、三層肉、豬肚、雞腳、皇帝骨等等，或要一份大雜錦，有齊各部位，我點了 豬腳彎 （$48）先來 肉骨茶，味道鮮甜，藥材味不太濃，可惜不夠熱！豬腳彎 ，有少許肥肉，味道一般般招牌「辣死你嗎」可選擇 雞肉、牛肉、、、特別d , 點了 魷魚 （$50）椰漿飯加了斑蘭葉和香茅，配料有齊魚乾仔、花生、雞蛋、青瓜、蝦片參巴醬及椰漿飯我 .... 一點辣也不能，吃少量而已，魷魚味道有點差，哈哈😄估計冰封了 ... 當然要試試馬來西亞拉茶 （$12）味道剛剛好，可以吧！椰香咖央多士 （$22）賣相不錯，椰香配搭偏甜的口味，多士夠脆，好吃，咖央醬挺多，就是 椰香在那裡？馬拉沙嗲串燒 3 串（$40）豬、牛、雞選擇了 雞，大大粒雞肉，份量多, 豐富，喔！汁太甜 ！太甜

為咗無國界醫生, 你可以去到幾盡? 是緣今日要領無國界野外定向選手包, 黎到深水埗覓食, 無乜IDEA, 跟住OPEN RICE走, 估唔到可以揀到高分無伏既蘇媽蘇媽😍 穿過熙來釀往既深水埗大街🏢🏬🏗️越過重重人群, 黎到街市附近既蘇媽, 係下晝3點幾既TEA TIME 都係一樣一大撮人係門口等😮蘇媽蘇媽既門口似足當舖, 差在未有個「押」字係度, 黑底金漆招牌加埋左右對聯, 仲有點題式既置中活動門, 二叔公就係入面等緊你😛😛 下晝3點等枱都要十張度, 不過轉枱快, 等左20分鐘已經有得坐。大家係等既時候已經係外張既MENU极好晒食乜👍入去只需要係塊膠牌度劃好呈交比蘇二叔公😂🤣 小二先來肉骨茶兩碗, 藥味唔重, 似老火湯, 少咸啱熱天開胃🤗🤗叫咗皇帝骨, 原來係大大塊好似牛扒咁既肉黎上枱 (見識少, 佢唔同既骨類應該係對應豬🐷既唔同部位), 舖頭有4步曲指示教你點應乎個肉骨茶, 成個消費體驗真係將飲食昇級咗去買LV, GUCCI咁既環節😲😲個人就好歡喜佢將個蒜、椒、黑豉油、頭抽整得靚靚仔仔比你慢慢混😏😏混好再用佢藍字白瓷碟仔, 將啲入味豬肉同混醬痴纏起黎, 再送入胃部🍽️🍽️ 再黎係咖央多士,

朋友上次自己一個黎淨係飲到個肉骨茶，覺得好味，仲想試其他食物。今日平日，打算一齊去食個lunch。去到大概一點，撞正辦工人啲午餐時段，要等十幾張枱。但係等候時間無想像中長，大概20分鐘。兩個人點左三樣嘢食，係飽肚嘅。相入面嘅無人枱只係咁啱岀現。我哋食lunch 嘅全程都係坐無虛席，走時仲有人等緊位。茶水部。。。繼續繁忙。。。。點左「皇帝骨肉骨茶」，快快手咁同朋友mix 好個醬。自己唔好蒜，無落，朋友覺得落晒全部先好味。我覺得走蒜都好ok。頭抽咸、黑豉油甜，撈埋一齊好食。我鍾意辣，放左兩小匙辣椒。「皇帝骨肉骨茶」$54叫左肉骨茶係可以無限添飲㗎，我哋每人飲左兩碗半。茶唔算好重藥材味，係易入口嘅。豬肉點埋上面嘅汁，甜甜辣咁，好食。肉骨茶套餐（加$12）係會跟飯同一杯飲品。但最尾個飯係食唔晒架🙈馬來西亞拉茶（熱）（跟餐）上枱時個杯面有堆泡泡，諗住快快手影低佢，點知啲泡係會留一陣嘅。拉茶已經有糖，但唔算好甜。我唔係奶茶咖啡控，個人認為茶味重過奶味，好飲！椰香咖央多士 $22皮夠脆，咖央近乎「零死角」好似每啖都有，但又唔會覺得「漏」。砂煲老鼠粉$68老鼠粉應該就係平時食嘅銀針粉。上枱時好好睇，有

是日在附近有事情要做，愛人在網上搜尋附近的食店，發現了這個蘇媽．蘇媽，趁着時間還早未到晚上六點，門口只是8至10人，以為很快就可以入座，結果也要等了半小時。因為在門口等了很久，已經一早看了餐牌，很多東西也好像很好吃，結果最後點了太多。地方不大，所以必須搭枱。椰香咖央多士，多士醬料很多，不會太甜，味道很好！肉骨茶十分推介，肉嫩可口，肉骨茶味道鮮味，而且仲可以添飲。馬來西亞奶茶不過不失。砂煲老鼠粉，就是本地香港的銀針品，配上香蔥丶肉碎丶銀魚丶雞蛋，味道十分出色！檳城亞參喇沙米線，這個味道我覺得不是太出色，有點酸，而且十分辣，愛人辣到出汗，下次再來我不會點這個了。愛人一向也很喜歡吃串燒，而我一向也不是太喜歡，今次這個串燒另外有點喜出望外！肉嫩多汁，醬料可口！檳城香炸滷肉卷，這個不過不失，內裏有點肉及濃濃的香料。整體這小店，食物十分出色，必定會再來。

幾個朋友食過話好食不過要排隊食我就懶啦今日lunch唔知食乜好就諗住試下佢一開舖嚟食唔洗排皇帝骨肉好淋，湯夠濃👍🏻一坐低就可以任添肉骨茶我地飲咗2大碗😆炸鹵肉卷好脆，正🤤咖哩雞汁好味，雞肉一夾就散味道軟普通，好一般😅魷魚通菜呢個真係無咩特別，一般😅串燒個沙嗲汁好正，一定要食👍🏻🤭豬牛雞豬同雞較好味拉茶老公話一般😅食完大概12點零開始又有人排隊建議可以早起嘅人一開舖就嚟埋單200幾唔算貴不過食物又唔太特別，未必再嚟啦

無去過馬來西亞既我淨係去過新加坡食馬拉野 深水埗依間蘇媽蘇媽令我諗起係新加坡食既馬拉野 一樣可正宗咁入味 叫左每次黎到都一定會叫既砂鍋老鼠粉 入而既肉碎蛋同汁撈埋真係世界級 再叫左多士～都幾好～不過唔算impressive 另外叫左蝦湯麵～個湯底好香 好正 但略嫌油左少少再叫左肉骨茶飲 我覺得中藥味好重 我自己麻麻～但可以無限refill 魷魚就當小食咁食都幾好～～不過就都幾辣下 唔食辣既就唔建議喇 下面仲有d菜 仲辣～～～

🤗今日醒少少特登打電話去問一問有冇開先至搭車去🤣，去到門口企咗十五分鐘已經有位唔算太多人😁，但係當我入去坐嘅時候門口已經好多人等候😜當然有留意openrice睇咗其他人嘅食分享😉知道一定要食老鼠粉同埋多士仲有肉骨茶呢三樣嘢今日都試過曬😛其實一坐低服務員即刻已經倒咗一碗肉骨茶畀我哋飲任添嘅😋😬 其實我覺得佢免費任添嘅肉骨茶仲好味過自己點選嘅肉骨茶😂😂😂😂因為自己點嘅肉骨茶裏面真係好少肉骨茶反而肉就有四舊幾好食嘅唔錯嘅👍😋👍😋就咁睇餐牌其實價錢係合理嘅食過就知道係非常合理✨😬老鼠粉真係真材實料好好味值得推薦👍👍👍👍😋價錢合理😋😋😋😋👍👍👍👍反而肉骨茶我就覺得有點兒少囉完全不成對比🙄不太正宗希望有待改善喔！😅😁多士唔錯既值得一試🤗我地會再去食既因為服務好，價錢合理，味道不錯。😋😋😋😋😋😋😋😋😋😋😋😋

深水埗經過見到一間馬來西亞餐廳菜單的圖片睇落10分吸引就入咗去食。椰漿飯唔係白飯加椰漿仲加咗班蘭葉，所以飯就青綠色賣相幾好，有淡淡的班蘭葉香味，配上咖喱牛肉、小魚乾、花生、青瓜等等，味道好豐富，無平時碟頭飯咁悶。咖哩香而不太辣，幾岩我口味，牛肉幾大舊啖啖肉，燘到夠諗好好食！另外叫的玻璃魷魚通菜好特別，比起平時魷魚更爽口，醬汁唔會蓋過海鮮味，通菜新鮮無渣，幾開胃的一碟菜，深水埗想食到又平又唔錯嘅馬來西亞餐廳可以試吓呢一間！

今日因工作關係要在深水埗吃午飯，於是便去試一試蘇媽這間享負盛名的馬來西亞餐廳。我到的時間是12:55，但門口已經有很多人在排隊，不過因為我得一個人，所以等左6-7分鐘就有位。我叫左檳城咖喱雞肉老鼠粉同凍檳城白咖啡，之後同同一枱的一位客人夾份叫左個椰香咖央多士。平心而論，個老鼠粉雖然咖哩唔算好入味，但都相當惹味，而啲薯仔非常入咖哩味，稱得上係成道菜的精華。老鼠粉的口感亦十分煙韌，係值得一試的。不過相信雞肉係用左雞胸，所以完全唔滑。至於個多士就幾特別，不過其實主要係咖央多士少地方有，依度唔係俾其他地方好食。總括來講，蘇媽係唔錯的，但你話去到要排隊的級數我又覺得未至於。

假日黎食深水埗呢間馬拉野 離深水埗站都要行多5-10分鐘到 去到已經有人排緊隊 我地2個人 排左大概5分鐘到就有位 裡面環境唔錯 雖然人多 但係坐個陣都唔會迫 見到個餐牌樣樣野都好吸引咁椰香咖央多士 正玻璃魷魚配通菜 啲菜好食過魷魚😞馬拉咖喱雞肉撈麵 呢個一般般 食到最後先有啲咖喱味 撈得唔暈 椰汁斑蘭冰 幾特別下次去會叫肉骨茶 兩個人食幾樣已經飽曬 埋單16x算抵食 會再幫襯